牛大人台灣火鍋吃到飽 (大鴻輝(荃灣)中心)

牛大人台灣火鍋吃到飽，今次到荃灣分店，位於荃灣眾安街55號大鴻輝(荃灣)中心16樓。餐廳主打台式火鍋放題，提供多款台式湯底，今次選了台灣鳳梨雞鍋和日本黑毛和牛A4+吃到飽$488。自助區有丸類、菜類、醬料、飲品和雪糕。🔹台灣鳳梨雞鍋 ～ 湯底鳳梨搭配苦瓜，甘甜而不膩。 🔹海鮮拼盤 ～ 海鮮新鮮，有扇貝、鮑魚、生蠔和龍蝦。 🔹澳洲和牛牛丸 ～ 每人有兩粒和牛牛丸，Q彈美味。 🔹日本黑毛和牛A4+ ～ 油花分佈均勻，入口即溶，肉質鮮嫩，完全唔會韌。 🔹伊比利亞黑毛豬梅肉 ～ 肉質鬆化，肉味也較濃。 🔹紐西蘭羊肉卷 ～ 幼嫩甘香，肉味濃郁。 🔹海蝦 ～ 甜美， 肉質夠鮮。 🔹酒釀鮑魚 ～ 彈牙爽滑，陣陣酒香。 🔹飲品 ～ 飲品種類多， 自助區有罐裝、紙包和冷凍茶， 還有手搖台式飲品🧋， 推介鴨屎香檸檬茶和冬瓜茶，而我最喜歡冬瓜茶，味道甜美又消暑。 甜品 ～ 最後到甜品時間，揀了台中仙草凍和Kitkat雪條， 仙草凍口感超滑，Q嫩又好味，另外有Movenpick雪糕，但今次冇食到。 每次到牛大人打邊爐吃到飽又滿足，價錢合理，今次仲有日本黑毛和牛A4+ 套餐，性價比很高。 🏷️溫馨提示～ 整個用餐體驗均屬個人分享意見， 只作參考😊。 …查看更多

最近晚上天氣轉涼，又係打邊爐的時間，當然要去我地最鍾意的牛大人。荃灣店果然繼續人山人海，平日也要等一個鐘才可入座😁✏️位置（8/10）：荃灣地標商廈，地點便利✏️環境（9/10）：台式裝修，抽風做得好，環境舒適✏️服務（8/10）：掃碼落單，上菜快，店員大多友善✏️食物（8/10）：水準保持得好，食材新鮮選擇多，性價比頗高🌟牛大人120分鐘吃到飽套餐（澳洲極上和牛） - $328/位M9和牛牛丸跟餐每人送兩粒，爆汁、鮮甜、美味👍🍴台灣鳳梨雞鍋再一次點台灣鳳梨雞鍋，鍋內放入半隻雞，用料十足，湯底鮮甜😙🍴肉類必點澳洲和牛M5牛肩卷、SRF美國黑牛後腿肉及安格斯牛小排，其中牛肩卷十分嫩滑，後腿肉牛味夠香濃😃🍴漿類個人最愛黑松露海鮮漿、章魚珍珠漿及干貝鮮魚漿，牛大人的漿類都比較彈牙😋🍴餃類及丸類牛大人有多款台式丸餃，包括褔建燕餃、花蓮扁食、瓜仔雞水餃及自取區的芋頭貢丸，鮮味多汁，值得一試😉🍴炸物即炸午餐肉、鬼馬老油條及爽脆炸魚皮，識食的肯定會點吧😄🍴海鮮類海鮮有鮮甜海蝦、新鮮沙白及真台灣鯛魚片，而脆肉鯇魚腩也可以試試🤩🍴小食台式小食有不少，士林鹽酥雞、真豬小香腸及魚香皮蛋豆腐，這次當然都有點😍🍴蔬菜水蓮有任食，每次都必點！當然自取區還有不同的蔬菜，包括生菜、皇帝菜、金菇、粟米等等😁🍴其他我最愛的還有牛媽秘製滷牛筋及滷牛肚，而私房鴨血、百配鵝脆腸及新推出的花生麻吉燒及芝麻麻吉燒也值得一試😊🍴飲品新推出的鴨屎香檸檬茶感覺清爽，只需Like 社交平台就可以免費要一杯，另外亦有多款台式飲品任點，自取區亦有多款品牌飲品🤩🍴甜品甜品當然是大杯的Häagen-Dazs口味雪糕，又抵食又好味🎉🏠牛大人台灣火鍋吃到飽（荃灣） 📬荃灣眾安街55號大鴻輝(荃灣)中心16樓…查看更多

