百樂小館 (已結業)

好耐冇見啲大學同學，難得約埋一敍就揀左大家都稍為就腳嘅尖沙咀，因為想坐耐啲傾下偈，所以偏向揀地方大少少嘅中式酒樓~見openrice評分都不俗，所以就訂左里度❤️晚上六點幾近七點黎到，人不算太多，見到兩個好似壽桃樣嘅陳設，內裡各放左一張大枱好有趣，不過有人坐緊，就冇影相了，哈哈，下次多人睇下可唔唔可以係壽桃裡面開番圍🤣我地坐左係餐廳嘅中心位置，地方幾寬敞，我地4人都offer左一張6人枱(定知我地會叫好多野食lol)餐牌見除左一般潮州野都有不少新派口味~ 沿正常潮州野嘅風格，一開始同最後都有serve功夫茶🍵入正題，先黎左頭盤😀 滷水鵝肉拼盤有鵝肉、五花腩(?)、豆腐、滷水蛋同墨魚😛滷得好入味，尤其鵝肉唔會過老，保有彈性😚個人最喜歡鵝肉同豆腐跟住好快黎左個湯~老黃瓜粟米煲唐排，估計日日唔同嘅，好濃同有黃瓜同粟米嘅甜，正🤤而家好追求湯水，要養下生~湯渣睇落都幾足料，飲完唔會覺得好口乾，就算有味精應該都只係少量~再黎就到主食啦，乳香骨，本身以為會係腐乳，不過食落又好似唔係🤔甜咸甜咸咁，都幾有趣朋友最近好迷咸蛋黃小食，所以見到金沙炸魚皮涼瓜就話要叫，估唔到超好食的！炸魚皮好香脆，沾上咸蛋黃醬(真係咸嘅咸蛋黃，最近食有啲咸蛋黃小食唔知點解係甜嘅...)熱辣辣，美味，涼瓜都不俗，唔會好苦，少甘，連平日唔食涼瓜的我都食左兩片，唔知會唔會有助解熱氣haha黃金炸雙棗，乍看之下唔知係乜，但其實係蟹肉卷同蝦丸，個人較喜歡蝦丸，始終蝦可以做到蝦膠好彈牙，但蟹肉比較鬆散，雖然味道不錯，但口感差咁啲食完熱氣野都要叫啲清清地，魚湯味偏清淡，用炸過嘅大地魚片(估嘅哈）稍加提味，魚蛋魚片亦屬中上，加埋要食啲菜🥬以前細個，媽媽成日話餐廳啲菜唔會洗，話係街唔好食菜，不過為左腸道健康，而家都會照叫🤣而干煸四季豆算係最常岀現係我枱上嘅野，今次亦不例外，里度做嘅四季豆炒得好乾身，欖菜唔會過多，咸度適中，係我嘅干煸四季豆list 一定有頭5😛黎到最後嘅主菜，糖醋麵~里度造成一面超脆，另一面則保持少許濕潤，仲加入少量韮王，令成個感覺都冇咁油膩🤗薑汁福果湯丸跟住就到甜品啦~食飯點可以冇甜品woohoo朋友點的綠豆爽，而家好似已經算係好少見嘅甜品，試左啖，清甜嘅，好似好健康咁😂仲有我叫嘅杏汁蛋白芋泥，里個combination 都幾好，潮式芋泥係飽餐後真係太膩啦，加入杏汁蛋白一黎有美白效果，又減低飽膩感❤️薑茶湯丸~裡面有啲挑哂芯嘅白果，好細心！加分里間餐廳無論食物同環境同地理位置都唔錯~可以入revisit list 😛臨走見到凍烏頭，入黎嘅時候大概有八九條凍魚，走得番兩條，好好賣，應該不錯，下次帶超鍾意食烏頭嘅媽媽黎食🤭…查看更多

