Ann Mamma Thai kitchen by 張秀玲

平時泰國菜都係去九龍城食今日試下其他見open rice呢間泰菜都多人比好評，就黎試下好彩有booking，如果唔係應該無位，眼見walk in 客都被拒🫠訂左1800，未夠鐘已經有差唔多近十人係門口等入去。1805 我地係門口準備入去時，餐廳即刻再打黎問我地係咪黎緊，睇黎啲位的確好緊張。上菜極快，抵讚👍🏻所以90分鐘用餐時間係絕對夠總括嚟講食物口味比一般泰國菜偏淡，除咗個柚子沙律同沙冰。其他菜式正正常常，冇乜特別。…查看更多

荃灣不嬲出名多好嘢食今次就試吓呢間人氣泰菜睇完Menu先叫咗兩樣嘢食同兩杯特飲先🍡沙嗲（雞肉/豬肉各2串)串燒燒得啱啱好，雞肉同豬肉都好嫩滑滿滿炭烤味，沙嗲醬好香花生味唔會太稀或者太杰，推薦👍🏻👍🏻👍🏻👍🏻🦐大蝦柚子沙律大蝦好爽口，又真係夠大隻柚子都比得好豪爽，全部大大舊唔會好似有啲餐廳比啲碎濕濕嘅你沙律嘅汁酸酸哋，仲有啲紫洋蔥喺入面吸收晒啲酸汁，我哋連啲洋蔥都食晒🤭食完小食同沙律，就到我哋嘅主食啦🐟青咖哩魚配烤餅呢度嘅青咖哩可以揀：雞/牛腩/魚/雜菜今次揀咗魚，諗住無咁heavy🤪食咖哩當然要配返塊烤餅一齊食啦🫓要讚讚個咖哩好多椰菜花呀矮瓜仔等等嘅蔬菜咖哩好易會食到覺得好漏多啲蔬菜可以減低油膩感魚係炸魚塊，吸咗啲咖哩同塊烤餅一齊食Prefect match🥘除咗食嘢，嘢飲都係不可或缺嘅🥥椰子開心果沙冰(左) 🥤Pink Guava Special  (右)椰子開心果沙冰嘅椰子味好突出頂頭仲有幾粒原粒開心果，脆卜卜大大杯，夠晒成餐飯飲Pink Guava special特飲可以揀有酒精version呢杯就無酒精嘅，有淡淡嘅石榴香氣仲有好fresh嘅青檸做garnish成杯特飲都好清新，最啱配搭濃味嘅泰國菜兩個飲品都比我哋預期中高質推薦👍🏻👍🏻👍🏻👍🏻👍🏻👍🏻嚟到尾聲當然都要食返個甜品🥭芒果糯米飯食泰菜幾乎必叫嘅甜品芒果有半個，好甜呀，最驚食到酸芒果呢度用咗斑斕嘅糯米飯，增添色彩飯面好多椰汁，make sure到每啖飯都椰汁包住總結💭💭全部食物都好滿意兩杯飲品更加比預期中出色今次未試佢嘅冬陰功，下次再嚟一定試埋佢…查看更多

終於試到荃灣呢間人氣文青泰菜同男朋友2個人book咗平日6:30pm去到咁早已經坐滿8/9成嚟之前見到有啲食評話食物等好耐 今日又無呢個問題 上菜超快🙌🏻總共叫咗5樣嘢大蝦柚子沙律柚子好甜，加上甜辣汁配上花生碎、紫洋蔥，超開胃份量好多，我估有淨係柚子都有半個碌柚 香葉肉碎飯可以揀豬肉或者牛柳粒，我哋揀咗豬肉飯上面鋪滿炸蒜，唔算好辣，配上九層塔香葉，撈飯好正份量又係驚人，分到三至四碗飯唔會淨係得飯多，肉碎都夠曬撈飯真係幾抵食！！！泰式燒豬頸肉豬頸肉夠juicy，唔會乾曬柴點肉個汁都好好味，有香茅味，甜甜辣辣份量正常！😆上面影落去，份量真係超多！！！叫咗杯 特飲#3 Citrus Fruit Punch 冇酒精版係清新版嘅fruit punch平時嘅fruit punch偏甜同橙汁味呢杯就係平時嘅加上青檸梳打，無咁甜，帶少少酸，幾啱我口味叫咗個甜品作結😋泰國街頭椰子雪糕 椰皇殼預先雪冰咗，幾有心思，夠曬凍殼上面有少少結冰椰肉，可以刮嚟食見到呢個甜品真係好掛住去泰國旅行🥹個人覺得整體口味偏甜辣，啱香港人口味啱我口味，最鍾意食甜嘅咸食分量大，sharing size ，啱一班人share門口種滿植物 好’igable’ 🌿走咗時候都打咗個卡 😜…查看更多

