太平館餐廳

營業中

休息中

耐不耐要嚟太平館懷舊一下港式style~由於今日好想食梳乎厘，所以叫左一個燒乳鴿餐（有燕窩雞茸湯，燒乳鴿，焗葡國雞飯，甜品啫喱，飲品）2個人share，就啱啱好。心目中還是燒乳鴿最出色，一隻乳鴿一開四，色香味俱全，多肉多汁，皮脆肉嫩，保持到水準，可以獨享一隻真係好幸福～仲有成個頭咁大嘅梳乎厘，內裡軟滑綿綿，蛋白味好香，不會過甜，入口即溶，打完卡要即食，否則會下陷同縮細，配返杯熱咖啡簡直完美。其實太平館瑞士汁雞翼，咸牛脷，燒豬脾，焗釀蟹蓋，好多菜式都好出名，想懷舊一番太平館係唔錯選擇。