早排去開馬鞍山，無意中發現左依間韓式炸雞店。 咁岩太耐冇食過炸雞， 就入去試下 🐥 五味炸雞 $239 芝士味 好濃既芝士醬 佈滿係炸雞上 原味 最原始既炸雞 蜜糖芥末 少少辣 又帶有蜜糖既甜味😛 甜辣味 甜甜辣辣非常惹味 洋蔥蛋黃 新口味 好少鋪頭會有呢個味食 認真可以一試😝 🐂香烤牛肩肉 $158 牛肩肉啖啖肉 非常惹味 生菜配埋個醬汁食真係一流🤤 🍜炸醬麵 $68 炸醬麵個醬汁甜甜地 麵條煙韌彈口 配料有薯仔 肉碎同青瓜絲🫶🏻 🥟韓式煎餃 $88 煎得好香口 大大隻有八隻 超級抵食 🥤樂天牛奶汽水 $15 🥤樂天桃味果汁 $15 宜家外賣仲有9折優惠 真係非常抵食👍🏻👍🏻

早排去開銅鑼灣，無意中比依間紫色嘅中高檔冰室吸引到就決定試下😎 餐廳有唔少唔同種類既食物， 除左冰室常見既焗飯同常餐之外， 仲有啲新式既菜單 ， 例如撈麵餐、日式蛋包飯等等相當吸引。 今次黎食左「吉列魚柳配沙律」、「日本唐揚炸雞」同埋「龍鳳檸樂」。上菜超快😬 🐟 吉列魚柳配沙律（$47） ：配菜可以簡沙律或者薯條。 我簡左沙律， 即係薯仔雜果沙律🥗有2塊魚柳， 味道唔錯。 🐥 日本唐揚炸雞（$48） ： 一份有5件 ，size都幾大份。 唔會太林， 肉感都幾juicy 😋 🥤龍鳳檸樂（跟餐加$9） ： 龍鳳檸樂其實即係青檸加檸檬mix埋可樂。由自己倒可樂， 篤完之後個味即刻出哂😬 下次黎會想食撈麵餐 同焗飯😋😋

上星期行過荃灣西嗰邊 天氣咁熱梗係想飲番杯凍嘅嘢啦！最近都飲少咗珍珠奶茶或者奶茶類嘅嘢飲，咁啱行過見到依間飲品店就同朋友買來試吓 見到飲品名方面都幾特別 ，好有台灣特色。 分別叫咗「森永抹茶奶綠」（$32） 同埋「Cheese 魔法甜心」（$34） 首先「森永抹茶奶綠」， 味道方面一般，朋友忘記咗有冇叫少甜但係杯野真係甜到爆炸😅😅😅但係抹茶味都幾濃。 「Cheese 魔法甜心」，個名都幾得意，聽個名就知道絕對係芝士奶蓋。魔法甜心即係指紫薯味嘅奶茶。 紫薯味幾濃，個人嚟講幾鍾意佢嘅芝士奶蓋因為芝士味幾重同實淨， 唔係好稀 不過杯野即使係半糖左都係甜到漏😧有啲無法想像正常糖會幾咁甜😅😅

早排同朋友去開南豐紗廠 ， 行完之後勁肚餓就周圍搵嘢食，突然間發現到依間簡約門面嘅餐廳， 就一致決定去依度試吓。 一到去發現原來有兩層，樓上係榻榻米位置，相當打卡 同朋友分別叫咗「布袋芝士煙三文魚 沙律配蕃茄凍」、「牛油浸日本凡立貝 椰汁意大利飯」、「開心果巴斯克蛋糕」同埋「伯爵朱古力鮮奶」。 個人勁推「布袋芝士煙三文魚沙律配蕃茄凍」（$108）！首先份量來講絕對係大，煙三文魚又大概四至五塊，仲係都幾大塊，跟住菜嘅份量都相當多， 布袋芝士其實就係on top 好似蛋咁嘅嘢，口感係軟綿綿滑捋捋同埋芝士味香濃得黎又唔會漏！ 蕃茄凍酸酸地幾開胃！ 基本上食完已經飽咗大半 朋友就揀咗「牛油浸日本帆立貝椰汁意大利飯」（$118） ，據朋友所講意大利飯味道好香有淡淡的椰汁味道，份量黎講算係合理偏大份， 細食既人share更好。 拎咗朋友一舊凡立貝食， 感覺帆立貝麻麻哋，因為啲肉都幾鞋，不過就勝在就夠大舊補番哂🤣🤣 作為一個女仔點會唔嗌飯後甜品🤣。仲要今日嘅daily 限定甜品係我最鍾意嘅巴斯克蛋糕本身想試吓芋泥口味，但係職員話冇晒，得返開心果口味，當然都照殺啦 蛋糕上面冧咗啲芝士奶蓋，食落去其實一啲都唔漏，重點係開心果巴斯克蛋糕有軟心既感覺，超正大滿足！ 最後黎番杯飲品「伯爵朱古力鮮奶」（$47），表面拉咗花 ，係獨角馬 好勁 伯爵茶味一般唔算話好濃 但都有淡淡既香味 ， 整體都唔錯 希望下次有機會嚟嘅時候可以試到更多唔同口味嘅巴斯克蛋糕

