和匠日式燒肉店

營業中

休息中

朋友話好耐無食過燒肉，我又好心動，記起之前有間成日經過，但又好想試嘅烤肉小店，於是同朋友約咗喺呢度開餐。芥辣八爪魚淨係用咗八爪魚腳，夾埋夾脆嘅醃菜同芥辣味，口感好好，愈食愈上癮。韓風泡菜除咗就咁食，店員教我哋可以配埋燒肉食，會另有一番滋味，試咗堅係唔錯，同燒肉出奇地夾。溫室蕃茄沙律配油醋汁，所以食落好清新，食肉之餘，都要食吓啲蔬菜平衡吓。有3款日式醬汁跟埋嚟點燒肉食，原味以外嘅選擇，芝麻醬我會點豚肉，燒汁就點牛肉。日本國產鹿兒島黑豚肉味較濃，雖然無豚腩肉咁肥，但都好腍。豚腩肉(鹽燒)肥瘦相間，肉質好腍滑又有油香。燒肉嘅時候店員教要開大火，當燒到啲油滲面先反轉啲肉再燒，就會有靚網紋同鎖住啲肉汁，聽完我都半信半疑，平時燒肉唔用大火都好易燒燶，點知跟住店員咁講，真係燒到火候剛好又多汁嘅燒肉，真係長知識呀!飛驒牛A5肩頸肉絕對帶起呢餐嘅高潮，大火燒完，外表香脆，內裡 juicy 有肉味，啲肉直頭嫩到唔駛，滿口牛油香，但又唔會好膩，一食就知係高質和牛，好幸福呀! 特大緬甸虎蝦係店員推介，一嚟到見到差唔多成隻手臂咁粗，真係大得誇張，個爐都僅僅夠放2隻，店員教我哋平放燒完兩面之後，就要棟起嚟燒，食

今日天氣炎熱辣辣同朋友去左九龍公園度跑步,跑完10公里辛苦到爆...要去食返餐好獎勵自己..去左佐敦和匠日式燒肉店食返餐好既入到去店員安排好位置我地就開始點餐牌我地點左韓國泡菜,芥辣八爪魚粒,溫室蕃茄沙律,特大緬甸虎蝦,飛驒牛A5肩頸肉,日本國產鹿兒島黑豚,豚腩肉,海膽炒飯準備好個位開餐環境都唔錯,唔會好迫韓國泡菜--就咁食又得,如果燒完D肉夾埋黎食都好好味,完全係兩個唔同既感覺,同埋係出奇地夾芥辣八爪魚粒--個咬口幾好,好鮮味..好似之前在韓國食生八瓜魚既口感咁樣溫室蕃茄沙律--幾FRESH既感覺,味道都唔錯配合埋燒肉特大緬甸虎蝦--一個字大呀,未燒個陣望到都覺得正呀..慢慢燒跟住店員教我地燒佢要背面點燒先會熟晒咬口一流,實肉彈牙到震,真係超級好食..必食呀個口感同一般既蝦係完全唔同飛驒牛A5肩頸肉---真係香到傻,入口即溶呀,個牛既肉同脂肪比例真係一絕..A5真係A5,牛香味完全在口入面慢慢流住日本國產鹿兒島黑豚--好香豚肉味,而個口感都幾好豚腩肉--肥瘦適中又香口海膽炒飯--成個飯都好香口,好足料,勁多蝦肉燒個陣其實係有技巧,一開始店員就悉心教我地,真係覺得我以前咁多年都係唔識燒

［正宗夠火喉 品質更一流］當一直以為燒肉是要慢慢燒時，原來猛火燒出來的肉質更是一流。今次和匠令我對燒肉有了新的認識。店舖位置於佐敦地鐵站一出，向前行再轉左就到正正因為在小街，位置方便得黎又感覺旺中帶靜。門口已經有擺出餐牌，二話不說就與友人入左去。因為有做了功課，加上想食燒肉很久，所以一黎就叫了開胃的沙拉和Asahi啤酒，絕對要啤一啤切好的鮑魚，煙韌爽口牛小排肉質厚實，一看紋路便知是值得，鬆軟之餘亦富質感，刀功一流，大小適中。店員也很nice，有專業的技術指導，教我們燒肉要在猛火中快速翻動，在逼出血水的同時，鎖緊肉汁。食燒肉食到，到最後，可以在肉上燒出網紋，完全由自己掌握技巧後燒出來，並不似以前燒烤般怕痴底或焦黑了用黑松露蒜蓉牛油燒的大大粒帆立貝，因為有黑松露和牛油，帆立貝的鮮味在燒烤中，肉汁更加鮮美。鹽燒加厚切，絶對沒辦法停下來看出師傅的刀工很好，厚度剛好，無論是燒時或食時，大小很適合女生黑豚肉的脂肪位，放在爐上輕輕一燒，很快熟透，而牛小排亦微脆及油脂分佈平均，絕對齒頰留香。最後，來一盤烏冬和炒野菜來清一清烏冬煙韌有口感，賣相也出眾，加上海膽，很有滿足感。雜菜中有椰菜、紅蘿蔔絲、青椒絲

