好似屋企咁Hea咁健康 @Home Cafe

(Photos by MissAzure)
供應All Day Breakfast、意粉、飯、甜品等食物,飯可以揀糙米,而且食物比起其他餐廳少油少重口味,感覺健怡啲。陽光從門口玻璃窗透入嚟,Cafe環境亦非常舒服,真係有喺屋企Hea嘅感覺,最緊要嘅係唔洗自己煮吖嘛。
有Heart咖啡小店 咖啡賞館

(Photos by chyyoki)
其中幾個店主都去過澳洲Working Holiday,返到香港想有個嘆到好咖啡又休閒嘅Cafe,所以就開咗呢間小店。有室外茶座同室內吧枱座,以咖啡同輕食為主,當中以Homemade蛋糕最受歡迎,桂花豆腐芝士蛋糕比一般芝士蛋糕Light,加上桂花嘅清新無得輸。
相機先食文青Cafe 白宮

(Photos by cin.cc)
而家無論真·文青定係偽·文青都鍾意相機食先,所以呢間Cafe嘅食物賣相都非常吸引。除咗大堆頭All Day Breakfast之外仲有小食拼盤等選擇可以開心Share。燈膽杯裝飲品,加上餐廳裡面嘅小道具都可以借比大家任用,實行餵飽五臟廟亦餵飽相機。
冰雪韓風繼續吹 冰雪公主

(Photos by ki918 & sheunglee)
唔少女孩子都有個非常大嘅甜品胃,而且近幾年韓風非常厲害,連帶韓國餐廳亦越開越多。呢間Cafe雖然有熱食,但招牌菜始終都係韓式甜品。爆谷牛奶雪糕有雪山咁高嘅雪糕加焦糖爆谷,朱古力曲奇雪花冰成隻飛碟咁大,朱古力同雪花冰非常夾。
工廈小清新 Lucy Coffee n Food

(Photos by au9)
前址喺火炭嘅工廈Cafe搬嚟荃灣自立門戶,裝修風格原始自然。Cafe以手沖咖啡為主,用來自三個唔同地方嘅咖啡豆喺香港烘焙,果酸味比較突出。輕食有班尼廸蛋同自製黑豆全麥漢堡等選擇,都有一定水準。另外亦有手工麵包同甜點供應。
隨時接收最新資訊
讚好OpenRice專頁!
