夏麵館 (始創中心)

營業中

休息中

聽朋友講尼間吾貴又好食咁我就試試佢啦，親民價錢，值得一試呀雞扒擔擔麵雞扒鮮嫩吾乾very juicy😋麵線彈牙，擔擔麵的湯汁濃厚帶有微辣的香氣和花生香氣，每一條麵都沾上湯汁，非常惹味小籠包湯汁清甜，皮厚薄適中，饀料鮮味多汁，配醋食另一種層次紅油抄手每一粒雲呑都好大粒，雲吞配上辣椒油，香麻好夠辣，餡料有肉香老上海炒麵風味濃郁，麵條彈牙，以醬油和蔥花為基底，加入豬肉絲、蔬菜和麵條炒煮而成，麵條煮熟後保持彈牙口感，每一口都能感受到麵條的滑嫩。豬肉絲的鮮香與蔬菜的脆爽相輔相成豆沙鍋餅香甜餡，酥脆皮，鍋餅外皮金黃酥脆，內裡裝滿綿密的豆沙餡，入口即化，豆沙餡香甜濃郁，帶有微微的豆香，與酥皮的口感完美融合

好耐冇食上海菜， 今日突然好想食就約咗朋友去太子呢間夏麵館，我哋點咗小食拼盤， 小籠包， 仲有椒鹽小黃魚， 好在我哋比較保守唔叫太多嘢食， 原來三樣食物已經飽到我哋差啲食唔晒！ 好想點名讚佢嘅椒鹽小黃魚， 香脆嘅小黃魚上面部門咗炸到金香嘅蒜蓉同埋辣椒碎， 我哋兩個連啲蒜蓉都食晒！ 我暫時忘卻熱氣嗰兩個字！ 五小碟我哋就揀咗醉豬手， 上海拷夫， 嗰隻豬手全部切開細細舊， 不單止唔肥膩仲好爽脆！ 我哋一人一句傾吓傾吓就全部嘢食晒！ 小籠包個皮唔算係好薄， 但係有口感而且份量夠晒大！ 而家出面啲上海菜好多都收到好貴， 呢間價錢算係10分合理而且坐得好舒服， 我哋坐足兩個鐘先走！ 極力推介！ 😍😍😋👍🏼👍🏼

今天餓壞了，和友人來吃這個，也不是第一次，不過就是很久沒有吃。蔬菜先上，因為太肚餓就先吃，比較鹹，但整體味道不錯。小籠包也是很好吃，有水準。排骨擔擔麵，排骨就是比較多麵粉，炸得很香口。擔擔面的湯比較辣，很容易嗆到咳，但如果喜歡吃辣的朋友是覺得很香，不錯。最後也忘記了要的是什麼骨，但就是好吃😋

星期六有親戚到訪，一行四人之後想食個下午茶，咁啱要去始創心中買啲嘢，經過見到夏麵館，餐牌都幾吸引，就撳張飛等位，大概15分鐘可以安排入座。入舖頭時都需要量體溫同用酒精搓手液。一坐低先知原來有下午茶餐，價錢比正價平少少同多杯飲品，選擇都算唔少，而且仲可以升級加啲小食。當日分別叫咗4個餐如下:-1.青菜煨麵 – 湯頭白雪雪，味道香濃，調味適中。青菜應該係小唐菜粒，食落爽口清甜，一啲油都冇，感覺清新健康。麵質都屬少少煙韌彈牙，浸耐咗湯都唔會太發脹同變糊。2.嫩雞煨麵 – 基本同以上個青菜煨麵係一模一樣，只不過多咗啲冇醃過味嘅雞丁肉粒，雞粒唔嚡口，不過又未算嫩。3.香辣牛肉麵 – 湯頭顏色清澈味唔濃，一啲都冇辣嘅感覺。牛肉味淡，肉質唔韌，食落都冇黐牙，不過牛味欠奉。反而牛筋入味軟滑。4.排骨擔擔麵 - 排骨(炸豬扒)同擔擔麵分開上，擔擔麵湯濃稠，花生味重，而且食落辣味就慢慢滲出嚟，都幾野味。排骨(炸豬扒)粉漿厚，豬扒肉薄，炸皮味道完全掩蓋豬嘅肉味。所有麵底都係同一款。升級小食追加咗:-5.豆沙鍋餅 (半份) - 皮厚硬而唔脆，豆沙餡少，而且冇豆沙應有嘅紅豆香，甜度都比較淡。6.小籠包 (4件)