潮州菜要揾好嘅都唔算難，但要兼顧埋少油鹽嘅就唔太容易，今次同幾位朋友一齊食嘅就做得到，整體係正宗，好食，不失健康。餐廳門外睇都幾得意，位置唔少，驟眼睇大枱都集中喺近門口枱之間距離都幾好，所以唔會太嘈吵滷水鵝片併盤 （例） $168滷水汁唔係死咸，各種肉類入味得嚟帶少少清甜鵝肉帶好多膠質，正滷豬肉肥得嚟好香，魷魚片都好爽唔會韌侍應幫我地4人將是日老火湯分好，將湯汁從老黃瓜入面撳出嚟，夠晒味道雖然有唐排，但啖湯飲落唔肥膩，仲好清甜好似屋企咁嘅味道👏🏻👏🏻👏🏻湯渣都見到係足料，唐排好腍，點少少豉油食已經好好味黃金炸雙棗 (各4粒) $148球型係蝦棗、長型係蟹棗兩樣都好出色，表面唔會油淋淋，點埋潮州桔油食甜甜地真係好好味入面嘅蝦肉同蟹肉都幾多，而且味鮮馬蹄平均分佈喺成粒棗之中，爽口、增添層次又解膩金沙炸魚皮同涼瓜 $68近一兩年鹹蛋黃真係勢不可擋，嗰種獨特嘅咸香令人難以抗拒！呢個咸蛋炸魚片無論係味道同食感都好優秀，夠香夠脆，齒頰留香苦瓜都處理得幾好，苦味唔係好明顯但注意瓜類都會比較吸油，小心燙口家鄉乳香骨 $128肉質好軟腍，香口，餸飯就最好欖菜肉碎四季豆 $98肉碎係好鬆嘅免治豬肉，帶少量肥肉，食感十分好四季豆好新鮮，呢個餸同白飯食又係一流呢個津菜煲都幾好，清清地，食開潮州菜都知中芹同大地魚乾嘅味道好夾，津菜吸晒啲風味，正魚蛋同魚片都好彈牙同鮮味，高質！壓軸登場係我的最愛: 糖醋麵 $128 例煎得好有心機，名乎其實「兩面黃」，好靚落勁多糖同醋食，明知好邪惡都係停唔到口最後我地仲叫咗少少糖水作結杏汁蛋白芋泥 $48幾特別，一般來講潮式甜品福果芋泥係最常見豬油撈芋蓉，面頭有幾粒福果（即白果）點綴香係好香，但膽固醇、脂含量同糖分一定爆燈杏汁取代豬油去調和濃稠嘅芋蓉，啱晒鐘意芋泥又想食得健康嘅人清心丸綠豆爽都係好傳統嘅潮式糖水清心丸食落煙韌有𡁻頭，開邊綠豆煲出嚟嘅糖水清清甜甜，綠豆爽相傳可以去暑，啱晒我地8月呢個天氣食整體來講，食物質素好高服務亦非常殷勤，侍應反應好快環境中上，衛生不俗以後去尖沙咀食飯又多個好選擇…查看更多

同朋友去完驚安掃貨之後，想搵個坐得舒服的地方食晚飯，朋友於是推介這間潮州菜館，黎到餐廳門口，已經被門口一個大圓型鳥巢設計吸引著，裝修非常有時代感，很有格調，環境舒適，坐位舒服，而且價錢亦唔貴，三五知己黎呢度食下飯傾下計，都係一個唔錯既選擇。一坐底，會先上功夫茶。杏汁白肺湯這個湯非常滋潤，杏仁味非常濃郁，口感幼滑，豬肺厚身、彈牙，每一塊都填滿杏汁味。麻醬手撕雞 (半隻)麻醬香濃但不會覺得太膩，雞肉嫩滑，連雞胸肉都唔嚡。椒鹽九肚魚 (例)外層炸粉夠薄，魚肉鮮甜肥美，帶有少少辣味，比平時食開的更惹味。糖醋伊麵 (例)伊麵炸到金黃色，外層炸到香脆，裡面仲保留伊麵的口感，可以加糖或加醋食都得，結果我兩樣都加左，味道酸酸甜甜，好開胃。…查看更多

餐前小食有潮州鹹酸菜和花生小魚乾。潮州的鹹酸菜比較粗身爽脆，酸度適中。花生魚乾夠脆。潮州人叫飲茶做食茶，店名的 Chateh 就是食茶的意思。Teh 就是口水多過嗲那個嗲了，哈哈！食潮州菜必試滷水，這個滷水鵝肉拼盤的滷水醬汁味道濃厚而不死鹹。拼盤有五種食物，十分豐富，每種都滷得夠味。方魚雞球炆栗子色彩繽紛，方魚乾好有鹹鮮味，令人食指大動。栗子外形渾圓，粉甜可口。乳鴿仔細地一開四，皮脆肉嫩。伴碟凱撒沙律也頗新鮮。糖醋伊麵賣相有點像 pizza！灑上醋和白糖，酸甜香脆！杏汁白肺湯的工序繁多，出街食假手於人更好飲，哈哈！杏汁燉得香濃，非常滋補美味。甜品選了下火的清心丸綠豆爽。晶瑩剔透的清心丸，口感有點彈牙。…查看更多

今日約左一班舊同學聚餐，席中有大人細路，都係食中餐最保險！所以就揀左大家都方便的尖沙咀！Mira mall一向都多食肆，今次就係同事介紹下，揀左百樂小館🤤最重要人多，可以食多幾味菜😂因為第二日大家都要返工返學，所以都選擇避開食晚飯的peak hour😎但下午6點都仲有咁多客，可想而知，質素一定有返咁上下👍🏻裝修配合格調，一個個鳥巢的分格，令到一大班人的用膳空間多了一份私隱但又不致於局促！設計值得一讚👍🏻唔多講，食潮州菜唔「席爹」點得😂飲返杯功夫茶，洗一洗塵先😋餐前小食當然不可或缺啦！花生香脆！鹹酸茶夠入味但不致於過濃！對於不吃秋葵的我，大多由於秋葵本身的潺！但這碟秋葵炒牛肉認真令我耳目一新！因為我最少都吃了4-5條，朋友們個個都讚不絕口！牛肉入味又夠林滑，秋葵炒得沒有草青味，吃下去一點滑潺潺的感覺都沒有！真的令不喜歡吃秋葵的我很震撼！蠔烙，吃潮州菜必點！蠔烙要好吃除了要足料外，蛋漿跟木薯粉調配的比例亦是一大考驗！調配得宜才能做到煙韌而充滿蛋香！最重要的是，係出面打冷檔食的大多數是炸！小妹想講，炸的蠔餅是唔正宗，正宗的是要煎，邊之所以脆係因為煎的人的功力並非靠炸！我講左咁耐，百樂小館符合哂我上面的要求！看看相片中蛋皮包著木薯粉再包蠔仔！口感形成外脆內軟，但因為是煎的，少了一份油膩感！呢個都係潮州菜必點！糖醋伊麵！外脆內軟，亦是考功夫的一道菜式！食食下，發現原來有得叫甜品，女人有2個胃是常識吧！小妹點了個清心綠豆爽，綠豆爽不太甜，剛好為這一餐的佳餚清一清膩又滿足了貪吃的心。總括來說，食物質素整體十分高，集團式但又能做到潮式風味，著實難得！侍應服務好好快速又有親和力！朋友分批到都不忘逐個送上功夫茶，令我感受至深！…查看更多