萬年都唔入一次石門 ， 咁啱早幾日去開整野見到呢間手打檸檬茶店。 天氣熱梗係想飲番杯㗎啦☺️ 一入去睇簡直俾個價錢震驚咗😳一杯手打檸檬茶講緊700 mL嘅價錢唔使$25😨 呢個價簡直係我除咗有特價之外見都冇見過咁滯 😳😳😳除咗手打檸檬茶之外仲有一啲小食。 價錢都相當合理。 睇到飲品方面係多咗唔同嘅選擇同埋都相當中式， 好似紫蘇茶咁 最後揀咗爆打檸檬鴨屎香（$23） ， 味道方面同出面坊間嘅差唔多，亦都唔會太甜或者冇乜味😳 仲可以叫少冰，最緊要嘅係唔會因為少冰而杯嘅細杯左 ， 依樣係值得一讚☺️😈 個人幾鍾意入面嘅裝飾有少少中國風 ，特別係有啲語錄牌喺度幾特別😛

早排社交媒體成日都見到推薦依間咖啡店。 咁岩襯有時間又想飲杯啡，就專登去灣仔試下。 位置方面原來都幾近利東街， 係附近既橫巷黎。其實唔行入啲真係唔會發現到。 格局都相當簡約。 主打一個「窮」為主題🤣🤣 相當特別 價錢方面都相當貼地 ， 最貴既飲品都只係$32 ， 最平既只係$25 ， 以咖啡店黎講絕對係抵到爛！ 正式既「窮人恩物」 依排因為減肥關係，所以都係簡左Americano （$25） 味道方面唔難入口 ， 有啲fruity 味。 個人幾中意個杯，都係主打「窮」字😂 打卡岩哂😂😂

自從香港愈黎愈開得多手打檸檬茶， 依間第一間打入香港市場既手打檸檬茶「始祖」 我都少左飲。 除左上面既原因外， 依間價錢比起其他既相對貴都係其中一個因素（最初） 。隨住後期愈黎愈多競爭對手加入， 佢既部分飲品價錢都同其他分店相差不大。 銅鑼灣都係其中一個手打檸檬茶既集中地， 淨係同一條街都打入左2間手打檸檬茶店😅 而啊一都終於打入銅鑼灣區😂 幫襯嗰陣咁岩係開左業冇耐， 當時做緊特別優惠：幸運轉輪， 拋中邊個就有咩優惠😂 幸運地抽中左折扣😂😂但時間比較醜都唔記得幾多折了 😂😂 例牌簡左「手打渣男檸檬茶」（$36） ， 依家買一杯嘢飲仲送一隻鱷魚公仔🤣🤣 飲品方面幾清爽，岩哂夏天飲！ 不過甜度方面真係太甜， 下次買番少甜應該會好飲啲😎

