OpenRice「春日美食祭」套餐優惠進倒數階段，大家把握機會用盡獨家訂座、訂座同時訂餐或先買券後訂座嘅餐飲禮遇喇～今次介紹大家試精緻酒店粵菜、日式燒肉、百年傳統粵式茶樓、火鍋、中東烤肉同廚師發辦，有啱約會，有啱一家人或朋友聚餐，連招待商務客嘅套餐都有㗎！
1. 粵韻滋味晚市分享套餐
環境優雅、可以眺望聖約翰座堂嘅酒店粵菜廳，幾啱約會、同閨密聚餐之外，招待商務客都合適。「粵韻滋味晚市分享套餐」由酒店中菜及宴會部副行政總廚陳富榮精心製作，以傳統風味為基調，融合現代創新元素呈獻六道菜。其中脆蔥滷鮑魚、椰皇花膠燉雞湯、陳皮慢煮牛肋骨就分別帶嚟鮮甜同惹味感覺。
Garden Lounge 
📒 開飯仔筆記
📍 地區：中環
🥟 類型：粵菜 / 廣東 / 酒店餐廳
💰 套餐優惠價：優惠價HK1,778.4/份 [2位用｜已連服務費]
Garden Lounge粵韻滋味晚市分享套餐｜優惠按此
2. 精選2人午市套餐
燒肉控Bookmark～呢間走年輕路線嘅日式燒肉餐廳，「精選2人午市套餐」包含美國黑安格斯牛板腱、香蔥薑漬牛五花、日本北海道十勝豚上肩肉、日式雞軟骨串等等之外，仲有大虎蝦(或鮑魚)、日式一口甜薯、日本玉子燒同多款小食，有得食又有得玩，揀埋紫菜玉子飯就更豐富。雪糕同飲品方面都有多款口味，前者提供抺茶 / 曲奇雲呢拿 / 比利時朱古力；後者就有以茶同梳打可以揀。
RUD燒肉
📒 開飯仔筆記
📍 地區：將軍澳
🥟 類型：日本菜 / 烤肉
💰 套餐優惠價：優惠價HK378.5/份 [2位用｜免服務費]
[OpenRice獨家優惠] 快閃5折優惠! RUD 精選2人午市套餐｜優惠按此
3. 「家香常滿宴」套餐
今年一百周年嘅傳統粵式茶樓，除咗供應點心，其實仲有粵菜㗎～「家香常滿宴」套餐以清潤原盅菜膽翅打頭炮，再上香噴噴川芎白芷蒸黄花魚同豉油皇煎中蝦，魚鮮控一定鍾意！另外南乳溫公齋煲同香煎蓮藕餅就好啱長輩食，一個套餐照顧晒全家人口味。
蓮香樓
📒 開飯仔筆記
📍 地區：中環
🥟 類型：粵菜 / 廣東 / 點心 / 酒樓
💰 套餐優惠價：優惠價$799/份 [4位用｜已連服務費]
蓮香樓「家香常滿宴」套餐 [4位用｜已連服務費] ｜優惠按此
4. 320生日月全週四人餐 (限量贈唱片機)
打邊爐成枱放滿食物，令人未食先興奮！海底撈32週年生日慶典推出2人同4人生日套餐，可以自選鍋底有辣有唔辣，包括清油麻辣火鍋、番茄火鍋、菌湯火鍋同大骨湯火鍋可以揀。肉類同海鮮包括精品肥牛、內蒙草原羔羊肉、瀑布雪花豬肉片、招牌大顆粒蝦滑等，款式包含唔同類型，幾有誠意。配菜分別有冬瓜、響鈴卷、撈派撈麵各種火鍋必備Items𠻹。
海底撈火鍋
📒 開飯仔筆記
📍 地區：銅鑼灣
🥟 類型：川菜 / 四川 / 火鍋
💰 套餐優惠價：優惠價$149.5/位 [4位起 (最多4位)｜已連服務費]
圖：EllaSomton1532
320生日月全週四人餐 (限量贈唱片機)｜優惠按此
5. 中東小盤烤肉2人套餐
想嘆異國美食？中東烤肉係唔錯嘅選擇～呢間餐廳裝潢結合優雅風同民族圖騰，間中仲有肚皮舞等表演，打卡一流。「中東小盤烤肉二人套餐」以多款Mezze小食拼盤配燒烤肉類，先由自選醬料(如烤甜椒醬、煙燻茄子醬)配合麵包開胃，再享用焦香嘅混合烤肉(配薯條或飯)。甜品仲有少見嘅傳統黎巴嫩米布甸，夠晒特色。
Bushra
📒 開飯仔筆記
📍 地區：尖沙咀
🥟 類型：中東菜 / 清真認證食品 / 早午餐 / 動物友善餐廳
💰 套餐優惠價：優惠價$642.6/份 [2位用｜未連服務費]
中東小盤烤肉2人套餐｜優惠按此
6. 「月」 廚師發辦晚市套餐
啱晒壽司控嘅廚師發辦套餐，嚴選新鮮食材製作5款刺身、10款時令壽司、御料理、吸物同甜品幾豐富。配合師傅嘅巧手技藝，無論精緻擺盤、味道Balance嘅感覺，都好似一瞬間帶你返鄉下咁。餐廳以黑色為設計主軸，型格時尚，吧枱設計可以邊食邊欣賞師傅烹調手法，嚟約會或慶祝重要日子好有儀式感。
花晨月夕
📒 開飯仔筆記
📍 地區：尖沙咀
🥟 類型：日本菜 / 壽司 / 刺身 / 廚師發辦
💰 套餐優惠價：優惠價$1,343/份 [1位用，2位起｜未連服務費]
「月」 廚師發辦晚市套餐 ｜優惠按此
文：Cathy
編：Kate
