太平館餐廳

營業中

休息中

在此餐廳食飯，枱枱食客多數都點果幾味。瑞士汁雞翼、瑞士汁炒河，我都一樣，最後上的是梳乎厘。當我差不多食晒主菜時，梳乎厘就到。超失望！縮晒塌晒同其他枱明顯不同！真想退貨！！

1860年在廣州創業，成為廣州最早出現的西餐廳，1937年在香港開設新店後輾轉營運至今的太平館，是一間港式西餐廳。而今天到訪的佐敦店也是自1964年開始營業至今，可謂歷史悠久。這餐廳其中最著名的「瑞士汁」乃當年翻譯之誤（Sweet 被誤會是Swiss，所以甜豉油汁就變成了今天的瑞士汁），無論如何，瑞士汁雞翼和瑞士汁炒牛河，還有燒乳鴿，岑味牛脷，和煙䱽魚等都是必吃之選，而最後來個必吃甜品，焗巨型梳乎利就更完滿了。

耐不耐要嚟太平館懷舊一下港式style~由於今日好想食梳乎厘，所以叫左一個燒乳鴿餐（有燕窩雞茸湯，燒乳鴿，焗葡國雞飯，甜品啫喱，飲品）2個人share，就啱啱好。心目中還是燒乳鴿最出色，一隻乳鴿一開四，色香味俱全，多肉多汁，皮脆肉嫩，保持到水準，可以獨享一隻真係好幸福～仲有成個頭咁大嘅梳乎厘，內裡軟滑綿綿，蛋白味好香，不會過甜，入口即溶，打完卡要即食，否則會下陷同縮細，配返杯熱咖啡簡直完美。其實太平館瑞士汁雞翼，咸牛脷，燒豬脾，焗釀蟹蓋，好多菜式都好出名，想懷舊一番太平館係唔錯選擇。

我記得三年前我食過，但今日再同朋友過嚟食，佢嘅味道同服務對顯著退步以佢三款最多人推介嘅菜式來講，只有一款係能夠保持水準先睇一睇張單，加埋服務，一句講晒「唔值」同出邊茶餐廳、大排檔今日水平差唔多，唯一分別係牛肉大塊啲同多啲我黎太平館就係為咗食呢個瑞士雞翼，可惜同我三年前比較已經退步左好多，雞翼細隻咗雞翼唔入味呢個係唯一保持水準嘅菜式，我相信呢一次係我最後一次嚟幫襯太平館建議：食懷舊嘅感覺，食一次已經足夠

百年歷史係講緊 「太平館餐廳」，拾年人係講緊我拾年前曾到此，轉眼就過了拾年。太平館自 1860年創立首間位於廣州西餐廳，真真正正咸豐皇帝年代，最聞名菜式是其 「燒乳鴿」、「瑞士雞翼」、「焗蟹蓋」還有很多，但我們今晚是為了「焗梳乎厘」而來。室內裝修保留五六十年代風格，感覺的味兒也許各有不同，懷舊總令人有點唏噓！鄭重一提我們 6:30 已到故尚有坐位，7:30 絕對是座無虛設。雀肉蝦多士，忘記問雀肉是什麼，原來是將大蝦和珍肝醬釀在麵包上炸成，多士入口香脆蝦肉彈牙，這道應是功夫菜頗有懷舊風味。主角瑞士雞翼亦即是豉油雞翼因為冰糖比例較多故命為瑞士雞翼，瑞士汁亦從此顯生，此刻我為你垂涎三尺，巴不得一口送你入嘴你，汁香肉嫩滋味無窮。😋為了你明天斷食也是值得的😋久沒見了，你的味道依然一樣，沒有令我失望，你在我嘴裡慢慢熔化時是軟綿綿的，你消失後留下來清甜的沙糖餘韻在我嘴裡久久未散味道縈繞嘴巴，你實在太棒了！👏男女老少仔仔一堂品嚐「疏乎厘」雖然各食出不同味道，但一個共同的應是家家戶戶樂也融融👨‍👨‍👧‍👦馳名菜式太多了，最值得欣賞是每一道菜式都加以烹調說明👍套餐也不錯啊！☕️店長店員全都是有資深份子🤵型格

今天去食回憶😍依然舒適的環境😌老伙記叔叔服務態度依舊好👍🏻☺️只是食物的味道已經改變很多，尢其是瑞士汁產品🤭真心話羅麥記的更好吃😋梳乎厘其實叫黎開心（嘩）😅豬肶肉鞋拾拾😕汁小小苦，也不甜🙁瑞士汁牛河大不如前，不過食得落口的😆蝦多士，未吃過的可以一試🤨去懐舊一下，坐下係幾好的😊食品普普通通，唔係難食的😛雖然大不如前，但也會同家人去下，回憶當年😉帶小孩子見識下，巨型梳乎厘😄

