Lobster Une

营业中

休息中

其實近年都好少去西貢，不過突然有朋友搬左入去，我地又要做housewarming，就決定一齊去呢間西貢好出名嘅特色小店度食晚餐。一入到嚟，店員超級好禮貌，而且我覺得呢間餐廳嘅裝修都真係好cozy，好有人情味。我哋同店員溝通，先知道原來呢度最拿手嘅一樣嘢就係龍蝦意粉，佢話差不多每一台都會叫，所以我哋都話要一份，後來上枱食過先知真係好味，首先意粉嘅口感軟硬度剛剛好，另外就係所有啲龍蝦都有預先拆肉，食落真係勁方便，所以味覺上都覺得好味好多。日本王林蘋果沙律係一樣我自己要求要叫嘅嘢，因為我勁鍾意玉林蘋果，覺得佢香脆清甜。遲啲叫沙律菜亦都相當新鮮，食落去好爽口，超正。後來朋友都介紹食呢度法國雙色芝士pizza，因為知道我哋幾個人都勁鍾意食芝士，而真係冇失望，餅底嘅口感真係好chewy，而且芝士唔會係死鹹嗰隻，係食得出有層次感嘅。炸魚薯條美式就係我朋友介紹嘅，炸得好香脆，完全冇油膱味，絕對係外國食到嘅質素！

西貢遊玩後的晚餐！🤩 叫兩個主菜可以送3個頭盤。天婦羅炸蝦🍤✨ 金黃酥脆的外衣裹著彈牙鮮甜的蝦肉，一口咬下，外酥內嫩的口感立即在口中綻放。炸物的油脂完美控制，既不油膩又保留了蝦肉的鮮美！帶子刺身配芒果莎莎則是一道清新爽口的前菜。新鮮帶子的甜美與芒果莎莎的酸甜完美融合，每一口都能感受到大海的鮮味與熱帶水果的香甜。🥭🐚 蟹肉沙律的清爽口感。蟹肉的鮮甜與蔬菜的爽脆完美結合，清新的醬汁更是為整道菜增添了一絲活力。🦀🥗主菜薰衣草蘋果木煙燻乳鴿絕對是這頓晚餐的亮點！🕊️ 乳鴿肉質鮮嫩多汁，薰衣草的清香與蘋果木的煙燻味完美融合，每一口都是一場味蕾的盛宴。鴿皮烤得酥脆，咬下去還能聽到清脆的聲響！炭烤美國牛柳則是肉食愛好者的天堂！🥩 牛肉鮮嫩多汁，外層微焦的香氣與內裡粉嫩的肉質形成絕妙的反差。每一口都能感受到牛肉的鮮美與炭烤的獨特風味，搭配配菜更是相得益彰。最後，甜品酥皮蘋果批配雲呢拿雪糕為這頓美味畫上完美句點。🍎🍦 酥皮的層次分明，蘋果的酸甜與雲呢拿雪糕的香濃完美融合，口感豐富，溫度反差更是令人回味無窮！

難得禮拜六日來到西貢輕鬆一番，發現呢間餐廳搬咗新嘅位置。裝修同環境比以前更舒適，保持到水準，同朋友一起去食個飯傾下計，我點咗個飯朋友叫做意麵，互相可以試下d唔同口味～ 🥢澳洲龍蝦肉法國🇫🇷芝士配西班牙飯龍蝦肉配埋法國芝士，芝士味好香，味道夠濃郁。而西班牙飯係製作嘅時候吸收嗮芝士同埋海鮮嘅精華，提升翻味道～ 龍蝦口感煙靭～ 啖啖都充滿層次。🥢香煎日本刺身帶子配意大利蒜意粉帶子係用上刺身級數當然靚好多，輕輕煎得恰到好處，表面微焦內裡滑嫩，正😄 再搭配蒜香意粉，蒜香味真係好香呀~味道啱啱好！🥤百香果沙冰大大杯嘅沙冰，用嘅係新鮮水果即榨，淨係外覲色彩繽紛已夠嗮吸引。搭配埋百香果，冰凍得黎又酸酸甜甜，開胃又解渴，宜家天口熱來翻杯沙冰真係好舒服~ 🥢蟹肉沙律簡簡單單，蟹肉夠多，d菜都食得出好新鮮！搭配清新蔬菜同沙律醬，口感清爽😁無論係作為前菜定係飯後食都ok

