興記菜館

營業中

休息中

除左打邊爐，講到天氣凍必食之選煲仔飯真係當之無愧！呢日咁凍，心思思去油麻地湊下熱鬧！ 一到廟街已經見到勁長龍，但興記共有4個鋪位，排左30分鐘左右已經入座，除左煲仔飯，呢度重有煲仔粥同海量既海鮮小菜，梗有一款岩你！啫啫通菜煲+蠔餅+豉汁炒蜆基本上枱枱都有叫，我地都唔例外，小菜好快就到左，一上枱又香又夠熱，凍冰冰黎真係好正！ 不過地道嘢嘛，坐位比較迫，唔好expect係打卡餐廳靚靚咁lol蠔餅啖啖蠔肉，甘香鬆脆；炒辣蜆足料相當惹味；啫啫通菜配少量蝦醬上枱熱辣辣！最後老字號煲仔飯又點會令人失望，幾十款任你揀同配搭，最後揀左滑蛋牛飯+排骨滑雞飯，聞到都已經唔想俾相機先食！ 梗係要加埋懷舊枝裝汽水先夠正！⚠️呢日為例，約晚上9點重有30人左右排緊，想去既朋友仔要留意返 @leetaitai_foodie

秋風起, 最好食煲仔飯，上次由外國朋友帶我這個本地人來🤣。今次點了蠔餅, 章魚肉餅煲仔飯及牛肉滑雞煲仔飯。三人食剛剛好, 蠔餅真的好好味， 外脆內軟。反而章魚肉餅煲仔飯有點咸。另外餸是比較少。但服務員態度很好! 讚

油麻地出名食煲仔飯，興記是其中一間比較出名的店，在廟街亦有很多分店，當日我地叫了一個土魷肉餅煲仔飯，梅菜肉餅煲仔飯和蠔餅 (小）。梅菜肉餅煲仔飯煮得軟硬適中，而且有適量的飯焦，惟肉餅強差人意，肉質沒有口感，沒有肉味，就像粉團一般。梅菜亦都只是額外加上去，頗老，有渣。 魷魚煲仔飯魷魚亦不太多，亦是額外加上去，而肉餅亦是粉團一般。蠔餅反而有驚喜，炸粉不會太厚，吃完不會有超級熱氣的感覺，而且蠔肉的份量亦足夠，不過略嫌不夠鮮味。興記分店需多，但味道卻無甚驚喜，名過其實。

我覺得煲仔飯應該是我其中一個最愛吃的香港菜了！這次因為朋友介紹，她就帶我來了這家吃飯。真的超級好吃！煲仔飯吃起來就是跟蒸的不一樣！我最喜歡的就是底下超級脆的飯焦！而且加了醬油後更好吃！我很喜歡他們家的北菇滑雞煲仔飯，雞肉有肉汁不乾，米飯有碳燒的味道，更蒸出來的米飯就是有著不同的香味和口感。我們另外還點了一份蠔餅，我覺得更台灣的蚵仔煎比起來是更好吃的！這餐廳是大牌檔，所以衛生和環境不能跟大型商場裡的比較，這裡卻有另一種風味喔。

今個冬天咁凍！又係時候去食啲暖立立熱辣辣既野食啦！食煲仔飯就岩晒啦！行到廟街見到好附人排隊果度就係啦～雖然好附人排，但人流都好快，等左半個鐘就入到去食啦首先叫左個蠔餅，炸完即刻拎過黎，好熱好脆，我同男朋友兩個人完全唔夠食！要叫大份既先夠食呀之後叫左兩個煲仔飯熱辣辣上黎，記得要小心個蓋呀 好熱架我中意食梅菜肉餅，好夠味，啲飯焦好脆好香口同埋其實我自己小喜好，我中意豉油撈飯所以完全係my favourite!

呢日黎到油麻地買飛睇戲，見仲有個零鐘先開場，就走入廟街搵野食，難得見到興記未full，即刻坐低左先慢慢睇餐牌。興記嘅煲仔飯不嬲都係即叫即煮，而加嘅興記有幾個舖位，橫跨左2條街。有一個舖位係放滿左爐，專係用黎煮煲仔飯，其他舖位就做食飯地方，平時都多人到幾間舖都逼爆左，仲要喺廟街路邊加枱。今日我地2個人趁未係多人，好快就order左個黄鱔田雞煲仔飯先，然後先再諗食乜菜，最後見到其他幾枱人人都叫左煎蠔餅，於是就叫左個細份試下。煎蠔餅：半煎炸到金黃香脆，真係岩岩炸起就好快上菜，啲蠔仔大大粒，好新鮮黄鱔田雞飯：平時好少食到，所以特登叫黎試下。個飯有少少煮燶左，但啲燶味還可以接受。黄鱔都幾滑，食落好香，如果可以多啲就好啦！田雞都比市面上食到嘅較鮮甜，而且口感唔會太鞋蝦醬炒通菜鮮魷：味道不過不失，啲通菜同鮮魷都好新鮮，不過有啲咸！但黎廟街最緊要chur返支樽裝可樂！爽！但總括黎講都係充滿香港特色，係香港既味道！

