興記菜館

時隔八年再度踏足這間曾經熟悉的餐廳，心中滿是期待，卻在入口瞬間化為失落。記憶中那令人魂牽夢縈的香氣已不復存在，取而代之的是迎合遊客的商業化氣息。點了一份招牌牛肉煲仔飯加蛋，上桌時便覺不對——以往總能親手將雞蛋打入滾燙的砂鍋，看著蛋液在米飯上緩緩凝固的儀式感，如今竟變成預先打入的成品蛋，煮得過老如同橡膠，失去了半熟蛋黃與醬汁交融的靈魂。牛肉更是令人扼腕，既乾且韌，嚼之無味，與記憶中鮮嫩多汁的滋味相去甚遠。米飯香氣寡淡，鍋底不見金黃酥脆的飯焦，溫度也只是溫吞，全然沒有砂鍋料理應有的熾熱溫度。這頓飯吃得五味雜陳，不只是味蕾的失望，更是與美好回憶的告別。或許這間承載著青春記憶的餐廳，終究只能在時光流轉中，成為又一個被時代洪流改變的註腳。…查看更多

每次經過這家煲仔飯店都見到門前長長人龍，週末大約六點多就會開始多人排隊，所以星期六特登提早過來，五點多剛開門營業就入座了，成為店內第一枱客人。菜單上有超過五十款煲仔飯，各式各樣中式小炒小菜，菜式種類非常多。由於飯店主打煲仔飯，基本上每枱客人都必食。這次我們兩個人叫了兩個煲仔飯加一份小食，再配兩支可樂～臘腸潤腸煲仔飯 $90港式潤腸臘腸口味，一上枱臘味香氣一湧而至，面層加上蔥花點綴，潤腸臘腸油香氣滲入米飯，加上鍋底焦香鬆脆嘅飯焦，令米飯香氣提升至更高層次。煲仔飯豉油甜中有鮮，為煲仔飯加分。免治牛肉煲仔飯 $85 （加蛋$6元）窩蛋牛肉飯的視覺感真係好豐富，牛肉醃漬過味道不錯，軟嫩度適中，拌上蛋黃後口感滑嫩，與潤腸臘腸相同，整體來說味道有香氣不錯，只是少了油香氣，米飯香氣再提升一些會更好。興記煎蠔餅 $80（小）炸蠔餅即叫即炸，外皮炸得鬆脆又唔算太油膩，不過蠔仔略嫌比較細小，但份量尚可，沒有腥味，每啖再配上蒜味濃郁、辣到適中的蒜蓉辣醬，令這道小食更加出色。整體來說，飯店環境尚算乾淨整潔，但座位較窄較迫必須搭檯。雖然人多，但上菜速度頗快，而且菜色選擇非常多，值得再次回訪，試試其他菜式。…查看更多

天氣突然跌六度🤭梗係心思思食煲仔飯捉住冬天嘅尾巴第一時間就諗起廟街煲仔飯👉🏻蠔餅（細）👈🏻 $80完全唔夠香脆，表面仲有少許油非常普通🫠反而個辣椒醬幾好食👉🏻田雞白鱔煲仔飯👈🏻$120白鱔好夠油香，份量都足夠田雞個樣有啲驚，好少見到出邊上菜會上背脊骨嘅位👻個樣有啲嚇親但食落田雞肉都好滑😛熟得啱啱好可以自己落豉油份量甜豉油再配埋飯焦🥰超正總結：絕對唔係性價比之選，都預咗係食遊客價平時都係天氣凍先想食煲仔飯😗Tatal:$200 / 2個人現金冇單…查看更多

最後一次，以後都唔會去幫襯 服務又唔好 大聲又惡 啲阿姐唔理人唔應人 好一啲小昆蟲飛飛下，好得人驚 用錢買氣受 煲仔飯有燶又咸到死 超難食 仲係招牌 可笑到極 嗰肉有一浸雪 難入口最重要主打既小菜都難以入口 佢個蠔餅 幾差G食左一啖就感覺上佢係泡油黎煮熟 但求快捷應付食客 油益味勁到 食左一啖就要嘔出嚟懷疑啲油係萬年油好日都唔會換 唔好食 環境唔衛生 食完冇耐個胃開始唔舒服…查看更多

這份外賣餐點色香味俱全。米飯粒粒分明同埋有飯焦，搭配香嫩的章魚雞粒，味道濃郁。炸蠔餅外脆內軟，香氣十足，口感非常棒。湯品清淡可口，瀨尿牛丸彈牙，讓整體餐點更加豐富。搭配必點的醬料增添風味，是一頓令人滿意的美味享受！…查看更多

