616牛肉火鍋專門店 (翠怡花園)

營業中

休息中

天氣凍，最好就係打邊爐，一行4人夜晚去616，主打牛肉的火鍋店，因為知呢間好受歡迎一定要BOOK定位，THANKS YAN BOOK位呀>3<~!雖然BOOK左位，但仍然要等半個鐘....安排上出現左問題...算啦太想食照等wwww。店子面積頗大，木系裝潢明亮有空間感，座位闊絡，牆上的街市壁畫有地區特色。電子落單，方便，牛肉有好多款式，原來有咁多名，認識左唔少刁鑽部位wwwwww。繁忙時段用餐時間限時100分鐘，上菜都幾快手。有張圖教路推介食法(醬料)及建議各款牛肉淥幾耐時間。多款配料，每位$10。洛神玫瑰茶，$15，自家製的飲品，酸酸甜甜，開胃清爽。菊花桂圓露，$15，友人的。鴛鴦青花椒牛骨湯，$78，湯底都有好多款，要了鴛鴦湯底，青花椒湯底，微辣清香，唔太食得辣但有想食少少辣嘅人仕可挑機，牛骨湯，味道清甜，有白蘿蔔及牛肉等材料，用來配牛肉打邊爐似乎幾正。牛駝峰，$48，人氣之一，牛頸背間的部位，呢碟比較肥下...肉質軟嫩油香鮮味。匙柄，$48，匙仁下的部位，肉質柔軟帶點彈性。封門柳，$68，牛橫隔膜肌肉部位，油分比較少，牛肉味濃，口感較腍。牛朴肉，$48，人氣之一，

朋友已試過這間覺得牛肉確實好吃於是她建議帶我來試試啊～～她覺得上次試的湯底會掩蓋部份牛味於是這次的火鍋湯底就選牛骨清湯！用平板電腦落單方便又環保！對牛的部位沒什麼認識餐桌上的墊枱紙有介紹各部位的名稱及灼的時間長度最長的都只是灼10秒便可以！基於對大部分部位都沒什麼認識，所以都是亂點例如有封門柳﹑匙柄及三花腱每碟肉上桌的時候都會連單，所以可以辨別那碟是什麼部位啊～～另外點了黑柏葉﹑牛丸﹑牛舌﹑響鈴和羽衣甘藍牛丸的牛味幾香又滑身爽彈$28有6粒～～價格來說都算抵！再多些牛油香味就能媲美潮州吃得到的牛丸！牛柏葉是未經加工漂白的黑柏葉切到好幼身，所以好快便能灼熟～都算爽口，但太幼身而沒什麼咬口配上胡麻醬，嫌淡口的話可沾醬汁來吃～～！！多吃的是燒牛舌，這次試試灼的～～也許是灼的時間控制在6~8秒內，所以不會像燒牛舌那樣厚身～感覺灼的牛舌沒平時燒的牛各那樣牛味香濃對於咬口也不太習慣，所以個人感覺一般！封門柳被介紹為牛味最濃的部位顏色最深色，也沒什麼脂肪完全與一般火鍋店的雪花肥牛手切肥牛那些種類是兩回事！但原來這樣沒什麼脂肪的部位也牛味香濃！個人偏好匙柄這部位多一點點因牛味都香，而且帶點脂肪，肉質較

除咗食材上盛以外，還是很有玩味兒的一間火鍋店。呢一間係專門食牛肉嘅火鍋店，有好多你聽過或者未聽過嘅牛肉部分都會喺度搵到。雖然短短的一兩個鐘火鍋時間，但你好似上咗一堂有關牛的解剖堂一樣，對牛肉唔同部分的叫法，烹煮嘅時間，味道同質感，有更加深的認識。最過癮嘅就係呢度係用iPad點菜，而你點嘅每一種牛肉部位，都會有註解，非常詳細。員工亦很耐心為你介紹，給你一些推介，服務很貼心。每一張枱都有一張墊枱紙，而那張墊枱紙上都會列明不同部份的牛肉所需的烹煮時間。每當你把牛肉落火鍋前，要搵吓幅圖先知道煮幾耐，十分好玩。咁樣又唔怕太熟影響牛肉嘅質感。食咗幾種唔同嘅牛肉,每種都有佢唔同嘅質感同味道.其中一個幾特別嘅，叫胸口膀，佢係一個白色，看似脂肪但食落口算係幾彈牙同滑。咬咗兩下，覺得牛既油味好重，不過建議唔吃得太蘇嘅人就唔好揀呢個啦，但我係覺得好特別。另外一個叫金花趾，佢其實係似我哋食開嘅牛展嘅. 但係食真啲，你會發現比平時食開嘅牛展更加幼滑，佢嘅肌肉纖維係更加幼細，而且肉質彈牙。封門柳係最有咬口，肉質其實是腍腍的，而牛味都好重。吊龍伴，牛味最重之一。睇圖會見到佢有較多脂肪在旁邊，不過脂肪同肉分得清楚。我

