Mokumoku Yakiton (厚福街)

营业中

休息中

10月1號晚k11睇完戲，放煙花關係好多餐廳都冇開行到厚福街，因為老婆話要飲啤酒食串燒，openrice 都冇睇是但上一間日本餐廳 (逐層咁𨋢搵）以為呢一間好貴，其實十點後酒水買一送一，當時九點半啲夥記都同我哋講可以買一送一，嗌咗好多串燒，兩杯生啤（買一送一隻係四杯），食物唔錯，雞翼到時得好脆但冇黑冇燶，個燒飯糰好食 （其實個番茄幾好食，見佢28蚊收尾都要多一份清膩）以為要過千，九百蚊有找今日先睇返openrice，原來呢間review都唔錯

一坐低就比左個番茄，打開menu 先見到超細字體寫「入左時候送上，如不需要請揚聲，會收正價」即刻o左嘴，本身職員無講過，打開menu 既時候已經食左啦🙄🙄所有野食要兩串起叫，從來無去過燒烤店有呢d規則，燒烤唔係一串串燒架咩🤗🤗野食份量極細，比狗食既level，上菜果下真係呆左沾麵張圖係有個鐵鍋既，雖然明白圖片只供參考，但係佢上個麵豉湯兜有冇搞笑？最後四個人食左$900，係完全唔飽，要去第二間燒烤店再食過🥹

星期六日下午茶時間有清酒買一送一優惠，約了朋友一邊食清酒一邊食串燒輕鬆一下。A5牛橫膈肌：橫膈肌不似一般和牛這麼多油脂，反而是有濃郁牛肉味，而且有咬口。沖繩苦瓜釀免治豬肉：苦瓜味清新爽口，而且又不會太苦，反而有甘甜味，免治豬肉有肉汁。西班牙產黑豚肩肉：黑豚肩加點檸檬汁可減輕油膩感，豚肉略帶油脂香味，肉質結實爽口。豚肉秋葵卷：爽脆的秋葵配上帶油脂香味的薄豚肉，外焦脆內爽口。抱子甘藍：燒至表面變微焦，抱子甘藍爽口。芝士翠玉瓜：翠玉瓜厚切，十分爽脆多汁，加上半溶芝士，更添風味。串燒配上較辛的清酒，更能刺激味蕾。

這間位於厚福街內的餐廳，走日式居酒屋路線，主打多款串燒，其中豚肉更是店舖推薦之選。午市更有7折優惠，平均廿多元/串，十分超值。食串燒一定要配酒，我們點了一支鏡山千秋龍脈純米大吟釀，米香味重且甜。番茄沙律番茄爽甜開胃。山形縣產煙燻豬腩豬腩表面帶點燻香，腩肉帶點油脂香，略有咬口。厚切牛舌牛舌是必食之一，厚切更是燒至表面焦香，入口彈牙。厚切金星豚肉豚肉肉汁豐富，厚切令豚肉更有咬口，亦帶點油脂香味。豚肉鵪鶉蛋卷表面薄切豚肉燒至微脆，鵪鶉蛋有點糖心芯狀。厚揚豆腐燒至表面香脆，中間嫩滑，還有木耳香味。舞茸表面燒至乾身，咬落去有菌香。

又係我最鍾意嘅日式居酒屋串燒時間啦😋😋😋呢間位於尖沙咀嘅樓上嘅居酒屋，環境好有氣氛，好似瞬間去左日本甘，我地揀左坐窗旁嘅位置，寬敞又勁光猛，坐得好舒服!👍首先叫左個前菜，開開胃先😊🍅蒜子蕃茄沙律 🦪三隻新鮮生蠔(好新鮮，勁正👍)跟住再叫左好多串唔同嘅串燒:🍢豚肉秋葵卷 🍢豬生腸串 🍢沖繩苦瓜釀免治豬肉 🍢九條蒽卷 🍢雞骹軟骨 🍢芝士翠玉瓜 🍢厚切金星豚肉 🍢雞皮 🍢西班牙產黑豚肩肉串 D串燒全部都燒得啱啱好，吾會太乾身，仲keep到D肉汁，夠晒入味🤗👍最後叫左我最愛嘅甜品🍍燒菠蘿同兩杯飲品🥃淺間 梅子 甜酒🥃果味汽酒 (乳酸味) 呢個lunch真係食得好滿足!🤩特別一提:係星期一至日(除公眾假期紅日外)6pm前餐廳做緊🥃酒精飲品買一送一食物仲有7折添😊大家可以嚟試下啦!🤩

