Cafe 2 Oyster n Grill

琴晚同朋友兩個人去咗「Cafe 2 Oyster n Grill」食生日晚飯，本來諗住簡單食啲嘢，點知見到餐牌咁吸引，唔小心就叫到成張枱都係嘢食，變成一場非常豐富嘅盛宴。整體嚟講，食物份量十足，性價比極高，係一次喜出望外嘅用餐體驗。 招牌生蠔我哋先試咗餐廳嘅招牌菜——生蠔有「Spain Pearl」、「Elizabeth」同「St. Martin」係三款唔同品種嘅生蠔，每款都點咗兩隻。作為餐廳主打，新鮮程度有保證，海水味濃郁，口感creamy，為呢餐飯揭開完美序幕。除咗生蠔，其他菜式亦同樣出色：檸汁醃八爪魚 ：非常開胃嘅前菜，八爪魚配上檸檬汁、莎莎醬同牛油果，味道清新，口感爽彈。西班牙蒜味蝦 ：熱辣辣嘅蒜油浸住十隻鮮蝦，香氣撲鼻。配埋多士一齊食，索晒啲蒜油精華，非常惹味。炭燒海鮮拼盤：呢個拼盤係是晚嘅重頭戲之一！一上枱份量十足，有齊炭燒大蝦、八爪魚、魚柳同帶子等，海鮮經過炭燒後焦香四溢，兩個人分享綽綽有餘。燒西班牙豬肋骨：成條 Full Rack pork rib上枱，賣相相當震撼。豬肋骨配上黑醋燒烤醬（肉質軟腍，味道酸甜，可以平衡返豬肉嘅油膩感，非常適合食肉獸。食完主菜，甜品環節亦唔可以錯過：鐵板朱古力布朗尼伴雪糕 ：熱辣辣嘅鐵板上放住布朗尼同雪糕，淋上朱古力醬時「滋滋」作響，視覺同味覺都係一種享受。朱古力心太軟伴雪糕：經典之選，切開蛋糕時暖暖嘅朱古力漿緩緩流出，配上冰凍雪糕，一冷一熱嘅口感，為呢餐飯畫上完美句號。任飲紅酒今次我哋揀咗 **$98 Free Flow: 呢支嚟自南澳嘅紅酒。呢支 2021 年嘅 Cabernet Sauvignon Merlot 混釀紅酒，果香濃郁，口感順滑，配搭豬肋骨同海鮮都相當唔錯，以呢個價錢嚟講，性價比極高。總括嚟講，考慮到有新鮮嘅招牌生蠔、份量十足嘅海鮮拼盤同豬肋骨，再加埋$98任飲澳洲紅酒，整體體驗物超所值。相信我哋好快會再返嚟。如果想同朋友大夥兒聚餐，或者想享受一場豐富嘅海鮮大餐，Cafe 2 Oyster n Grill 絕對值得推薦。…查看更多

今日出西營盤買海味，經過見到呢間好有特色嘅西餐，外面嘅紅磚吸引咗我，同媽咪入去試吓先！西班牙珍珠生蠔好Creamy，新鮮，仲大大隻好多肉！海水味適中，肉質軟滑肥厚！南非伊利沙伯生蠔蠔味重啲，層次豐富，肉質軟滑如同奶油般柔滑，入口即化！法國名牌吉拉多生蠔蠔肉肥美，結實但有彈性，有脆口感覺，多層次，最初是海水味，然後是香濃蠔味，正到痺！前菜：檸檬醃八爪魚：慢煮八爪魚、檸檬、莎莎醬、歐西、牛油果八爪魚好新鮮，第一次食慢煮，肉質都好嫩，配合牛油果、蕃茄，帶點醋，酸酸甜甜，都是非常開胃！🥰西班牙蒜蓉蝦：蒜蓉蝦份量好多，都有八隻，好細心，剝晒殼蝦肉咬落非常爽口，配合下面果汁，蒜蓉，香草，少少辣，非常開胃！蒜蓉包暖暖哋，包好軟熟好新鮮，小編忍唔住連個汁都飲埋🤩炭燒海鮮拼盤：帶子好大粒，烤到啱啱好，好鮮甜，裏面仲係好軟身! 八爪魚有點鹽份，好有咬口，唔錯！個螺拆左殼，好細心！大大粒，多肉又鮮甜！爽口得來又點嚼口，完全係新鮮好味！烤魚個皮是脆的，冇過龍，魚肉冇骨，啖啖肉就算唔點醬都已經好好味！蝦好大隻，而且好爽脆，好香炭燒味，欣賞佢咁多樣炭燒都冇燒過龍！泰式辣醬酸酸甜甜，加埋一齊簡直perfect! 😍炭燒美國安格斯西冷扒：西冷扒好大份量，我哋叫咗五成熟，果然外面香脆內肉嫩，有少少紅但不滲血水，勁正！帶有少少鹽分，食吓食吓都開始飽，配菜都烤得好食，蔬果都好新鮮！☺️法式焦糖燉蛋：有藍莓、士多啤梨、燉蛋超滑，好香蛋味，上菜都好精緻，好啱打卡！😇朱古力心太軟拌雲呢拿雪糕：心太軟熱辣辣，上面有糖霜黃果jam醬，有埋雪糕，一齊放入口，一冷一熱，真係好特別，呢個小編特別推薦！🤗Oreo 沙冰:有曲奇味，但又唔會太甜，裏面好香奶味好creamy，好飲！🤭Mocha :杯mocha 好特別，除咗咖啡味，仲好香朱古力味🥰…查看更多

