磯野水產

營業中

休息中

上openrice見到呢間好多好評所以趁男朋友生日黎呢度試下。我地都好鍾意食日本嘢，但今次係我第一次去香港嘅居酒屋。黎到地方唔大，但好似真係去左日本嘅居酒屋，幾舒服唔會太逼。Menu 有太多嘢都想試，所以冇叫套餐 ~前菜 野菜條沙律伴鯷魚醬🥕🥒前菜係必上，不過唔係免費。清爽嘅蔬果配略咸嘅鯷魚醬好特別，胃口立即大增，我未影相已經食先😆火炙左口魚邊壽司& 三文魚腩壽司 🍣 OMG! 係我食過最好食嘅火炙左口魚邊壽司><三文魚腩壽司都好好食！兩款壽司都好厚好肥美，味道一流🤤日本海膽味噌甲羅燒 🦀 海膽、三文魚籽mix蟹膏嘅味道非常特別，係令我地最難忘嘅一道菜。下次去一定會再叫！ 鹽燒牛小排🥩  熟嘅程度啱啱好，味道唔錯但不是特別出色。為左個牛小排叫左一碗飯 活日本文蛤蜆 浜燒 & 時令貝 浜燒 黎到總要試下海鮮浜燒，經過店員介紹，我地選擇左活日本文蛤蜆同紐西蘭刀貝浜燒。有啲失望，一隻蜆要差唔多一百蚊但味道冇咩特別，性價比低。 椰子雪糕🥥 最後上了生日甜品，本身想試雪葩但當日冇😢  不過男朋友鍾意食椰子，佢表示非常好食。冇expect個椰子雪糕都有咁大塊board寫住Happy

今晚和周路兒吃磯燒海鮮，一起慶祝朋友生日。餐廳燈光昏暗，以日本布藝作裝飾，充滿和風。餐廳中央有一張長檯，放置了不少爐替顧客磯燒食材。吃大餐怎少得美酒相伴呢？⭐️加茂錦生詰原酒$850入口香甜，果味突出。⭐️前菜$30野菜條配鯷魚醬，鯷魚醬氣味濃郁，配搭爽脆的蔬菜，風味獨特！海鮮端上來的時候，龍蝦依家在爭扎，十分新鮮呢！⭐️龍蝦濱燒$588尺寸不容小覷，龍蝦肉頂層還鋪滿不少醬料，一起吃，龍蝦肉質新鮮爽脆，十分惹味！⭐️赤蝦刺身$98蝦肉新鮮，送入口，滑溜溜，十分甘甜爽口！如果喜歡吃蝦頭，店家會幫忙炸蝦頭，成為一道滋味的炸蝦頭天婦羅！⭐️赤貝刺身$78/隻 赤貝入口清爽可口，味道清新。⭐️岩手縣和牛鋤燒$488最邪惡的和牛來了！和牛表面佈滿了大小不一致的雪花，乍看下去是一匹精美的布匹。店員烤過以後，肉味瀰漫在空氣之中，肉香撲鼻！入口即溶，滿嘴的油香，令我十分回味呢！最後送上一大盤甜品，上面寫著生日快樂！⭐️柚子雪葩$48 柚子味道清香，味道香淡迷人。⭐️椰子雪糕$48我較喜歡椰子雪糕，因為入口濃滑，椰子香氣突出，口感細滑滋味。▫️食物水準很不錯，樣樣精彩，有機會再光顧！

今日去完銅鑼灣購物之後就去咗銅鑼灣地鐵站附近既啲一間日式餐廳。一入到去𥚃面嘅陳設都好舒服。打開餐牌一於樣樣都叫來試吓先！前菜店員首先送上前菜，特別推介佢地特製既魚醬料，比大家開下個胃先。磯野刺身盛合五款有乜嘢好得過一次過滿足五個願望，食足五款刺身！三文魚鮮甜美味，肥瘦適中，非常香口。吞拿魚一樣都係咁好，仲要件件都係大厚切，其他刺身，帶子同埋蝦都唔錯的，一樣都係咁新鮮，咁大件，推介！燒三文魚鮫佢哋每日喺日本輸入了新鮮嘅食材，呢一樣燒三文魚就係其中一樣了，燒得剛剛好，出面非常之香口，入面一啲都唔會好乾，正！鹽燒牛小排喜愛牛小排嘅朋友有福了，食落非常之香口有口感，另外燒得非常之易咬易入口，正!白魚湯稻庭烏冬佢哋嘅鳥冬用上特製嘅白魚湯，估唔到啲一度連鳥冬都一樣好好食，食到連湯底都飲埋添。椰子雪糕最後叫店員送上了啲一樣特色甜品，用原個椰子做成的雪糕，為完美的一餐畫上完美的句號。

