百樂小館 (已結業) 查看

臨近新年期間，當然要外出吃頓好料，便帶同母親到酒樓吃飯，畢竟菜式比較適合長輩，我便聽取了朋友的意見，最終選擇了好友推介的尖沙咀區百樂小館餐廳。光顧當天餐廳正在推廣迎新春套餐優惠，從原價每位 $868，減至優惠價每位 $588，並且共包含有八款菜餚，以眾多款美食來說，價格可算是十分划算經濟。功夫茶吃潮州菜當然少不了配搭上一杯功夫茶，於入座後職員便先為我們奉上兩杯鐵觀音，入口味道茶香濃郁，甘甜清香，尾韻持久且有着微微苦澀回甘，很是適合用作解膩解渴。紅燒潮州中鮑翅中鮑翅份量充足，入口黏度適中，濃郁鮮甜，甚有膠質，魚翅條條分明，柔韌爽彈，真材實料，加入潮州翅必配的醋和芫荽，能提升其鮮味之餘亦能令味道更為清新。金沙發財卷拼龍鬚好市金沙發財卷就是把鹹蛋黃炸漿包裹上髮菜再進行炸製，外層色澤金黃的鹹蛋黃份量眾多，口感香脆爽酥，鹹香惹味，蛋黃味道濃郁，內餡的髮菜軟嫩柔滑，清香彈牙。龍鬚好市分開三層用料，外層多重的幼絲香口爽脆，中層用上蝦膠製作，味道鮮甜彈牙，內餡再配搭濃郁鮮嫩的蠔豉，多重口感配搭令層次十足，沾上甜醬同食更別有一番風味。旁邊的伴碟放置有數顆合桃，而且均以糖膠包裹並灑上白芝麻點綴，口感香甜酥

知道新年時間不會與好友相聚，所以趁着新年前跟好友到「百樂小館」吃一個迎新春套餐，能夠相聚之餘又可以享受美食。到步的時候看到他們的門面還以為這餐廳不大，誰知走進餐廳後比想像中大之餘，感覺又非常舒適，時尚感十足，感覺相當不錯!坐下不久後，我們不說二話便點了他們的迎新春套餐，這套餐包括金沙發財卷拼龍鬚好市、紅燒潮州中鮑翅、6頭鮑魚拼鵝掌、蘿蔔煮細黃花魚、金華竹笙扒雙蔬、鳳凰煎年糕、福果薑薯湯圓和合時生果。金沙發財卷拼龍鬚好市金沙發財卷炸得香脆可口，外層還沾滿鹹蛋黃，吃上去充滿鹹蛋黃香之餘，又鹹香惹味，內裏滿滿都是爽口彈牙的髮菜，作爲鹹蛋黃控的我吃完一口有一口，好味得停不下來!而龍鬚好市外層同樣炸得香脆可口，內裏就是爽口彈牙又鮮味的蝦膠，蝦膠還包着香濃惹味的蠔豉。這道菜實在是喜出望外，沒想到我從來也不喜歡吃蠔豉，但當它被蝦膠包着時，兩者產生了化學作用，互相提升彼此的味道，吃起來特別鮮味可口，難怪我也深深愛上了這道菜!紅燒潮州中鮑翅紅燒潮州中鮑翅非常足料，內裏全都是爽口彈牙的魚翅，加上這道中鮑翅稀稠度煮得剛好，味道又濃郁，實在是一吃難忘!6頭鮑魚拼鵝掌鮑魚軟腍之中帶微微的咬口，味道濃郁而不過鹹，