約友人到美麗華廣場去食潮州菜，很久沒有到這商埸，沒想到這商場現在有這麼多的食肆。好不容易才找到這店，因沒想到門面開揚，設計新穎，非一般傳統潮州菜店。而且每枱都可自成一角，沒有壓迫感，有些設計似雀籠，雀籠內的桌椅很有心思及細心的設計。圓枱的椅子與其他酒樓的圓枱椅子不同，用幾張弧形的長椅子圍成，但椅子與椅子之間又有D距離，原來這設計是方便店員執拾、換碟或奉上甜品用的，不用食客去傳遞給店員，很貼心呀 飯前、飯後都奉上一杯功夫茶，飯後的功夫茶可消滯。我們點了「滷水雙拼(鵝肉拼滷牛)」、「雜菌炒牛仔粒」、「秋葵炒牛肉」、「潮州蠔烙」，當然唔少得「糖醋伊麵」。滷水雙拼(鵝肉拼滷牛)，大大塊肉，鵝肉、滷牛肉質嫩滑，滲透了滷水汁，非常入味！雜菌炒牛仔粒，最特別是那塊圓圓的蒜片，整碟菜炒得很香，很好味。秋葵炒牛肉，遠處都聞到酒的香氣，牛肉肉質嫩滑、秋葵咁大條都很入味，再加上秋葵和牛肉都是我的至愛，這碟菜非常棒 潮州蠔烙，蠔烙不是酥炸，而是煎，但仍很香口，蠔亦十分足料！糖醋伊麵，大大塊的麵餅，灑上砂糖和醋，令伊麵口感脆中帶軟，滋味豐富。見到「甜品糖水」餐牌，款款都想食，其中「杏汁蛋白芋泥」，既可食到杏仁茶，又可食到芋泥，多心的我當然選這款啦 ^_<杏汁蛋白芋泥，就是「蛋白杏仁茶」加「芋泥」兩款甜品糖水合併，配搭得非常好！芋泥較甜，而杏汁又滑又濃，兩者可互相發揮出不同的口感，層次豐富！…查看更多

今日和一班朋友出去食飯，有人提議食潮州菜，所以最後揀了尖沙咀的百樂小館。百樂小館裝修以金黃色為主，燈光柔和，感覺舒服。呢間餐廳係一間正宗的潮洲菜，正宗的潮州菜飯前一杯功夫茶，飯後一杯功夫茶。那就先來一杯功夫茶吧。功夫茶飲完有回甘的味道。我地點了滷水雙拼鵝肉和牛剪＄128鵝片，牛剪，豆腐切得薄薄的，完全吸收了滷水汁，好入味。👍紅燒皇子乳鴿伴凱撒沙律＄56一隻乳鴿炸得皮脆肉香，配上生菜沙律，蕃茄作點綴，賣相吸引。👍咸菜豬肚湯＄128豬肚湯胡椒味挺重，豬肚嫩滑，飲完個口仍熱的，感覺挺暖胃又滋補。👍秋葵炒牛肉＄128上碟時，未食已聞其香，牛肉肉質嫩滑，保留牛味。👍潮州蠔烙＄88蠔仔餅係潮州菜必食的一道菜，蠔仔好多，夠足料。好滿足侍應為我們介紹這款新出的秘製乳香骨＄118，排骨炸得香脆，食落更美味。糖醋伊麵＄98把一大塊伊麵煎至金黃色，伴上小小砂糖，醋一起吃，甜甜酸酸，挺特別，熱辣辣，非常可口。飯後甜品蛋白杏仁茶，濃濃的杏仁味配上滑溜溜的蛋白，是我的至愛。最後當然來一杯飯後功夫茶作正宗潮州菜的完結。總括這餐潮州菜很正宗，高水準，服務態度又好，一位上咗嘅年紀侍應伯伯悉心為我們換碟和介紹新菜式:)…查看更多

