叫既菜式多到相都放唔曬！
大蝦柚子沙律：蝦多而且夠大隻，調味亦都OK，不過偏細份
黃咖喱牛腩：味道香濃，大家都好快清左呢碟餸，配埋蒜蓉包同薄餅簡直一流，由於相片數量限制放唔到蒜蓉包同薄餅相
燒豬頸肉：同一般出面食泰國餐廳一樣，不過個人覺得可以再燒香脆少少
2
小食拼盤：呢樣比我想像中要細份，最後要叫兩份先夠咁多人分，味道比較普通
金邊粉：見呢到咁多人推薦所以叫左，但係我地都覺得麻麻地，呢碟反而食剩，一來唔夠味，二來唔夠熱
生菜包：食泰國野當然要叫我最愛既生菜包，味道夠而且好大碟，反而生菜唔夠，而且肥豬肉多左少少
炸軟殼蟹：無咩特別，而且細份，可以skip
海南雞：都係細份又普通，可以skip
菠蘿炒飯：呢個菠蘿炒飯就十分推薦
大碟而且料多，雖然少咁個菠蘿蓋，但都好好食
滷水豬手：本來冇咩期待，但意外地好食，個汁真係好好食，呢碟好快就清左
1
豬/雞肉串燒：味道ok, 但可以燒得更脆，都算抵食
蟹肉炒飯：唔好睇佢冇咩顏色，其實炒得有鑊氣，蟹肉多，推薦！
仲有碟蒜蓉炒雜菜，由於數量限制放唔到相，都好好食😋
一大班人就可以試好多款式，而且㩒鐘就好快有店員黎，服務環境都唔差！下次會再黎！
