六公館

營業中

休息中

來到六公館，完全明白什麼叫做一分錢一分貨，位於黃金位置，無論坐在戶內戶外，皆可飽覽無敵維港景色， 最佳時間是傍晚到達，黃昏美景盡在眼簾，一頓晚餐的時刻竟由白天吃到晚上，相機先吃的另一個境界！ 旁邊就是郵輪碼頭，我們看着郵輪出海，在沒有預先安排下，突然想起媽咪正在船上，真是可以揮揮手！ 中西糅合，現代經典，六公館設計時尚，環境非常舒適高雅，走中高檔路線。 新派中國菜式，古今手法融合，初時還有點擔心會不倫不類，結果竟然喜出望外，手藝細緻鑊氣足，賣相亦出色。 人多好辦事，我們專攻廚師推介，前菜主食創意無限，雞鴨叉燒功架穩紥，大家都非常滿意。鮮柚子鱈場蟹腳  凡見到柚子入饌的菜式，我已經想到酸酸甜甜的味道，未食都已經覺開胃，配埋隻青綠色的碟子，水果感湧現！ 其實應該鱈場蟹腳才是主角，起初見到只有一隻腳的份量以為不足，拆咗些肉出來、混合新鮮柚子、花生碎及大量青瓜絲，份量又幾恰到好處，蟹肉新鮮、柚子厚肉、青瓜有汁，鮮香酸甜口感爽，完全是吃沙律的感覺！ 川味蟶子皇  一般吃蟶子皇是為了鮮味，川味做法有點奪味，麻辣度其實已經不高，蟶子皇肉彈口感爽甜，但相比之下不及清蒸的鮮。 配

今年慶祝生日嚟咗六公館， 之前已經好想試這間餐廳， 但一路都未有時間，今次終於可以試下佢哋呢度食物嘅水準了！ 一入到餐廳入面環境非常之好。 呢度仲有各式各樣不同嘅美酒， 佢哋嘅cocktail都好特別， 每款都有特別嘅主題。 但我哋當日就試咗佢哋嘅普洱茶同胎菊， 兩款都非常之好飲，茶味清香撲鼻，仲可以每人選一款自己喜歡的。 這裏無論食物同服務都係好好嘅質素。 仲可以享受維港這個無敵大海景，欣賞住日落， 一路飲下嘢一路食飯， 真係一個好好嘅享受。

每逢節日都總有籍口食餐好, 今次黎到海港城一間可以邊欣賞維港景色, 邊嘆美食既六公館食dinner。餐廳面向180度全海景, 裝修摩登時尚, 感覺有種貴氣。還有一個小酒吧, 看到調酒師調酒既過程。想不到中菜餐廳竟然有多款調酒飲品選擇, 雖然我唔太好飲酒, 但亦可要求調製mocktail~我揀了【80‘s Pop star】 $128 以一個金菠蘿器皿裝好, 菠蘿味很突出, 味道近似friut punch, 冰凍又清新。中菜又點少得嘆茶, 呢度既茶以每位計算 (HK$22/位), 每位可以自選茶種, 一人一壺, 而我就揀左胎菊, 非常清香。【鴛鴦蝦球】 $288蝦球被炸得金黃香脆, 炸皮很薄, 一共有六件, 三件以芒果醬包住, 甜甜地; 另外三件為鹹蛋黃炸漿, 蛋黃味濃郁而不會過鹹, 入面既蝦肉質超爽口!【樟茶鴨】 $228煙燻鴨燻過後, 少部份鴨皮略帶脆, 肉質還是嫩滑, keep到肉汁, 帶微微既鹹香【酥炸香蝦醬骨】 $168同樣炸得表面金黃酥脆, 不會太乾身, 反而肉汁依然豐富, 略帶少訐咬口感。【秋葵芥末炒牛柳粒】 $208牛柳粒很林, 肉質粉嫩, 肉味重, 表面黏左少少汁, 有

連續下了幾天雨，天色灰暗，心情也好不起來。跟媽去海港城行街，逛了半小時，甚麼也沒買，實在提不起勁。上次去完Papermoon 慶祝我倆的生日，見到幾間中菜都想試。過了幾個月，終於訂了六公館的枱。訂了6:30。沒有心情行街，晚市6:00開始，提早去開飯。原來六公館有吧枱位置，有不少人在晚飯前在吧枱飲兩杯，下次不用在商場hea，可以坐下，點杯飲品。樓底很高，加上向海的落地玻璃，十分開揚，沒有了都市的壓逼感。裝潢高貴也有氣氛。被安排在窗邊的餐桌，望出去一望無際，只可惜天空灰濛濛。樟茶鴨一上茶就聞到很香的煙燻味。兩隻鴨脾豎起，都幾精緻。皮的表面乾身。看到一層皮下脂肪，但咬下去一滴油都沒有，只有少少上脆下軟韌的感覺。肉都幾多，香而不鹹，最正是連著下面的不是骨，而是爽脆的軟骨。一啖咬下去，皮、肉、軟骨混在一起，有層次。反而鴨脾不及預期好吃。努力咬著又瘦又硬的皮和肉，成功扯出來，但肉很少，口感麻麻。水牛奶龍蝦球眼前來了隻龍蝦，不是想像的中間釀了鮮奶餡的蝦球。不能稱為龍蝦球，只能稱作龍蝦仁。龍蝦肉很碎，有龍蝦的甜，但不爽，只屬一般。下面的炸米粉全都腍掉，少少脆都冇。本來蛋白和奶又滑又嫩，加了這些不脆的