咁岩去開荃灣享成街整野， 發現左依間試業中既車仔麵店 ， 見好耐冇食又肚餓就入去試下。 原來依間車仔麵店岩岩試業左2星期， 黎緊4月20日正式開業🍜🍲， 依家仲做緊開業優惠：惠滿$80就送一碟肉燥油菜， 超抵！ 落單好方便 ，只需用QR Code 落單就可以，岩哂我依個I 人😂😂因為我唔食牛既關係， 所以就簡左自選4餸車仔麵。 🍜幸福自選4餸車仔麵（$52up ） 🥢簡左芝士腸、紅腸、長洲大魚蛋（+$2） 同娃娃菜，轉出前一丁（+$3） ， 可以簡辣度同埋麵既軟硬度。 唔食得辣既我緊係簡走辣， 同埋少麵。長洲大魚蛋真係好大粒😋 湯底有幾隻簡，包括豬骨湯底、咖哩湯底等， 咁我就簡左豬骨湯底。 依間既豬骨湯底絕對係招牌黎， 每日都用左8小時去熬製而成，所以味道都好濃烈🤤🤤 跟麵會有一杯飲品，都可以加$8去加配烏龍茶、寶礦力等等。價錢黎講絕對係抵😛😋 除左車仔麵外， 都可以order 小食。 🍜 樹記煎腐皮卷（$22） ： 一份兩件， 份量比想像中大😈 入面既餡料都相當充足。 黎緊仲會陸續推出更多唔同既小食😋 上餐時間好快。員工態度超級親切😆😆!

早排行過油麻地, 經過依間店, 吸引我第一眼既係關東煮counter, 相當有日本風味~🍢不過由於嗰日食到好飽就暫時放棄左關東煮先🤣🤣. 不過就見到有賣一d台式飲品, 所以就決定試下。 依間既飲品有d特別, 除左台式奶茶, 奶蓋茶, 沙冰之外, 仲有依家開到周街都係既手打檸檬茶🤣🤣果然唔加入一D新既元素係唔足以同市場競爭🫨. 不過唔同既係,依間既手打檸檬茶都係同外間既有少許唔同, 有咩唔同? 就係"雖同名但不同內涵"🤭, 好似"大氣原諒綠" 咁, 外間既飲品成份並非依間既成份😳 係以斑蘭葉同香茅,配以獨特既茶底而成; "手打渣女" 係以火龍果同水蜜桃, 加獨特茶底以成. 相當獨特. 不過味道方面會唔會都係咁獨特呢🤭🤭🤭 今次買左 "大氣原諒綠" ($36) , 顏色方面一如名字一樣都係綠得發光🪖🫨. 口感其實幾清涼🍃應該係斑蘭葉加檸檬帶來既口感😆不過香茅味略淡, 也不算太酸, 味道也不同於大路原諒手打檸檬茶咁. 可能材料價格較貴, 所以價格個人認為偏貴, 但與坊間連鎖手打檸檬茶比, 是可以少冰而不會不滿杯既🤣🤣

太耐冇食過甜品，突然間好想食下台灣既特色甜品😩😩 行過旺角突然間發現左依間主打創意布丁燒既甜品店🤤-呦呦鹿鳴布丁燒😈 依間係由一對專誠去台灣學藝既夫婦開設。布丁燒天天新鮮出爐，把焦糖、布丁漿、芝士蛋糕粉糊放入模具中，以水浴法焗制1小時而成。但係口味一啲都唔單調🥳 除左一般常見口味包括 抹茶、富良野3.7 牛乳、Bailey 等等 ，最近仲推出左新口味： 忘憂唂布丁燒，即係朱古力味、 同埋椰爺布丁燒 ， 真係難簡落手😳😳香港原來都有4間分店，位置都好方便🤭 🍮 Bailey 味布丁燒 （$38） 布丁燒表面印左鹿鹿 ， 超得意！ 🦌 盒既旁邊有一支小小的Bailey 以便食既時候吱埋落去😋 口感第一下係Bailey 既淡淡酒香味 ，mix 埋滑溜溜既布丁燒， 好好味🤤🤤 布丁質感配合埋蛋糕既口感， 成件事好match 🤤 重點唔算太甜 ，岩岩好🥳🥳 🍮 椰爺布丁燒 （$38） 聽個名都知係椰子口味🥥 本身以為會唔太岩， 但意料之外既夾 ， 淡淡既椰子香 mix 埋焦糖味道 ， 唔會太甜！ 重點係有啲椰子粒粒 ， 成件事好有口感😱 本身想試early grey 味 可惜咁岩今日冇😣 下次見到會再試😆