專至係皇道! 聞名不如一試! 大埔朋友推介專食牛的火鍋店, 果然牛的品質高, 價錢亦合理。兩個人點了五款牛, 兩款菜及一枝菊花桂園露清熱一番! 五款牛包括手打牛滑, 金花趾, 封門柳, 滑尾龍和挽手腩。雖則是牛, 全部都係牛, 但其質地及牛味都各具特色, 值得逐一介紹番! 手打牛滑超彈牙又重牛丸味, 金花趾軟淋好咬口, 封門柳牛肉味濃且爽身, 滑龍尾配蛋吃, 先把蛋黃攪拌均勻, 再放湯滾數秒, 連蛋花在一起的牛肉質地嫩滑而香, 最後是挽手腩, 要讚其脂肪位置只有濃香味, 卻沒有油膩感, 吃時又軟棉冑微彈口感, 認真是高分推介全牛宴! 店主建議我們第一次吃要點牛骨清湯, 試出其鮮牛味! 真的鮮甜! 本人特別推介它的秘製牛汁, 與甜辣的潮州辣椒醬混和, 再加青檸檬汁, 開胃惹味, 成功提昇了牛肉的鮮香, 一定要試! 除了我近期很愛吃的羽衣甘藍, 我們點了個名為水蓮的蔬菜, 長長一大圈上桌, 吃時爽脆, 很特別! 邊食邊看電影及餐紙上介紹牛的不同部位, 真的邊享口福邊長知識! 唷! 高分推介!

今晚黎左間特別鋪頭打邊爐，特別在佢有好多唔同牛肉既部分食，好多都係完全未聽過的，名都係第一次見。已餐紙只係介紹左其中一部份，真係太多款了！到最後都係揀左3款食。自助吧，都有唔少調味料，大路款式最緊要有岩口味。吊龍伴油脂分布唔錯，亦係幾款入面最好食既一款，煮完好淋，但肉味就比其他遜色左少少。之後我地都係encore多一碟。封門柳，好重牛味，肉質幾爽口。金花趾，雖然切得薄，但都幾有咬口唔係韌。另外就叫返普通配料既響鈴，食落OK的，唔係食緊梳哂氣嗰啲。野菌拼盤有4款菇，幾新鮮。

唔熱既天氣都要打邊爐，係香港人既本生態吧。第二次幫襯616，牛肉刁轉部位為賣點。上次幫襯落完單，上碟食完，就唔記得曬佢地分別既名>_<"。好喇，所以今次要MARK低。總結，限量果d 一定要叫，避開伏物，係好食d既。有伏請注意(牛扒菇，牛駝峰，裹裡肉，牛肉餃/.\)，如閣下仲係要點既，就自便喇。伏，放過自己喇好嗎.....伏，打邊爐黎講質地唔係適合服務態度好好丫，環境衛生也可以，有種熱熱鬧鬧，煙霧彌漫既感覺。如果可以跟住d名黎點，就唔怕點到唔好食喇。如果第一次幫襯又會有想試曬所有部位既衝動，自己諗喇XD。

其實我平時都有留意呢間食肆，最近見到原來已經開了三間在其他地方，既然要食，就梗係去總店食，所以約咗七點半，點知工作有些事情，所以來到大埔，已經七點半有多，唯有在火車站坐的士去，好快已經到了，吃完飯後，行返去原來好快(10分鐘唔駛)，不過Openrice 話A出口，其實B出口近些。我們揀了牛雜湯底，內裡有齊唔同的牛內臟，如肺、肚、膀等等，已經很淋身。呢間食肆好專業，基本上枱面有張圖片，介紹每個部位名字，及要滾多長時間。我們叫了匙柄、牛朴肉、牛駝峰、牛舌、封門柳、吊龍伴。我其實真係唔記得咁多名，因為碟碟都切得好薄，只係顔色有深淺之分，顏色越深牛肉味道越濃，反觀顏色越淡牛肉味道比較淡，我個人推薦封門柳、匙柄，我喜歡牛肉味濃郁。😍😍😍我們4個人，仲有要了些烏冬、蔬菜及飲料，埋單都係$723，並沒有加一，我覺得非常之低食。另外這裡用平板電腦點餸，操作簡單，當你點完餸，侍應收到就會將漏斗放在枱面計時，20分鐘內送上所點的餸菜，如果遅了就免費，果然20分鐘內已經到齊，好有效率👍👍👍