身邊的朋友都很喜歡食潮洲菜, 而且有年輕化趨勢, 聚會首指這類別, 地點方便又美味的非美麗華百樂莫屬。平日晚上幾乎滿座, 潮洲風吹得凌厲, 幸好早已訂了檯。 下單前, 當然先來杯功夫茶, 邊慢慢細嚐邊選擇菜式。 蜜汁燒雞翼 $58 每次都要必點這碟蜜汁燒雞翼, 全因那黏稠的金絲糖漿, 香甜又惹味, 重點是不會過甜死甜, 雞翼又不會過乾, 加上是單骨, 斯斯文文食雞翼完全沒難度。 滷水鵝肉拼盤 $148 同樣必叫的例牌, 非常喜歡百樂的滷水鵝肉, 滷水夠入味, 不會過濃偏鹹, 鵝片腍軟香口又有嚼勁, 絕對是推介。底下的滷水豆腐吸收了滷水精華, 嫩滑的豆腐加上的甘香, 同樣不可錯過。 梅子肉碎粒豆腐湯 $88每次到百樂食晚飯, 最喜歡叫上它的湯水, 今趟沒有喝上濃味的胡椒豬肚,反而來一鍋家常靚湯。湯料很豐足, 有肉碎、豆腐、蘑菇和芹菜, 滿滿的一鍋, 加上梅子的調味, 清甜中帶點清酸, 更是帶出材料的鮮香。簡單的用料就可煮出清甜味美, 添飲是指定動作。 潮式金衣焗蝦球 $128金黃色的蝦球已散發濃濃的鹹蛋香, 咬下是爽口彈牙的蝦球, 又脆又爽, 香口又惹味, 因為是焗的原固, 比起油泡少了油份的溢出, 讓人吃得滿足。 手打魚蛋煮津菜煲 $108 潮洲菜豈止出名於鵝片凍蟹, 觸目的還有 - 魚蛋! 手打魚蛋十分彈牙, 魚片同樣爽口。津白腍軟清甜, 跟魚蛋很配合。煲中還加入了絲絲炸魚皮, 清甜中帶微微鹹香, 這潮洲家常菜健康又美味。 糖醋伊麵 $98 這個糖醋伊麵很久之前已很想食, 但每次都是太飽而錯失了, 今回特意叫上。糖醋麵表面煎得金黃香脆, 而底下微微軟身, 外脆內軟的伊麵蘸上酸醋和砂糖, 集酸甜脆軟的口感, 要吃上兩件才罷休。 腐竹白果蛋花糖水 $38 下火的腐竹糖水是吃過熱氣食物後的首選。煲到幾乎溶化的腐竹跟蛋花混合, 濃稠度適中, 糖份又剛好, 加上碗內多粒白果的嚼口, 十分清甜。 花生糖湯丸 $54 這趟甜點沒叫上反沙芋, 反而叫了湯丸。湯丸表面沾滿花生粒和芝麻粒, 香口又有嚼口, 湯丸皮煙韌得來又帶糯軟, 厚薄適中, 內裡的麻蓉餡滿滿的, 雙層香口, 令人想多叫一碟。 首尾呼應再來杯功夫茶, 潮洲家常手工菜, 人均二百餘元, 感覺是物有所值, 難怪是受朋友們歡迎的派系。 …查看更多

百樂潮州酒樓是老牌食府，很多年前試過已經很喜歡，但因為價錢比較貴，已很久沒有再去。知道它開了間親民的小館，每樣菜式份量不大，價錢又相宜，便和幾位好友一起試試。百樂小館地點方便，環境舒適，座位寛敞，仿如雀籠的設計很特別，餐具也很有心思。每人還可以優惠價$10飲第一杯白酒、紅酒或啤酒，我們當然不會錯過。胡椒豬肚湯材料十分多而且有很濃濃的胡椒味，豬肚很爽口，吃完覺得全身很暖。杏汁白肺湯很重杏汁味，豬肺很腍和湯都非常好味。滷水鵝肝想試很久，但每次都售罄，只可以失望而回。今次終於試到，真的好甘香，吃得很滿足。滷水鵝肉拼盤滷水鵝不會油膩也很嫩，滷水味很香很入味，其他食材如墨魚片、腩肉和豆腐也很好味。金瓜九肚魚烙九肚魚烙香脆但一點也不油膩，用九肚魚代替壕仔，加上南瓜的清甜，配搭特別而且做得很好，值得一試。芋茸香酥鴨鴨子外皮炸得很鬆脆，芋茸及鴨件比例適中，芋茸很香滑，做得不錯。鮮蠔仔泡粥蠔仔份量很多而且又大隻又新鮮，粥底剛剛好不太稠也不太稀，很鮮甜美味。糖醋伊麵非常香口，陳醋是上等貨色，加了糖混在一起，麵就變得很好吃了。清心丸綠豆爽很清香的甜品，適合我一些不太嗜甜的朋友。福果芋泥我至愛的潮州甜品。這是我第一次吃到沒有加豬油的芋泥甜品，但仍然很香很滑，甜味適合中，而且吃來感覺比較健康，減少罪惡感。花生糖糠湯圓鬆脆的湯圓內是芝麻蓉，有著很香很濃芝麻味，為這頓晚飯畫上一個完美的句號。…查看更多

