鳥居居酒屋

銅鑼灣某商業大廈中的燒物眾會好日風的裝潢 燈光暗暗的很有情調=燒紐西蘭聖子=用蒜茸黑椒燒 上面鋪滿了蔥花聖子王燒得剛剛好 有彈性而且鮮甜=味噌燒活凡立貝=店員介紹說是來了北海道的裙邊燒得有點焦焦香香的煙煙韌韌 加了師傅自製味噌醬甜甜的感覺更鮮味=厚燒牛舌=厚切牛舌 口感彈牙 肉汁鎖得緊緊=明太子雞翼=雞翼去去了骨 入面釀滿了了的明太子淨食覺到有點咸 配了啤酒就剛剛好=免治雞肉棒= 月見汁平衡了燒雞肉的油膩感 同時味道的配搭相襯=薩摩雞翼一夜干=店員介紹說鹿兒島薩摩雞果然名不虛傳 肉質富彈性 脂肪少一夜干的料風乾理方法令雞翼更入味=鹽燒鮪魚尾=鮪魚尾十分油脂豐富 每口都是骨膠原配了個\辣汁 感覺不會這個膩=露荀豬肉卷=豬肉包住露荀 露荀燒完都仲嫩同JUICY…Read More

星期五晚上，炎熱間中有雨。在SOGO旁邊的這幢大樓裡面全是餐廳，其實現在找吃的真的很方便，今天下班後就跟好友來到這家串燒店。主要是被它的名字吸引，鳥居於日本傳說中是連接神域與人間的通道，屬結界的一種，又一說法是鳥字於日語中單用時可解作雞，故又有放置雞的木架一說。顧名思義，這居酒屋有可能以雞串比較有名。從電梯門外，到裡面的裝潢格局走日式風，燈光幽暗，環境熱鬧，甚有置身日本居酒屋的感覺。裡面有開放式吧台，可以看到師傅們在面前烤串燒，不過已經有客人，這晚就不能坐在吧台了。點菜前我們很有共識的先點兩杯三得利黑麥啤酒，泡沫綿密，入口充滿濃濃麥芽香氣，醇厚回甘，配燒物實是適合。味噌燒活帆立貝 $158帆立貝為北海道出產，然後塗上自家製味噌醬烤，入口彈牙。蒜香蟶子皇  $64蟶子產地為紐西蘭，上面鋪滿蔥花和蒜茸，口感爽彈，而且淡淡牛油香在口中奠發。明太子雞翼  $58以原隻雞翼親自取骨起肉，再釀入滿滿的明太子，不是從供應商訂的貨，故此雞肉嫩滑，跟明太子的鮮味配合得恰到好處。鹽燒鮪魚尾  $328份量之大我們驚呆了，鮪魚尾巴部位柔軟細滑，嘴唇的黏稠感是豐富的膠原蛋白，魚皮微焦香脆，鹽燒提升魚肉鮮香。再來一份薩摩雞翼一夜干 ($38)，自家以鹽醃製，風乾一夜的製法，雞翼採用鹿兒島薩摩雞，為日本三大地走地雞之一，難怪肉質結實有彈性，外皮燒成金黃色，多汁柔軟。所有串燒的份量都比一般來得大，以在銅鑼灣這黃金地段來說性價比是真的高，而且座位，環境氣氛是很不錯的。…Read More

今曰放工同朋友去食日本野一黎到就有座位了一坐低就有鮮菜沙律,配合下個醬汁,好FRESH既感覺環境都幾舒適睇下個酒LIST心動了跟住點埋以下菜活帆立貝,豆腐,明太子雞翼,雞丸厚切牛舌,聖子皇,雞翼一夜干,鹽燒赤羽太,黑牛頂葉片,明太子墨魚棒,純米大吟釀 ,銀雪魚,柚子梅酒聖子皇--味道好鮮甜,連埋乾蔥蒜食更加好味活帆立貝--配合醬汁感覺好有層次感,帶出鮮味豆腐-口感不俗,上面一層層更加特別明太子墨魚棒-非常好香還有海膽鮮味雞丸--用新鮮蛋汁加入去一起吃是非常棒厚切牛舌--厚身而不油膩,牛味非常濃明太子雞翼-入面配合得幾好,味幾夾鹽燒赤羽太--魚味好足,檸檬汁帶起魚鮮,肉質實肉黑牛頂葉片-脂肪比一流,咬落去牛香口溶入口中純米大吟釀-食日式燒烤有枝酒飲下就真係正,香純好味銀雪魚--好鮮味,咬落魚香味濃柚子梅酒--甜甜地好易入口又好香酒味雞翼一夜干-外皮脆口,口質一流…Read More

