露面手工拌麵料理

營業中

休息中

今日去咗試位於灣仔的露面手工拌面料理。這家店一直都很出名，今次去我都俾佢驚喜到！首先，嫩雞白布湯闊麵，這個湯真是奶白鮮甜，雞味十足卻不會太濃太鹹。雞肉軟嫩入味，而且還有超多的蔬菜，吃起來超有口感！闊麵又柔軟又細緻，完美吸收了湯汁的美味。這碗麵我非常喜歡！接下來是油潑辣子魯肉Biang Biang麵，這碗麵香得不行，但又不會有油膩感，辣子醬的加入讓麵條更有風味，魯肉的肉香和麵條的口感完美結合。還有秘製香槽醉雞，這個菜真是酒香四溢！醉雞的味道剛好，不會太濃烈。鮮嫩多汁的雞肉入口即化，完全吸收了醉雞的香味，每一口都讓我回味無窮。粒粒巴蜀雲吞也有驚喜！雲吞超大顆，裡面的餡料超飽滿！辣椒的香氣十足，但又不會太辣，恰到好處。最後我們試了芥香麻醬雞絲粉皮。粉皮嫩滑細膩，雞絲和粉皮混合著麻醬一起吃，口感超讚！除了美食，這家餐廳的環境也很舒適，整個用餐空間乾淨又舒服，讓人感到放鬆。總括而言，今次的體驗非常之好！尤其是嫩雞白布湯闊面，令我留下非常深刻的印象。我一定會再去幫襯！

💚露面手工拌麵料理💚▫️ 油潑辣子魯肉 biang biang 麵$55Biang biang麵其實就係薄版刀削麵😂 麵質冇刀削麵咁好咬，但都唔差。小編叫咗小辣，食得幾舒服，不過辣啲應該會再惹味啲。佢有好多半肥瘦滷肉同冬菇做配料，所以都幾豐富。btw 叫得油潑就預咗要油🤣▫️麻麻辣辣牛展biang biang 麵 $68呢款麵另外有清湯。呢個小辣都幾辣，所以唔太食得辣嘅朋友就唔好揀呢款。麵質同上述一樣，唔再講。牛展份量都多，但肉質偏韌，麻麻地。▫️ 芥香麻醬雞絲粉皮 ＄42推介👍 超低卡路里同埋人人都讚就決定食🤣 呢款麻醬比一般嘅清爽同冇咁濟，所以食得幾輕鬆。總括而言，食個快飯會喺唔錯嘅選擇，但如果專程嚟食就可以不了。

見到網上推薦左依間店舖 去開附近就幫襯下。 位置相當易搵 係修頓球場附近 大街上 一眼就會睇到。 入門即刻見到LED上寫著「做人呢，最緊要開心」 真係岩哂依間疫情既慘淡既心情。 今次叫左「傳統開揚蔥油拌麵」（$40） 同埋「芥香麻醬雞絲粉皮」（$44） 。 等既時間唔長 ， 首先上既係「芥香麻醬雞絲粉皮」。 份量比想像中大份抵食，接近一個主菜既量。 味道方面，麻醬味道相當濃烈， 對於偏好食淡啲口味既人黎講有小小咸，但夾埋粉皮都可以中和下啲既， 雞絲口感幾滑，唔會好「鞋」。 最後上既係「傳統開揚蔥油拌麵」。份量不過不失， 夾埋雞絲粉皮真心大份😅勁飽。 味道方面，蔥油粉量相當多 加埋麵食係好香絲味。 不過可能因為個人口感偏淡味， 這種食品吸引 但不會成日黎食🙌🏻 價錢上麵相當抵， 如午餐去開依頭都不妨可一試。