小食併盤（$99），蝦餅×2（大件，可以一開二當4件食，味道正常）、春卷×2（係素菜春卷，本人都係鐘意有肉嘅多啲）、雞棗×2（同樣味道正常，以併盤計得2粒算少，較難share）。大蝦柚子沙律（$108），柚子清甜多汁唔澀，撈埋沙律汁酸酸甜甜微微辣好開胃，大蝦夠大隻亦彈牙。泰式無骨鹵水豬手（$118），比想像中大份，以為好多菜墊底（的確都好多菜），但豬手都好多，啖啖肉，夠哂飽。鹵水夠入味，而且又夠淋，但淋得嚟又有𡁻頭，唔錯。大蝦炒金邊粉（$118），夠乾身唔會濕淋淋，我最鐘意呢種口感嘅炒金邊粉，Good。PS：啲餸超快就上枱，夠哂有效率。…查看更多

色香味指食物賣相為先, 今日來到一間非常 打卡able的泰菜餐廳餐廳的裝潢充滿特色及打卡的裝飾品, 開放式水吧令餐廳更有一種chill的感覺同時有熱鬧的氛圍椰子開心果沙冰沙冰堆得高高再加1粒開心果裝飾, 令人未飲已經覺得好興奮一入口, 開心果和椰子份量十足, 不停轟炸口腔, 不會過甜. 椰子甜的與開心果剛好平衡, 令整杯特飲成為焦點泰式青檸茶整杯茶都充滿青檸香, 茶味夠, 酸甜亦達至平衡. 與沙冰一樣, 特飲的份量比一般餐廳多, 性價比更高.青咖喱(牛腩)及薄餅調味獨特, 預設少少辣更惹味, 配上大量蔬菜及牛腩更美味, 用薄餅浸配一絕, 薄餅吸收青咖喱仍然外層微脆小食拼盤炸蝦餅非常足料, 口感彈牙,蝦肉鮮甜. 春卷及雞棗亦不錯大蝦柚子沙律清新的柚子及大蝦配上適當的調味已經足夠開胃總結: 餐廳中的chill氣氛與觸目的特色飲品令人好像放了一餐飯時間的假期般…查看更多

在附近街市買完水果，就看到有一家門面裝潢蠻漂亮的店舖起初以為是咖啡室，看看餐牌才發現原來是吃泰國菜的既然來到就跟媽媽吃完晚餐才回去餐廳裏面的裝修很有異國風情，感覺好像去了一趟旅行我們首先點了海南雞半隻，海南雞是無骨的，啖啖肉吃海南雞是我最喜歡就是沾那酸酸甜甜帶點辣的醬汁我們還點了一個大蝦柚子沙律，蝦肉很大隻，柚子的份量也很多另外點了一客焗蒜蓉法包，蒜蓉羹牛油這個配搭，實在令人抗拒不了最後不得不提的就是這裏的特飲，餐廳很用心的坐這個特飲，外觀很美，還加入了爭鮮水果我們點了青瓜特飲，味道清新，配上這杯特飲令人心情放鬆，感覺真的像去了渡假一樣…查看更多

