嵐月 (AIRSIDE)

營業中

休息中

4/8/2024 星期日，到Airside，好想舒舒服服享受午餐，見到嵐月環境唔錯，－於試吓啦！女店員好nice，接待我哋到餐廳內的卡位座。坐得舒服，即刻心中給她一個讚👍🏻，我哋都頓然覺得特別開胃😊我哋今日叫咗：-咖啡廳燻20日初鴿，皮脆肉嫩，有淡淡的燻煙味，夠香口，美味。葡汁雪魚酥，好有特色，有少少咖喱葡汁味，好食。水晶蝦餃皇，新鮮蝦，彈口。馬來喇沙小籠包，有少少辣味，多湯汁，好味。䐁肉叉燒腸，腸粉皮薄，多叉燒，正正。石獅黑麻糕，特色甜品，甜度適中，食埋這個甜品，圓滿的午餐。還有，要提一提，我哋叫咗洞庭碧螺春茶，因為其他地方比較小有這類茶提供，難得今次可以一嚐碧螺春茶。各侍應都好專業，好友善，當我哋食完午餐，佢哋會訪問客人，對餐廳食物及服務有沒有需要改善的建議。好貼心的服務，值得一讚👍🏻。

飲茶當然個茶非常重要❗️今次我地叫咗碧螺春，茶味夠又香滑。慢慢飲慢慢歎最佳享受😊辣朱古力拌法國BB鴿BB鴿肉嫩滑可口，多汁美味。配埋辣朱古力汁，有另一番風味！😋黑天鵝荔芋酥造型特別，脆口多料，口感不錯👍🏻酸菜魚湯餃子酸菜魚湯很濃，很有魚味！餃子做得很精緻🥟 而擺盤的器皿都很有特色。石獅黑麻糕石獅黑麻糕的賣相很有氣勢，石獅的紋理非常細緻，影咗勁耐都唔捨得食🥰。切開來食嘅時候發現糕很軟，食落仲有香濃芝麻味，味覺與視覺嘅享受。場內佈置裝潢很有氣派，員工都很友善為我地介紹菜式。

第一次行Airside個陣就比《嵐月》嘅裝修吸引住～於是擇咗年廿九lunch過去試下～11:30am已經到餐廳 因為啱啱開市仲未有其他客人 即刻打咗幾張卡先～🫢因為係第一次幫襯於是兩個人坐低後就order咗幾款網上見到多人點嘅～👉北寄貝茶薑漬～味道好獨特嘅開胃前菜～用咗乾冰上枱～好有氣氛～👍👉蘋果木燻泰安雞～一開蓋濃郁嘅煙燻味撲鼻而來～雞肉嫩滑、雞皮的煙燻味好香～必食no.1～💙❤️💜😍🤤😋👉桔柚黑鱈魚～香煎黑鱈魚、外層包咗橘子醬～上碟個陣我以為嚟咗咕嚕肉～好味～🫢😋🤤👉薑母糖炆芥蘭～芥蘭又甜又嫩～👍👉黑豚叉燒撈淮山麵～因為得兩個人唔想食太多肉但又好想食必食之一嘅黑豚叉燒～於是就點咗尼味～半肥瘦叉燒好好味～👍🤤😋👉石獅黑麻糕～國風獅子造型嘅黑芝麻布丁～打卡必點～味道ok～🫢下次會再嚟試晚餐。

同行有8、9位親戚，預訂時冇特別要求廳房，但店家特別安排左半開放VIP房，等我地盡情打卡傾偈，好貼心 💞必食推介：石獅黑麻糕 和牛酥環境、食物質素喺區內真係數一數二，回頭度💯

👧🏻😋👅🍽✨Airside驚喜中菜☺️-嵐月 🇭🇰 九龍城啟德協調道2號AIRSIDE 3樓L301-L302號舖 🇭🇰-🌙 上年九月先開業既新派中菜嵐月環境優美又富現代感, 菜式新穎又有特色, 食點心飲茶又得, 小酌一杯又得🌙 農曆新年照常營業, 到初十五都有賀年特色套餐-🐓 蘋果木燻泰安雞（半隻） $288 💯蘋果木燻好香, 泰安雞皮嫩肉滑, 少少肥但因味道鹹香食落唔覺膩💯面頭茶葉脆口亦帶木燻味, 進而增加口感同豐富左味道層次-🍡鵝肝流心脆球 $108 ✨賣相黑金超好睇, 外皮質地肉煎湯圓, 皮好薄包住鵝肝蓉! 入口即溶帶油香好軟滑-🥠赤枸杞蘿絲酥 $68 💯比常見蘿蔔絲酥餅多左枸杞既紅色, 酥皮質地入口即化, 配搭鮮甜多汁既蘿蔔餡食落好舒服-🦐金沙鮮蝦腸 $88 ✨腸粉好滑, 入面係兩隻超大隻彈牙鮮蝦, 有淡淡金沙香味唔會搶左蝦鮮味, 豉油以外仲配有香草油幾特別-🦁 石獅黑麻糕 $68💯個模勁精細! 石像每一條紋同獅子全身各部份都好清楚, 但竟然係Q彈既芝麻糕🤣 唔會太甜好香黑芝麻味