即使疫情下，是朋友總要露面吧，於是相約食手工麵。餐廳環境簡潔，座位多而寬闊。餐牌上有不同的麵粉和小食選擇。⭐️野生松茸鮮雞湯$38天氣轉冷，有燉湯飲，正，充滿菇菌的味道和香氣，松茸營養價值高，湯健康不油膩。⭐️芥香麻醬雞絲粉皮$42吃雞絲粉皮重點在於醬料，而店裏的醬比平時吃到的芝麻醬稠杰和味道濃郁。⭐️啖啖魚肉酸菜魚$68估不到餐牌上有酸菜魚，是一個套餐，一大碗酸菜魚，配料除了有鯇魚和酸菜，還有白蘿蔔和豆芽。可選白飯，而我選配了手工拌麵，麵叫Biang Biang麵，賣相像闊條麵，有嚼勁，及包一杯指定飲品。⭐️菠蘿青檸蜜（熱）指定飲品可選冷熱甜度，菠蘿味不重，但也不酸，大概是配搭了些蜜糖。⭐️鮮茄牛腩拌麵$55足一個大蕃茄，味道很鮮甜，牛腩份量合理，炆煮時間剛剛好，很入味，麵是擔擔麵，質感Q嫩，試過其中兩款麵後，不愧為每天新鮮製作。

叫到成枱野食，上到枱先知樣樣都好大份，好足料！而且整體食物都有質素，性價比高。巴蜀粒粒大雲呑 $35 以為類似紅油抄手咁，原來只係無浸湯既雲呑加辣椒油。粒雲呑真係夠大粒，好足料，好食！加埋秘製辣椒油好香好惹味！（唔夠可以自己再加）現場見到有同店員包緊水餃，望落都好大隻。芥香麻醬雞絲粉皮 $42 粉皮彈牙，麻醬比較杰身，撈埋雞絲青瓜絲同芝麻，多重口感，正！溫馨提示，因為太多料，所以要小心啲撈，唔係就跌晒徙左拉。野生松茸鮮雞湯 $38 雖然賣相同餐牌上有點差異，但松茸片幾多，仲有件煲到入口溶化既雞，飲落好鮮甜。油撥辣子魯肉Biang Biang麵 $55 餐廳主打手工麵，呢個Biang Biang有點似刀削麵，麵條粗身有嚼勁，夠掛汁。個魯肉係半肥瘦，夠入味，仲有冬菇粒，兩者size差不多，食起來口感豐富，味道唔錯，我再加埋秘製辣油撈埋食仲正！啖啖魚肉酸菜魚 $68 呢個麵餐好抵食，仲跟埋杯菠蘿青檸蜜。不過我見另一個叫左Biang Biang麵，呢個就加$3轉波菜寬麵。酸菜魚上枱果陣都覺得好大碗，但原來碗麵係另上！真係好足料！魚片好多，雖然唔算好嫩，但都可以接受。另外仲有蘿蔔條，大豆芽等等。

今日係灣仔經過呢間餐廳，主打手工麵食，岩晒我呢啲麵桶食😋😋見到價錢合理，就入黎試下.▪️ 啖啖酸菜魚套餐轉波菜寛麵$71呢度嘅酸菜魚都算幾正宗，但唔係好夠辣，魚肉方面係用鯇魚，夠肉質嫩滑又無咩細骨，仲有芽菜酸菜墊底，亦波菜寛麵係另上既，唔會俾湯汁整到個麵太淋身，套餐仲包括飲品同小食，我就+18轉左野菌松茸鮮雞湯飲，個湯好驚喜，好香野菌味加埋雞湯好補身👍🏻.▪️秘製香糟醉豬手$55鍾意醉雞/醉豬手既朋友，呢個係必點，酒味超香又醇，豬手就偏硬身，不過仍然好入味。.▪️秘製香糟醉雞$58見豬手咁好味就食埋個醉雞，醉雞仲正過豬手少少，除左酒味濃之外，最正係雞肉煮到剛剛好，骨位仲有啲啲血，但肉位就完全熟晒，仲好滑🙏🏻.▪️芥香麻醬雞絲粉皮$42估唔到呢間既小食同樣出色，雞絲粉皮既粉皮係用粗粉皮，有咬勁，雞絲份量不少，重點既麻醬好香麻油味，好正宗既味道😍.