六公館 HEXA一流海景 貴價宴客不二之選😍三流食物 質素還好但唔特別😯九流服務 令人卻步唔想再去🤬😤😟位於海港城既六公館，米以為係海港城就一定易搵，爸爸問左5個人，媽媽搵左40分鐘先搵到😂 佢係以前LCX行到最入再落兩層，唔係海港城翻工都真係有d難搵因爲好入。環境好decent仲有sofa卡位，好岩宴客。有outdoor位望住海景飲野實好chill☺️沙薑手撕雞🐔🐣呢個係冷盤，比較細碟，雞肉超級超級嫩滑😍 真係好滑 真係好滑 真係好滑 重要事情要講三次😂 有雞皮在內，味道調得岩岩好唔會太咸！欖菜肉鬆炒四季豆🥦🥒炒得幾野味，但份量相對地少，亦唔算太特別，周圍都會食到既味道。鴛鴦蝦球🦐 $288一共六粒蝦球，每種味有三粒，撈左淡黃色既係芒果醬，食唔到芒果味但甜甜地係好食既！蝦亦好彈牙好大粒好新鮮！第二隻味係蛋黃蝦，蝦球沾上蛋黃粉漿炸，呢個整法更能食出蝦既鮮味！值得一試👍🏻黑虎掌野菌紅燒豆腐🍄🍴$168掌虎菌咬落好有口感，豆腐就正正常常，調味唔特別，周圍都會食到。桂花蟹肉炒新竹米粉🦀 $188調味正常，米粉炒得都算乾身唔會太油。但食唔到桂花味，亦食唔到有蟹肉，食落似普通蛋炒米粉但收$188🤔

每次行海港城都會看到這家餐廳，一直都很想找機會試一試，今次終於試得到了！電梯直到餐廳門口，餐廳裝修華麗，除了有一般用餐位置，亦有吧枱，感覺在這裡與朋友飲一杯聊聊天氣氛都很不錯。前菜點了沙薑手撕雞，擺盤很精緻，下面是雞肉，上面是雞皮。雞肉相當嫩滑，上面雞皮比平常吃到的爽口，沙薑味道不會過濃。肉類點了樟茶鴨，未吃已經可以聞到香氣。外面的皮很香脆，薄身，鴨的味道有點煙燻味，吃第一口有點煙鴨胸口感。松茸羊肚菌海膽燴飯，等待需時的一道菜，但等得值得呢。燴飯上面放上海膽，燴飯的松茸十分香，而且可以看到每一粒米飯都是被醬汁包裹著，每一口都是很香口的松茸味，加上面頭的海膽更是豪華的享受。流沙球配冰淇淋，雪糕是芝麻味道，不會過甜。流沙球入面是半溶的奶黃漿，有點湯圓的感覺。茶點了杭州胎菊，清香，店員會不斷幫你加水，很貼心的服務。

今次係第二次蒞臨六公館，餐廳食物及服務依然保持水準，值得一讚！餐廳分室內及室外區域，室內裝修時尚型格，走到室外更可飽覽維多利亞港的景致，絕對是打卡位。今次跟男朋友點了四道菜，先點了脆皮燒腩仔，擺設有別於傳統中式餐廳，耳目一新。外皮脆卜卜，肉質軟腍，肥瘦比例平均。跟著點了樟菜鴨，茶味香濃，肉汁豐盈，有入口即化的軟綿口感。再encore了斑片肉鬆脆米魚湯泡飯，上次已對這道菜讚不絕口，今次的魚湯依然鮮甜，雖然只有一兩塊斑片，但米飯均滲有魚湯鮮味，配上脆米層次豐富。最後點了薑糖芥蘭，甜味配合芥蘭特別合襯，實屬驚喜之作。絕對值得推薦朋友到此餐廳！

網上見到環境優美，決定帶家人來享受一下。的確，食肆景觀一流，但座位基本上都是長枱，欠缺了傳統圍在一桌的溫暖感。訂了六時的座位，早到了不能先入座，這令我十分意外點了個懷舊鳳梨咕嚕肉（$168）上菜時的確呆了，碟子大，份量少。我們七個人，大概每人能分到一至兩塊不過味道還挺好的，不酸，也不太甜。小小顆，是一口咕嚕肉。脆皮燒腩仔（$138）同樣是令人呆了的一道。如圖所示，只有九小件說不上脆皮，因為吃得出不是剛燒好的。至於用什麼翻熱方法就不知道，只是吃下去熱騰騰的。桂花蟹肉炒新竹粉絲（$188）桂花和蟹肉基乎是沒有的，吃完後沒有人知原來有蟹肉，可想而知份量欖菜肉鬆炒四季豆（$118）正常的一道菜，所有配料都算平均。欖菜瑤柱炒飯（$138）飯是偏乾身的，炒得不錯。但瑤柱嘛😅😅😅也是少之有少。不炒得均勻，沒有吃到鹽。香煎琵琶豆腐（$128）點的時候店員話可能售罄，要先查一查我可是吃六點，第一圍的晚市。如此沒有為晚市準備的餐廳還是第一次見識到。當然，味覺也是非常之普通樟茶鴨（$228）好吃的！夠味道，鴨肉也很嫩，而且份量也是正常的。蘇薑蟹肉蒸班球（$328）也是全晚最好吃的菜。魚塊雖少，也是每人一啖。