今晚想清淡啲又想食小籠包 就決定同媽咪去食上海野啦😛第一次食夏麵館 一於試下佢個小籠包😍賽螃蟹先 仲要左有推介logo嘅夏味鱔糊麵 燻蛋係我最喜歡食既😍 當然要叫啦！😋燻蛋一見到賣相就知道好食 好糖心好正喔！😋😋😋 食既時候仲有蛋汁黏住口腔 好回味啊 必食推介！😝小籠包就正正常常 皮唔厚 湯汁都好多！不過佢個醋我就覺得唔夠酸 所以失色左少少😣賽螃蟹🦀️$78 份量都幾多！炒得好滑阿😋 佢就唔係撈蛋食既 反而落左蝦仁 更加清淡啲！😛夏味鱔糊麵 呢個真係好食！😍😍鱔糊超夠味 每一條都幾粗幾飽滿 仲有啲筍絲同薑絲撈埋一齊炒 口感豐富左😛 陽春麵唔會過淋 都幾有咬口😛 一人食一定夠晒飽！加$5仲可以由陽春面轉做淮山麵 下次可以試吓🤔 淮山麵就健康啲添 不過我驚會過林😛因為媽咪鍾意飲酸辣湯 所以我哋叫咗一碗試吓😛 酸辣湯好足料喎 筍 豆腐絲 木耳絲 蛋花都好似有😛 最好嘅地方就係佢唔會太杰 亦唔會太辣！一食飽飽 媽咪已經話下次黎再要試新野！😂😂

今日在太子見完客，附近就是始創中心，一去到商場我就見到夏麵館的廣告，應該是新開無幾耐。見到夏麵館，我的回憶番晒來，就一於入去食番餐回憶回憶。店內環境設計時尚，唔焗促，座位舒適。而食物種類也不少，講得出的上海菜也有，最重要是價錢唔貴。鮮肉小籠包皮薄餡靚，肉汁豐富，配上薑絲香醋，頗有水準，必食之選。如果我朋友不是對蟹肉有敏感，我一定會嘗試他們的蟹肉小籠包。店舖好細心，酸辣湯麵的酸辣度是可以選擇，麵質亦可選擇軟硬度。酸辣湯麵分量好大，酸辣湯的酸辣度剛好，入面還有好多筍絲、冬菇絲和蛋絲，好豐富。而麵質彈牙爽口，兼且入味。最後，我們一滴不漏清碗吃清光。砂窩雲吞雞亦都好大窩，入面有半隻大雞和六大隻雲吞。湯底好鮮甜，內裏有好多金華火腿，雞味亦香濃，抵食之選。生煎包的面微微煎香，唔肥膩，包咬落鬆軟，內裏的肉汁亦豐富，認真唔錯。

由東坪洲返回市區，同山友們去始創食晚飯，山友提議試吓夏麵館，去年食過寶石樓分店，印象ok，又試吓呢間啦。店子主打上海菜，簡唔中都食上海菜，點菜就交俾山友們，最後決定點四人餐。先來2款涼菜：上海醬鴨樣子黑黑的，鴨肉夠腍，有點咸。美味海蜇顏色不討喜，口感爽彈，食味偏咸。小籠包皮薄多肉汁，肉餡鮮味肥瘦適中，混合薑絲和香醋好吃。醃篤鮮材料有咸肉、百頁結、小棠菜，沒吃到鮮肉和筍，這個湯帶咸香，喝著舒服，正好補充消耗。3款小菜： 黃金蝦球蝦肉彈牙鮮味，外層唔夠乾身，沒有咸蛋黃沙，食味偏咸。韮黃炒鱔絲沒有鱔糊般香噴噴，韮黃有點生帶辣，鱔絲咬落有口感，可惜醬汁不足。雪菜毛豆百頁嚐毛豆和雪菜粒食味ok，唯獨百頁要用白開水沖洗才能入口，大家一致認為就太咸了。老上海炒飯飯粒分明有蛋香，混合菜粒和少量蝦仁，味道唔錯。豆沙鍋餅紅豆沙餡香又不過甜，略嫌外皮炸成脆硬。

同朋友去旺角行街，之後順便過了去始創食晚餐，這間夏麵館應該是新開久，所有的碗碟都非常新淨。餐廳主要以上海菜為主，價錢抵食而且座位舒適，所以都幾爆。小食要了蒜泥白肉，豬腩片切成薄薄一片，肥瘦適中，淋上蒜汁去油膩感，另外下面墊著拍青瓜，清新爽脆。小籠包外皮煙韌有彈性，而且不易夾空田，裏面有豐富的湯汁，味道鮮甜有肉香。唐芹鮮肉水餃外皮比較厚而且糊口，一夾就穿，味道比較一般。老上海炒麵有些白菜仔及肉絲作配料，上海麵爽口煙韌，每條都沾上了老抽顏色，味道不會太咸，食到最後都唔會成碟底油。甜品高力豆沙新鮮熱辣炸起，蛋白鬆軟，入口溶化，豆沙餡適中，甜度適中。