由於公司既好伙伴生日話想食烤肉，但又唔想去食有限時個d，諗起早幾年佐敦食過呢間烤肉店，各樣都乎合國情所需，即刻上openrice search 下檔野仲有無做生意先 嘩！幾年間依舊迄立不倒，openrice內仲有不錯既呃like指數。好。。就決定再戰和匠店家內裡既間格唔多講，直接入正題吧 美國PRIME牛小排 雖然未係最靚但烤落好香，咬落都嫩囗好juicy。呢個價位可接受 美國PRIME牛角切 相比牛小排賣相感覺好似好d，呢款食落有咬口。由於厚身左唔想見紅既朋友，就唔好咁心急比d時間烤耐少少 日本國產鹿兒島黑豚 肉質彈牙，好d似豬頸肉咁咬落爽爽地，都唔差喎 日本國產帆立貝(黑松露蒜蓉牛油燒) $88/2PCS黑松露丫~ 黑松露丫~ 香到不得鳥。。由於我地掛住食，有個哥哥仔驚我地tote左4隻帆立貝，所以走過黎出手勒~ 幫我地反一反免得烤焦 味道好夾真系好好食，一d都唔韌皮 日本國產阿波尾雞腿肉 估唔到咁好食，雞肉嫩滑唔會鞋十十 雜錦天婦羅 裡面有3隻蝦、3件南瓜、3件蕃薯、3件茄子及1件冬菇，其實都好抵食。 烤雞泡魚乾 雖賣相唔多好，但都好味既 海膽炒飯 賣相都好吸引，將主角海膽放上

今晚去了位於佐敦女拔後面的和匠日式燒肉店。餐廳是簡單的和風裝飾。位置間都會有一定的距離。食物方面有小食、沙律、飯及烏冬，肉類分別有豬牛雞及海鮮，牛肉會分不同級數，全部都是百多元起。有三款醮肉食的醬料，柚子甜甜酸酸是醮豬肉，燒汁味道較濃是醮牛肉，胡麻醬有濃郁的芝麻香及帶甜是醮雞肉。Peach mocktail桃味糖水溝梳打水，糖水沉底所以要攪勻先有味，但桃味比較清淡，加上落了冰，越飲越淡，如果可以溝多一點桃味糖水會比較好飲。溫室青瓜蟹子沙律青瓜很爽脆帶點瓜甜味，非常清新，蟹子份量很多，每啖都吃到蟹子的卜卜脆，加上蟹柳絲，色澤紅配綠，顏色鮮艷，配上沙律醬，帶點酸甜味，非常開胃。厚切美國prime牛小排牛小排色澤鮮明，牛肉的雪花紋很均勻，紅白相間，脂坊比例平均，厚度約為5mm。店員說一定要燒紅個爐才能放牛肉落網，牛肉肉香滲出，燒約半分鐘再反轉燒另一面，牛肉滲出血水即代表開始熟，店員建議臨食前再反一反倒走血水，食落會比較好味。牛肉外層焦香，但內裏還帶點粉紅，燒好後紋理依然清晰，牛肉肉質很腍，肉味濃郁，一咬落去油份滲出，口腔中充滿肉汁，油份不算太多，反而肉汁更甚。日本國產鹿兒島黑豚黑豚肉切得較牛

早排食韓燒食到怕怕，呢排轉下食下日式食燒肉緊係點啤酒啦先上<磯煮鮑魚> $98大大隻又爽口，醬汁仲好入味，不錯<豆腐沙律> $62豆腐四小粒，沙律菜新鮮加上芝麻醬的濃香，酸甜開胃<深海老虎大蝦> $158真係好大隻喔，燒到幾面轉色緊緊熟，爽口彈牙啖啖肉<美國Prime牛角切> $168 幾面都燒到出油，差不多7-8成熟，會食到嫩腍感，仲保持到油脂填滿口腔<美國Prime牛小排> $138呢個就要燒到出血水先好反去另一面，牛小排真係好正，嫩腍中帶點咬口，牛味又重<日本國產鹿兒島黑豚> $110呢個就比較失色一點了，燒完有點嚡口，不過肉味都幾濃