2018除夕夜，約了英雄聯盟一起倒數迎接新的一年。英雄聯盟聚會要待至晚上十時才開始。尚未與一眾英雄會面之前，肯恩先行會合胖虎英雄及XO小弟來個除夕大餐，慶祝新一年的即將來臨。食店位處銅鑼灣澳門逸園中心，鄰近地鐵站，交道非常便捷。澳門逸園中心有廿七層高，當中竟有十四個樓層都是日式食店，競爭可謂相當激烈。食店主打海鮮食物，以刺身、浜燒、天婦羅等煮法的菜式都有供應。從餐牌所見，九成以上都是海鮮類菜式。海鮮盛合是食店較有趣的菜式項目之一。食客可以按個人喜好選取不同的煮法(刺身、蒸、汁煮、炸及鹽燒)去烹煮海鮮，所以就算是同一款海鮮，每次來到食店都可依據不同煮法吃出不同的味道。前菜 尚未點菜，服務員先送來鯷魚醬前菜小吃。鯷魚醬以多春魚及沙甸魚製成。由於魚醬冷了之後味道會變腥，食店特意以蠟燭台為魚醬保温，很是週到。鯷魚醬極富鹹鮮，味道比較濃重，因此較適合以蔬菜伴吃。青瓜、甘荀、西芹及沙葛條，每款蔬菜條都非常爽脆，一濃一淡兩款食物伴在一起同吃味道搭調，更能提昇魚醬的鮮味。肯恩對當中的沙葛條特別鍾情，既爽口亦夠鮮甜多汁，單吃已足夠美味。鈴鹿川純米大吟釀300ml慶祝節日總要有美酒相伴。來自鈴鹿川的純米大

上星期食完居酒居，念念不忘。今日又去過第二間食過！今日嚟到一樣位於澳門逸園中心既「磯野水產」，顧名思義食海鮮為主。我地2人叫左個特撰盛合(含龍蝦)。一大盤海鮮嚟到真心嚇親！隻龍蝦好大隻，仲要識郁！仲有扇貝、鮑魚、赤蝦等海鮮！煮法可以自己選擇，我地每種整法都試！因為食材新鮮，點整都好食吧！食海鮮之前，先叫枝清酒飲下，餐廳有駐場清酒鑑定師，專業下推介左呢枝鈴鹿川大吟釀。非常容易入口，after taste有濃郁果味，配𤆬海鮮好夾前菜先食個和牛他他蓉沙律。生牛肉少食，但唔抗拒，呢個和牛牛味重，但無腥味，加上蒽、洋蔥調味，其實好開胃，包紫菜好正磯燒鮑魚一d都唔靱！非常入味，但又無蓋過鮑魚既鮮味！濱燒就反而原汁原味d，用少少鹽調味，食既係原始味道活帆立貝又係極品美食，上圖為清酒燒，大大帶出鮮味，熟度剛好，口感嫩滑下圖就係用牛油黑松露燒既，黑松露香到不得了，比起清酒煮多左份焦香味！好好味！龍蝦兩食，做身就做刺身，蝦頭就煮粥。刺身加上黑蟹子，夾埋食好鮮好鮮爽口鮮甜！蝦頭唔會浪費，加上其他配料煮粥，龍蝦味出哂嚟，香甜温暖，冬天食一流燒鱈場蟹腳又係正，蟹腳啖啖肉，真正蟹柳，好奢侈赤蝦就用嚟做天婦羅，粉漿

今晚慶祝友人見新工成功，豪一豪佢食餐勁嘅，當然唔少得日本清酒及刺身啦！餐廳的裝修係日式風格，感覺好舒服，加上服務員熱情款待，細心講解，真係值滿分；至於食物方面亦同樣有水準..."安藝虎 土佐錦 純米吟釀" 有陣果香味，酒味濃厚。"磯野火炙刺身沙律" 超大碗好豐富，火炙刺身好新鮮，沙律菜又新鮮清爽，配沙律汁酸酸甜甜好開胃。"三文魚刺身" 每片都好厚，好肥美鮮甜。"龍蝦濱燒" 用火槍燒，好香，表面的醬好濃郁惹味，龍蝦肉質彈牙又甜。"赤蝦濱燒" 鮮甜美味，齒頰留香。"活帆立貝濱燒" 帆立貝大大粒，好厚肉，鮮甜無比，有兩種食法：(清酒) 入口有陣酒香；(牛油、黑松露) 入口是濃味一些，有黑松露香氣撲鼻。"鐵罐酒蒸白貝" 用鐵罐煮，還即場點火，好有驚喜，白貝好厚肉鮮甜。"椰子雪糕" 用椰殼盛載好特別，椰香味重。 