mokumoku yakiton 午市有7折~我哋2點零嚟到，過左lunch time 靜靜地😻～一坐低就上左個前菜《蒜子蕃茄沙律 》比我地開下胃先🍅蕃茄好新鮮，加埋蒜茸酸度啱啱好～重要$28抵食👍🏻飲品揀左巨峰梳打$38 同蘋果酒$65 勁易入口，好啱女仔飲～我地叫左2隻生蠔$88/1pcs ～生蠔勁肥美鮮甜～配埋柚子汁好正～新鮮飛機貨次次都食到唔同既蠔😋油甘魚鰭$198~油脂豐富肉質幼滑～肉質好實淨👍🏻味噌煮日本蘿蔔$32~豆腐同蘿蔔都好入味～小原條魷魚筒$198 ~好柔軟新鮮～茶漬飯-三文魚 $78豬顎骨肉串$38/1pcs~質感好彈牙～豬皮串$30/pcs~啱啱燒好外脆內軟地幾得意，但一定要趁熱食，放耐左會變靭～林檎紅薑豬肉卷 $38/1pcs~豬肉片包住爽甜既蘋果，好清新～皮蛋豬肉卷$38/1pcs~勁特別既配搭～但又好夾😂皮蛋控可以一試～抱子甘藍$28/pcs舞茸$88甜品燒菠蘿$38~呢個必食，外面一層脆脆既焦糖😋有驚喜～餐廳：mokumoku yakiton 尖沙咀分店地址：尖沙咀厚福街12-12A號藍馬商業大廈16樓

自從復常後，游客逐漸增加，雖然是星期二，但銅鑼灣都人頭湧湧，約了人到Mokumoku，個friend 話呢間日式燒烤抵食，便試吓。到埗約七點鐘，個舖已有7成客，睇嚟冇乜揀錯，隨意便點了幾味。先來免費送餐前小吃－日本蕃茄，幾多汁，夠甜。牛蒡漬物自己加，送酒。剌身三款有三文魚、赤蝦及帆立貝，幾新鮮，肥厚口感好。全晚最欣賞槍魷魚，夠柔軟，唔會話先得好乾硬。串燒方面水準正常，豬九條蔥卷、鹽燒雞翼、豬肝串、豬小腸串。輕食一夜，每人消費五百有找，銅鑼灣合理價。

同老朋友好多年冇見。朋友推介地點，我負責book枱，好少食呢類型嘅串燒餐廳🍢🍡🍢，期待！地方雖然細細，但環境超有氣氛，充滿日本風，鍾意！我比朋友早到，book咗枱唔使等直入，waitress先上前菜比我食住等，好有禮貌，好好服務！啤酒買二送一，我飲住等，超讚！雖然價錢唔算特別平，不過食物質素都OK，全部即order即燒，食材都好新鮮，食咗幾款唔同嘅燒肉同燒雞皮都好好味😋！細細串，密密食，容易食，都飽肚，好正！入座前waitress同我講有限時要交枱，因為當晚唔算太多人，最後坐到人哋收舖🤣，完全冇催我哋走，正呀！吹水嘅好地方，推介！

喺尖沙咀行逛嘅時候，行到嚟厚福街，心思思想去一間主打串燒嘅日本居酒屋。串燒種類好多，又好吃，值得為大家推介。燒帆立貝經過烤燒後，散發出淡淡的香味和鮮美的口感❤️❤️A5和牛橫膈肌牛味好濃😋唔會好肥同油，值得試下豬肚串口感爽脆，並且充滿了豬肉的香味😍😍䐁肉鵪鶉蛋卷䐁肉和鵪鶉蛋非常搭配，豐富了整道菜色的口感層次👍👍巨峰梳打日本牌子嘅巨峰梳打，真係好有回鄉嘅感覺！烏龍茶啱晒炎炎夏日，消暑解渴一流👍👍仲未有時間去日本，又有啲掛住向下。唯有就去一間好有日式風味嘅居酒屋尋找一下日式風味。果然冇令到我失望。🤩生蠔刺身新鮮的生蠔，淋上柚子醬油或檸檬汁，口感清爽，好鮮美😋😋😋🤩月見免治豚肉串口感柔軟，並且充滿了豬肉的香味。搭配上流心蛋黃，非常適合作為點心或下酒菜🍶🍶🍶燒豬皮都好少見！好特別，每樣串燒都好食！推介😍

