早幾日book咗位同朋友嚟呢度食omakase 點知原來七月份都仲有優惠延續，第二位半價。最後我哋兩個選擇咗$1580嘅套餐，估唔到嘢食特別之餘份量都非常十足，食到捧住個肚走 頭盤同出面嘅唔同，出面一般都係刺身，佢就係有芝士同埋魷魚🦑 食物刺身方面都非常新鮮，但係名就唔記得啦，都係比圖大家欣賞吓啦 我覺得最特別就係刺身加蛋黃，從來未有試過有呢個食法，但係食完除咗飽肚之外，佢亦都俾咗一種新嘅味蕾衝擊我，有機會大家真係要試吓！

由於我好懶，唔係成日寫食評，所以拖咗好耐先上嚟寫返令到我不得不寫嘅係除咗師父Kingston好Nice之外，食物亦都好出色！絕對冇因為價錢調整令到食材質素下降呢個亦都係點解我一直支持嘅原因 今次叫咗$980 set 每一道壽司都非常之出色，亦都好新鮮，但係由於我係金魚記憶，所以已經唔記得咗啲魚嘅名😂大家看圖啦！ 最後師傅仲拎咗啲好靚嘅sake珍藏出嚟比我地欣賞添😍😍😍🙁

見到網上介紹呢間燒肉，梗係要去試吓啦！雖然等位有啲耐，但係入座後發覺非常適合一個人嚟食，因為都係面對着回轉帶！🤭🤭一個人食，一啲都唔尷尬 今次揀咗個和牛套餐，唔好睇佢份量咁少，佢啲肉質非常新鮮，對於細食嘅我嚟講非常足夠，仲有一碗飯！但係由於我鍾情牛舌，另外都叫咗牛舌！20幾蚊真係好抵今次真係飽飽了！呢個價錢食到呢個質素嘅和牛，真係要推薦下俾大家

11點經過呢邊就比佢個餐牌吸引咗入去！可能因為太夜嘅緣故，淨係得返我哋一台客有啲覺得唔好意思阻住人收工哈哈！不過老闆娘話無所謂！咁好啦，我都唔客氣啦 炒福花 因為我鍾意食辣，所以特別要加咗辣，唔鐘意食辣既可以唔洗理！雖然叫做加辣，但係亦都係好辣個種！福花爽口唔會淋，夠鑊氣 避風塘大蝦 唔知老闆用左咩配方，佢唔肯講但真係好香口，食完唔口渴之餘仲好好送飯。蝦身好彈牙唔係死蝦👍🏻👍🏻 餐牌無既秘制帶子 本人覺得最出色既唔係佢既帶子，而係帶子下面炸過既飯，真係停唔到口🥰佢個醬汁有少少Wasabi，真係好正 蜆肉炒米粉 如果米粉乾身啲會更加好，但係味道依然都係唔錯，可以一試

今日經過佐敦，見到呢間出面裝修唔錯，而且最吸引嘅就係二人同行，一位半價！ 兩個餐都好足料，又有炸物又有飯，我地追加左多個三文魚腩刺身，又估佢唔到幾新鮮套餐味道嚟講都算唔錯！哇一聲又唔會 但環境靜靜地又舒服，服務態度都幾好👍🏻支持小店

同朋友抱住一試既心態book左呢度既lunch omakase試下佢咩料先 今次每人簡左$888 omakase set 前菜(黑豆、蟹肉水雲、炸魚仔) 味道好fresh,幫我打開味蕾 之後有4款刺身 麵 無乜特別，可飽肚！入面有幾塊肥牛 九件壽司 有一件唔記得影相但整體嚟講好新鮮，最欣賞師傅一樣野就係佢落鼓油唔重，唔會蓋過魚生既鮮味！ 件拖羅落左少少海鹽，一見到個顏色都已經覺得好好味啦要放大比大家睇！海膽係用左北海道既海膽，好鮮甜無腥臭味

情人節正日諗都無諗就book左去田舍家食晚飯🥰 當然去到一定full晒啦，個個都一雙一對🤭 首先嗌咗啲小食開開胃口先 炸蝦仔 好脆口又鮮甜 一口芝士脆 芝士燒過入口即化，好正 雞泡魚乾🐡 唔記得影相😆不過送酒一流！ 本身就坐2人枱，之後見入面有位所以就搬左入去，可以同師傅有交流😄 蟹肉海膽 真係得一口㗎咋，不過海膽食落好鮮甜，同蟹肉好夾🫶🏻蟹肉係毛蟹，係季節所以非常出色 日本真蠔 本人鐘意食爽口啲既生蠔，所我呢隻岩我，唔會太creamy 刺身拼盤 叫得拼盤梗係有幾款啦😙一共有八款刺身 有啲魚就真係唔記得左叫咩名🥹因為飲左酒 不過總括然而係好新鮮，一啲都唔腥！ 喜之次 我本身就唔係好鐘意食熟既鮮，但見到每一台都叫咁應該真係好出色，所以我都見左唔汁輸唔洗講，真係好好食。魚身好滑一啲都唔腥。鐘意魚既朋友一定一定要試呀！ 燒蘆筍&青椒仔 好新鮮既蔬菜，無乜特別 烤飯團🍙 好似食粢飯咁，口感QQ 飯後果 日本水果無得彈 點少得我最愛既香檳🍾️ 祝大家情人節快樂

最近聽朋友講有一間用腐乳做菜式嘅西餐廳，梗係有興趣啦！因為我自己本身都好鍾意食 腐乳！！ 過咗lunch time唔使排隊，就可以入座啦侍應好親切，我估係老闆，就帶咗我上樓上一層坐底。食lunch梗係想靜靜地啦，上層一個人都冇，可以俾我安靜咁享受美食 聽介紹我就試咗佢哋嘅signature，腐乳卡邦尼意粉！上菜有驚喜⋯⋯冇諗過西式意粉同中式腐乳可以咁match 之後再叫咗個炸雞配薯條，薯條我怕熱氣，但係冇諗過佢攤凍咗唔會淋仲要好脆口！雞肉同出面嘅炸雞都好唔同，唔知點樣講，但係配上佢特製腐乳醬汁真係一食難忘 最後都叫咗一杯梅味嘅咖啡，酸酸甜甜好得意

其實經常都會過沙田美登利食壽司，一嚟方便，二來價錢性價比高質素又唔差！ 但係可能呢排海膽唔係當做季節，所以味道有啲偏差！但係整體來講都唔錯！ 每次嚟都會食佢嘅前菜、章魚同埋鮟鱇魚肝，味道酸酸甜甜容易入口！壽司方面質素都唔差，但係今次冇影晒相 嚟咗咁多次終於有赤背類刺身，味道都幾鮮甜

由於平時堂食質素唔錯，所以有2次就叫外賣送到屋企。但無諗過2次外賣啲菜都係又咸又燶 呢個係花椰菜加蝦乾，完全係燶到唔食得人。外賣既話真係希望佢地餐廳會注意下 因為真係失望