臨近年尾，真係喜事一籮籮。正式收到朋友嘅喜訊，就約埋一齊出黎攞帖兼慶祝。揀左呢度可以暢所欲言又飲下酒。當做一個PRE-單身派對。蒜子蕃茄野菜沙律。前菜十分開胃，微酸嘅味道配上蕃茄香甜好清新。當中嘅生蒜辛辣令甜酸味更平衡合襯。芝士燒帆立貝。貝肉好鮮甜，半溶芝士帶出少少咸味，食滿令人滿足。蔥蒜燒蟶子。蟶子肉質爽脆鮮甜，配上蔥蒜有點中式味道。幾好食。明太子玉子卷。玉子甘甜配上明太子個味道好夾，當中好輕微嘅辛味令整體好滋味。和風燒龍蝦。大大隻龍蝦即席燒製，所以肉質十分爽彈业甜，配上和風千島醬味道一流。蝦頭部位亦不能錯過啲蝦膏，甘香味豐富。煙肉車厘茄。蕃茄好多汁同熱，食嘅時候要小心啲。配埋煙肉嘅咸脆好好食。厚燒牛舌。牛舌好厚身，因為即場燒製關係油脂鎖得好好，食落彈牙腍身，點上少少岩鹽最好食。銀杏／雞肉丸串。雞肉丸有一個蛋黃醬汁配，食時攪拌均勻蛋漿沾黎食，除左令肉丸更滑嫩，香味亦更充足。銀杏無苦味，食落煙韌。明太子墨魚棒。墨魚肉好彈牙，可以都沾上一雞醬一齊食提升味道。豬頸肉配上蔥段又係一惹味之選。明太子釀雞翼。明太子唔係講笑地多，塞滿晒整隻雞翼。令雞肉咸香味道十分惹味，啱晒用黎佐酒之用。GINGER HIGHBALL。朋友怕醉所以點左呢杯，味道偏淡但酒香唔錯。刻之宵－白。飲落有啲WHISKY嘅木桶味，入口甘醇少少辛口。用黎配各式串燒都幾啱味道。柚子雪葩。酸凍得好正因為食完咁多燒烤野，啱晒用黎清油膩感。一整晚下來大家都飲飽食醉，眼見朋友終於都成家立室，作為朋友嘅我地都老懷安慰了。哈哈哈。…Read More

朋友生日決定豪一豪，試試友人推薦的澳門逸園中心的鳥居居酒屋。蟶子皇 $128/隻先來三隻蟶子皇，大大隻鮮甜彈牙，加上牛油燒烤更添風味！明太子雞翼 $58/串明太子雞翼 ，雞翼裡釀入一大顆明太子，足料惹味！厚切牛舌 $58/串厚切牛舌 ，牛舌厚切，燒得外脆內軟，肉汁豐富，滿滿油香，相當出色！味噌燒龍蝦 $398燒龍蝦蝦肉爽甜！自製味噌醬風味十足，非常惹味！鹽燒小鯛魚 $428燒鯛魚皮很脆，肉質鮮美，沾上魚汁更是可口。燒帆立貝 $158/隻店家的自製味噌與海鮮很夾，帆立貝新鮮大隻，對得起價錢。…Read More