今次嚟到百樂小館搵食！ 放工喺尖沙咀唔知食咩好～行到美麗華先知原來有一層係全層都係餐廳！口淡淡就去食潮州菜啦～內裏裝修都算新派～椅子也是不規則的～麻醬手撕雞 全份($180)平時食腸粉都喜歡落多多麻醬～喺menu見到個圖就即刻決定要叫呢碟～果然冇令人失望的佈滿麻醬！又香又濃！而雞肉不太肥～肉亦嫩口～滷水豬大腸($68)豬腸係食潮州菜必試之食物～品牌餐廳同小店嘅主要分別就係清潔度同肥膏份量～百樂的豬腸好明顯已清潔乾淨～色澤亦見均勻～而且肥膏不多～偶爾放肆一下也不會太罪惡～蜜汁燒單骨雞翼($58)蜜汁香甜至極～夾起時更有拉絲效果～不過食時會痴牙～要小心！單骨而製～更令雞翼各方得以沾上蜜糖！好好味！梅子肉碎粒豆腐湯($88)以小小酸的湯帶出胃囗～湯𥚃有豆腐丶蘑菇丶肉碎等份量頗多～潮式金衣焗蝦球($128)邪惡之作～黃金蝦球！金黃色的蝦球係剛焗好就上菜～吃時要小心！蛋黃味濃厚～而蝦亦彈牙～食得出係鮮蝦製成！栗子方魚焗雞球($78)栗子已煮腍～易入口～方魚即是大地魚～已炸成一片片～脆口之作雞球份量極多～汁料美味～真想叫碗白飯手打魚蛋煮津菜煲($108)潮州魚蛋一向出名～此店的亦算彈牙～津菜都算鮮甜～可惜湯𥚃有芹菜…不喜歡芹菜的我只吃了一點…糖醋伊麵($98)我最期待的食物！！上次唔小心喺上海菜叫咗濕的雙面黃～其實我一直想念嘅就係潮式嘅雙面黃～餐廳將伊麵兩面煎好～然後再以糖同醋調味～非常香口！而且甜甜酸酸～真想將整個吞下！！腐竹白果蛋花糖水($38)熱辣辣地上枱～清甜滋潤～不會太甜～加上蛋花更添口感～不過自己比較喜歡煲得更碎的腐竹～花生糖糠湯丸 （$54）到底甜品個胃有幾大？(笑)表面嘅芝麻同花生非常香口～而內𥚃亦係芝麻餡～甜而不膩！湯丸本身都煙韌～不錯！吃飽飽後再飲杯功夫茶消消滯～為完美的一餐畫上句號！…查看更多

C+搵食團 || 新潮 x 傳統潮州菜 - 【尖沙咀】百樂小館 -- 中菜好多時 食黎食去都係果幾味 比人覺得又悶又老餅 -- 所以ms.C食中菜多數都係同長輩食 前排同友人'sss行開TST 去睇完小丸子展 因為之前爭朋友一餐生日飯 所以今餐由友人'sss決定食咩 -- 友人'sss話要食潮州野 帶左ms.C去左 美麗華商場食四方 【百樂小館】食潮州菜 -- 上到去百樂小館 店面同一般既中菜館好唔同 裝修好時尚 -- 一大個雀籠 & 好多卡位既設計 可以比三五知己 有一個私人空間 唔怕嘈到人（我講緊我） -- 而且燈光配合好好 啱晒ms.C呢D相機食先既人 成晚影既相都勁靚 -- 一入座店員就會放底功夫茶 味道都好甘 P.S若果飲完茶 晚上會訓唔到覺既就要小心喇 -- 餐前小食 咸脆花生 & 咸菜 -- 椒鹽豆腐茄子粒 - $48 豆腐用上黑豆豆腐 豆味香之餘 炸完之後 入面都仲係嫩滑感 正！--因為呢到係朋友飯堂由朋友發板決定食咩 -- 滷水骨香鵝肉片 - $98 食潮州菜點會少得滷水野呢 所以我地叫左 服務員介紹 精華所在就係用上50年既陳年滷水汁用黎滷 配上10~20斤左右獅頭鵝 因為貪佢夠晒大隻 而且脂肪同肉既比例剛好 -- 滷水好香配上啖啖肉既鵝肉 唔會太過咸&油 而且有一碟入面有鵝片 仲有少少連住骨位既部位-- 雖然呢個骨位冇咩肉 但啜下d 肉&滷水汁 啱晒唔同人既食野口味 爽！ -- 麻醬手撕雞 - $90 入口啖啖嫩滑既雞肉 配上香口麻醬 夏天最好既前菜 -- 主菜 【必點】杏汁白肺湯 - $168 其實ms.C食野都幾麻甩 鍾意食內臟 有時係街見到豬肺湯多數都會點 因為要煮呢個湯 功夫好煩覆 所以為左唔使係屋企攪一大堆 所以都係出街食最方便 -- 百樂小館既杏汁白肺湯 白到有d似豆漿 果湯飲落比街外的質感較為稠身-- 店員介紹果湯除左用上南北杏之外 仲用左龍王杏黎煲呢個湯 果湯底質感會較綿 -- 豬肺都清潔得好 冇乜怪味 飲多兩碗潤下先 -- 薑蔥炒蟹 - $488 目測隻蟹都幾有份量 應該隻蟹都有成斤重 除左蟹係主角之外 當然就係薑蔥喇 -- 薑蔥食落好惹味 唔會炒得好干身 索埋D好香既酒味 -- 蟹肉入面依然 好多肉汁係入面 唔會太乾 -- 椒鹽鴛鴦魷魚 - $118 鴛鴦魷魚就係有兩款唔同既 鮮魷 & 吊片 鮮魷就食鮮味 相反吊片就食香味 一碟餸就有2種既口感 -- 值得一贊既就係炸醬唔會太厚 厚度剛好 唔會食到成口粉 -- 南乳羅漢齋煲 - $ 98 食左咁多肉肉 & 炸野 點都要叫個菜菜 呢款係家常小菜 雖然簡單 但唔係到到整得好食 -- 一上枱就聞到南乳味好香 食落唔會太鹹 -- 齋煲有好多唔同既料 仲有好香既汁 呢個用黎送飯一流 -- 糖醋伊麵 - $98 呢個又係朋友話食潮州野必叫之一 炸到好香口既麵餅 有D似肉絲炒麵Feel -- 但一D都唔油 配上浙醋 + 糖 卜卜脆 -- 食得7788又係時侯 到甜品喇 -- 腐竹白果蛋花糖水 - $38 好多料既糖水 腐竹煲到溶晒 食落啖啖都有料 -- 金獅脆麻花 - $38/3件 又係食我既朋友「蛋散」既時候 脆麻花炸得好鬆化 都唔死死實實 配上蜜糖 一d都唔膩 -- 百樂小館 || Chateh 尖沙咀彌敦道132號美麗華商場食四方4樓4A1-4A2號舖 …查看更多