政府剛放寬可以晚上可以2人一枱，我約了好朋友抖抖悶氣。荃灣是行街的好地方，在open rice搜索附近有什麼好食，見到Ann Mamma泰國菜門面很有品味，所以試一試。餐廳有两層，我們被安排坐在地下大廳，這裏裝修優雅，看得出老闆很用心去打做舒服環境。檯與檯之間分隔也遠，疫情關係，餐具轉用即棄型，食得安心。大蝦柚子沙律頭盤是大蝦柚子沙律，蝦很大隻， 肉質彈牙而且新鮮， 很多柚子味道很甜， 配上酸酸的醬汁，很開胃！泰式無骨鹵水豬手很大碟， 鹵水煮得入味 ，肉質軟淋 ，沾上帶點酸的醬汁，帶出豬手香味， 而且豬手下面舖滿了芥蘭菜， 有肉又有菜，十分抵食。炸蝦餅4件蝦餅啖啖蝦肉，爽滑彈牙， 蝦味道濃郁，配上泰式甜酸醬，我吃了3件，食唔停口。沙爹(雞肉/豬肉)上檯時還很熱，應該是即叫即燒的， 肉切得很大舊，還有滿滿的肉汁，沾上沙爹醬，少少辣，帶出它的香味。青檸梳打飲品我們點了2杯中，外面實在太熱了，飲下冰涼解渴。整體而言,這裏佈置很有休閒感覺，環境舒適，交通方便,食物味道也不錯，我們約不久的將來再次光顧。…查看更多

今日同一班朋友聚會，揀左呢間泰國私房菜，最主要係本身覺得個門口好靚，咁就揀左啦叫既菜式多到相都放唔曬！大蝦柚子沙律：蝦多而且夠大隻，調味亦都OK，不過偏細份黃咖喱牛腩：味道香濃，大家都好快清左呢碟餸，配埋蒜蓉包同薄餅簡直一流，由於相片數量限制放唔到蒜蓉包同薄餅相燒豬頸肉：同一般出面食泰國餐廳一樣，不過個人覺得可以再燒香脆少少小食拼盤：呢樣比我想像中要細份，最後要叫兩份先夠咁多人分，味道比較普通金邊粉：見呢到咁多人推薦所以叫左，但係我地都覺得麻麻地，呢碟反而食剩，一來唔夠味，二來唔夠熱生菜包：食泰國野當然要叫我最愛既生菜包，味道夠而且好大碟，反而生菜唔夠，而且肥豬肉多左少少炸軟殼蟹：無咩特別，而且細份，可以skip海南雞：都係細份又普通，可以skip菠蘿炒飯：呢個菠蘿炒飯就十分推薦大碟而且料多，雖然少咁個菠蘿蓋，但都好好食滷水豬手：本來冇咩期待，但意外地好食，個汁真係好好食，呢碟好快就清左豬/雞肉串燒：味道ok, 但可以燒得更脆，都算抵食蟹肉炒飯：唔好睇佢冇咩顏色，其實炒得有鑊氣，蟹肉多，推薦！仲有碟蒜蓉炒雜菜，由於數量限制放唔到相，都好好食😋一大班人就可以試好多款式，而且㩒鐘就好快有店員黎，服務環境都唔差！下次會再黎！…查看更多