呢棟大廈向來都有好多唔同種類嘅餐廳選擇，日本嘢又有，西餐又有。好耐冇食過日本嘢喇，所以今次決定入嚟呢間餐廳試下。因為喺門口見到餐牌唔錯，而且上網睇食評知道呢間嘢都好多人食過，所以想入嚟試下。 一入到去職員就畀咗卡位我哋坐，招呼好好。環境方面，座位好寬敞，暗暗嘅燈光都令到晚餐好有氣氛，而且職員好有禮貌，食物都好有水準，令晚餐已經有一個好舒服嘅開始。 今次我哋叫咗好多唔同款式嘅食物， 每樣食物份量都啱啱好， 對於一個唔大食嘅我嚟講今次可以話係好滿足之餘又唔會過飽，更加想下次再返嚟試下其他唔同款式嘅嘢食㖭!首先，我哋叫咗一板海膽。海膽好新鮮，色澤好靚，呈淡黃色嘅海膽非常吸引!配埋紫菜真係好夾，而且食落去口感一流 ，食完可以話係好滿足，佢嘅份量仲要足夠添!我哋亦都叫咗唔同款式嘅串燒， 其中包括有免治雞肉，豬肉露筍串， 牛舌同埋牛柳粒。每種串燒都各有特色，而且啲串燒仲可以加埋佢特製嘅醬汁，真係好好味㗎!鍾意食鹹啲嘅話，更加可以加埋啲自家製嘅鹽添😍當中我最欣賞嘅就係牛舌，牛舌燒得啱啱好熟透 ，好有咬感 ，而且入口即溶， 鹹味亦都調教得好好，更加燒得一d都唔油膩。大多數我食嘅牛舌都係好韌，今次嘅牛舌可以話係驚喜地好食!今晚最滿足嘅可以話係隻龍蝦， 佢畀咗兩份半隻龍蝦我哋 ，但係半隻龍蝦肉質嘅分量就已經好似我平時食開一隻龍蝦咁多😋食落去啖啖肉，最欣賞嘅就係佢上面搽咗一層芝士嘅醬汁 ，同龍蝦嘅味道好配合，但係又唔會蓋過咗龍蝦嘅鮮味。龍蝦肉質彈牙爽口，佢嘅味道真係一流。對於一間日式店舖黎講，呢間煮龍蝦可以話係高水準之作!除此之外，我哋仲叫咗鹽燒春魚 。春魚肉質好滑之餘仲好有咬感， 層皮煎得好香好脆，加埋佢旁邊嘅酸汁， 好夾😍 而且食落去一啲都唔油膩，反而食到春魚嘅鮮味添!最後我哋叫咗個明太子雞翼試下。 裏面係一粒粒嘅魚籽， 估唔到一隻雞翼裏邊都可以裝到咁多魚籽， 味道嘅層次感好豐富，好特別 。鍾意食雞翼嘅朋友可以一試 。黎到呢啲高級嘅日本餐廳，當然要試下佢嘅嘢飲。我哋叫咗一杯酒同埋兩支果汁汽水， 杯酒佢話係以雪梨桶酒製成，飲落去好清甜，我大多食完每一道菜再飲一小啖酒， 一小杯已經足夠慢慢飲一整晚。另外，我哋仲叫咗巨峰提子梳打同埋白桃梳打。 兩杯飲品嘅甜度好適當 ，梳打再加埋果汁嘅味道有解渴之效，呢兩杯令到我哋今次嘅晚餐食得好暢快 !總括嚟講呢間餐廳嘅食物質素好好，每樣食物無論係味道，口感，定係所配合嘅醫汁都搭乘得相當之好。下次想豪食一次高質嘅日本菜，一定要黎呢間咁好環境咁好服務嘅餐廳!…Read More

放假同老婆去銅鑼灣睇戲，之後去了老婆最喜歡的鳥居居酒屋食晚餐。之前多數是食刺身加少許串燒，但現在天氣太凍，大家都想食點熱食，所以今次無食到刺身，反而選擇了以串燒作主食。鮮菜沙律：蔬菜切成條狀，點上帶甜味的麵豉醬，清新爽脆。厚切牛舌：牛舌厚切成1cm，表面燒至有焦香，牛舌肉質軟腍且煙韌，牛肉味濃郁，有油份甘香同時都比較膩，但味道有十分，是必食之一。明太子雞翼：每隻雞翼都烓戈到外皮香脆，裏面包著脹卜卜的明太子，一咬落去，明太子的咸香味滲出同時雞肉汁及油膩滲出，兩者味道配搭恰到好處，都是我自己推介的必點項目。露筍豬肉卷：外層的豬腩片燒至油份滲出，豬腩肉香脆，裏面的露筍吸收了豬腩油份，色澤翠綠且爽脆，整個豬肉卷充滿著豬油香味。鹽燒鰆魚配酸汁：鰆魚燒至外皮帶點脆，魚肉雪白嫩滑，而且完全無骨，魚肉魚甜，配上酸汁可以減輕油膩感。龍蝦：龍蝦一開為二，表面燒至微焦，龍蝦肉新鮮彈牙，但表面醬汁略嫌過咸。柚子雪葩：味道帶酸甜，刺激味蕾同時能減輕串燒帶來的油膩感，令口腔回復清新爽利。總結：串燒食材高質而且豐富，其中牛舌及明太子雞翼是必食之選，價錢屬中價，銅鑼灣來說差不多。…Read More