就到農曆新年，特登BOOK枱同屋企人食團年飯!今年揀左百樂小館，有個迎新春套餐，每位$588(兩位起)。金沙發財卷拼龍鬚好市金沙發財卷：外層炸得香脆惹味，入口有濃郁鹹蛋黃香，內裡係酥脆嫩滑髮菜。龍鬚好市：彈牙蝦球包裹鮮美蠔豉。紅燒潮州中鮑翅色澤金黃，湯頭香醇順口，濃香味美，啖啖爽滑軟Q。六頭鮑魚伴鵝掌鮑魚香味濃郁，食落嫩滑彈牙好鮮甜，鵝掌帶膠質，炆得入味，腍軟有彈性。蘿蔔煮細黃花魚黃花魚鮮美嫩滑無腥味，啖啖肉好肥美，蘿蔔細緻爽口。金華竹笙扒雙蔬竹笙鮮香爽滑，金華火腿香而不膩，雙蔬清甜爽口無渣。鳳凰煎年糕加以蛋液煎香，味道一流，年糕食落香甜黏糯有嚼勁。福果薑薯湯丸薑薯甘香爽口帶點黏性，芝麻湯丸香滑軟綿好Q彈。最後奉上爽甜橙粒，一口一粒剛剛好，為是日午餐畫上完美句號。

潮州菜館有好多，但係要搵一間坐得舒服裝修又靚嘅潮州菜館就唔係咁多選擇呢間菜館就可以滿足晒你食好嘢同坐得舒服兩個願望呢間餐廳喺美麗華廣場入面，適合一家大細shopping完坐低慢慢食今日同朋友三個人入嚟唔可以叫太多嘢，我哋就叫咗個招牌嘅滷水鵝肉拼盤嚟食。個拼盤除咗鵝肉仲有滷水蛋同埋滷水魷魚，全部都好入味我哋仲叫咗個蟹子海皇炒飯，個炒飯啲飯粒粒分明，亦都好足料，外表都同其他餐廳嘅炒飯有啲分別，係特別嗰種分別最後臨走仲送埋招牌嘅功夫茶俾我哋飲，飲完之後全日行街都好精神

一坐低嘅時候俾返menu 嚇親，仲以為入錯舖頭。明明book嘅時候係百樂小館，坐低睇餐牌變咗滿樂😳黎食潮州嘢、梗係要嗌返啲潮州嘢食啦！呢一間餐廳有一樣好可以叫細份野食，咁樣就可以試多啲啲嘢啦！先黎一個滷水拼盤： 滷水鵝肉拼盤、有墨魚滷蛋，每樣有d，最啱做小食再黎潮州蠔烙- 即係蠔餅、煎得好香、蠔肉又多，唔會淨係食粉、啖啖肉、又唔會太熟，最緊要冇腥味糖醋伊麵 ：潮州特色，即係兩面黃朋友，一邊點砂糖，一邊點醋，非常開胃，有呢個，飯都唔駛食😂老香炆一字骨 - 整得幾入味嘅，同埋都真係幾淋，好岩送飯潮式反沙芋條 - 啲糖同芋頭炒到啱啱好，唔會一食就糖還糖，芋頭芋頭，反沙芋唔係度度地方有，所以如果有得食嘅話，一定要試吓，如果做得好嘅話，佢其他嘢食都多數好食👍🏻因爲好考功夫總括而言，價錢平，嘢食有水準，CP值高👍🏻

同友人經過尖沙咀，又想食潮洲野。睇下 openrice就見到美麗華有呢間餐廳一於試一試啦同朋友叫左個2人套餐😛分別有個三絲羹，梅菜扣肉，豆腐煲，同甜品先講下個梅菜扣肉先😄d肉吾會煮得太冧，而且好入味送飯真係一流之後就到個豆腐煲真係新鮮滾熱辣送到，又係撈飯一流呢個三絲羹都係好足料好好食最後就係到甜品啦係熱辣辣嘅蛋白杏仁茶味道吾會太甜，又好有杏仁味😊最重要係對女仔黎講好養顏滋潤。整體黎講，餐廳空間好大好舒服食物質素好有水準

百樂小館，一直都是我哋吃點心及小菜首選嘅地方，價錢公道，廚房認真製作，絕對值得一去再去👍原來是和戲曲中心滿樂是同一集團，但這兒食物製作比較優質中午二人套餐好抵食，但太大份，今次只叫二個小菜加個點心，不用過飽這個糯米卷，糯米夠𨍥，D皮蒸得乾身，內有花生等，好吃，這裹點心大部份都做得唔錯，值得試試沙爹牛肉炒芥蘭，份量不少，芥蘭好吃，但牛肉用了過多鬆肉粉醃，變得太淋及冇左冇牛肉味😞呢個紅燒豆腐，可以叫細份量，有肉碎冬菇等炇，豆腐入咪，獻汁埋等恰到，是必吃的一道小菜食完好飽，食物份量十足，真係好抵吃，又好味😋下次試下唔要咸菜，始終醃製食物，多吃冇益

