Cafe 2 Oyster n Grill

營業中

休息中

Cafe 2 Oyster n Grill坐落於香港西環，是一間充滿歐陸風情的海鮮餐廳，主打優質海鮮、生蠔和烤肉。餐廳環境舒適，木質元素的裝潢營造出溫暖愜意的氛圍。餐廳的生蠔選擇令人驚艷，我們四人品嚐了三款精選生蠔：西班牙珍珠、南非伊麗莎白和法國聖馬田，每款各四隻。三種生蠔各具特色，同樣展現出清甜鮮美的品質。前菜中的檸汁醃八爪魚（Octopus Ceviche $148）呈現出精湛的廚藝功夫，慢煮八爪魚質地嫩滑，搭配清新檸檬香與綿密牛油果，層次豐富。慢煮和牛薄片（Wagyu Carpaccio $158）刀工細膩，配上香醋醬汁，完美展現和牛的油脂香甜。西班牙蒜味蝦$128，大隻鮮甜。主菜方面，炭燒海鮮拼盤（$398）是餐廳的一大亮點，各式新鮮海產以炭燒方式烹調，完美保留食材原味。澳洲斧頭扒（55安士，$888）則是令人印象深刻的重量級選擇，一份足以款待4-6位食客，肉質鮮嫩多汁，絕對值得一試。甜品同樣出色，甜品拼盤（$168）包含四款精選甜點，從經典法式焦糖燉蛋到香濃朱古力布朗尼，每款都令人回味。特別推薦朱古力心太軟（$88），溫熱香濃的朱古力醬佐以清爽雲呢拿雪糕，是完美的收場。餐廳提

Cafe2食過兩次，真心不錯，每次都超高水準又棒住個肚走～有朋友搬左去西區，即刻提議黎Cafe2食入伙飯～早到等佢地黎，叫左杯飲品～人齊就飲碗湯～蟹肉南瓜湯 $65未試過甜甜地南瓜味既蟹～比想像中好飲～周打蠔肉湯 $68一如以往咁濃咁Creamy~ 佢地個個飲完都喜歡食蠔既朋友有福了～我自己唔多食蠔淺嚐一隻淡淡海水味，都幾肥美～任飲白酒之餘仲可以以優惠價追加生蠔我飲酒，朋友大戰生蠔，一舉兩得～焗日本扇貝配波菜及蕃茄芝士汁 $128焗扇貝既配料超多，估唔到粒扇貝都超厚肉焗既時間剛剛好，肉質唔會太老～我最愛既炭燒海鮮拼盤 $298真炭燒，一入口就食得出海鮮超新鮮的～炭燒美國安格斯斧頭扒 $798/40-45oz份量超大，千祈唔好眼闊肚窄四五個人share呢個Size都好足夠啊！燒完拎出黎比你望望再拎去切一件都要分幾啖食～今次試新野 日本水飼豬 ＄268自己麻麻地食豬因為好怕鞋口但今次有驚喜～慢煮完再煎口感很不錯墨魚汁海鮮意大利飯$148黑猛猛又幾好食喎！最後黎個甜品拼盤作結～

年尾特別多飯局，朋友中有人是酒徒，Cafe 2有$88任飲紅白酒，啱晒，加上之前已經食過一次，知道味道不俗，就建議朋友在此飯聚。＊＊＊＊＊＊＊＊＊＊＊＊＊＊Cafe 2在香港大學站和西營盤站之間，雖然距離後者近一點，不過建議跟Openrice指示在香港大學站出，因為一出地鐵站一條直路就到，對於非地膽的朋友會較容易。啡色磚牆加上窗邊的小燈泡，甚有節日氣氛。餐廳最近推出$88紅白酒任飲promotion，達星期一至五晚市時段或星期六日全日都可以享用，基本上飲兩杯都已經回本，最啱酒友，加$18還可以有兩隻生蠔，超抵！是晚我沒有飲酒，女士朋友說這白酒酒味不重，都易入口。加$18的兩隻生蠔是隨機的，每次不同，但見生蠔都肥美，海水味重。凱撒沙律伴24個月西班牙火腿($120)凱旋沙律單點是$82，可以加錢加配煙三文魚或西班牙火腿，所以我們就加了$38加配火腿。羅馬生菜上鋪滿芝士片、烘麵包粒和煙肉碎，上面再伴有流心蛋和西班牙火腿。凱撒沙律有足夠的凱撒醬，食之前跟流心蛋拌勻，羅馬生菜夾脆，加上帶鹹香的西班牙火腿，味道一流。周打蠔肉湯($68)蠔肉湯顏色呈土黃色，中間放有一隻蠔肉。蠔湯入口蠔味濃郁，因為

今日約了一大班朋友去了位於西環的Cafe 2 Oyster & Grill吃飯，餐廳裏面都幾寬敞，有很多長枱應付團體客人。餐廳正進行優惠，$88任飲紅白酒，另外加$18仲有兩隻生蠔，喜歡食蠔的我及朋友們又怎能錯過呢。先點了任飲再加生蠔，白酒味道不錯，有甜味及好smooth，還有點果香味，配生蠔簡直一流。生蠔味道有海水味，質感比較爽口，咸味很重，加點檸檬汁更添鮮味。Caesar salad with Parma ham沙律表面有很多即即蘑巴馬芝士片，麵包粒及香脆的煙肉碎，沙律菜清新爽脆，配上帶有咸香的Parma ham，沙律清新中帶點咸味，非常開胃。黑松露牛肝菌雜菌湯牛肝菌味道濃郁，湯比較濃稠但攪得很幼滑，配上香蒜多士，香脆鬆軟，非常飽滯。炭燒美國安格斯斧頭扒斧頭扒份量十足，足6-8人享用，表面燒至微焦，但切開裏面還帶粉紅色，約七成熟，肉味濃郁有肉汁，肉質嫩腍且有些許油脂，油份都帶有牛油的甘香。黑松露大蘑菇手捲粉配巴馬臣芝士是一個幾特別的主菜，有別於一般傳統意粉，外貌似竹筍縮少版，中間通心，能盛載著大量的醬汁，配上黑松露蘑菇汁，黑松露香氣四溢，每條手捲粉中間都有黑松露的味道，每啖都充滿著