今日又出左銅鑼灣晚餐，朋友說想吃串燒咁就上左去鳥居試下入到去環境好昏暗，內裡裝潢充滿著日式風格，8點去到都十分熱鬧，聊天飲酒的好地方限定推介的餐牌鮮菜沙律蔬菜清新鮮甜馬糞海膽簡左一版海膽，係我地既致愛，價錢合理，而且味道清甜煙燻貝柱飯團味道幾好，外層飯焦好香脆厚切牛舌厚厚的牛舌，味道香濃燒得岩岩好咁厚都咁林聖子皇用左蒜蓉和日本大蔥去煮，顯得聖子額外鮮甜美味鹽燒春魚好香口魚味好鮮美，啖啖肉活帆立貝用左味噌蛋黃醬燒，燒出黎的味道唔錯，比較濃味！燒龍蝦同樣都係用左味噌蛋黃醬燒，燒出黎的龍蝦比較濃味，鮮味十足！雞丸肉質鮮美，味道不錯👍🏻配上蛋黃醬汁，別一番風味明太子雞翼平時好少點明太子，我朋友就好吃就點黎試下，味道很配合唔錯，不過帶點咸…Read More

居酒屋係同朋友食飯傾計既好地方，今日放工就同好耐冇見既朋友黎左銅鑼灣呢間見面輕鬆下。餐廳環境雖然唔算好大，但放左好多酒瓶，掛左日本布簾，又有個開放式廚房見到師傅準備食物，好有日式味道。一開始我地要左2個沙律做前菜 refresh下。首先係鮮菜沙律，入面有椰菜，西芹，青瓜，紅蘿白伴面豉醬/海鹽，簡簡單單品嘗蔬菜嘅鮮甜味。另外要左個和風蒜子蕃茄沙律，蕃茄酸酸甜甜配合蒜香汁，好開胃。冷盤仲有一板海膽，好鮮甜，完全唔腥，用脆口既紫菜包住青瓜同海膽食，口感更豐富。熱食方面叫左2個明太子產品，明太子玉子燒同明太子雞翼，兩款食物都釀滿明太子，鹹鹹地又唔會漏，正！然後要左個蒜蓉燒蟶子，完全唔哽又冇沙，非常鮮甜。接著有2款串燒，燒雞丸配蛋黃豉油，味道好夾。仲有燒厚切牛脷，外層燒到好香脆，入面又好juicy，十分好食！朋友好鍾意食燒魚，所以我地都叫店員幫我地揀當日新鮮既魚，佢推薦鯛魚比我地。果然冇介紹錯，魚肉油份岩岩好，好滑，魚皮都燒到好脆！壓軸登場係西班牙黑毛豬，估唔到外貌唔算好吸引既竟然可以咁好食！豬肉好淋，好多汁，再加埋d酸青瓜同芥辣可以沖淡肉類既油膩感，食多2件都唔怕！總結呢度價錢雖然唔算平，但食物質素真係好高，店員服務都好好，好值得同好朋友/另一半黎。…Read More