最近聽朋友介紹有一間專食牛肉平靚正嘅火鍋，叫做616, 一直都冇機會試 最近發現佢原來都幾多間分店 ,今日終於有機會去到大埔翠怡花園嘅分店試下佢嘅牛肉。淨係睇佢嘅門面都算幾光鮮， 門口仲擺放咗幾張凳仔畀人哋排隊之用。 可能因為我今日早嚟，所以唔需要等位就有可入座。而我最欣賞佢哋入面嘅牆壁佈置， 全部都係模擬喺街市見到嘅牛肉檔， 令到我哋好似置身於街市一樣，我相信呢個亦係店主想表達嘅嘢，表達出新鮮牛肉立即上枱食嘅感覺。以佢哋嘅點餐menu 非常現代化 竟然係用ipad來點菜，估唔到一間小小嘅火鍋店已經咁別有用心 ，只要喺ipad上點算想食嘅 配料佢就會自動送到。而呢間餐廳嘅另一大賣點，就係餐廳會比一個小型漏斗放於枱上， 客人於點選後會開始計時 !如果20分鐘內去了未能送到桌上， 餐廳會免費送給客人遲送上的配料， 作為食客嘅我當然唔希望啲嘢好遲先嚟， 結果啲配料五分鐘左右就到齊，非常快捷!湯底方面我點算咗清湯牛骨湯底 店員話係用牛骨熬製八小時，入面有蘿蔔同粟米， 算係幾清甜，牛骨已經煲到好冧。首送上嚟嘅牛肉係我哋點既封門柳， 聽講係屬於牛嘅橫隔膜附近嘅肌肉 所以食落口感有彈性， 而且係非常

想試呢間616牛肉火鍋專門店好耐，佢哋係間專食牛肉嘅火鍋店，提供嘅都係坊間少見嘅刁鑽部位。佢係用平板電腦落單，用嘅係真iPad，非常揼本。才疏學淺，好多牛肉部位嘅名都係第一次見，好彩iPad入面有埋詳細嘅介紹。我哋試咗$338嘅牛板套餐，包牛板、蔬菜籃、烏冬、汽水、牛骨清湯底同醬料費。我哋仲加咗$30轉做牛雜湯底，湯呈啡色，面層仲有唔少唐芹同大蔥。開著電爐等湯底煮滾，再飲一啖湯，味道濃甜而有啲花椒八角嘅香料香。用匙羹攪一攪，湯入面仲有唔少牛腸、牛肺同牛肚，單係食湯底嘅牛雜已經花咗一啲時間。然後就係我最期待嘅牛板，用咗牛形木板載住唔同刁鑽部位嘅牛肉，好得意呀。啲牛肉睇落令身，都幾吸引。單張上面列咗啲刁鑽部位嘅名，仲寫埋烚佢哋嘅建議時間，大部份放入鍋度烚幾秒就得，有啲耐少少嘅都只係二十秒至三分鐘左右。醬料係自己去自助吧拎嘅，分別有鮮甘桔、秘製牛肉汁、潮州辣椒油、沙茶醬、豉油、陳醋、指天椒、炸蒜、蒜蓉、芫茜同蔥花。我哋想簡單啲，只係拎咗鮮甘桔同秘製牛肉汁，醬汁本身有蒜香，唧埋鮮甘桔汁之後就酸酸甜甜，用佢嚟蘸牛肉食可以提味同解膩。跟住逐一食牛板入面嘅牛肉，牛朴肉係牛頸上面郁動得最多嘅一塊肉，油