餐廳：Cafe 2 Oyster n Grill地點：西環西營盤菜式：西餐、生蠔餐牌：生蠔、湯、沙律、Side Dishes、前菜、意粉意大利飯、比薩、烤海鮮、海鮮、牛扒、豬、甜品等。先黎半打生蠔開開胃。愛爾蘭石蠔 Irish Rock $29 另加一愛爾蘭石蠔比較Mineral，味道非常鹹香，好有海水味。法國聖馬田生蠔 St Martin $29 另加一法國聖馬田生蠔較為creamy，入口滑溜，好食。西班牙銀堡生蠔Castillo $39 另加一呢個西班牙銀堡生蠔最正，好肥美，入口滑溜有口感，正！Barton & Guestier Sparkling Blanc de Blanc (France) Champagne Style $48 另加一呢杯酒d泡泡好靚，望住泡泡上升好療癒。飲落好易入口，好飲wor。檸汁醃八爪魚 $148 另加一慢煮八爪魚多片加有檸檬汁，口感一流，有咬口又唔會太硬。下底係撈有莎莎醬，歐芹，甜黑醋同滑溜牛油果既沙律，好開胃。慢煮和牛薄片伴香醋汁 $158 另加一大大隻碟舖滿薄薄嫩口和牛薄片，面頭加滿鹹香芝士片同新鮮火箭菜，加有香甜黑醋，帶黎多重口感，味道又鹹又甜，好美味。炭燒海鮮拼盤 $398 另加一炭燒海鮮拼盤好大盤用木板上枱，大大隻連殼連頭有膏大蝦，一大條脆皮嫩肉魚柳，仲有三隻嫩口鮮美厚肉加拿大帶子，下底有好多有嚼勁八爪魚片同爽口啖啖肉螺肉，伴有新鮮沙律菜。醬汁有泰式醬汁，少少辣好惹味，仲有一件檸檬角。總括而言，海鮮非常新鮮，所有海鮮都食得出鮮味，推介。炭燒美國安格斯西冷扒 $298 另加一炭燒美國安格斯西冷扒足有12安士，超大件，連少少筋，有咬口，叫左medium rare，中間帶少少粉紅色，都好嫩口，牛味好濃。伴有蘑菇燒汁，真係有蘑菇粒，唔太鹹。伴有兩大件番茄同翠玉瓜，仲有熱辣辣炸起粗身薯條。芒果沙冰 $65 另加一芒果沙冰大大杯，面頭仲加上忌廉，飲落係滑溜天然芒果味，唔太甜。朱古力心太軟伴雲呢拿雪糕 $88 另加一大大件脆皮流心朱古力蛋糕灑上少少糖霜，配一大球雲呢拿雪糕同一條朱古力蛋捲，仲有一粒新鮮士多啤梨同三粒藍莓。暖暖地既流心朱古力蛋糕配冰凍融緊既雲呢拿雪糕簡直係絕配，仲有朱古力曲奇碎加添口感，呢度將呢道甜品整得好好。鐵板朱古力布朗尼伴雲呢拿雪糕 $78 另加一我第一次食呢款熱辣辣鐵板上既朱古力布朗尼，服務員係你面前倒朱古力醬，嗰個色香味簡直令你視覺聽覺同味覺都大大滿足。首先聞到好香朱古力味，然後入口係熱辣辣布朗尼配融緊既雲呢拿雪糕加流緊既朱古力醬，仲有鐵板上既朱古力曲奇碎，口感味覺同比各有千秋。意大利芝士餅配雪糕及水果裝飾 $68 另加一好大件意大利芝士餅，口感輕盈滑溜唔太膩，酒味同朱古力唔太濃，忌廉感好強。我第一次配雲呢拿雪糕食，原來都好好食，好夾。伴有朱古力味蛋捲一條，一粒新鮮士多啤梨同三粒藍莓。加有少少草莓醬添少少新鮮感。今餐食物質素好高，由生蠔到前菜主菜甜品都好正，份量大份。外籍服務員係西人，服務態度非常好。餐廳裝修好有歐洲氣氛，播放輕鬆音樂。…查看更多