太平館食得多，但呢間又真係少去，唔係同事介紹，都好難會到呢一間食嘢。呢一間太平館係後街，去之前諗，都唔會太多人去呢間掛，啲人都應該去晒尖咀果間啦，但點知去到已經有幾圍人等位.... 好彩，我哋4 人組咁啱有台，等都唔洗等有得入。唔講咁多，去相***因為室內都幾暗，今次啲相會有啲鬆郁濛，請見諒。 總結︰眾所周知，太平館多數都係叔叔伯伯serve 你，雖然性格冇 O牛 咁突出，但都有啲性格。但每次你嚟到，都可以幻想吓呢間好多年嘅餐廳，招牌菜咁多年都仲可以吸引咁多人嚟，食完每一次都會番尋味就知有幾正。  今次小弟第一次試佢嘅牛扒 (可惜冇影相) 估唔到咁正！ 價錢冇記錯係$248，下次如果去太平館有quota 必試！

朋友聚餐，因名而來。當然要試下梳乎厘同瑞士雞翼啦!!!!仲叫左瑞士汁炒牛河+燒乳鴿。1)燒乳鴿 夠香口又"翠翠"地，不過這個價錢就貴了一點啦2)瑞士汁炒牛河 瑞士汁夠入味，但牛河欠一點乾身羅…3)瑞士雞翼 招牌菜!!!當然有點水準，都係個汁好味！4)梳乎厘 因為事前冇做功課，所以唔知道原來咁大個，唔怪得個侍應叫我地等等啦~賣相十分，但味道就一般般(5分)羅…

為慶祝結婚十一週年, 特意揾一間特別小小既地方食飯. 因為遲左,BOOK 唔到位, 要WALKIN, 不過好彩, 等左15-20 分鐘就有位, (可能我特意晏小小先去, 約7點半后，　諗住小Ｄ人)我地無叫餐，　因為想食多Ｄ招牌菜。　1) 乾炒牛河雖然係普通既牛河，不過又真係錯，不油不膩，沒有多餘油份2) 燒豬脾 (送白飯）可以是瑞士汁既關係，再加上豬脾肉都算嫩口。口感不錯3) 招牌瑞士雞翼一個字，正！味道恰當，又熱，而且仲脹卜卜。　(相信是因為即叩即煮的原因吧）4) 梳乎厘見到隔離多數都有點梳乎厘，見到就已經好開心，　掙扎了數分鐘，還是忍不住，點了。　梳乎厘的ｓｉｚｅ　真是有一個＂西瓜波＂咁大。我倆公婆真的要食的好勤力，先食到大半個。總括來是，香港老餐廳，點都是要試下的　！　

尋日(10-1-2012 Tue)終於拉到爸爸同我同男友o黎太平館食飯,為o既係馳名乾炒牛河,瑞士雞翼同梳乎厘.我book o左枱,佢o地先到,我就放o左工趕過o黎.咁男友就先點$368.00o既招牌二人套餐同$108.00o既梳乎厘.招牌二人套餐揀o左海龍皇湯.同上次09年10月31日食o既一樣,龍蝦味好濃,但鮮蝦肉冇之前咁多,而且冇o左魚塊,L不過爸爸話鹹,我糾正返佢唔係鹹.味道: 4.8分餐包亦同上次一樣,冇唔同.味道: 4分乾炒牛河唔大碟,每條河粉都好深色,食吓先,大大件牛肉好軟熟,好入味,食到河粉有豉油o既鹹味.諗返起以前細細個食o既乾炒牛河,牛肉唔會咁軟熟,河粉都唔會上晒色,亦唔係好夠味.味道: 4分煙肉炒雜菜雖然話有煙肉炒,但一啲都唔惹味,只食到雜菜o既原味.味道: 2.7分同瑞士雞翼(6隻),但因禽流感冇活雞供應,而太平館堅持唔用雪藏雞翼,所以冇得食,只可以食燒乳鴿1隻.我同男友食上截,迫爸爸食晒下半隻,鴿胸有好多肉,呢個唔算好入味.味道: 3.5分男友覺得可以加多一樣,佢就揀o左又係馳名,$135.00o既砵酒燴鮮牛尾呢個同樣唔大碟,牛尾好腍有牛o既羶味,男友讚好食.

是日想約各位好同事們去試聞名已久的瑞士雞翼~~因大堆人, 所以之前都訂了位, 我們選擇了佐敦的舊片~~~~應該傳統十足吧!!!店不是太大, 但環境都算幾優雅, 真係幾有舊式風格, 裝修都有點懷舊味, 加上侍應們也是叔叔, 感覺真的幾懷舊的...打開餐牌, 其實要點想食的野第一頁已經全是了~~~~我們六位叫了幾隻東東...瑞士汁乾炒牛河, 個汁真係幾好味, d河粉又彈牙而牛肉都幾嫩, 不過份量唔算多...咖喱汁雞飯~~~~~感覺似葡汁多一點~個葡汁都幾好味, 好似有點椰香同咖喱感覺~~~但葡汁較重...雞就切得比較大件...這一碟真的很不化算, 炒雜菜但勁細碟已經是五十幾元, 唔太抵...嘩~~~~主打呀!!! 真的好味, 好入味, 雞翼幾大隻, d汁好多好juicy o, 雞也很嫩口~~~~~~果然係招牌菜, 而且有8隻的一碟...乳鴿~~~汁分開上, 這個一般, 不過汁就絕對好味, 哈哈!!要預先半小時order的大過個頭的梳乎厘, 之前朋友話好似食了一陣風入口咁, 結果上table, 真的很大,還要很小心的旭一旭佢就震一震咁, 好得意!! 齊齊由頂部開始掘呀掘~~~~真係cream