大家去灣仔莊士敦道時通常去某著名嘅大街？或者去個間開咗好耐嘅酒吧？🍎發現一間外表不顯眼嘅餐廳，靜靜林位係一個角落手工拌麵料理？蝦米東東個肚有位就試試😋·一入門口就見到有顯眼嘅牆壁燈飾，寫著：做人呢？最緊要係開心😆你餓不餓呀我煮碗麵俾你食啊即刻腦海中浮現一個事業有成嘅人回家得到家人煮一碗暖暖嘅麵慰籍百般情緒，湧上心頭·2個人啱食完野，點少少野食算啦😆油潑辣子魯肉𝔹𝕚𝕒𝕟𝕘 𝔹𝕚𝕒𝕟𝕘 麵 $55芥香麻醬雞絲粉皮 $42滑溜溜香芋鮮奶 $28·🍜 油潑辣子魯肉𝔹𝕚𝕒𝕟𝕘 𝔹𝕚𝕒𝕟𝕘 麵我地就點咗小辣，真心唔算太辣味道非常香口。Biang Biang 麵來自陝西，一種改良版嘅麵，不同於傳統厚實嘅口感～biang biang麵更為薄身，相對都更為有嚼勁。雖然相機食先📸咗好一段時間，麵都變得較為杰身，但拌隨著魯肉和些許醬汁，漸漸慢慢溶化。魯肉肥瘦均勻，肥肉唔係油到溜油個隻，連唔太鍾意食魯肉嘅我都接受到❣️🐥 芥香麻醬雞絲粉皮雞絲處理得非要幼細，一啲都榎口，配埋香濃嘅麻醬同青瓜絲，再撈埋粉皮一齊食，涼涼地又爽口，有麻醬嘅原因又唔會口寡寡⋯店家列依道菜為低卡首選，只有298 𝕜𝕔𝕒𝕝！最後嘅滑溜溜香芋

灣仔好多人口，食物選擇一直都唔少最近行過見到開咗新嘅麵店，係聽過但未食過嘅biang biang麵，抱住好奇心就同朋友坐咗入去食😂裝修都幾靚，有啲霓虹燈嘅裝飾麻辣雲耳，唔算好辣，汁幾夠酸好啱我口味油撥辣子魯肉biang biang 麵好抵食呀呢個大大碗本身好驚啲麵好厚好滯但係無，麵質好滑同好帶汁魯肉一半肥一半瘦，魯汁係稍稍偏甜嘅口味好開胃同好味嫩雞白布湯闊麵又係好抵食，食到呢度已經決定去開灣仔麵都可以mark實呢間了闊麵厚度大嘅係餃子皮咁，好滑同容易食湯底就有雞肉嘅鮮甜，可以飲埋芥香麻醬雞絲粉皮雞絲份量好慷慨，青瓜絲都好多同新鮮咬落嗦嗦聲🤣飲品都幾驚喜百香茉莉寒天茶幾清新，甜度仲可以揀，幾貼心滑溜溜香芋鮮奶芋香味好勁，用咗真芋泥，牛奶都係用鮮奶，好香濃😍靠近門口嘅燈牌午市嚟食都好抵，附近返工嘅話可以參考吓👏🏻

今天來探索中國的北方麵食先點了芥香麻醬雞絲粉皮粉皮不會煮過頭QQ有質感加上濃厚麻香味是道不錯的開胃菜野生松茸鮮雞湯雞肉口感嫩滑松茸味濃郁很滋潤沒有味精的感覺溫度夠熱接近燙口冬日暖身之選鎮店招牌是蟹皇拌麵一盤拌麵加上一碗濃郁的蟹皇湯藏著絲絲蟹肉以及溶化了的蟹膏濃濃的蟹味配上口感彈牙的手工麵底絕配油潑辣子魯肉Biang Biang麵是北方的麵食油香配上少許辣味喜歡魯肉必點Biang Biang 麵有特色在香港比較少見香芋鮮奶滑溜溜芋泥口感綿綿密密極品陳年龍鳳檸蜜喝下去喉嚨很舒服對喉嚨發炎很有舒緩作用