返黎香港好想打邊爐，朋友介紹左幾間，最後我地揀左牛大人，食完我地都覺得正👍🏼而且提前訂枱黎到好快可以入座了😎我地揀左澳洲極上和牛吃到飽套餐，湯底揀左台灣鳳梨雞鍋，滋陰養生嘛😆落料前我習慣飲幾啖湯，真心好鮮甜👍🏼👍🏼👍🏼最最推介係呢幾款安格斯牛小排➖肉嫩有牛味，Encore左SRF美國黑牛後腿肉➖肉嫩食落有啲即化感覺，又Encore左澳洲和牛M5牛肩卷➖有油脂香，靚牛👍🏼澳洲和牛牛丸➖牛味極濃，彈牙👍🏼台灣鱸魚片➖好好好嫩滑😋自助吧▫️醬料區有傳統豉油亦有特調豬肉/牛肉醬。▫️飲品區有各式各樣既凍飲，我揀左自家製白桃烏龍，解膩岩哂！我見醬料區有熱冬瓜茶同養生紅棗茶。▫️蔬菜丸子區有幾款大路既菜選擇、好多款有餡丸，每款都係有蓋盒仔裝住，，我例牌要海膽丸同芝士丸😆試左乳酪丸好食喎。特別impressed我地係呢到既自選食物好多，有台灣直送、台式手工餃、夜市小食，真係「吃到飽！」我地覺得超抵食👍🏼荃灣分店都幾大，通風幾好。呢到送餐快，收碟都快，店員亦好有禮貌，佢地收拾隔離枱時，我想出去拎嘢食又怕整到我，會講唔好意思，同埋佢地執枱好有效率！…查看更多

荃灣———📣牛大人台灣火鍋吃到飽 📣荃灣眾安街55號大鴻輝中心16樓———最近疫情好轉，大家生活開始回復正常，又係食火鍋放題既時間，呢日來到荃灣牛大大人開餐今次選了澳洲極上和牛套餐 $318除每位送2 粒澳洲M9和牛牛丸外，仲可以任點套餐內既所有食物小妹最中意食既台式夜市小食都可以在牛大人找到，香酥鹽酥雞，香炸台式小香腸，肉鬆皮蛋豆腐等當中炸脆薯最特別，加入梅粉，口感酸甜酥脆，係最開胃既餐前小食。湯底選了台灣鳳梨雞鍋，清甜又滋補，用來滾牛肉，好鮮牛筋，豬肚，花膠，提早放湯鍋，煮軟後，入味又彈牙肉類有安格斯牛小排，澳洲和牛M5牛肩卷，安格斯牛小排，美國Prime極級肩里肌，西班牙豬五花，紐西蘭羊卷肉等～小妹最愛安格斯牛小排，油花分布均勻，入口軟滑，食到停唔到口！仲有海蝦，鯇魚片，沙白，肉丸，餃子，墨魚漿，滷肉飯，花雕雞件等食飽仲有Häagen-Dazs 雪糕食，真係開心又滿足！🌙月光太太…查看更多

