OpenRice分別於3月份及4月份舉辦了兩場麺屋武蔵試食會，讓一眾會員到這間在日本好評如潮的拉麵店品嚐馳名拉麵及人氣小食，兩場試食會大部份會員都給予正面評價，亦分享了不少寶貴意見。綜合兩次試食會的會員感受，我們歸納出到麺屋武蔵的必食推介！
|
|
 | 拉麵類 必食推介一：黑武骨 是次參加試食會的會員對黑武骨特別感興趣，多位會員都點選黑武骨品嚐。其實黑武骨是以香濃豬骨湯做基礎，再加入燒香後的長蔥及玉蔥製成的黑蒜油，令湯的味道更香濃及富層次感。 會員品評： cat~不為食：黑武骨係豬骨湯底加入黑蒜醬油，侍應一拎碗麵上枱就聞到好香好香既香蒜味!! 飲落個湯亦好香濃，我鐘意佢啲拉麵夠彈牙。 Edelweiss：眼前的黑武骨，湯底味道跟白武骨相似，只是沒有那麼濃厚，卻多了一層黑蒜油的香，恰到好處。 |
 | 拉麵類 必食推介二：白武骨 白武骨是麺屋武蔵中最基本的拉麵湯底味道，以豬骨、雞及海鮮長時間熬製的豬骨湯，湯底白中帶黃，有濃郁的海鮮鮮甜。 會員品評： applehoneyhk：但一作比較我最喜歡白武骨湯底多了，聽經理講、係用豬頭骨、雞腳、同魚煲上十小時之精華。 lucywu：未開始食前，我先飲一啖湯，咸我又唔覺，反而我覺得好濃，係用豬骨+雞腳+豬頭骨煲十幾個鐘出黎既效果吧！面係曲的，而且較粗，入口彈牙d，我個人好buy。 |
 | 拉麵類 必食推介三：豚角 豚角雖然看來脂肪比例重，但經醬油及湯底炆足數小時，肉質變得鬆化，脂肪一入口亦化作油香，連一向怕肥膩的女生都讚好吃。 會員品評： 食食豬：超厚切，入口即溶，肥瘦均衡，似東坡肉又似扣肉，讚!! rexchow2010：豚角很大塊，肥瘦均勻，肥肉的部份不會太油，一夾就斷，入口即溶，肉質很鬆軟，同時又夠哂厚，食完好滿足。 |
 | 拉麵類 必食推介四：叉燒 叉燒選用美國豚肩位炮製，不少會員盛讚叉燒夠大塊不吝嗇，肥瘦分明，肉質甘香鬆化，值得一試。 會員品評： mjqueen7e：那兩片叉燒，雖然講唔上甘香鬆化，但總算肥瘦均勻，食味不俗。 applehoneyhk：义燒方面……薄薄的叉燒半肥瘦，肉質淋滑，入口完全冇渣，味道不是太咸、可能怕搶去湯底之味道。 |
 | 小食類 必食推介一：比目魚柚奄燒 比目魚柚奄燒是會員擊節讚賞的小食選擇，用了自家製柚子汁醃製，比目魚肉質美肥滑溜，沒有魚腥味，醬汁甜甜的很開胃，經理說這款小食平日亦很受顧客歡迎。 會員品評： lucywu：我覺得個柚燒比目魚做得好好，俾左咁耐一d都唔腥，而且肉質仲好滑，d燒汁甜甜既，配埋爽口既木耳同脆脆既炸魚仔好岩key！ flower2823：呢個係7個小食最好味既 比目魚柚奄燒，D魚煮得好好入味，D肉仲好滑。 |
 | 小食類 必食推介二：明太子青椒燒 小小的青椒內釀入明太子並以串燒形式炮製，出來的效果有創意之餘味道亦很讚，會員認為表椒爽脆微辣，配以卜卜脆的明太子，是很出色的一道小食。 會員品評： 光將軍與言師寺：好味，明太子味道好出，青椒鮮嫩，今日最佳小食。 食食豬：迷你小青椒，每隻只有手指尾長度，鮮嫩爽脆既青椒味帶微微辣，配上明太子卜卜脆，一流!! |
 | 小食類 必食推介三：武藏煎餃子 押上品牌名字的煎餃子，水準的確不錯，皮薄煎得微脆，餃子的豬肉餡亦存有肉汁，而且大小適中。 會員品評： popcorn55：一碟五隻，餃子煎得不算油膩，皮夠薄，底部微脆，餡料飽滿，餃皮和餡料沒有分離，餡料的肉和菜的份量合適，吃起來肉汁豐富。 rexchow2010：餃子煎得恰到好處，不會太焦，吃起來很香脆，夠熱 口感很好，內裡肉汁也足夠，不會太乾身， 很好吃，是我最欣賞的一道小食。 |
瀏覽更多是次試食會食評：
| 《初試武蔵功夫~`》 applehoneyhk | 《試食新體驗》 光將軍與言師寺 |
| 《武太郎》 lucywu | 《有口福》 popcorn55 |
| 《武藏之美食》 Edelweiss | 《追趕拉麵熱潮》 mjqueen7e |
| 《拉~~~~~~麵~~~~~~!!》 食食豬 | 《I love 拉麵!!》 cat~不為食 |
| 《Openrice試食會-麵屋武藏》 flower2823 | 《武藏之試食》 rexchow2010 |
你也想參加我們舉行的試食會？
記得登記做會員，寫多啲食評及密切留意我們的公佈了！