今日老公出差回港，叫我係大埔搵地方食飯，我梗係又搵open rice apps幫手，打開apps 發現大埔新開一間616牛肉火鍋專門店，門口以全牛每部分的分佈圖作招來客，火鍋肥牛食得多，一般都係雪花肥牛、安格斯牛等等。但呢間特別的地方是將全牛分部位來做賣點﹐睇見餐牌時真係5知邊部分打邊部分，店員推薦餐牌上全牛拼盤套餐$338包2杯飲品及醬料，但我想清楚品嚐牛每部分的味道及口感，所以決定重點選了幾個部位比較一下5同部位口感及味道有咩分別？order 左有：封門柳、牛朴肉、牛駝峰、牛骨髓、胸口膀、匙柄呢6款不同部位另還加了熟牛腩、牛肉餃及稻庭烏冬﹐落完單個服務員攞個計時器放係枱﹐話拍心口保證20分鐘有得食喎！品嚐完6款5同部位﹐款款都好好味﹐但都5記得邊部分打邊部分﹐不過最深刻是匙柄及胸口膀﹐因為這間店介紹食法將2款合併一起食﹐口感同味覺係真好的﹐所以特別試一下﹐果然不錯﹐而牛肉餃也不錯﹐老公話要再多一個添！呢餐真係好满意﹐老公話一定會再來的。

牛牛牛！天下邊個唔愛牛！作為牛魔王，我最愛既紅肉係牛。雖然牛肉俾人話佢對皮膚唔好，但唔好忘記佢都有豐富既肌紅蛋白，對增加肌肉好有幫助；其鐵質亦係血紅素既優質來源之一。小弟同同事做到隻牛咁，都要食返餐勁既。今晚特登黎到位於大埔既616牛肉火鍋專門店食牛！實行牛牛圍牛爐！店鋪位於翠怡街3號翠怡花園B座地下，唔係大街上，要轉入大廈與大廈間前地，一個唔覺意好容易會miss左。室內環境光猛，乾淨(連地板都lap lap ling)，陳設簡約，仲有照顧小朋友既櫈仔，幫襯既都係街坊，同店員有傾有講，係人情味啊哈利！調味吧任你選，最特別既係牛肉汁，係店鋪自製既秘方，甜甜地，配合甘桔和牛肉同食非常有新意。餐廳會有呢張紙教客人點食成隻牛，又可以知點先算唔會過火，又可以學下不同位置既名稱，真真有意思！最好既係：紙上面仲有醬汁同唔同既牛肉部位配搭，教得咁仔細，想唔個個變食家都難啦！牛全部都係牛！金花趾即牛後小腿，僅佔整頭牛的2%，非常矝貴，佢既筋係咁多牛肉部分中（隨牛筋本身）最多，有韌勁！三花腱 相比起金花趾，雖然冇咁稀有，但筋肉分佈平均，而且肉味更濃，更得我歡心！滾8-10秒仲保持到大大塊，口感最佳！牛心椗

一早見到呢間有各種稀奇古怪既牛部位已經好想試約埋屋企人去食餐好既碟碟牛都係48均一價可以試咁多出面食唔到既牛牛有個算係細房位可以一班朋友仔有個角落傾下計牆上有畫左616既畫都好有心思一入門口會掛哂牛肉既名會話你知有咩係已經賣哂可以用枱上面既電腦落單禁入去仲有唔同款牛肉既介紹仲有個全牛套餐可以咩都試下第一次落單有個漏斗廿分鐘未黎果碟就送俾你仲有介紹要碌幾耐食得可以出去拎醬料不過每人盛惠10蚊牛肉汁要大推甜甜地要左牛骨清湯清清地可以食清牛肉既味道有幾隻一定要推薦限點既封門柳每隻牛得兩塊超罕有牛味超級濃郁牛朴肉係牛牛活動得最多既部位雪花分怖好均勻食落嫩口又甘香胸口膀睇落白色一塊好油咁點知淥完之後一食超爽口但又不失牛脂味挽手腩係連接爽腩同坑腩既位唔似坑腩咁多根牛腩心係牛腩最中心既位肉味會出D不過就無咁多脂肪位牛腩心比較落厚身少少黑栢葉唔算太特別不過點佢個涼伴醬超夾最後叫菜都好新鮮仲有打邊爐一定要既響鈴店名: 616牛肉火鍋專門店地址: 大埔翠怡街3號翠怡花園B座地下18號舖想睇清楚D相可以Follow埋Facebook: KJFOODLIFE飲食玩樂地圖