咖喱雞煲仔飯都有，有好多款煲仔飯選擇，我就揀咗好基本嘅臘腸排骨煲仔飯，屋企人揀咗白鱔田雞煲仔飯、陳皮黃鱔煲仔飯，個個都食到舔舔脷！份量唔係好多，但係好夠飯香，煲仔飯餸滿滿，材料十足，即叫即做夠新鮮，上枱熱辣辣，加上濃濃豉油汁，的確好好味！今日排隊唔係好多人，屋企有人坐輪椅佢哋都招待，仲安排咗一個出入比較方便嘅位置俾我哋，等到煲仔飯上枱，掛住食唔記得咗影相！平均都要$80-$100一款煲仔飯，視乎選擇嘅材料啦！我哋都試咗佢個爆汁瀨尿牛丸！味道OK，不過冇驚喜！價錢都唔平，$30有2粒，$55有四粒！到此一遊，可以唔使食！叫咗兩款小菜，分別有蒜蓉蒸蝦，同埋椒鹽泥鯭！椒鹽泥鯭有驚喜，夠鮮味又夠香！蒜蓉蒸蝦啲蝦好細隻，不過味道都唔錯！經過附近，唔怕排隊，又好鍾意煲仔飯嘅，都可以一試！不過就冇乜驚喜感覺啦！…查看更多

很多人用餐。但是等待时间太久了 ！ 加上煲仔饭，一半的饭都硬在煲上了 ！劲硬, 完全吃不到。感觉火候掌控不好。而且还贵，性价比不高。Quite a red flag restaurant, high price, but not well cooked. all the rice sticked on the pot, hard, can't be eaten.…查看更多

叫咗一個細蠔仔餅同埋兩個煲仔飯（北菇滑雞煲仔飯，臘味排骨煲仔飯）蠔仔餅非常酥脆，好食。煲仔飯嚟嘅時候有一個唔夠熱，做唔到飯焦，有啲失色🥲臘味排骨煲仔飯 比左原條潤腸同臘腸，仲有一舊臘肉，好香口🤤 但可惜潤腸同臘腸無剪開，飯吸唔到d 潤腸同臘腸味，臘肉亦硬得濟，咬唔開，只能👅下d 味。排骨中規中矩👍北菇滑雞煲仔飯，北菇厚身有口感，唔錯但份量太少。雞就。。。非常細件，好多碎骨係d 雞同飯到，每一啖都有骨😵食得唔爽，非常唔推薦🥶…查看更多

今天帶了從韓國來的朋友們到這間煲仔飯名店，因為韓國知名美食家白鍾元曾來這裡拍攝並推薦，所以大家都非常期待。餐廳位於廟街，周圍有多間分店，場面非常熱鬧，氣氛十足。北菇雞煲仔飯淋上煲仔飯豉油後，香噴噴的飯焦味撲鼻而來。雞肉非常嫩滑，冬菇也充滿菇香，飯焦份量十足，口感香脆。不過豉油偏鹹，建議不要淋太多，以免蓋過其他食材的原味。蠔仔生滾粥蠔仔十分新鮮，完全沒有沙粒，份量也非常足夠。生菜爽脆，搭配胡椒粉一起食用，味道更加豐富，令人回味無窮。啫啫通菜煲雖然冬天不是通菜的當造季節，但這道菜依然炒得非常有鑊氣。醬料份量適中，不會過鹹，通菜的份量也很足，整體口感清爽。蒜蓉蒸蝦蒜蓉和豉油的香氣非常突出，但並未掩蓋蝦本身的海鮮味。蝦的份量也很足夠，肉質鮮嫩，是一道令人滿足的菜式。…查看更多

🍲 蠟腸滑雞煲仔飯 HK$80・味道：臘腸油潤，滑雞嫩但係冇乜雞味🐔，飯粒分明但豉油冇乜味，而且飯焦唔夠脆，只係黏住一齊～・口感：份量比較細，遊客店喱囉唔值$80，試一次就夠😬～🦪 興記煎蠔餅 小 HK$70・味道：炸得夠乾爽脆口，但粉漿為主多，冇乜蠔仔，好似食緊炸皮咁🫠～咬落好重空氣感，食咗陣風咁XD，點豆瓣醬會冇咁齋嘅～・口感：咬落唔算油，都OK～・・・・・・・・・・・・・・・・・・・・🤰性價比：中～🤰9衝度：可試～🤰結論：條隊好長但有好多分店，所以好快就入到去～…查看更多