今晚同闊別兩年的舊同事吃晚飯，由於好耐冇見所以揀咗個靜啲可以暢所欲言嘅地方好好聚舊，餐廳位置位於銅鑼灣中心地帶，非常方便沙律非常新鮮侍應送上特製調味醬料， 沾上沙律吃十分開胃， 味道很清新番茄切開一片片，酸酸甜甜，而且帶點冰涼感，令人食指大動第一道菜竟然是蟶子皇，雖然是燒物但完全沒有被一貫燒物的氣味遮蓋蟶子皇本身的鮮味，蟶子皇新鮮完全不會腥，而且十分肥美多汁，惟價錢有點貴明太子玉子意外嫩滑，香濃的玉子包裹著一粒粒的明太子，口感豐富難忘厚切牛舌燒得恰到好處，外層帶有一點點脆，牛舌有彈性而且牛味濃郁第一次食明太子雞翼，雞翼本身已經去骨，大量明太子釀入雞鎚，咬落去啖啖肉令人非常滿足雞肉串由雞軟骨及免治雞肉混合而成，原本欠缺賣點，但沾上蛋漿後雞肉變得嫩滑易入口不停吃肉會有點膩，於是點了性價比非常高的秋葵牛肉卷，薄薄的牛肉卷包上秋葵，完全不會油膩，值得一讚露筍燒完仲係脆卜卜，包上豬肉片口感與秋葵卷相似，但更有咬口呢個日式甜品好好食，煙煙韌韌咁，其實有啲似中式芝麻湯圓呢個雪葩好食到不得了，番薯味十足，但又唔會好似普通雪糕咁咁快溶個人認為雪葩係呢度嘅必點自選總括而然，環境及侍應服務態度不錯，燒物屬於高水準，埋單每人約港幣＄800 ,屬於較高消費的餐廳…Read More

有位朋友想吃日本料理, 最好是港島區的. 想了一想便選了這間於SOGO附近以串燒聞名的鳥居. 店看過菜牌後, 今天還是決定簡單點, 以串燒為主, 畢竟2人吃的份量不多, 串燒正合適多試幾款食物. 居酒屋的環境光線偏暗但舒適, 雖然是閒日但座上客已有9成滿. 朋友稍候才到, 習慣性的先點一份清新的鮮菜沙律, 儘是一些爽脆清新可生吃的蔬菜類, 像是生菜, 青瓜條, 西芹條, 蘿白, 甘荀條之類. 明太子雞翼是我其中一道最愛的菜色. 鹹鮮而帶辣的明太子與外層的燒雞肉是絕配. 明太子玉子是每次來鳥居的必點菜色. 日式的煎蛋捲做出來鬆香軟滑, 帶甜味的蛋捲包著帶有鹹鮮風味的明太子, 味道的層次十分豐富. 厚切燒出來充滿彈性而不靭, 素材絕無雪味. 燒的火候得恰到好處.  雞丸是把免治雞肉及一些配料混合燒再沾日本雞蛋汁來吃, 不配蛋汁吃時雞肉滑而滿口鮮味. 配上蛋汁味道則濃郁了一層, 蛋汁與雞肉的味道相當配合. 尾段點份燒茄子調節一下, 燒茄子原條燒出來內裡多汁柔軟, 面上舖的些許木魚碎更添上一份濃厚味道. 燒飯團選了3個來分享, 分別是梅, 三文魚, 鱈魚子. 我只挑了鱈魚子飯團來吃, 飯團燒得外圍脆卜卜, 而內裡的鱈魚子內饀軟軟鹹鹹的, 吃起來滿口鹹鮮風味. 可說是居酒屋必吃之一. 最後還是各點了一個柚子雪葩清清口及解膩. 雪葩入口即溶, 酸度恰到好處, 吃完令人胃口有點重開的感覺.  埋單的價格大約是$1000, 價格有點稍貴但食物味道出色, 物有所值. …Read More

