米芝蓮呢本國際飲食指南，繼東京、香港及澳門之後，今次終於輪到唔少港人美食之旅嘅首選新加坡啦！首輪有28間新加坡餐廳成功奪星，唔止有高級名廚餐廳，更有平民熟食中心嘅餐廳，同香港嘅添好運一樣成為平價星級米芝蓮首選！

一如唔少專家之前預料，法國名廚Joël Robuchon旗下嘅殿堂餐廳再次登上「神枱」，成為唯一一間奪得新加坡米芝蓮三星嘅餐廳。

圖：Timelessfacade

新加坡星級餐廳 三星（料理非凡，值得專程用餐）：

Joël Robuchon

六間二星餐廳當中，除咗Joël Robuchon旗下另一間餐廳L’Atelier de Joël Robuchon再下一城之外，亦終於多咗啲新面孔。例如由獲Discovery頻道選為亞洲10大最佳青年主廚，台灣名廚江振誠開設嘅法式料理餐廳André；由四位新加坡人共同成立，同Joël Robuchon並列新加坡傳統法國菜首選嘅Les Amis；同譽為「日本川菜之父」陳建民嘅陳氏家族，第三代傳人陳建太郎掌管嘅四川飯店Shinsen Hanten。

圖：Abiteofeverything、jankliciouz

新加坡星級餐廳 二星（廚藝高明，值得繞道就餐）：

而一星餐廳有二十一間，範圍亦從米芝蓮常見嘅高級法國餐廳延伸到熟食中心同小販！Hong Kong Soya Sauce Chicken Rice & Noodle位於牛車水大廈熟食中心，店如其名專賣港式油雞，同水餃麵、叉燒麵同油雞飯等經濟實惠美食。而Hill Street Tai Hwa Pork Noodle喺哥羅福巷第466座組屋嘅咖啡店入面，賣嘅係新加坡知名小食豬肉粿條麵。兩間小店本身都成日出現人龍，摘星後兩間餐廳老闆都表示暫時唔會考慮加價，咁即係話條隊仲要再長啲啦。

圖：Jellylovesfood、teddybearman

新加坡星級餐廳 一星（同類中特別優秀的餐館）：