影片
更多
2021-06-08
399 瀏覽
一開店已經要排幾個鐘既牛大人，眨下眼已經開左咁多間分店。可能有多d分店既關係，相對地可以攤薄返d人流，可以訂枱既話感覺好好多。星期六既中午，等十二點入座既人龍都逼滿左𨋢口位，好彩都算係去得快，排隊大概等左十分鐘左右就入座。我同友人都係第一次食，慕名而來，店員就簡單介紹左流程俾我地聽：三選一揀套餐，再揀鍋底，就可以用QR code手機落單叫火鍋料，仲可以係出面自助拎飲品、火鍋配料、醬汁同滷肉飯。先拎一細碗滷肉飯醫下肚 因為個滷肉係用牛肉既關係，所以個口感同平時既滷肉好唔同，比較一絲絲。除左罐裝野飲之外，冷泡茶用支裝形式好有心思。白桃烏龍同菊花普洱既配茶味道好出眾，唔會只係得茶葉既濃味。洛神花茶就比較酸，幾開胃消滯。見到有手工啤酒，加上係熱辣辣火鍋，配返杯凍啤都幾正。呢杯係流水落花，有陣淡淡既茉莉花香，酒花味相對無咁濃，比較清新易入口。因為將會點好多牛肉既關係，我地就無揀招牌紅燒牛骨鍋，取而代之既係鳳梨雞鍋，都係台式特別鍋底。味道比較清，雞湯味為主，就算傳統地加埋苦瓜都唔會有怪味。當然如果鍾意食苦瓜下火既話，火鍋到最後再食苦瓜都仲係會有陣苦味，不過唔會落到個湯度。我覺得食雞湯配牛肉個感覺幾
星期六既中午，等十二點入座既人龍都逼滿左𨋢口位，好彩都算係去得快，排隊大概等左十分鐘左右就入座。
我同友人都係第一次食，慕名而來，店員就簡單介紹左流程俾我地聽：三選一揀套餐，再揀鍋底，就可以用QR code手機落單叫火鍋料，仲可以係出面自助拎飲品、火鍋配料、醬汁同滷肉飯。
先拎一細碗滷肉飯醫下肚 因為個滷肉係用牛肉既關係，所以個口感同平時既滷肉好唔同，比較一絲絲。
滷牛肉
32 瀏覽
0 讚好
0 留言
滷肉飯
34 瀏覽
0 讚好
0 留言
除左罐裝野飲之外，冷泡茶用支裝形式好有心思。
白桃烏龍同菊花普洱既配茶味道好出眾，唔會只係得茶葉既濃味。
白桃烏龍/菊花普洱
22 瀏覽
0 讚好
0 留言
洛神花茶就比較酸，幾開胃消滯。
洛神花茶
36 瀏覽
0 讚好
0 留言
見到有手工啤酒，加上係熱辣辣火鍋，配返杯凍啤都幾正。呢杯係流水落花，有陣淡淡既茉莉花香，酒花味相對無咁濃，比較清新易入口。
流水落花
$48
33 瀏覽
0 讚好
0 留言
因為將會點好多牛肉既關係，我地就無揀招牌紅燒牛骨鍋，取而代之既係鳳梨雞鍋，都係台式特別鍋底。味道比較清，雞湯味為主，就算傳統地加埋苦瓜都唔會有怪味。當然如果鍾意食苦瓜下火既話，火鍋到最後再食苦瓜都仲係會有陣苦味，不過唔會落到個湯度。我覺得食雞湯配牛肉個感覺幾好，唔會咁膩同埋個味道咁單一。
台灣鳳梨雞鍋
32 瀏覽
0 讚好
0 留言
行左出去夾左陣自助區，因為想食好多肉既關係，所以係自助區都係拎下d菜、海帶結、冰豆腐同萵苣，仲有粒雞肉丸，唔敢拎太多。
返到黎已經見到點左既配料上左枱，非常快手。
其中下面既鹽酥雞（1d都唔辣）同埋鬼馬油炸鬼都可以即食，醫醫肚先。
上面果款係花雕醉雞件，飲緊啤既我表示如果酒味可以再濃d就更好了。餃類方面我地都係揀左台式既款式，台式既蝦餃係條狀都幾得意，蛋餃既皮薄得黎唔會爆開，仲有用醬瓜同雞肉包既瓜仔雞水餃味道就較濃，都係特別之選。
主角既牛肉黎啦
牛肉
22 瀏覽
0 讚好
0 留言
我地要左極上和牛吃到飽套餐 ($198pp)，可以任點澳洲M5和牛牛肩卷，咁我地都有叫埋平d套餐既上腹牛五花（精選嫩牛吃到飽 $138pp）同安格斯牛板腱（特選安格斯吃到飽 $158pp），都真係好有分別
呢兩塊M5牛肩卷明顯見到雪花好均勻，肉既部分都較鮮色，真心好食好多
M5和牛牛肩卷
24 瀏覽
0 讚好
0 留言
另一樣要推介既係呢度既滑！有差唔多成十款唔同種類既滑，基本上唔駛食丸！
以下既期間限定章魚珍珠漿、干貝鮮魚漿同埋澎湖花枝漿，以花枝滑最彈牙同鮮味，仲有粒粒花枝咬口
章魚珍珠漿/干貝鮮魚漿/澎湖花枝漿
28 瀏覽
0 讚好
0 留言
但其實最好食係壓軸既蟹籽墨汁漿，比白色既花枝漿更有鮮味同爽口
另外真味牛肉漿都好好食，係比高質牛丸更加爽口彈牙，但無牛肉球果種用硼砂「那」過嘅怪味，而係好有牛肉既濃郁味道
真味牛肉漿/蟹籽墨汁漿
16 瀏覽
0 讚好
0 留言
食台式火鍋，鴨血當然唔少得。
鴨血
22 瀏覽
1 讚好
0 留言
口感好脆，裡面仲好嫩口，最緊要無血腥味。
鴨血
30 瀏覽
0 讚好
0 留言
另外滷牛筋都超級軟腍（記住要淥耐d），都係必點架！！！
滷牛筋
33 瀏覽
0 讚好
0 留言
呢度既響鈴都應該係自家製，無包裝放係盒入面任夾，都仍然好脆口，唔會太油膩。
後尾都係忍唔住出去行多轉，拎左台式既寬粉同埋貢丸返黎，就好似去左台灣一轉咁
午市無movenpick雪糕任食，但都有一人一碗仙草凍，有張卡叫起上。仙草好滑身，加埋花生、紅豆、椰果同花奶，味道就偏甜。
仙草
17 瀏覽
0 讚好
0 留言
整體黎講都真係好多野食選擇，同台式火鍋既主題都好貼切，任食高質和牛都係一大賣點之一。店員上菜收碟都做得好快手，加湯都做得好自動。最緊要係通風夠，坐位都算分得開又有私隱度，夏天打邊爐都唔會身水身汗。
張貼