在港島區工作，放工自自然然在這邊搵食。加上老公轉工過了港島區，一齊吃飯後才歸家，我又可以偷懶不用落廚。很久未去食串燒，今次選擇了在銅鑼灣的鳥居居酒屋，我見網上都有很多好評，應該都不錯。因為中午沒有吃飯，所以早一點去吃晚餐，約6:30到達，可能時間尚早，剛剛開門，只有一圍客人。室內裝修很有和風風格，燈光較暗以配合居酒屋的風格。座位較親密，二人枱空間很少，放了二杯茶及二杯飲品後，只餘半張枱，空間有限，所以上菜時會安排吃完一樣才上第二樣，挺細心的，每樣食物都能夠新鮮熱辣地享用，不怕食物會放涼。菜單梨酒：酒味較重，有淡淡的梨香中和酒味，很清甜。鮮菜沙律：有葛、紅蘿蔔、青瓜、椰菜配上秘製的味噌醬，蔬菜新鮮爽脆，味噌醬味道似中式海鮮醬，醬香帶甜，估唔到這個配搭倒是不錯。和風蒜子蕃茄沙律：蒜味濃郁及醬汁酸酸甜甜，配上少許沙律菜及新鮮蕃茄，為平淡的蔬菜增添不少特色。明太子玉子：整晚最令人有驚喜的一道菜，玉子剛剛煎好上枱，還帶點熱氣，外層的玉子包裹著明太子，玉子有少許甜味，很有蛋香，加上明太子的鮮甜味中帶有少許咸香，兩者一起非常夾，不過熱食較佳，放涼後味道不夠熱食好。龍蝦：龍蝦爽口彈牙，非常新鮮，龍蝦上面有點沙律醬味，帶少許甜。明太子雞翼：雞翼去骨後釀入明太子，雞翼外型脹卜卜，可見裏面明太子之多；雞翼外皮燒得香脆，明太子本身味道已經很鮮，吸收了雞肉的肉汁，充滿了雞的油份。雞丸：即是雞捧，是眾多食物裏面最普通的一款，要點上秘製蛋汁吃，蛋汁味道特別，似是生蛋溝鏗魚鼓油，有少許甜。黑牛頂業片：接近牛肩位置，肉味非常濃郁，有大量肉質纖維，比較鞋口，但肉汁非常豐富，絕不油膩。番薯雪葩：番薯切半後挖開中間再放入雪葩，番薯味很濃，雪葩不會太凍，甜度適中，又香多滑。總括而言，每樣燒物都是下單即製，上枱時全部都熱辣辣，服務細心，望到我們吃完一樣才上第二樣，雖然枱面空間有限，但服務搭救，加上食物質素高，味道一流，但價錢略貴。…Read More

離開舊公司都有一段時間，一直都有跟舊上司保持聯絡。是夜舊上司突然約晚餐，當然不會推辭啦！餐廳在希慎對面的大廈，入面不同層都有很多日本餐廳，舊上司在芸芸餐廳中選了這間，十分期待呢！門口頗有日本居酒屋的風味。一入座先來一客沙律。侍應特意介紹可點自家制的麵豉醬。一試果然夠特別，甜甜的很有質感，配合爽口的菜吃是一道醒神的前菜。再來一個大蕃茄，偏淡味，吃到底有很多蒜容，是一個驚喜位。舊上司喜歡海鮮，一見到這樣大的蟶子已經食指大動。我只吃了少許，都感受到它的鮮味，而且彈牙，沒有燒到過火。雖然上面舖滿了蒜容，但吃下去比想像中淡，也不會掩蓋了蟶子本來的鮮味好像未試過吃這種日式煮法的沙甸魚。點的汁有少許酸酸的，燒得肉質很嫩滑，又不會太乾身，吃得我們很滋味。表面加了鹽調味，裡面釀了很多明太子，份量十足不欺場。雞翼拆了骨所以吃下去很方便。師傅將雞肉打碎再做成雞棒，點蛋汁吃，吃下去很有嚼勁，一點也不淋牛舌果然十分厚，但一點也不韌，充滿肉汁十分嫩滑，熱辣辣一口吃下去滿滿的明太子湧出來，加上蛋甜甜的，充滿蛋汁，十分好味！甜品選了兩款。糯米團十分煙韌，因為是即燒所以也很熱呼呼，吃下去有點像湯丸我們在柚子和蕃薯之間選了蕃薯，一開始吃有點甜，但吃下去越來越重蕃薯味，有蕃薯蓉。價錢不便宜，但食物真的有水準，食材也全是昂貴。餐廳很適合靜靜閒聊，十分舒適。多謝舊上司款待…Read More