印象中的曹公坊，對著市政街市，周邊多數是街坊茶餐廳、粉麵店、火鍋、雜貨店，裝修簡約、價錢大眾化，若非在附近工作或是街坊， 也不會特意選擇在這裏覓食。可是近年開始慢慢起了變化，多了其他類型飲食店進駐。早前透過網上媒體得知這裏開了一間富蘇豪味的泰菜，裝修chic，以年輕客人為主，在抗疫其間仍幾近滿座，難得。餐廳分上下兩層，感覺算寛敞，隨身物品亦有空間可安置；瞄一瞄餐牌，照片不多，參考有限，只好憑直覺點菜。大蝦柚子沙律 $98我最愛這款沙律，入面有很多一梳一梳的柚子肉、 配上泰式酸辣沙律汁，更顯得柚子肉清甜 ，爆汁；大蝦只有三隻，不夠兩人分，但以大大只去殼蝦奉客，的確賣相吸引，肉質亦爽脆彈牙。泰式無骨鹵水豬手 $98份量大，無骨，皮肉超軟霖，肉嫰多汁，膠質重，不太需要用牙力咬，好易食，鹵得相當入味，另外超多青菜鋪底，新鮮爽口，盡吸泰式鹵水汁精華，好正 !  配白飯( $22 )一流小食拼盤 $88 ( 2件蝦餅，2件春卷，4件泰國雞棗蝦餅外型呈扁圓型 ，造形有點似"食鬼" ，熱辣辣，十分脆口，炸漿薄，絶不油膩，內涵豐富，頗有蝦味，入口彈牙，有少少肉汁，沾一點泰式酸辣醬簡直令人食過翻尋味泰國雞棗即雞肉球，大細剛好， 一口一粒，有少少似魚蛋的造法，外皮略為炸過，肉質彈牙爽口，較魚蛋結實，証明用料足。對比前兩者，春卷似乎較為普通，以紅蘿蔔絲及酸菜為主材料，味道OK ，外脆內軟西柚梳打$28今晚可能遲入席，又遲決定點飲品，差不多食完正餐，大部份特飲已經售罄，只有兩款梳打水供應，我們點了一杯西柚梳打share，我因為大飽，所以只是分了一小杯作淺嚐。高身玻璃杯透出夢幻的粉橙紅，上半部有新鮮西柚片及超多果肉，底層是清澈帶氣泡的梳打水，層次分明；梳打水的氣泡簡直令果味發揚光大，亦平均了甜度，西柚酸酸甜甜果味清新，有助舒緩飽滯感，飲落舒暢。今晚的驚喜平時出外食飯，偶爾有些餐廳會在餐後為客人送上一道甜品， 可能是雪糕 / 蛋糕，好多時n這類免費甜品的味道佳，外型欠奉或外型討好惟味道欠佳，好少兩者兼得。不過今晚例外，餐廳有Free Tasting ~ 晚市兩位堂食可享一客泰國街頭雪糕，今期有兩款味道 : 芒果 / 奶茶味，我們當然選少見的奶茶味。這個免費的甜品，製作絶不馬虎，用上半個棷青殼，鎅出片片新鮮棷青肉墊底，加少許花生粒，放兩球雪糕，加一片青葉作點綴，賣相不俗，免費都如此有心思。抵讚 ! 奶茶味還原度高，不太甜，入口香滑，兩人食份量剛好。其實單看價錢，在這一帶不算平，不過因為份量大，用料足，味道我亦十分滿意，加上有飯後甜送 (奶茶雪糕)，加加埋埋我又覺得物有所值。…查看更多

之前在友人介紹下得知荃灣曹公坊有一間吃泰國菜的食店，今日有幸和朋友來到荃灣，一於會一會它吧！曹公坊平時來荃灣一定不會行到這裡，原來這間食店在曹公街入面的曹公坊，我在九龍灣來，有架小巴直接去由觀塘去荃灣的小巴，就在曹公街落車，還是挺方便的。就算在荃灣西鐵站行去都是十分鐘左右就到，都可以接受。去到見到入面都爆滿，幸而我們八點先到達，之前有一些食客都差不多吃完，我們只雖等多５分鐘就已經有位。我們坐下來看一看環境，裡面看來很像不是很大，其實這裡還有閣樓呢。我們看一看餐牌，見價錢好像不算便宜似的，所以只叫了三款食物，一款是小食拼盤，第二款是泰式無骨滷水豬手和一個柚子沙律。誰知道，原來是很大碟呢。都慶幸自己沒有衝動的叫太多，那麼大碟底下，這個價錢還算得划算呢！第一個小食拼盤來到，原來裡面有２件蝦餅，２件春卷和４件泰國雞棗，兩個人吃就啱晒，蝦餅炸得很香口，上枱又熱辣辣的，裡面蝦肉很彈牙又很大件，食落啖啖蝦肉，很好吃！！泰國雞棗很香，外型有點似燒賣，入口肉香味美！而春卷相比之下就稍為遜色了一點，但春卷皮都很香脆，只是裡面的是蔬菜，對我來說只是清淡一些，但其實都是好味的。第二道是大蝦柚子沙律，一上枱我有點驚喜，因為裡面的柚子肉很多很大舊，大蝦都很大隻，很有肉地，柚子很甜，加上泰國香辣醬汁份外醒胃，大蝦都很爽口，每食一口柚子都很滿足！正！第三道是泰式無骨滷水豬手，上枱都很大碟，裡面的豬手一看便知煮得很腍，豬皮很滑，豬手肉很腍很軟，滷水很入味，我們見個滷水汁就已經胃口大開，立即來多個白飯，開頭叫一個白飯都驚兩人不夠吃，點知原來一碗白飯都是很大碗的，足夠我們兩個撈汁吃，真是很美味無比！！聽聞這裡的特飲都頗受歡迎，所以都打算叫一杯試下，誰知真的太受歡迎，我們去到都已經賣晒了，想著沒有特飲，就叫個沙冰算吧，誰知連沙冰都賣晒！！很失望呢！！後來只很叫了一杯柚子梳打，柚子梳打是柚子加梳打水，入口都幾香柚子味，但不會有柚子酸味，加上梳打水都算不錯吧！望一望牆壁，原來近排他們做緊一些優惠，兩個人惠顧有一個泰國街頭雪糕送，今期是送芒果味或奶茶味，我們就選了奶茶味雪糕，店員將雪糕用上椰青殼盛載著，加上幾片椰青肉，奶茶味雪糕很有奶茶味道，入口香濃細滑，仲要是兩個雪糕球，足夠兩人食用。我們這樣吃每人都是百幾蚊，還要是這裡的質素都很不錯，份量又大碟，真是值得推介的隱世食店！下次一定要再來試下這裡的特飲！！…查看更多