某日有事到香港島區，正在找晚餐時見到灣仔這間露面手工拌麵料理的麵店，每天新鮮製作手工麵，看似蠻吸引就試一下。餐牌選擇多，有拌麵、湯麵、小食、雲吞、水餃等。鎮店蟹黃拌麵這個是鎮店之寶，必點。麵底加入大閘蟹肉和蟹黃來拌。蟹皇醬橙黃而有光澤，有甘香豐腴的蟹膏和絲絲的蟹肉，手工麵煙煙韌韌，但略縑黏在一起，如果條條分明更能掛上多點蟹皇醬。高湯小雲吞蛋麵小雲吞真是皮薄餡靚，內裡包滿肉餡，充滿肉汁，尾部有散尾。而蛋麵偏幼身，爽滑彈牙，我更喜歡這個蛋麵。芥香麻醬雞絲粉皮沒想到份量超大的，爽口青瓜絲切得幼身，粉皮嫩滑，再加上雞絲，麻醬和芝麻醬，口感豐富又開胃，特別喜歡醬汁夠多，而且偏傑身的更濃郁，好味。極品陳年龍鳳檸蜜有話梅和咸檸檬，味道很濃郁，而且好潤喉，不是很想見的飲品，也很推介大家試一下。整體食物質數滿意，那些姐姐們服務態度非常好，坐得舒服。

好開心終於能同好友一起飯聚，這間位於灣仔莊士敦道電車路的「露面手工拌麵料理」地點方便，現在舖頭人流不算太多，很多外賣電話，相信手工麵現場食是完全兩回事😁口水雞$58這碟口水雞有驚喜，雞質滑溜，椒香辣味慢慢滲出，後勁的微辣很醒胃。芥香麻醬雞絲粉皮$42芥香的味道真的很少，反而我覺得麻醬香濃，粉皮較為爽脆，混在麻醬汁很稠密掛在每根粉皮上再夾上青瓜絲立時感到清新解膩。老壇酸菜湯小雲吞$42湯底好濃郁酸酸味味夠鮮甜，小雲吞一口一啖，很出色！鎮店蟹皇拌麵 $98當然要試一試鎮店蟹黃撈麵啦，非常簡單利落的擺盤，整碗蟹粉倒落白麵撈上，口感非常豐富滿足，吃到有粒粒蟹膏和少許蟹肉，再加上少許醋，完全把蟹粉鮮味吊出來，個人喜歡再濃稠一點就更加完美。滑溜溜香芋鮮奶$28鮮奶底是沒有甜味的，加上滑溜溜的香芋蓉調在一起，變得絲滑。好鍾意香芋蓉溶化在鮮奶攪拌中一起飲。

在灣仔跟朋友吃飯，經過這家覺得乾淨整潔，感覺比較安心。一人拌飯套餐 $82朋友點的一人拌飯套餐，包一份主食選了巴蜀口水雞。巴蜀口水雞擺盤精緻，雞肉滑嫩，一個人份量剛好，兩個人分著吃也可以多吃些其他的。另包一碗滷肉飯，味道不錯，飯多，適合男生！飲品加$6要了巨峰茉莉寒天茶，可以點少甜少冰，不會太甜，寒天增加口感！麻麻辣辣牛展Biang Biang麵 $68愛辣的我自然要了大辣，不過覺得口味偏香港人辣度，也不算辣。牛展軟腍入味，不過麵條有點偏軟，如果彈牙一點會更好。巴蜀粒粒大雲吞（5粒） $35雲吞足料，頗為飽肚，夠惹味！極品陳年龍鳳檸蜜 $30這杯味道很濃郁，也很健康，難怪點餐時連店員也說這杯好喝！芥香麻醬雞絲粉皮 $42這份小吃份量也很足，尤其我喜歡麻醬很多，吃到最後還是有滿滿的麻醬呢！整體辣味比較一樣，沒有想象中辣但可以自己再加辣，比較喜歡小吃類呢！