以往一提起吃潮州菜，就只會第一時間想起打冷，或者好傳統式的潮州菜館，大大碟要人多才吃得清。是夜來到這店，門外裝潢很新潮，一點都沒有傳統酒家感覺，再入內，一個個分隔好像雀巢般的隔局，各自形成一個個的獨立用餐區。如果人少，亦有二人枱、四人枱，好像西餐廳的隔局。每碟菜几乎都會分例牌份量及大份量兩種，今次我們人不多，點的都是例牌份量，所以就算下次得2人時，都可以再考慮過來這店二人世界牚枱腳。是夜大家都很滿意這店的菜色，吃得太開心，吃到差不多沒客人才捨得結帳離開。哈，走時可以乘機影下這裡的裝修，引下其他朋友下次陪我再來。一入座，店員立即端上功夫茶前菜中的鹹酸菜很好味，很快已經被友人吃光了。滷水骨香鵝肉片 $98推介!!! 肉質很嫰滑入味，跟店員閒談知道這個滷水汁已有50年歷史，由開店至今，會每日加湯再煲，所以特別入味，而鵝只會選用約120-180日大的，所以特別嫩。五香炸芋絲卷 $48第一次食這樣做法的炸芋，沒想過潮州菜都可以這樣吃，除了款式驚喜，味道很可口，皮脆卜卜，但芋未至於炸到很乾，不過都很熱氣的。杏汁白肺湯 $168極力推介!!! 這個湯淨說清洗豬肺工夫已夠多，還要煲得好飲真的不簡單，如果在外吃飲餐牌如有白肺湯，我通常都會必點。這店的杏汁白肺湯跟平常飲到的不同，湯底較綿身，我會以好像粥水來形容，又綿又滑，味道非常好，飲過一次我已經愛上它。細問之下，知道原來另外加了龍王杏，所以煲出來會有綿綿口感，豬肺又洗得很白很乾淨。薑蔥炒蟹 $488一上枱就聞到陣陣肇興酒味，對於喜歡吃用酒烹調菜餚的我，簡直吸引。由於肉蟹先經油泡過才落鑊炒的，所以蟹肉肉質彈牙，並不是一般直接落鑊炒的絲絲蟹肉質感。糖醋伊麵 $98到潮州食店必叫這個，才會感覺完滿，更有一番潮州風味。麵底彈牙不乾身，點少少糖、少少醋，又幾惹味飽肚。金獅脆麻花 $38/3件推介!!! 脆麻花甜甜鹹鹹，很脆口，味道適中，食完很想接住追食！腐竹白果蛋花糖水 $38清心丸綠豆爽 $38吃得飽都要點一個糖水來滿足下第二個胃，朋友吃的腐竹白果蛋花糖水很足料，可以再飽肚，而我就吃清心丸綠豆爽，用已去衣的綠豆，再配煙靭清心丸，清甜糖水不會太飽肚。環境:…查看更多