其實呢餐都成個半月前🤣個日突然心血來潮想食煲仔飯於是就去左廟街嘅興記菜館兩個人叫左一個#細蠔餅 ($40)蠔餅似炸得耐左少少 唔係金黃色蠔仔都唔太多 有少少失望另外叫左#章魚肉粒飯 ($48)章魚縮水 但好彩肉粒都夠大粒整體上可以接受嘅💁🏻‍♀️_________________________裝修環境：✨✨✨服務態度：✨✨✨食物質素：✨✨✨(5個✨為滿分)________________________唔信我嘅可以自己去試試😂

六點幾左右黎到，唔算太多人，可以即刻入座。走嘅時候大約七點半，馬路旁已經有人龍，估唔到咁多人！其實係為蠔仔餅黎，但見呢到出名煲仔飯，就嗌多個試下～.蠔仔餅（細：$40）等左15分鐘終於有得食，好餓～上下夾埋兩塊，炸得好脆，👍🏻蛋味香。凍得好快，要食快啲～不過蠔仔唔太多，而且唔太大隻。.北菇滑雞煲仔飯（$48）等咗半個鐘～煲仔飯啲飯好軟，粒粒分明，幾特別。啲菇好味，雞都好滑，但多碎骨，同全部都好細舊。啲餸唔夠送飯～啲鼓油基本上唔甜😢總結：蠔餅都可以試下，煲仔飯冇特別。野食都要等好耐，可能太多人～

BB好識叫餸，我倆都超級肚仔餓，因為煲仔飯，一般都要等一陣先食得，所以他叫咗碗芥菜豆腐魚湯，兩個人飲完剛剛好，再叫多個足料蠔餅食，味道一流啦，應該用咗好幾隻雞蛋來煎的！

秋風漸起,煲仔飯食評開始在OR出現,想吃煲仔飯念頭同樣漸起,即時拿起電話找飯腳,我的HonHon們很快在谷裡和議,煲仔飯團快速擇日進行,以免放涼。以"煲仔飯"三個字來搜尋,熱門地點不離廟街兩家或旺角的銓滿記,以風味來說又以廟街的較為好玩。在廟街幾家煲仔飯而言,以四季及興記兩家長龍店不會太著意的招徠,另一家以前以豬骨粥著名的反而最進取,要不是早已鎖定目標,我也會被阿姐的落力而光顧其店。到達時間尚早長龍店也不用排隊,穿著印有店名制服的員工安排就座後送上碗筷湯匙各一,只是塑膠湯匙似乎不及鐵匙方便。在興記點餐超級方便,除了桌上幾張尚算不油膩的餐牌外,牆上也有字體更大的供客人瀏覽,不但有齊中英文還有日文,可見慕名而來的外地客人不比本地人少。整晚絡繹不絕送到的炸蠔餅我們也有一份,只是兩片炸得金黃的蠔餅沒有太鬆脆的外觀,外層脆漿脆中有軟的不算很厚,加入雞蛋蔥花後的外層總算過關。主角蠔仔大大隻的夠飽滿份量還可,在客人角度當然再多一點蠔仔更佳。年紀大要多吃菜,只說要炒芥蘭看看會以什麼材料去炒??原來是以蒜蓉快炒,只是在不大碟中的芥蘭似乎太少了,名符其實有無芥蘭菜??幾株尚算粗壯的芥蘭炒得有點黃,是否加水

對上一次食興記，已經是一年前帶台灣朋友前來。當時朋友興奮地指著旅遊書，更說興記是香港之行的必食餐廳之一，作為由細食到大的我來說，興記只是其中一間老店號，睇著價錢由10多元變成30多元，也算是另類的感嘆。事隔一年，突然憶起煲仔飯，便到廟街找興記。閒日不用等位，不過假日晚飯時間就比較多人，幸好分店夠多，通常等15分鐘就有位。附近幾間興記都是一樣的，老闆會集中人龍排隊，邊間有間就入邊間。蠔餅愈加愈貴，不過依然見人人都點一盤。煲仔飯款式多，分幾種價位，最平2字頭，最貴都要成4字頭架。興記都有小菜，見外國人食海鮮居多，不過個人就覺得貴左少少，叫碟菜就算。椒鹽雞脾菇炸得香酥，外脆內軟，咬落非常多汁，而且不油膩，比想像中好得多！蠔餅非常香脆，每一口都「索索聲」，蠔仔大粒多汁，不過就略嫌蠔仔太少，而且油較多，整個碟底都是油。滑雞臘腸煲仔飯不錯，開蓋落豉油焗一焗，再打開時煲仔飯香味四溢，雞件都算多，而且非常嫩滑，大讚！不過臘腸太油，咬時會爆油，雖然油脂夠香濃，但真的太不健康。飯底金黃飯焦不粘煲，食下去又香又脆，是整個飯的精粹所在。