仲未有時間去日本，又有啲掛住向下。唯有就去一間好有日式風味嘅居酒屋尋找一下日式風味。果然冇令到我失望。🤩生蠔刺身新鮮的生蠔，淋上柚子醬油或檸檬汁，口感清爽，好鮮美😋😋😋🤩A5和牛橫膈肌橫膈肌也是其中最為優質的部位之一。這道菜色的牛肉質地極為嫩滑，入口即化，肉汁豐富而不膩口，非常美味😋🤩月見免治豚肉串口感柔軟，並且充滿了豬肉的香味。搭配上流心蛋黃，非常適合作為點心或下酒菜🍶🍶🍶🤩燒白鱔串肉質柔軟，烤燒後散發出淡淡的焦香味和魚肉的鮮味🤤🤤🤤🤩豚肉荔枝卷豚肉口感柔軟，荔枝大大粒在口中，有爆汁的感覺，甜味和豬肉的鮮味配搭👍👍👍🤩燒菠蘿🍍清新可口，菠蘿的酸甜口感和烤燒的香味非常搭配，作為甜點不錯🥰🥰🥰

食完成餐飯 朋友同我嘅感覺完全好似係俾人呃咁...1. 強逼消費：一去到都未坐定就放低兩個蕃茄話係前菜，冇講話係要俾錢嘅就走左，去到埋單嗰下先知，要我地硬食🙄2. 店裡面嘅串燒每款都要兩串起咁嗌， 但係其實份量少，除左牛舌稍為滿意啲之外，其他完全唔得。豬皮照足阿姐指示要即刻食，但係都好un 好難咬👎🏻3. 最唔掂係個拉麵同沾麵：沾麵好淡口，七味粉都濃味過佢；拉麵就食到好嬲， 上到枱嘅時候個拉麵係一餅嘢咁， 食落去擺明係用出前一丁九州濃湯豬骨味拉麵煮出黎咁，食到公仔麵味！麵又唔掛湯！仲要收人$88/碗👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻我知佢係串燒店唔係食麵，但係收得呢個價，都唔好搵個十幾蚊嘅麵黎呃錢？！食左幾啖直接棄麵😢4. 基本上係冇服務可言！態度麻麻！有幾串串燒等太耐加上失望就想直接取消埋單，阿姐keep住扮聽唔到咁、俾面識人睇、仲想繼續要我地等，話幫我地跟！最後唯有動真火同佢講：我要嘅係取消同埋單，唔係等等啊！先至有另一個好聲好氣啲嘅黎跟進！5. 成餐飯埋單$9xx/3 persons，性價比極低，最後仲要食唔飽咁走。已俾朋友Blacklist, 永遠唔會再去/推介👎

身為一個對居酒屋同串燒有情意結嘅人對於呢間餐廳有啲又愛又恨嘅感覺首先講返藍馬商業大廈呢個地方等𨋢耐地方又細⋯春天去特別感受良多餐廳裏面都幾逼好似撘枱食飯咁⋯同隔離枱可以話係零距離⋯食物種類算多嘅餐廳主打豚肉但除咗內臟類其他都要嗌兩串或以上呢個規定對一或兩個人食嘅就唔太友善四個人嘅話就比較易分配喇當日有三得利嘅生啤同生黑啤仲可以有why not both嘅生黑白啤Draft beer 配串燒認真一流但同刺身就唔係好夾喇長話短說根本我嘅口味嚟個短評枝豆✅蕃茄前菜✅黑豚豬頸肉串✅豚肉蘆筍卷✅豬心✅豬肚✅銀杏✅厚揚✅多春魚✅白鱔✅牛舌❎ 雞翼❎雞皮❎豬皮❎豬脷❎白金豚肉❎芝士豚肉青椒卷❎講返佢嘅調味大多數只係鹽同胡椒盡量都會保留返食材本身嘅味道而我特別失望嘅係雞皮同豬皮都一般前者口感唔脆後者口感唔燶邊冇咬口青椒卷同白金豚肉都偏乾身鞋口反而豬心豬肚味道唔錯值得一試諗住普通料嘅銀杏同厚揚意外地出色白鱔唔腥冇大骨而且燒到脆皮👍🏻其餘❎嗰啲又唔係話唔好食只係覺得正常發揮冇乜特別記憶點總括嚟講串燒種類算多但基本上都係以同樣方法同調味整體味道亦算及格以上但環境方面又真係唔太好坐呢個價錢性價比都幾偏低只能夠