係啟德AIRSIDE真係好多新餐廳呀，主打精緻中菜嘅高質中菜廳，食物質素有保證，而且餐廳裝潢高貴用餐環境舒適，嚟緊新年團年飯或者大時大節同屋企人過嚟食飯就啱晒啦。▪️嵐月西班牙黑豚叉燒▪️肥瘦比例適中，外皮燒得有些許焦脆，但係肉質依然保持飽滿有光澤，食落肉質鬆軟，正！▪️蘋果木燻泰安雞▪️泰安雞雞味濃郁，上枱先打開蓋，打開蓋係打卡好時間清香茶葉味同濃香蘋果木煙燻味出眾，雞皮色澤光鮮，肉質嫩滑！▪️仙翁米雞湯浸菜苗▪️雞湯底清甜，配上鮮嫩菜苗加上有淡水野生藻類植物-仙翁米加持，富有滿滿蛋白質同養生健康之選。▪️桔柚黑鱈魚▪️黑鱈魚咬開仍然Juicy，清香桔柚同新鮮柚子果肉酸甜口感配一起食十分開胃！無骨口感大人細路都啱食。▪️石獅黑麻糕▪️石獅子造型超可愛，十分搶眼！賣相特別！而且真係好似真嘅石獅子一樣啊！真係睇到都唔捨得食🥹黑麻膏芝麻味香濃，甜度適中，口感Q彈👍🏻值得一試嘅呢🤩礦泉水同埋茶飲需要另外order，有多款茶葉可以選擇，今次揀咗西湖龍井，茶葉甘醇，茶香出眾，幾唔錯！總括嚟講，呢間中菜廳都幾高質，用餐環境俾人一種好舒適嘅感覺，食材用料新鮮，擺盤賣相造型用心，推薦大家過嚟啟德可以食呢一間。

同朋友喺新開嘅商場睇完戲之後喺呢頭行吓，咁啱朋友話想食中菜，見到有間評價唔錯嘅酒樓就入咗去試吓呢間酒樓同傳統嗰啲好唔同，門口裝修好靚，連bar枱都有埋🥂入到去之後職員好有禮貌，比咗個茶盒我哋仲同我哋介紹唔同品種嘅茶🍵茶壺會用個火燒住，咁就唔怕啲茶唔夠熱唔好飲啦🤣餐廳Menu有好多選擇，不過我哋得兩個人所以食到嘅都唔係太多😣首先送嚟嘅係和牛酥個皮整得好脆而且入面嘅肉都好多，食落都幾有和牛味😝之後下一個送嚟嘅係石燒板麻辣羊肉烤包，送過嚟嗰陣即刻聞到好香嘅味道👅食落去羊味唔會話好酥，就算唔鍾意食羊嘅朋友都可以試吓😜下一個係我朋友叫嘅冬陰小籠包，呢個真係好好味大家一定要試吓👍🏻👍🏻👍🏻佢入面個湯係冬陰功湯嚟，少少麻辣咁好過癮，如果可以多幾粒就好啦🥺之後我哋每人叫咗一個胡椒龍蝦湯餃，左邊嘅係餃而右邊嘅係湯🤩將個湯倒落去就食得啦，非常有儀式感🥰隻餃入面啲龍蝦肉都係好足料的，而且個湯都香胡椒味😊因為真係太好味啦所以我最後仲將全部湯飲曬😋黑松露燒賣都幾特別，平時出面啲酒樓都未必會食到😌不過可惜又係得三粒冇得平分😞最後一個點心我哋叫咗豬肉叉燒腸，腸皮做得好薄而且入面好足料😍甜品方面我哋叫咗呢間酒樓好出名

◇嵐月門口裝潢很氣派之餘 環境綠色設計比人大自然感覺好舒服 但又不失優雅高級感 😊特色座位 好似俾樹葉包圍 置身童話世界咁好靚 😍另外仲有張10人長枱 草叢佈置優美 🫖一開始擇茶葉開壺靚茶 鳳凰單欉 （最多人飲）🍵《鳳凰單欉既香且甜，如花如果，又勝花果，是茶中一絕。單欉有茶中香水的美譽，一欉一香，天生獨到。》飲落又真係幾甘甜☺️【北寄具沙薑漬】＄128輕灼仍然好鮮甜 口感彈牙爽滑 加上切碎的新鮮沙薑 同青瓜絲感覺好清新☺️【嵐月西班牙黑豚叉燒】 (例） ＄298黑毛豬食橡果大🐖 肉味極濃 肉質嫩滑❤️真係同外面燒味店食嘅叉燒好唔同食過好真係返唔到轉頭😆👍🏻👍🏻叉燒外層略帶焦香 肥美而不膩口【桔柚黑鱈魚】 ＄288一口大小黑鱈魚酥炸過後 外脆內嫩酸酸甜甜嘅桔柚汁 沾上旁邊桔柚泡泡酸酸甜甜 細嫩清新啖啖肉☺️👍🏻【蘋果木燻泰安雞】 (半隻) ＄288用上本地名牌泰安雞 一開蓋已經煙燻芳香撲鼻💨外皮和內裡的肉汁都充滿濃厚蘋果木煙燻香氣😍滑亮的皮面鎖著原汁原味的肉香 😙皮Q肉滑👍🏻【松茸海膽越光米】 ＄268松茸味道獨特香濃 燴飯綿密口感順滑 日本越光米圓潤飽滿 香而不膩👍🏻😊【石獅黑麻糕】 2件 ＄