一開店已經要排幾個鐘既牛大人，眨下眼已經開左咁多間分店。可能有多d分店既關係，相對地可以攤薄返d人流，可以訂枱既話感覺好好多。星期六既中午，等十二點入座既人龍都逼滿左𨋢口位，好彩都算係去得快，排隊大概等左十分鐘左右就入座。我同友人都係第一次食，慕名而來，店員就簡單介紹左流程俾我地聽：三選一揀套餐，再揀鍋底，就可以用QR code手機落單叫火鍋料，仲可以係出面自助拎飲品、火鍋配料、醬汁同滷肉飯。先拎一細碗滷肉飯醫下肚 因為個滷肉係用牛肉既關係，所以個口感同平時既滷肉好唔同，比較一絲絲。除左罐裝野飲之外，冷泡茶用支裝形式好有心思。白桃烏龍同菊花普洱既配茶味道好出眾，唔會只係得茶葉既濃味。洛神花茶就比較酸，幾開胃消滯。見到有手工啤酒，加上係熱辣辣火鍋，配返杯凍啤都幾正。呢杯係流水落花，有陣淡淡既茉莉花香，酒花味相對無咁濃，比較清新易入口。因為將會點好多牛肉既關係，我地就無揀招牌紅燒牛骨鍋，取而代之既係鳳梨雞鍋，都係台式特別鍋底。味道比較清，雞湯味為主，就算傳統地加埋苦瓜都唔會有怪味。當然如果鍾意食苦瓜下火既話，火鍋到最後再食苦瓜都仲係會有陣苦味，不過唔會落到個湯度。我覺得食雞湯配牛肉個感覺幾好，唔會咁膩同埋個味道咁單一。行左出去夾左陣自助區，因為想食好多肉既關係，所以係自助區都係拎下d菜、海帶結、冰豆腐同萵苣，仲有粒雞肉丸，唔敢拎太多。返到黎已經見到點左既配料上左枱，非常快手。其中下面既鹽酥雞（1d都唔辣）同埋鬼馬油炸鬼都可以即食，醫醫肚先。上面果款係花雕醉雞件，飲緊啤既我表示如果酒味可以再濃d就更好了。餃類方面我地都係揀左台式既款式，台式既蝦餃係條狀都幾得意，蛋餃既皮薄得黎唔會爆開，仲有用醬瓜同雞肉包既瓜仔雞水餃味道就較濃，都係特別之選。主角既牛肉黎啦我地要左極上和牛吃到飽套餐 ($198pp)，可以任點澳洲M5和牛牛肩卷，咁我地都有叫埋平d套餐既上腹牛五花（精選嫩牛吃到飽 $138pp）同安格斯牛板腱（特選安格斯吃到飽 $158pp），都真係好有分別呢兩塊M5牛肩卷明顯見到雪花好均勻，肉既部分都較鮮色，真心好食好多另一樣要推介既係呢度既滑！有差唔多成十款唔同種類既滑，基本上唔駛食丸！以下既期間限定章魚珍珠漿、干貝鮮魚漿同埋澎湖花枝漿，以花枝滑最彈牙同鮮味，仲有粒粒花枝咬口但其實最好食係壓軸既蟹籽墨汁漿，比白色既花枝漿更有鮮味同爽口另外真味牛肉漿都好好食，係比高質牛丸更加爽口彈牙，但無牛肉球果種用硼砂「那」過嘅怪味，而係好有牛肉既濃郁味道食台式火鍋，鴨血當然唔少得。口感好脆，裡面仲好嫩口，最緊要無血腥味。另外滷牛筋都超級軟腍（記住要淥耐d），都係必點架！！！呢度既響鈴都應該係自家製，無包裝放係盒入面任夾，都仍然好脆口，唔會太油膩。後尾都係忍唔住出去行多轉，拎左台式既寬粉同埋貢丸返黎，就好似去左台灣一轉咁午市無movenpick雪糕任食，但都有一人一碗仙草凍，有張卡叫起上。仙草好滑身，加埋花生、紅豆、椰果同花奶，味道就偏甜。整體黎講都真係好多野食選擇，同台式火鍋既主題都好貼切，任食高質和牛都係一大賣點之一。店員上菜收碟都做得好快手，加湯都做得好自動。最緊要係通風夠，坐位都算分得開又有私隱度，夏天打邊爐都唔會身水身汗。…查看更多