今日在灣仔工作，收工後順便買些外賣回家。家人比較喜歡吃中菜，灣仔一帶有不少餐廳，今次試了這家新餐廳。餐廳裝修光猛企理，每台之間都用隔板分開，乾淨衛生。晚市外賣有不少選擇，例如手工拌麵、湯麵、水餃、雲吞等選擇，外賣一款菜加$1。⭐️鎮店蟹皇拌麵$98雖然外賣是是湯麵分開，不過也不建議放太久，因為麵條會糊。蟹皇湯呈橙黃色，還有絲絲蟹黃，入口鹹香，鮮味很突出。⭐️芥香麻醬雞絲粉皮$42由於是外賣，所以回家後我加了芝麻醬，很香很好吃。寬條粉皮QQ軟軟，配上爽脆的青瓜絲和雞絲，最佳小吃無疑。⭐️老壇酸菜湯小雲吞$42白白的湯加上小雲吞，一共有10顆小雲吞，入口足料，好好吃！⭐️韭菜豬肉水餃$30每隻餃子都貨真價實，煙韌的餃子皮裝滿滿滿的韭菜，入口很棒。⭐️白菜豬肉水餃$30內餡是飽滿的白菜和豬肉新鮮好味道。▫️店員幫忙下單的姨姨態度很好，值得稱讚。

在灣仔搵到一間新開的露麵，是一間手工車仔麵店，在疫情之下，勇氣可加，店舖是主打手工製麵，裝修簡單，但掛住一張張抽象派的畫都是與麵有關，值得欣賞下。野生松茸鮮雞湯（$38），天氣凍凍地最好叫盅燉湯先飲，湯是好清甜燉雞湯，感覺沒有落味精，松茸味好香，雞有大2片，雞肉嫰滑啖啖肉，冬天暖笠笠之選。鎮店蟹皇拌麵（$98），是一碗拌麵加一碗蟹皇醬，醬皇醬入面好多蟹膏同一絲絲好甜的蟹肉，真係落足心機拆蟹肉。未撈蟹皇醬前，可以先試試手工麵，好彈牙、煙煙韌韌，而且好有咬口，麵底相當出色。將麵混合蟹皇醬後，加入2-3匙醋，酸酸甜甜，將蟹膏蟹肉的味昇華了不少，非常開胃。鮮茄牛腩拌麵（$55），牛腩炆到好嫰口、半肥瘦，鬆軟得黎又無渣，蕃茄底很濃味，而且個汁帶點甜味，整體都很美味。芥香麻醬雞絲粉皮（$42），粉皮好爽口，帶點涼浸浸的感覺，芝麻醬的麻香味濃滑，而且是非常多醬，一絲絲都青瓜好脆口，每一口都很滿足。每碟只有300卡路里，作為低卡之選，果然驚喜。

如果西餐唔岩你，唔緊要架😂因為呢間餐廳嘅中菜 有機會啱你口味🤪就係喺灣仔嘅露面手工拌麵料理🤤本身都無咩食過拌麵嘅我係十分好奇於是緊係叫個最正最貴嘅黎試下🤨鎮店蟹皇拌麵 ($98) 聽個名就知架勢啦將一羹蟹黃再拌一啖麵 果然充滿蟹味而且蟹肉都多 成個感覺好奢侈😂P.S 中意嘅話可以落醋 應該更加啲蟹味更出至於MY BOSS就叫左油撥辣子魯肉Biang Biang 麵 ($55)雖然睇落去好油 但其實一啲都唔油膩魯肉係比較甜 可以中和一下 令成個麵無咁辣麻香亦喺口腔內徘徊左一陣好彩有一杯鎮店之寶 極品陳年龍鳳檸蜜($30)潤一潤個喉 真係好好飲👍🏻 必推薦🙌🏼另外 個刻想飲湯就叫左盅野生松茸鮮雞湯($38)飲完之後成個人都暖笠笠 正🤩最後都介紹一下個芥香麻醬雞絲粉皮($42)呢個絕對係低卡路里之選 附近嘅OL都可以選擇個醬好香之餘 份量都好足夠 午餐輕食都可以🥳-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