如果要講香港嘅特色美食，茶餐廳必定榜上有名。瞓醒落樓下冰室嗌個沙嗲牛通，唔洗五分鐘碗香噴噴嘅通粉就送到，由落單到食完可能只係十五分鐘，妝都未化完。好多人都話茶餐廳的確係效率高、質素高。但係除咗呢兩高，仲有另三高可能會令你望而卻步！就係高糖、高鹽同高脂肪！想減肥嘅女士，千萬要「識食識飲」啦！
「識食」
Photos by happy.tummy & Mtxl01
舉咗咁多高熱量嘅食物，茶餐廳係咪冇「有營之選」呢？當然唔係！只係睇你係咪「識食」姐。下次去茶餐廳，不妨以粉麵代替公仔麵，配料亦可選擇鮮牛肉、切雞等未經加工嘅食物。食飯應該盡量避免炒飯，低脂系列如蕃茄牛肉飯、海鮮湯飯就係唔錯嘅選擇。下午茶餐方面，可以以火腿三文治，代替奶油多、西多士，以減低糖分同卡路里嘅吸收。
「識飲」
Photos by Kan lee
每茶匙嘅糖就含20卡路里，所以想瘦身嘅你，為咗一時嘅「口甜之快」實在唔化算。所以下次點餐時，可以同侍應講「走甜走奶」，如果嫌「飲之無味」，退而求其次，「少甜少奶」都可以減少唔少卡路里同糖分。
文：段