一間擁有五十多年歷史的的店舖，其馳名的菜式當然是煲仔飯和港式炒小菜。光顧的客人亦遍佈不同國藉是次進餐時看到有韓國人、日本人甚至外國人也有。溫馨提示：如要到訪敬請提早前來排隊，因為越夜會越多人輪候時間亦較長😅。 排隊同時最好預先落定單，因為製作煲仔飯等候時間最少起碼20-30分鐘。以下是跟友人點選的食物：🐟白鱔煲仔飯一打開煲蓋已聞到飯香味，賣相亦相當吸引，面層舖了適量的蔥花椒絲和白鱔，底層是粒粒分明的飯，食煲仔飯第一件事當然要淋上豉油啦！店舖提供的豉油唔算好咸所以建議可以落多一點，加色之餘食落口感會更香口。拌勻豉油後就可以食了。在拌勻的過程中小編發覺其飯焦主要集中在煲周邊，飯焦份量佔了正常飯份量的一半，而正常飯集中在煲中間。仔飯亮點是飯焦其亦是相當脆身香口，但食多了會覺得越食越硬好難咬😅食到個口好累。 鱔的質感爽口唔腥吸上豉油味後味道更佳。🐔北菇滑雞煲仔飯雞件份量適中質感嫩滑淋上豉油後味道會再提昇😋。飯的質感跟鱔煲比較的話略為好一點但整體其實差不多😅。🦪炸蠔餅招牌菜式之一，份量可選擇大或細。是次跟友人選了大份😬。四件大大件蠔餅遞在面前場面都幾吸睛，外層酥脆香口的炸粉混入蠔仔再沾上秘製的辣醬一齊食味道香而不辣，蠔的味道完全唔腥，外型仲好飽滿（可惜小編掛住食漏了影相🫠）另人不其然一口接一口。必食之選👍🏻❗🦑蝦醬通菜炒鮮魷香噴噴的蝦醬味傳入我的鼻😏。菜和魷魚份量適中。魷魚口感唔夠煙韌只是帶點爽口還有少少雪藏味，但調味方面比相像中好起碼唔會好咸，適合佐飯。…查看更多

冬天凍凍地去食碗煲仔飯，成個人都溫苙苙.叫左章魚雞粒加條爉腸 煲仔火侯適中 有少少飯焦 米飯乾身粒粒分明 鍾意飯焦人可以等耐少少再食.啫啫通菜 份量好足 有鑊氣 好惹味 配飯食岩岩好多人要預時間排隊 6點幾排好快有位.因為掛住食都無影相…查看更多

秋風起，又想起熱騰騰的煲仔飯了！在油麻地的興記煲仔飯店，更是經常光顧的店舖，每次有外國回來的家人和朋友，都喜歡帶他們到這裡吃飯，不僅能品嚐香港地道小菜，更能體驗大排檔飲食文化。必點 - 啫啫通菜煲是我們每次來必點的菜式，搭配香濃惹味的蝦醬翻炒。每一口都能感受到蔬菜的鮮甜與香氣，令人停不了口。椒鹽粟米點了一個新品 - 椒鹽粟米，切成半條的栗米，撒上一層香辣的椒鹽，辣味加上栗米原來的甜味，香脆之餘還十分惹味，讓人忍不住一口接一口。無論是作為下酒菜或小菜，都是絕佳的選擇。必點 - 鼓椒炒蜆新鮮的蜆與鮮香的鼓椒一起翻炒，味道鮮美，口感滑嫩。每一口都能品嚐到海鮮的鮮甜，搭配米飯更是絕配。蒜蓉蒸聖子皇這道蒜蓉蒸聖子皇以簡單的蒜蓉和粉絲一起蒸煮，蒜香四溢，粉絲吸滿海鮮的鮮味，聖子肉質鮮嫩，蒸至恰到好處，是海鮮愛好者的最愛。臘腸排骨煲仔飯臘腸和排骨，配上香噴噴的米飯，煮至底部微焦，形成誘人的鍋巴。每一口都是幸福的滋味，讓人回味無窮。必點 - 油鴨脾煲仔飯油鴨脾與煲仔飯果然是絕配，油鴨脾的油香滲透進每一顆飯粒，令飯粒更加香。肉質鮮嫩、醬汁濃郁，搭配米飯，簡直是味蕾的饗宴。這家煲仔飯店不僅長期吸引大量外國遊客，更是不少本地人喜愛的飯店，可說是油麻地的美食標誌。興記菜館 (油麻地)📍油麻地廟街12, 14, 15, 17, 19號地舖…查看更多

附近睇完戲後搵食，經過見到很多人便一試。叫左煲仔飯，選了雞，幾滑而煲底飯焦都好味。椒鹽肉排，少少辣但惹味。粉絲雜菜煲，正常清淡，當然要叫支啤酒啦！幸好座位靠牆坐可以慢慢傾和食。…查看更多

今次嚟到廟街食打冷🥰🥰呢間係好出名食煲仔飯🤩🤩不過今次我食左幾個小菜🤤🤤魚香茄子煲呢個送飯一流魚香味夠濃😄啫啫雞煲雞嘅肉質夠滑嫩夠味道❤️肥美炸大腸皮脆內軟入口多汁🥰🥰同埋必叫炸蠔餅一定要點魚路🤤🤤👍呢間係我多次嚟食嘅其中一間餐館👍💪佢嘅小菜，海鮮，保仔飯💪✌️其實都遠近馳名！✌️‼️下次可以食埋炸軟殼蟹‼️今次冇叫到下次一定要食食到舐舐脷🤤🤤🤤#食評 #美食 #旺角區 #廟街 #打冷…查看更多