本來冇打食評嘅習慣, 但是今次用餐真係唔愉快東西味道不過不失,價錢偏貴,服務亦差 唔會再去了1.嚴重強逼消費覺得體驗最差!!嘅一個點係一坐低 冇問過 就直接放低"前菜"講一句「呢個係前菜」就走咗以為係招待, 結果最後先發現賬單收咗 呢款前菜正價當下即刻問店員, 佢話係要收錢2.都係逼人消費想吃串燒就係想試試不同嘅嘢啦,但呢間所有串燒都要"同款兩串起跳"不過價目表價錢係一串的, 所有嘢都要x2先啱數人唔多真係唔好去, 食唔到好多款3.服務態度差可能因為店員忙啦, 等極都冇人理不特止但全程黑口黑面好似差佢錢咁因為同行有人有D野唔食, 店員話:「剩係呢個做一串比你」但個語氣好似皇恩浩蕩咁, 我自己同佢講唔該/多謝仲多過佢同客講兩人埋單大概是$8XX. 所有食物都係不過不失, 如果為咗食又唔介意受氣可以一試但呢個價錢我寧願搵第二間 開開心心食餐飯

最近来尖沙咀上瘾了，又被我发现了一家串串店，这家超有特色，厨师发板，水准一流！我们点了：京姬梅子酒京姬蘋果酒刺身体煙燻豬上等豬脷串豬大腸串豬心串芫茜卷羊架白膳串芝士犁肉瓜厚揚燒菠羅全部菜式都很不错，价钱适中，位置安静，适合跟朋友聊聊天，两三好友聚聚，吃吃串串聊聊天再好不过！它家的梅酒非常好喝，跟串串一搭配太绝了。Mokumoku Yakiton (厚福街) (尖沙咀)尖沙咀厚福街12號藍馬商業大廈16樓

今日同老婆難得出去尖沙咀行街，順便去搵下美食，搵到呢間mokumoku食個午餐，上到去環境坐得幾舒服，又可以食串燒、刺身等等【前菜】蕃茄沙律，非常新鮮，帶點酸酸未未的醬汁，食完真係好醒胃。【三得利黑白啤】入口充滿頂級香氣，擁有濃郁的口感，帶點苦澀和甜味，今次第一次試。【乳酸梳打】去居酒屋食串燒，太太必叫既乳酸梳打，清新香甜之中略帶微酸。【岩手縣岩蠔】岩蠔非常大隻，又厚肉又夠鮮甜肥美，仲帶點海水味，再配埋酸汁一起食非常醒胃。【味噌煮】今次叫了不同既味噌煮，味道鹹味剛剛好，每件煮得非常入味。豬軟骨、豬手：餸飯真係一流，又夠入味又夠軟淋。豬大腸：質地更軟淋入味，仲帶點嚼口。魚餅：入口好有彈性，鮮味豐富。日本蘿蔔：煮到半透，不但美味又夠入味。油揚：吸收哂湯汁，豆味又夠香。【沖縄苦瓜】沖繩苦瓜非常出名，入口有淡淡的苦味、清脆的口感，同平時苦瓜很不一樣，表面加了脆蝦米再內裡加了少許肉來燒，真是有另一種甘甜味。【豬心串】內臟比較少食，但呢個真係可以接受到，入口非常之爽口，口感像吃爽肉一樣。【燒菠蘿】最後點了一個甜品生果，食完肉類多，點一個燒菠蘿黎消滯下，表面加了少許糖去燒，令表面有脆脆焦糖面，整體非