雖然天氣開始轉熱, 但冇損打邊爐既心, 今晚相約友人到荃灣食台式火鍋放題, 自肺炎疫症後大多火鍋店生意大跌, 但這家牛大人似乎沒有這情況, 當晚還是全場爆滿, 可見人氣很旺呢!餐廳內有少量卡位, 大檯都以活動式隔板分隔, 環境、座位都很闊落。設有自助醬料區, 混醬款式多又整潔飲品方面有熱飲, 還有個大雪櫃, 除左罐裝汽水, 還有餐廳自家製樽裝茶品。丸類同埋蔬菜類 分類放於盒中, 夠哂衛生我地都是食牛既愛好者, 所以就揀左價錢最貴既【極上和牛餐】HK$288/位而湯底就揀左台灣鳳梨雞鍋, 有半隻雞, 鳳梨味唔太突出, 但湯底味道極之清甜, 而且不是味精湯, 食完成餐邊爐, 返到屋企都唔會狂飲水果種。入座送每位兩粒和牛牛肉丸, 對比任食既牛丸更多汁彈牙  飲品方面, 我地極之欣賞餐廳自家製既茶品, 每款茶都有淡淡茶香, 而且是無糖, 健康又清新LIKE & SHARE 餐廳 社交平台PAGE, 仲送一杯黑糖珍珠鮮奶, 鮮奶香滑, 甜甜地煙韌既珍珠, 正!另外, 有幾款餐廳即沖特飲, 可以自選甜度同冰量大部分火鍋配料都以scan QR code落單, 款式多多, 尤其牛既種類肉類均為薄切, 色澤解嫩, 稍為烚幾秒就食得, 牛胸爽係荃灣分店獨家供應, 熟後口感一流, 滑而爽口除左牛, 還有豬肉, 同樣很嫩海鮮方面, 有海蝦、脆肉鯇魚片、蜆海蝦質地彈牙, 可惜沒有鮮蝦味; 脆肉鯇魚片有鮮魚味, 魚皮位很爽; 蜆很有驚喜, 很大隻又肥美, 最重要係無沙。手打滑款式多, 但我地只揀了花枝滑同埋墨魚滑, 花枝滑中還加入了花枝粒, 增加口感層次係香港很少機會可以食到既台灣水蓮, 口感就像幼身菠菜莖一樣爽脆除左火鍋配料, 更可以淺嘗少量台式小食, 一口鹽酥雞、台灣香腸Last order後, 每位更可自選一種口味既movenpick雪糕Order 食物上檯速度快, 食物款式多, bookmark一定會再來幫襯~…查看更多

牛大人雖然已經開咗一段時間，但係要食嘅話唔訂位其實都有啲難度，所以今次一個月前已經喺網上訂咗座，而網站亦都有一張幾詳細嘅電子版menu可以睇睇嘅。（不過留意返，電子版呢個Menu唔係最update嘅，因為去到嗰陣店員再比我地嘅Menu費用大概上調咗$10左右）呢排疫情嚴峻，而牛大人嘅衛生措施都做得幾足！例如入座前要量度體溫、職員會幫客人噴酒精喺手消毒等等，而且食嘢途中都有一次幫客人噴消毒酒精嘅，可見佢地做事十分小心謹慎。而且相關措施亦都有放喺facebook上面，以消除顧客嘅不安感。由門面已經可見裝修相當中式，而且有位比客人坐，就算要等位都唔怕攰啦我地訂嘅時段係5點，舖頭啱啱開，所以都比較企理，而且人流都未算多，如果下次心郁郁想食嘅話相信5點Walkin其實都唔係問題，不過book定就安心啲。舖頭嘅位同位之間都有隔版，唔洗驚隔離枱啲飛沬可能會噴到過嚟。座位亦都幾闊落，坐得幾舒服😌。另一個早到嘅好處係：like 社交平台可以有免費黑糖珍珠鮮奶一杯，原價要$25！而且佢係送完即止嘅。所以早到就有著數黑糖珍珠鮮奶係正常發揮，不過啲珍珠就嫌略硬，如果可以再軟身啲就好啦Scan QR code之後喺網站落單，落完單仲可以喺個網度睇返記錄，基本上每次落完單都唔洗等超過三分鐘啲嘢食就會送到，好有效率台灣直送嘅食材放哂喺度好企理，唔洗驚啲食材唔夠凍，見到相中啲寒氣就知道有幾凍牛大人有成十幾款湯底咁多，真係好難揀。今次揀咗呢款鳳梨雞湯，甜甜地少少辣咁樣幾滋補又健康牛大人有三款茶都係自家製：桂花烏龍、菊花普洱、洛神花茶，佢地嘅花茶主要都係花味較重，茶味較淡佢地亦有各款嘅台灣麵，不過真係太飽，今次食唔落！距離大約完之前半個鐘，店員就會叫我地預備埋單同埋比張紙我地揀雪糕食。我就揀咗個特別少少嘅意大利奶凍雪糕，食落酸酸地唔會太甜感覺唔會太Heavy!總結呢個價錢食牛大人嚟講都算幾抵，店員全程都好有禮貌唔會唔耐煩，但如果嘢食嘅選擇可以再多啲會更完美…查看更多