點解可以差到咁聞其名專程黎食，其實唔係第一次食，上一次食都好地地，隔一排返黎添食，就變到咁....d排骨又少又無味，滑雞算滑但都係無味，蠔餅不過不失，仲係好油油油油油油....最衰就係加價...但質素變差，真係好失望，個日落雨，我已經入鋪食，成地水之餘，遮周牆掛，變相又滴水....唉無下次

一放工就同朋友去左廟街搵野食, 都係煲仔飯抵食.由於已經試過四季, 今次去興記試下屋企留左野食的關係, 我地點左一個飯, 蠔餅同菜朋友見到蠔餅貴過四季係咁話好貴啊, 但其實2邊都加左價同價我地入去時6點3, 得我地一枱, 可能太早吧1. 蠔餅: 落麵粉同蛋煎, 同四季蜂巢式蠔駱唔同. 蛋餅邊位脆, 夠多蔥, 蠔仔唔算多, 但都JUICY. 可惜無味. 2. 蒜蓉炒生菜: 好多水......似烚多過炒, 完全無炒過的香味, 好怪3. 北菇滑雞煲仔飯: 好多餸, 鋪滿飯面. 雞滑嫩滑, 冬菇大大件, 好正. 煲底有D飯焦, 加埋SOY SAUCE, GD. 朋友就嫌飯焦多左D, 我就覺得OK蠔餅我PREFER四季, 因為煮法脆好多煲仔菜我PREFER興記, 因為多餸興記仲有好多小炒小菜, 環境好D煲仔飯, 蠔餅呢D, 2間價錢差唔多食物水準各有千秋

本人是以遊客身份和大家分享當一踏入廟街想吃興記煲仔飯真的讓我們有點混亂，一條廟街怎麼會有那麼多間興記，最後還好iphone 裡有openrice的app ,看看地址才找到這間人人介紹的興記。晚餐當天我們11人。工作人員就帶我們去到一個在樓上的座位。一上到去感覺整個衛生不是很好。當天點了3個大的蠔餅，兩個瀨尿蝦，兩個炒蜆和6煲不同的口味的煲仔飯。先說說他們的蠔餅，是我第一次吃到類似的蠔餅外脆內軟，口感很好，蠔餅是當天最快被吃完的菜餚，再來就是炒蜆，之前吃過其他的炒蜆明顯這家的炒蜆沒什麼特別和蜆帶有一點腥味，瀨尿蝦味道還不錯可是真的沒什麼肉可以吃這道菜算是只品嚐味道而已。最後就是主角了6煲飯裡有鹹魚雞粒，蒸肉餅，海鮮，牛肉，。。。。只有一個鹹魚雞粒是我們11人都同口說好吃的其他的就像海鮮煲仔飯真的欠缺了海鮮味整煲飯裡吃到的就只是醬油味道。本身不吃牛肉所以不能給任何評語，聽朋友說算是不錯了。而我自己就點了蒸肉餅煲仔飯。這煲東西就是肉餅还肉餅，飯還飯。。。飯根本就沒有肉味就像白飯。所以對我來說說是不好吃。最好一定要說說這家店的的服務真的有夠“差”。。。阿姐點菜都有種很兇的語氣，食物也很遲才上桌

朋友說很想食煲仔飯, 而且只想吃興記的煲仔飯= =好吧, 排了半小時的隊, 還和排前面的台灣旅客聊了一會兒的天叫了我最喜歡的鳳叉排骨煲仔飯~我覺得呀, 煲仔飯最好吃的就是用排骨煮的了~這里的煲仔飯嘛~還可以囉= =窩蛋牛肉飯也不錯, 不算有驚喜, 算蠻好吃的~西蘭花炒豬頸肉, 有鑊氣!!!椒鹽軟殼蟹, 好吃!!!實在想不到這里的椒鹽軟殼蟹會咁好吃~下次可以試下其他的椒鹽食品蠔餅還不錯~~粉漿開得不會太厚, 蠔仔好吃~