今天，我們一家三口到Airside參觀。午飯時段，我們決定試試這間新派中菜廳。 中菜廳位於扶手電梯旁邊，門面設計非常時尚， 非一般舊式酒樓的設計。 內部裝修精緻，也不乏時代感。 我跟店員說，今天是我先生的生日。店員面帶微笑，感謝我們於他們餐廳慶祝，並安排了一個靠窗邊的座位給我們。坐下不久，店員便拿出一個木製盒子，內有九格，放著不同的茶葉，並續一向我們介紹。這個安排，比我們去TWG選擇茶葉，更具儀式感。而且即使在酒店中菜廳，也沒有這個服務。讚！而這裏的茶葉品種，也並非一般傳統酒家的普洱、鐵觀音等。午餐的食物，令我最驚喜，亦一定會回來品嚐，便是哪個“咖啡廳燻20日初鴿 ”。 這道菜有非常香濃的煙燻咖啡味，乳鴿外皮炸得非常香脆，乳鴿肉非常嫩口，帶有大量肉汁。黑豚叉燒亦燒得非常香口，肉質不會過份油膩。兒子非常喜歡‘’皇帝蟹脆米泡飯‘’，一個人吃了三小碗。我們選了多款不同的點心，當中力推冬陰小籠包、蝦餃、荔芋酥、和牛酥和蜜瓜包。 這幾款點心，質素絕不下於酒店中菜水平，但價錢也則常能夠接受。最後亦是最驚喜，就是我們選了店員介紹的芝麻糕作為甜品。店員居然用朱古力醬，寫上Happy Birthday的

新商場內，見到有一間環境唔錯嘅新派中菜廳，剛好有客人要招呼，於是book左一間12人房食午餐，經理亦好好，介紹一個商務套餐俾我，等我唔洗煩🤪前菜嵐月蝦餃王，竹炭鱈魚松茸餃，和牛酥湯北寄貝昆布海螺燉雪雁主菜嵐月西班牙黑豚叉燒，桔柚黑鱈魚，日本百合濃湯浸菜苗，新竹米雪場蟹炒桂花甜品石獅黑麻糕酒店式上菜，每道菜已分好，經理亦有介紹佢哋啲招牌菜，佈置精美，每次都可以相機食先，上菜速度偏慢，但啱晒我哋可以慢慢傾偈，食物質素有中上水準，服務亦好好，完全感受到貴賓式招待，客人都好滿意今日安排。下次自己朋友黎食，再試吓其他點心，睇吓係唔係都係有咁高質素🥰

傳統中式酒家比較老土，未必迎合年輕人口味。但是，在新商場Airside，我發現了一家新派的中式酒樓 - 嵐月，於是我決定去試試。這家餐廳的設計時尚而精緻，宛如一家高級酒店的中菜餐廳。然而，看了餐牌之後，我發現價格絕對合理，並沒有過高的酒店價位，相比一般傳統中式酒樓，只是稍微貴了一點點。今天我試了多道菜式，坦白說，每一道都賣相精緻，碗碟餐具也非常講究。至於味道，每一道口味極佳。我個人認為，這家酒家絕對有機會成為米芝蓮食府的佳作。點心方面，必吃的是"蝦菇松茸餃"，因為那隻蝦是原隻瀨尿蝦，所以味道非常鮮甜，真的是前所未見的蝦餃。另外還有"和牛酥"，酥皮鬆化不油膩，和牛餡料調味很出色。我還試了"靜岡蜜瓜燉珍珠肉湯"，因為使用了日本蜜瓜燉湯，所以這道湯真的非常清甜。主菜方面，我試了"24小時慢煮牛肋肉"，經過長時間的慢煮，雖然使用的是美國牛肉，但吃下去絕對有日本和牛的水準，真的令人驚喜。如果你喜歡吃辣的話，我非常推薦"藤椒酸湯虎蝦球"，酸辣味道適中，大蝦拉油時間剛好，所以蝦身勁爽，口感鮮嫩多汁。還有一道"仙翁米雞湯浸菜苗"，湯底濃郁，賣相精美。主食選了"松茸海膽越光米"，上菜時使用了海膽穀，打卡