身痕又想食浜燒野菜配鯷魚醬一路keep住溫度嘅鯷魚醬真係好好味，魚味濃郁，就算啲野菜條食晒，但一刻個鯷魚醬未食完，都唔可以拎走佢！！！和牛他他蓉沙律 ($188)配上羅馬生菜及紫菜，嫩滑嘅生和牛肉入面有青瓜粒、生洋蔥粒及黑椒，用羅馬生菜或紫菜包住食，前者索索聲好爽口，後者都係索索聲不過口感細膩啲；就算我唔鍾意食生牛肉，用呢個方法包住食感覺會冇咁raw，非常易入口金目鯛刺身 ($128)肉色偏紅，輕輕炙過嘅外層必晒啲魚油出嚟，食落有魚油香又夠厚身，好滿足時令活蠔刺身 ($158)比較少食西非蠔，食落好Creamy，海水味唔濃淡，肉身夠肥！北寄貝濱燒 ($198)之前喺樓下食過濱燒北寄貝，超級鍾意！所以訂位嗰陣訂埋要兩隻，煮熟後啲肉吸晒酒味，鮮味更突出，口感爽口彈牙磯野海鮮盛合 寶 ($998)鹽燒葫鯛聽都未聽過呢種魚，大廚用一夜干呢個方法處理，所以條魚嘅鮮味依然非常非常突出，肉質結實；魚皮嘅口感好得意，理論上鹽燒後係應該好脆㗎嘛，但佢偏煙韌，要用少少力先切得開，食落鹹鹹哋，好好味！濱燒白貝肉厚口感鮮嫩，無砂無渣鮑魚分別磯煮及濱燒，前者睇落好深色，但入味得嚟唔會好鹹，呢個主要係食鮑魚嘅軟綿

好喜歡食海鮮，尤其係日本濱燒，所以又來呢間前菜 $30好開胃嘅前菜，雜菜(青瓜、西芹、白蘿蔔、紅蘿蔔、生菜)切成一條條，再點鯷魚醬，呢個醬混合咗沙甸魚同多春魚做成，小小咸香，好好味，一邊食，一邊聽店員介紹當天嘅新鲜食材和牛他他蓉沙律 $188和牛他他配上羅馬生菜同紫菜，嫩滑嘅生牛肉加入咗青瓜粒、生洋蔥粒同黑椒，可以分別放响羅馬生菜或紫菜上面食，兩者口感好不同，羅馬生菜好爽口，紫菜好有食刺身嘅感覺，我就比較喜歡夾紫菜金目鯛刺生 $128厚切嘅金目鯛，肉色白裡透紅，外皮輕輕炙過，魚油出了，好香口，仲有小小炭燒香，時令活蠔刺身 $158來自西非嘅蠔，有些Creamy，海水味淡，非常爽甜，幾滴檸檬汁，提升鮮味北寄貝濱燒 $198之前响另一間食過濱燒北寄貝，一試難忘，今日要再試，白寄貝加入昆布同清酒，北寄貝吸咗酒味，好鮮甜，仲好爽口彈牙又添磯野海鮮盛合 – 寶 $998今次都係食呢個，而今日嘅季節活魚係葫鯛，會鹽燒，白貝就選了濱燒，帶子一隻清酒煮，另一隻牛油黑松露煮、鮑魚就一隻磯煮，一隻濱燒、赤蝦選了天婦羅、蟹加咗$100做粥，鹽燒葫鯛第一次食呢隻魚，用了一夜干呢個方法處理，一夜干係日本北海道漁

近幾年進駐左好多間食日式水產嘅食店, 其中位於銅鑼灣嘅澳門逸園中心已經有幾間, 澳門逸園中心係Sogo隔離, 由銅鑼灣地鐵站一出就到, 係呢度搵食非常方便。👍今日約左堂哥放工去銅鑼灣聚聚, 我book左澳門逸園中心19樓呢間磯野水產, 之前同老婆去過一次, d海鮮好出色, 所以今日帶超鍾意食海鮮嘅堂哥黎食, 佢一定滿意。😁我地7點未到就去到餐廳, 估唔到咁早已經差唔多坐滿食客, 餐廳裝修以木色為主, 配合好多日式裝飾, 非常有日本居酒屋嘅感覺。未點菜之前我地先點左杯梅酒, 邊飲梅酒邊嘆住個前菜, 再揀今日食邊款海鮮盛合。😆柚子×梅酒 $65呢款梅酒味道好清新自然, 柚子味濃, 入口香甜, 餐前飲一杯, 非常醒胃。😙野菜條沙律伴鯷魚醬 $30是日前菜係原價$78嘅鯷魚醬, 鯷魚醬富有咸香, 非常鮮味, 用爽甜嘅野菜條沾上食, 味道非常配。👍磯野海鮮盛合 · 寶(2人前) $898餐廳有幾款2人前嘅海鮮盛合選擇, 主要分別係響螺, 龍蝦定係活魚, 我地最後揀左磯野海鮮盛合 · 寶, 呢個盛合包括有6款時令海鮮: 季節活魚, 蟹, 帶子, 鮑魚, 赤蝦同白貝, 全部海鮮都係空運直送, 每款海