週一晩是公眾假期，相約了好友到尖沙咀晚膳，地點由友人安排，選了在美麗華商場的百樂小館。百樂小館在商場的食四方樓層，筆者還是第一次到訪，單是公用地方也見舒適闊落，相信各餐廳亦應有一定質素。餐廳和彼鄰泰菜相信是同一廚房，可互相點菜。從門面看來，先見到幾個由天花延伸至地下的木製裝置，有點似一個個竹籃，每一籃內置有一枱，挺別緻。店內格局亦頗闊落簡潔，用餐環境理想。甫坐下後店員先開茶及遞上餐牌，亦於下小吃及潮州功夫茶。前菜小吃有酸菜及炸油條兩款，酸菜酸爽口味合預期，無乜特別。炸油條味道甜身，質感稍硬。功夫茶茶香不俗，此茶亦提醒大家餐廳有其他潮州美食供大家點選品嚐。先吃冷盤麻醬手撕雞，是十大名菜之一。麻醬夠香口，但鹹度略高，手撕雞亦無預期般白滑，一般。再來鹵水拼盤，內含鵝片、墨魚片、雞蛋及豆腐。只淺嚐了鵝片一件，肉質雖韌了少許，但鵝肉香氣挺濃挺入味。炸品兩味，避風塘炒鱈魚腩幾香口惹味，辣度可調重一點。炸品外層脆實，鱈魚腩略薄身，魚肉不算豐碩，油炸製法亦難以釋放魚肉本身味道。椒鹽九肚魚同樣都是食感實了少許，略鹹，九肚魚魚肉則較鱈魚滑多了。湯品杏汁白肺湯，杏香不俗，湯頭調味亦佳。潮州蠔烙是到訪潮菜館必吃美食之一，這兒的蠔餅蠔肉份量足，香脆度及蠔肉鮮味則普通喇。潮式蘿蔔煮老虎斑是另一餐廳推介菜式。約一斤多一點的老虎斑，以玻璃盤盛載，並以明火烤煮保溫，所以出品熱辣吸引，香煙四溢。老虎斑肉質非常嫩滑，富鮮味，很好吃。以蘿蔔放湯這手法炮製，湯汁沾上魚香，份外甜美，蘿蔔亦很腍身入味。菜蔬方魚炒芥蘭片，方魚脆香，芥蘭片綠嫩帶爽。手打魚蛋煮津菜煲魚蛋魚片挺彈牙好味，湯汁味道和潮式蘿蔔煮老虎斑的湯汁有點似，津菜煲得夠腍，不俗。主食糖醋伊麵，脆麵腍麵底面各佔一半，水準OK喇！…查看更多

朋友約吃潮州菜，說是新派的！怎麼潮州菜有新派舊派嗎？原來這間小館是將潮州菜年青化，首先店子裝修很時尚，菜式設計份量偏小，適合年青人聚會，可以點多幾款也無問題。先來四小碟有牛展，牛肚，墨魚及鹵水鵝，我最欣賞鹵水鵝片，刀功精良，沿用多年的滷水膽，鹵水味道香濃細緻，鵝肉甘香，牛展牛肚滷得不錯，爽脆有口感，香料味令人開胃，墨魚片彈牙，每款以小碟份量出，看出潮菜年輕化的活力。在一個寒冷的晚上，很幸福地可以喝到一個胡椒豬肚湯，處理豬肚的功夫十分繁複，在家中要花很多時間才可處理乾淨，所以在館子吃更附合經濟效益，先用雞肉雞骨等熬成上湯，再用這個上湯加入豬肚，豬肉，鹹酸菜等，放入炒過的白胡椒燉成這個胡椒豬肚湯，我不愛吃鹹酸菜，所以我喝前是有點戰戰兢兢，幸好喝了第一口便愛上了，因為鹹酸菜的味道並不顯著，豬肚處理得很乾淨，沒有異味，胡椒驅寒功效很好，在寒冷的天氣喝這個湯十分適合。接著下來的川椒雞，其實不是潮州菜，但是在潮州菜館熱賣，是一個異數，雞肉醃了川椒粉炒，麻辣的味道令人神往，雞肉嫩滑，伴碟炸珍珠葉，香脆可口，是一道送酒佳品。避風塘鱈魚腩，炸過的鱈魚很香口，以辣椒豆豉蒜蓉作材料的避風塘料，又香又辣，口腔變麻，非常惹味，又能帶出魚肉的鮮味，魚脂之豐腴，下酒佳品。膏蟹糯米飯，橙澄澄的蟹膏屯積在蟹肉內，極之吸引，但礙於自家身子問題不敢多吃，眾人對墊底的糯米飯深感興趣，餐廳經理先生經過，笑我們喜歡吃糯米飯不喜歡吃蟹，其實識得食，梗係食糯米飯啦！因為糯米飯吸收這麼多蟹汁精華，啖啖都是美味。蟹肉亦非常新鮮，鮮！甜！火腩春菜煲，春菜是近似大芥菜類品種，與火腩同煮，春菜吸索了火腩的味道，春菜香滑比火腩更好吃。糖醋伊麵，先將麵炸過，再以上湯將麵煨過，然後將麵煎脆，點醋及糖吃，甜甜酸酸，別有一番風味。精美甜品架，仿西餐下午茶的擺設，有三層，芋泥，椰汁桂花糕，皆以植物油代替傳統之豬油製作，糖份亦減量，吃得健康是目前大家關注的問題。蛋白杏仁茶，不是每一個人都喜歡杏仁味，怕其近似藥水味，但我卻很欣賞杏仁獨有的清香果仁味，製成杏仁茶是我最喜歡的甜品，加入幼滑的蛋白，滋潤倍添。潮菜年輕化，誠是好事，好讓年青人多認識中國飲食文化，不讓韓風或東洋風專美。…查看更多