位於澳門逸園中心17樓,朋友推介一間日本居酒屋，本著大無謂的飲食精神，我決心去走一趟。這裡的裝修好日本風，有一個酒吧枱，客人可以跟師傅交流。店內家俱以木裝為主，好舒服雅緻。餐牌如下，除了有大量的燒物外，還有不同種類的酒，可以不醉無歸。鮮菜沙律 $28在食肉前食點清清地的沙律菜, 可以開一開胃. 和風蒜子蕃茄沙律 $48之前都未食過蕃茄加醋的沙律, 原來醋和沙律的化學作用會令蕃茄的甜品更突出, 蕃茄的香甜加上黑芝麻的麻香, 好令人回味. 柚子梅酒$65來居酒屋一定要飲一點酒, 所以我叫了一杯柚子梅酒. 柚子味好重, 梅酒的味反而比較淡, 不過淡淡的梅味加上柚子味好fresh. 厚切牛舌 $116/2串從來未食過那般厚的牛舌, 片片都有手指咁厚!入口時油份完全爆出來!充滿了口腔!燒汁有黑椒味, 所以入口滿滿都是黑椒香. 活帆立貝$316鮮活的帆立貝十分大顆!手掌般大, 肉厚多汁, 師傅把帆立貝切成小磈方便入口. 帆立貝是配上沙律醬和芝士等其他調味一起去燒的, 所以鮮味十足和十分開胃. 明太子雞翼$116去骨的雞翼裡面包了明太子, 雞翼燒到好香脆!明太子帶有鹹香味, 兩者的配搭好夾. 雞丸$116免治雞肉串燒過後, 加上醬油生蛋漿一起吃, 蛋和和雞肉的味道好配合, 加上雞肉嫩滑, 好吃就是了. 西班牙黑毛豬 $368黑毛豬燒到有BBQ味, 切成薄片再配上沙律菜上枱, 造形十分吸引. 豬肉本身帶有甜味, 加上肉汁juicy, 口感嫩滑, 令人慾罷不能, 一口一口地吃完. 這間居酒屋不但環境雅緻, 就連食物十分出色, 難怪晚上的時份會人頭湧湧.…Read More

出去銅鑼灣逛街，當然少不了食好東西，今次就找來一間別俱特別的居酒屋，位於澳門逸園中心17樓。這裡的佈局好像是日本的餐廳，佈置都用上好多日式的裝飾，好有去了日本用餐的氛圍。我們在燈光柔和的映照下用餐，或覺不錯。鮮菜沙律 $28先來一碟小沙律，清一清腸胃。可以點醬油來吃，清新開胃。和風蒜子蕃茄沙律 $48這個蕃茄好大，大小如一個柚子，切片後加上沙律醋、糖和大量的蒜碎作調味，口感十分特別，蒜香味十足，但又不太刺激。香甜的蕃茄加上醋後味道更清香！這裡的串燒兩串起。厚切牛舌 $116/2串牛舌好厚身！個片有3cm厚，完全無欺場。重點是牛舌燒得十分完美，外表焦香，內裡油份滿滿，水份充足，入口肉汁㴔出來，肉汁香氣四溢！活帆立貝 $316/2隻這個真人推介，十分喜出望外，不論賣相味道都一絕。先是那大大粒的帆立貝已經好吸引！每粒手掌咁大粒！幸好師傅都為我們把它切成小粒易入口。帆立貝混上沙律醬和其他調味一起燒，味道好開胃清新，同時又鮮味十足。肉質嫩滑厚實，令人一食愛上。明太子雞翼 $116/2隻雞翼燒得好香脆可口，廚師已經好有心地為客人拆了骨，所以食的時候好放便。雞翼裡面包了好多明太子，鹹香十足，雞肉嫩滑！雞丸 $116/2串這個是雞肉免治串燒，其特別之處在於食的時候是點蛋汁的。醬汁是生蛋加上醬油，雞汁點上此蛋汁，風味無窮。黑牛頂業片 $136/2片不得了！十分鬆化的牛肉！厚厚的牛肉燒到有少少焦，加上燒得剛好，牛肉嫩滑鬆軟！入口即化，燒汁有少少黑椒味，令牛肉生色不少。西班牙黑毛豬 $368賣相已經十分吸引！黑毛豬切成片狀放在一個木製盛器中上枱。黑毛豬切得厚薄均勻，肉質嫩滑有咬口，但同時又入口鬆軟。豬肉帶有少少甜味，跟平時食的豬肉有少少不同，肉香味更濃。最喜歡它燒到有少少bbq味但又肉汁滿瀉。柚子梅酒 $65柚子和梅味互相揮映，清甜得來又解渴。Suntory Highball $58啤酒來的，麥味較重，喜歡甘香味的人會愛上。今餐簡直食得矜貴，食物質素高且服務一流，地理位置也好就腳，好方便。…Read More