位於香港大學站附近的 Cafe 2 Oyster and Grill，是一間充滿歐陸情調的西餐廳❤️ 店內格調優雅，溫暖的燭光映照著木質餐桌，氣氛浪漫而不造作，非常適合拍拖約會或慶祝特別日子🥰  開場先來一客Castillo 生蠔，鮮味十足、帶有淡淡海水的礦物香氣，一口滑入喉頭，味蕾瞬間被喚醒😋 接著是Garlic Shrimp，蒜香濃郁但不嗆，蝦肉彈牙，每一隻都煎得恰到好處👍 Wagyu Carpaccio是另一道亮點，薄如紙的和牛片搭配帕瑪森芝士和橄欖油，香氣層次豐富✅  主菜中推薦Strozzapreti Truffle，松露香撲鼻，手工意粉煙韌有嚼勁，濃郁的奶油醬與松露完美融合😚 Wagyu Sirloin（10 oz）則是肉食愛好者的最愛——外層帶焦香、內裡粉嫩多汁，油脂分布均勻，令人一試難忘🤗   甜品方面，Chocolate Fondant熱騰騰出爐，輕輕切開就有濃郁的朱古力漿流出😍 Brownie with Ice Cream 以鐵板送上，即場淋上朱古力汁，味道濃香誘人🌟 蛋糕綿密扎實，配上冰淇淋的冰熱對比，結尾非常滿足😚 飲品方面，Cookie and Cream Deluxe香滑甜美，像是大人版的奶昔，而Bright Crystal 則清爽果香，為豐富的一餐劃上完美句號😎Located near the University of Hong Kong Station, Cafe 2 Oyster and Grill is a charming European-style restaurant that offers both elegance and warmth. With candlelight flickering gently on wooden tables, the ambiance is intimate—an ideal spot for date nights or quiet celebrations.  The meal began with the Castillo Oysters—fresh, briny, and bursting with ocean flavor. Next came the Garlic Shrimp, perfectly seared with a bold yet balanced garlic aroma, each bite juicy and satisfying. The Wagyu Carpaccio followed, delicate and paper-thin, drizzled with olive oil and a sprinkle of Parmesan, creating a sophisticated harmony of flavors.  For the mains, the Strozzapreti Truffle stood out: creamy, aromatic, and indulgently rich, every strand of handmade pasta coated evenly in truffle sauce. The Wagyu Sirloin (10 oz) was equally impressive—tender inside, beautifully charred outside. Each slice melted on the tongue, a celebration of quality beef done right.  Desserts were as delightful as the mains. The Chocolate Fondant oozed molten chocolate the moment it was cut open, while the Brownie with Ice Cream offered a heavenly contrast of warm and cold, fudgy and smooth.  For drinks, the Cookie and Cream Deluxe was a dreamy, dessert-like treat, while the Bright Crystal refreshed the palate with its light, fruity notes.  Overall, Cafe 2 Oyster and Grill balances atmosphere, flavor, and service with grace. Whether for a romantic dinner or a simple evening unwind, it’s a hidden gem worth returning to.  …查看更多

月頭蠔一蠔之勁滿足既西餐🤰🏻海鮮🐟 • 肉類🥩 • 生蠔🦪 • 甜品🍨，仲可以飲番2杯🥂餐廳🍽️歐陸風佈置，好似外國酒館咁😎牆上掛左好多本地藝術家既畫作🖼️(部份收益會捐贈聯合國慈善機構)好有愛🥰~•~•~•~•~•~•~•~•~•~•~•~•~•~•~•~•~•~•~• ▪Oysters 🦪▫️愛爾蘭🇮🇪Irish Rock ($29/each)▫️南非🇿🇦Elizabeth ($29/each)▫️西班牙🇪🇸Castillo ($39/each)店員會話我地知由邊款開始食起💁🏻‍♀️同朋友仔都最鍾意大隻既西班牙🇪🇸Castillo🦪(Creamy • 厚身 • 淡淡海水味 • 鮮甜).▪Lobster Bisque ($98)龍蝦湯🦞鮮味濃郁，質地濃稠，仲有龍蝦肉粒粒🧡配脆麵包片🥖.▪Octopus Ceviche ($148)八爪魚用慢煮方式，煮得超軟身 • 唔韌易咬🐙(底)配住檸檬汁🍋 • 莎莎醬 • 牛油果🥑 • PARSLEY，幾Fresh💦.▪WILD MUSHROOM RISOTTO WITH SOUS VIDE WAGYU BEEF ($218) 和牛牛味濃，熟度岩岩好🥩意大利飯中加左野菌粒粒🍄‍🟫增加口感🤓表面有蘆筍，旁邊加左好多PARMESAN芝士🧀，配埋一齊食更香🥄.▪Baked Sea bass Fillet 8oz ($168) 海鱸魚🐟表面得超香口。Size都幾大件 • 厚身，魚肉幾滑滑😚配酸豆醬 • Cream • 香草 • 檸檬汁 • 牛油...製成既醬汁🤍.▪Brownie With Ice-Cream ($78)熱辣辣鐵板上，店員再淋上朱古力醬🍫滋滋聲出晒煙，朱古力香更出🤎Brownie熱熱，表面一大球冰凍雲呢拿雪糕🍨凍凍熱熱好正😋.▪Drinks▫️Mixed Fruit Iced Tea ($48)清爽雜水果冰茶，茶底幾香唔澀🍹.▫️Double Chocolate Smoothie ($65)濃厚雙重朱古力🍫表面有球雪糕，杯身唧上朱古力醬，飲落唔會太甜，質地好滑身🤎應該冇乜女仔抗拒到😝.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~• …查看更多