已經是晚上差不多七時，餐廳人流不多。我們二人被安排「面壁思過」位，但位置闊落，坐得舒適，而且很有與世隔絕的感覺。因為「自己的肉自己燒」，整頓晚餐都很互動。燒肉還要點時間，所以先點了前菜和沙律。*芥辣八爪魚粒($48)平時多數吃壽司軍艦才會吃到，單點還是第一次。八爪魚粒切得很細，再加入了芥末；冰涼中帶點攻鼻，很醒胃。*日本安曇野豆腐沙律($62)豆腐沙律永遠是我的首選。豆腐軟滑夠凍，加上帶點酸的麻醬；為之後的大魚大肉打定個底。*美國Prime牛角切($168)牛角切即是牛肉粒，因為比較厚身，需要燒耐一點。牛角切充滿著大量的雪花，肉質帶點，而且很重牛的脂肪味。個人認為燒牛角切比較難掌握，難熟，所以易焦。*美國Prime牛小排($138)一客八片的牛小排，帶點厚度，脂肪的分佈很平均。牛小排燒熟了都很淋，和角切一張都很重牛的脂肪味。燒牛小排比起燒牛角切易控制一點。*日本國產鹿兒島黑豚($110)黑豚片比起牛肉少很多脂肪；但是肉質非常爽口，燒完不會變豬肉「乾」爐很夠熱、夠猛火，所以都很快熟。店內的抽風做得很好，燒完亦不會有一陣味。*日本產帆立貝(2隻)($88)帆立貝加入了牛油、蒜蓉和黑松露。帶

很久無聯絡朋友要找個機會聚聚，便開發一下她的工作區域，尋找咱們的好去處，網上刷一下看到了朋友喜愛的日式燒烤。地點不是在大街，要走入繁華市區的轉角處， 門面以木為主的燒肉店給人們一點置身日本街頭的感覺， 走進去簡單的柔和感頓生，由於人不多很閒静，相對很適合朋友輕鬆聚舊。SAKE實在多選揀到令我異常興奮，可惜明天還得工作，暫時壓下了情緒。各款食物都屬中價，侍應有禮地向我們說明各肉類的分別及推介後，便替我們點了單，還送上開胃的餐前小吃。青瓜漬，蒜頭漬 $28青瓜很是爽甜， 雖制過但依舊保持天然的青瓜味， 忍手不住多吃了點。本身不吃蒜頭，但倒試了口，去了蒜頭本有的辛澀，多了醬油的味道，不過還未足夠令我愛上。厚切美國PRIME牛小排 $188只見牛小排脂肪均勻，色澤血紅，賣相吸引。侍應好有心教我們的燒烤技巧， 幫忙將肉放爐頭慢慢燒，見肉由底熟至一半，便可趕快地翻一翻轉，大火燒香會鎖住肉汁，肉面燒至微焦，肉質上有咬口，而中心滿有肉汁，牛味香濃感覺實在，但燒久少少就會太靭，要得好好看緊時間。日本國產A4和牛肉眼 (半份) $280另試這店另一主打，薄切的和牛肉眼有點略肥，爐火將油份一下迫出來，很是搶

是日心血來潮,想食日式燒烤, 看看openrice,發現佐敦的"和匠" 評分甚高  店鋪坐落不起眼的長樂街, 面門設計很有居酒屋特式,店內佈局簡潔舒服 看餐牌, 有套餐, 散叫. 店主很主動為我地介紹各種食物前菜: 野菜豆腐沙律（胡麻醬）新鮮的蔬菜, 配上豆腐, 豆腐有微微豆香, 很fresh,正好為後來的燒肉開胃口 日本國產鹿兒島黑豚粉紅色的豚肉,油脂平均,肉味香滑 鹽燒豚腩肉是煙肉吧, 看似很肥, 但燒後,油脂很香,薄薄的肉片,令我巳吃不停 日本阿波美雞翼很長又優美的名字, 原來日本產品, 屬於走地雞，肉質嫩滑，低脂且充滿彈性，燒至微脆，肉汁依然豐富, 特別是沒加任何醃料，也很有味道 厚切美國Prime牛小排油脂如雪花，平均分怖，果然係頂級食材。店長為我地燒，他解釋燒得不好肉汁會流走，浪費了食材,不消一會見到格仔纹，MEDIUM RARE 就可以食，一口咬落，口感一流，油脂的滲入加上濃濃牛味, 一絕 深海老虎蝦SIZE 有手掌咁大，燒後仍保持肉汁，肉質彈牙 好完美的一餐, 念念不忘