◭滷水鵝肉拼盤 $118有滷味濃嘅鵝片、薄切墨魚、滷蛋，可以叫呢個做餐前小食，份量唔多，每人試少少，就啱啱好😆◭金不換炒薄殼如果你係潮州人，一定會食薄殼薄殼口感好似好細粒嘅蜆肉味道同豉椒炒蜆差唔多好惹味😆◭碧綠川椒雞球 $98雞球一般般，有少少咸得滯跟住又唔夠熱，食第一舊雞球已經凍左川椒雞球有啲失望◭椒鹽麥穗鮮魷魚 $98好脆口既鮮魷魚，好香椒鹽味，又夠熱辣辣👍🏻◭百樂特色冬瓜盅 $268我地3個人食1個冬瓜盅，每人都有兩碗+🤣冬瓜好清甜，入面材料有草菇、肉粒、瑤柱等如果想食潮洲菜，又想坐得舒服啲，百樂小館會係一個唔錯既選擇!

我選擇了以下菜式骨香鵝肉片 : 味道不錯，鵝肉入味， 不過略嫌有部份肉質韌了一點， 扣了點分數碧綠川椒雞 : 雞肉嫩而入味， 色香味俱全椒鹽九肚魚 : 外脆內軟， 味道恰當竹笙三絲翅 : 味道是可以， 不過翅就少了一點， 同期望有點落差鴛鴦水晶包 : 皮薄餡料足， 甜度適中， 算是不錯的甜品

突然想食潮州菜，選擇咗美麗華商場，泊車方便，又有泊車優惠，一坐低飲杯功夫茶先，必食食糖醋麵，入味滷水鵝片，鮑汁雞腳正，芋頭卷香脆，九肚魚南瓜煎蛋手工好，方魚肉碎粥個人特別喜愛，環境好舒服，最識合一大班人嚟食

首先，我地清楚我地係未齊人未叫野食而且你地係10點就收鋪，但唔需要係8:00左右過嚟同我地講last order催促我地落單(p.s 9:00 last order)仲要係8:30就過嚟又問一句「你d朋友仲黎唔黎」我地係9點叫齊正餐9:10分落order叫甜品(知道你地9點last order仲俾我地9:10左右先order甜品已經好好，所以我地都唔介意你地一次過上曬正餐同甜品)中途我一位朋友9:26要入餐廳仲要俾你嘅同事阻攔話探熱嘅同事已經收咗工，難道得一位同事識用探熱器？定係個探熱器同探熱同事一齊收工？🤷🏻‍♀️ok都唔緊要，我地知道你10點收鋪，我地已經好快咁食，希望可以盡快交枱俾反你地，但係可唔可以唔好係我地食緊野嘅時候一直收碟收碗，我朋友左邊右邊會不斷咁有隻手伸出黎收野，而且又要整跌筷子匙羹，係咪唔諗住俾我地食嘢？🤦🏻‍♀️提反一句，我地交台時間係9:56有機會係再早多2分鐘🤷🏻‍♀️（因為我睇時間嘅時候已經行到出餐廳門口等緊𨋢）我相信4-5分鐘嘅時間係足夠你哋兩個人去收曬d碗碟。希望你地可以有所改善🙏🏻