很快又到春節的來臨，安排春節活動的前期工作亦密鑼緊鼓地進行當中，至於選擇團年餐廳這個偉大任務亦一如既往落在小弟的身上。近年的團年飯吃得越來越早，今年為了迎合各人在春節外遊的時間表，更破紀錄地在一月底提早舉行。經過一輪無預設門檻的篩選之後，最後揀了位於美麗華食四坊的「百樂小館」。傳統中菜餐廳近來喜歡走年輕路線，利苑、小南國等早前已經率先帶頭推出小品式「小館」，今回終於輪到老牌潮州菜館百樂了。「百樂小館」的菜式大致跟老店一樣，只是部分改頭換面以小碟形式亮相，配以型格醒神的室內設計，給大家煥然一新的感覺。 潮式灌漿蘿蔔, 4/5先以一款潮式經典菜灌漿蘿蔔為團年飯揭開序幕。樣似日式天婦羅的灌漿蘿蔔炸得酥脆甘香，入口外脆內軟的感覺令人百吃不厭。個人覺得最精彩的是中間清甜的蘿蔔蓉，口感軟綿綿而又帶點蘿蔔汁的濕潤，果然是個漂亮的好開始。 杏汁白肺湯, 4/5再一次證明大家的選擇障礙症越來越嚴重。大家從兩款湯水之中難以擇其一，最終決定兩款也點！這款杏汁白肺湯的確是真材實料，而且火候十足。奶白色的湯每啖都充滿着香濃的杏仁香，大家越喝越覺滋潤，讚過不停。 咸菜豬肚湯, 3/5相比之前的杏汁白肺湯，這款咸菜豬肚湯感覺略為失色了一點。尤其是胡椒味明顯稍重，實是比較失望。 麻醬手撕雞, 3.5/5手撕雞一向是我的至愛，這款感覺上也做得不差。走地雞經過去骨之後啖啖肉，鮮嫩的味道令人難以抗拒。除了肉質本身夠鮮美之外，麻醬亦為菜式添上一股生氣，不錯。 骨香鵝肉片, 4/5吃潮州菜當然不能少得一碟靚的鵝肉片。這碟鵝肉片片切得齊齊整整，賣相相當得體。但撇開不錯的外型，菜式的味道同樣是精彩。鵝片的口感幼滑無比，脂肪和肉的比例亦恰到好處，難怪影相之前，大家已經忍不住手，消滅了差不多三分一。 沙爹牛肉芥蘭, 4/5正如一向敬重的蔡瀾先生常說，愈簡單的菜式愈難做得好。沙爹牛肉芥蘭相信可列作一款簡單的家常菜，而這裡一樣能夠做出水準。牛肉炒得嫩滑有口感，芥蘭則爽脆可口。特別欣賞沙爹醬調校得剛剛好，味道不會太霸道，跟白飯絕對是完美配搭！ 糖醋伊麵, 3.5/5伊麵炸得金黃鬆脆，從面層輕輕灑上少量的砂糖和醋之後，那份突然其來的酸甜味不但為我們帶來一份開胃醒神的感覺，同時還順利將大家的味蕾重新喚醒。 糯米蒸大肉蟹, 4.5/5 接着出場的是主角糯米蒸大肉蟹。餐廳試業期間，這道原價 $688 的菜式，今日以推廣價 $488 推出，我們當然見機不可失。大肉蟹的份量雖不算太多，但勝在每件都肥大肉厚，而且肉質鮮味無窮。不過菜式的精髓其實落在旁邊的糯米身上，軟糯無比的米粒吸引了肉蟹汁的精華之後，味道變得更加鮮甜，配搭火腿粒和的蟹膏(意外沾上的)一起吃，口感實在豐富得難以形容。 龍鬚子母中蝦, 5/5 不過整晚最為驚喜的是這款龍鬚子母中蝦。廚師用麵包糠和芋蓉做成龍鬚，包着中蝦和蝦膠一同炸，味道和口感都可算是無懈可擊。子母蝦的外層酥脆，味道還有淡淡的芋蓉香，菜式的中央則是緊貼在一起的蝦膠和中蝦。兩種不同的質感帶來了截然不同的口味，亦同時為菜式營造出豐富和精彩的對比，的確是非常非常之好吃的一道菜。 潮式燒吊片, 3.5/5接近尾聲的階段還有一款潮式燒吊片。這道菜的味道不禁令我想起小時候在戲院門外的燒魷魚。吊片的鮮味和煙煙靱靭的口感令大家大感意猶未盡，尤其是面層的少許焦香，吃落更加惹味。 清心丸綠豆爽, 3.5/5進入甜品環節，首先試的是一款清潤的清心丸綠豆爽。清心丸晶瑩剔透，口感也夠煙靭，跟清甜的綠豆是接近完美的組合，喜歡清新的朋友絕對不要錯過。 福果芋泥, 4/5不過個人更愛這裡的福果芋泥，幼滑如絲的芋泥配搭沾了糖的白果，愛甜的妳必定愛不釋手。這頓晚餐之前，百樂一直給我的感覺是比較 「old school」。但想不到環境和食物經歷微細的調整之後，效果可以那麼顯注。耳目一新的感覺令人印象深刻，團年飯未有着落的話，不妨考慮一試。…查看更多