今日公司難得早放，於是跟同事到公司附近的日式居酒屋，Happy hour 一下，室內以淺色木材為主調，整體風格更接近日式食店，在暖色系照明下用餐心情更放鬆，係放工後relax既好去處。芥辣伴青瓜 $38青瓜口感好爽脆，配上自家秘制既芥辣醬，好開胃和惹味，確好下酒。日本國產鹿兒島黑豚 $108油脂有層次，外層烤到金黃香脆和略焦，肉質嫩滑，肉味香濃，配上微辣燒汁，添加幾分惹味。蒲燒鰻魚飯$88賣外吸引，面層鋪滿紫菜和蛋絲，厚厚既鰻魚配上粒粒分明的日本珍珠米，一啖包括以上材料，口感豐富而有層次，配上甜甜的鰻魚汁和夾在中間的酸薑和醃蘿蔔，好開胃口。鹽燒牛舌 $80牛舌會燒得剛剛好，好爽口，本身已有淡淡鹽味又帶少許肉汁，再加上面層既黑椒粒，好滿足。吃得多燒肉會總有點兒膩的感覺，配啤酒清爽一下就最好，而且啤酒又叫「番鬼佬涼茶」，用來配燒物可以減少熱氣啊！除了人所共知的Asahi，原來還有種叫做「網走啤酒」，盛產在日本的知床半島，唔講唔知，原來係世界自然遺産。其中「知床Draft」加入螺旋藻作配搭，發放淡淡的清香味，呈現這個地方的驕傲呢！知床 Draft World Heritage $78總結黎講

約了KY姐晚膳在她公司附近覓食，行行下就被這間門面低調的燒肉店吸引了，猶如置身日本居酒屋的感覺。內裡裝橫的確充滿日本風，而餐廳位置可能在橫街內，因此食客不算多。餐牌選擇很多芥辣伴青瓜 $38，食燒肉前，當然要食些清新的前菜來醒一醒胃及味蕾，青瓜的清新味道配上芥辣醬的刺激，絕對是前菜的首選。大蜆味噌湯 $48，再來一個湯，非常多蜆肉，而且配料十分充足，有豆腐，豆卜及海帶，味道非常鮮甜。香蒜牛油黑松露焗雜菌 $65，黑松露味被濃濃的黑椒味蓋過，雖然雜菌軟滑及入味，但就是太辣了。鹽燒牛舌 $80，牛舌厚薄適中而且肉質爽口。日本國產鹿兒島黑豚 $108，主角終於上場，黑豚脂肪分配平均，入口肉質非常鬆化，而且肉味香濃。

近來跟朋友們經常搵食, 今次就搵食到佐敦去了, 雖然店的位置並不是大街, 但如果有車人士就好方便, 不過就算我無車, 坐MTR一樣唔係行好耐, 朋友說這家店的牛蠻出名及新鮮, 而且每天貨源直送所以口感好, 那今天就來試一試了吧!!!門口已經覺得好日式的感覺, 而入內地方雖然不是太大, 但還有VIP房可以給客人大班人齊樂樂也蠻不錯, 裝修也蠻WARM, 而且一眼就能看到酒品及好大塊BANNER寫著的 “飛彈牛”專門店, 不過因為價錢實在太頂級, 所以我們今晚吃其他先, 有機會再吃~~~~日本安曇野豆腐沙律(胡麻醬) ($62)~~~先來個沙律, 豆腐味較淡及實一點, 但豆味很重, 吃上口都好滑下, 加上胡麻醬, 好清新的一款~~~芥辣八爪魚粒 ($48)~~~~意料之外的一款!! 其實我唔食生的, 不過朋友想試我望到又好似好特別就試一下, 結果發現味道沒有我想像中的令我不快, 反而係好特別, 口感就是煙煙韌韌, 而且好爽口的感覺, 還有點舔口的膠質, 而且可能加上了芥辣味, 雖然唔算太重, 但就完全能帶起八爪魚的鮮味, 很不錯的一款, 真的令我對生食物改觀!!!汁燒原隻魷魚筒 ($72)