這間泰國菜早前有朋友帶過我來吃，那次食完之後念念不忘，所以今天再跟友人來吃!我們大概晚上7點15分來到已經需要等位了，不過等了不久便有位。餐廳有兩層，座位都幾多，一入門口便看到一大個粉紅色霓虹燈的兔兔。餐牌有多款食物可以選擇，而特飲也有多款。大蝦柚子沙律，早前去泰國，跟朋友天天都吃柚子沙律，然後我就愛上了吃!而這裡的柚子沙律味道跟泰國的差不多，醬汁酸酸辣辣，非常刺激味蕾。有很多柚子肉，而且大大粒和結實，咬落去柚子汁很多，很鮮甜。而大蝦都有5-6粒，蝦肉爽口彈牙，令人懷念的味道!泰式燒豬頸肉，這裡的豬頸肉不會很肥，燒得幾香口，配上豬頸肉獨有的泰式醬汁，帶有香料味和辣味，非常惹味!青咖哩雞，青咖哩比在泰國吃到的稀身，但是也有青咖哩和椰汁的香味!雞肉嫩滑，還有大量蔬菜如豆角、泰式茄子、西蘭花，吸收了咖哩的味道，令蔬菜更美味!再配上鬆脆的薄餅一起吃，更加香口惹味!炒泰國椰菜苗，唔知由幾時開始，喜歡吃椰菜，這裡的炒椰菜很有鑊氣，椰菜帶有少少苦澀味，而醬汁有炸蒜味也有魚露，清新又惹味!荔枝特飲、青瓜特飲，前者除了有荔枝的味道，也有香茅和青檸的味道，唔會好甜好清新!而後者有很清新的青瓜味，也有青檸梳打的味道，整體感覺很fresh!芒果味雪糕，在這段期間，餐廳做緊試食甜品活動，每兩位堂食客人便能免費得到一份甜品!甜品外貌跟在JJ Market吃到的街頭甜品椰子雪糕一樣，用上椰殼盛著雪糕和配料，這段時間有芒果味或奶茶味雪糕可以選擇，我們選了芒果味，芒果味都幾重，還配有超甜芒果肉，還有椰子肉片和花生，十分滿足呀!…查看更多

荃灣區絶無可能有這樣清新又精緻的泰菜，名稱/餐牌/環境/食物出品都仿如置身於銅鑼灣Fashion Walk食街(價錢除外)。平時很少吃泰菜，因為覺得味道太濃太重味，但是這間泰菜真係與別不同，好想用「清新」兩個字去形容呢間食店，除此之外價錢平民化，每碟出品都重料豐富，服務員全部都是後生仔女，服務熱誠兼快手快腳，令我對這間餐廳的印象非常好，必定會推介給朋友和自己也會再次幫襯。補充;相片中的炒芥蘭菜，吃了半碟才記得拍照!…查看更多