星期三，去完吉之島特價日掃貨後便過去美麗華商場四樓吃午飯，見百樂小館有個兩人套餐，338元包點心，湯及小菜，十分豐富.點心可選兩款，每款兩件，點了燒賣及芋絲春卷，不過不失。（因顧住吃便忘了拍照）湯就選擇了一個紫菜漁蛋湯，湯清甜，夠熱👍加左幾條中芹，及放入幾片炸香的大地魚，好香，只係稍嫌魚蛋未熱透。潮汕小食點了乳香骨，有四、五件左右，好似炸朱扒咁上下，唔算出色，勝在唔油。這個鹵水小食樣樣都有小小，鹵水好香，（佢D鹵水可以話拍得住九龍城澄海老四D鹵汁）絕對冇得輸，鵝片入味，鹵蛋亦好好食，係腩肉肥左小小，鹵豆腐香滑，仲加幾片懷舊紅腸，好正👍這味咸雞，上枱時凍凍的，應該是煮好後風乾，味道鮮，雞味濃，份量唔小，可以話係抵食😚這味方魚炒芥蘭（方魚即大地魚），看似簡單，實則幾考師傅功力，要菜唔淋，又要爽口，加上唔可以太油，呢處做得好到位，加上方漁炸得香香一片一片的，添加幾片鮮菇點綴，上枱時還帶有陣陣紹興酒的餘香，無論材料同炒功都恰到好處，讚👍！這個杏汁桂花榚跟餐送的，不太甜，賣相吸引，唔差的。但我個人則徧向椰汁桂花，覺得味道比較配合些結賬茶芥每位15元，咸茶15元，我哋另加一碗白粥，15元，全單$4

年多前首次光顧餐廳後, 一直對其食物念念不忘, 趁着母親節就同屋企人慶祝食飯。餐廳設有很多卡位闊落可坐六至八人, 而且每枱間的空間都足夠, 適合家庭聚會。食物方面, 餐廳大部份食品調味適中唔咸, 絕對老少咸宜, 而且每樣都熱辣辣, 質素好高。沙茶牛肉炒河牛肉好嫩, 河粉加入蛋炒, 啖啖都沾有少辣嘅沙茶醬, 好惹味。碧綠川椒雞整碟小菜香口唔肥膩, 雞肉質嫩滑, 調味方面香而不辣。手打魚蛋煮津菜煲魚蛋同魚片都彈牙爽口, 津白清甜, 餐廳特意加入少少魚乾, 令湯底昇華, 絕對可以中和其他濃味菜式。

讚1.點心幾有特色，韭菜粿、腸粉芋絲春卷都做得出色，外皮做得出色，滑溜唔黏牙，又唔會勁厚，餡料處理得好，切得均勻2.環境好闊落，坐得好舒服3.價錢幾平噃，成檯都係野食都只係百六彈1.叉燒包好麻麻，皮好硬2.餐前花生有啲油膉味

麻醬手撕雞 (半隻)雞肉肉質唔柴、偏淋，冇雞味🐥同麻醬都幾夾🥰 滷水鵝肝好淋，入口即化👌🏻但感覺有啲生🙊 潮洲蠔烙好出色💯蠔仔新鮮肥美❗️煎既時間啱啱好，唔會令蠔仔過熟~味道鮮甜、冇腥味👏🏻蠔烙入面蠔仔數量頗多，好味😋 椒鹽九肚魚冇食到🐒 老香櫞炆一字骨有六大條肥膏較瘦肉多😥醬汁老醋味道較搶，唔太推薦🙅🏻‍♀️ 欖菜肉碎四季豆正常發揮，唔會過油👌🏻 杏汁白肺湯杏汁味好濃🤤湯有沙沙既口感豬肺處理得好乾淨，口感鮮嫩👍🏻臘味飯好足料🙀有臘腸、潤腸、臘肉、臘鴨等，臘腸選用肥肉較少既高汁瘦臘腸，潤腸獨特既香氣超濃郁，唔係個個都受到哩種味，臘肉隔肥隔瘦，唔會好鹹，臘鴨肉質硬實，但味道超鹹全部臘味都幾高質！ 仲配左一碟油菜🥬油菜保持到翠綠食落鮮甜爽脆🍴 飯🍚偏油，食唔曬🙈 杏汁蛋白芋泥好好食！杏汁味道濃郁；蛋白份量唔少，質地嫩滑；芋泥綿密濃稠，味道天然，好食😇整體甜度唔高，會飽肚但我自己ko左一碗🤪 綠豆清心丸味道清新，甜度唔會過高綠豆粉糯，清心丸略嫌唔夠煙韌🧐 白果芋泥芋泥質感綿密👏🏻味道係鹹既，怪怪地鹹味令芋頭香氣變得唔太突出😖