平時去親西貢都係去Cafe，今次就決定去搵間靚餐廳食飯。行過見到呢間Lobster Une有outdoor坐，望入去室內靚靚哋都幾舒服，野食又幾吸引，一於試吓！《菠菜酥皮批配鱈魚》即焗熱辣辣，酥皮好香脆可口，中間有菠菜加上鱈魚有肉汁，肉仲好滑，呢個推薦！《秘製美式豬仔骨》骨肉分離好易食，焗得唔乾仲幾入味，去買條醬汁仲好味。拌碟有柚子肉酸酸甜甜助減膩，同埋香口薯角。《法國芝士焗通心粉》通心粉搭芝士真係無得輸，仲要夠多芝士，半溶嘅滲入每粒通心粉再入口真係好正，芝士控必點！最後飲返杯《有機function tea》減減膩消滯岩晒，用茶壺上仲可以加水慢慢飲～ 下次再嚟先！

放假同屋企人過嚟西貢行吓，揀咗呢間特色主題餐廳。餐廳主打西餐、特色咖啡同埋酒。點咗個澳洲龍蝦🦞套餐套餐入邊有龍蝦意粉、兩條龍蝦春卷同埋日本王林蘋果🍏沙律🥗 🍝🍝龍蝦意粉係澳洲龍蝦🦞拆晒肉甘上，入口鮮甜，肉質都幾彈牙，撈埋係啲意粉同醬汁一齊食好Juicy。 🍣🍣龍蝦春卷入面都充滿蝦肉，春卷皮好薄，炸得岩岩好，入口酥脆，因為中意食香口嘢，好啱我口味。 🥙🥙個沙律真係好開胃，有沙律菜🥬、蕃茄仔🍅、蘋果、蟹柳🦀等等製作而成，入口都好清新~蔬果都食得出好新鮮，食完其他餸都可以用來解下膩。 🦪🦪最後試咗一支鮮甜嘅法國生蠔🦪就飲湯，呢個生蠔真係好肥美呀，肉質入口感覺超掂！而且一d都唔腥，同埋個龍蝦湯原來係過濾左四次再刷新鮮龍蝦肉上碗，食得出足料。

今日做左試伏器，真係伏左。行過門口見佢介紹得幾吸引，好多嘢送咁，食乜乜送啤酒，啲餐又正常價，就試下。呢次食左兩個特價嘢，青口加牛柳，兩個都係258，送啤酒，雖然好似有三個選擇，但其實無得揀，有兩個無貨，Stella 都無。等左十五分鐘左右先上青口，呢個雞湯煮紐西蘭青口，佢寫住係1kg青口，以為有一大碗啦，點知祗有6隻大青口加兩小塊麵包，我問乜唔係有1kg架咩？佢支吾以對，話呢啲係紐西蘭青口好好食，再轉個頭話俾多啲麵包我地點湯。論味道都ok嘅，青口都幾滑，雞湯都幾好飲，但食完點都係覺得被騙。最後再上左一大碟麵包我地，感覺係身有屎咁囉。再過多十幾分鐘就上埋個牛柳，見到個買相O左咀，幾舊肉粒，好似只係烚過咁，切開第一舊，祗係面頭1mm變左色，一定比medium rare 更生。再食另一舊，又熟返好多。至於味道就，無乜牛肉味，唔嚡囉。最後更有插曲，信用卡失蹤記，好在唔係我。有個客埋單，侍應收左張卡放左喺水吧枱面，跟住就搞左好耐都未埋到單，個客問點解咁耐未得，先知道張卡唔見左，問匀咁多個人都唔知去左邊，最驚訝個疑似老闆娘嘅人同個客講，張卡都唔見左咯，你坐番低先啦。搞左幾個字都未解決到未搵到，我地

是日喺西貢玩完水上活動，諗住搵個地方食吓嘢 ，朋友話最近呢間新開 我哋一於試吓門外的Staff好friendly介紹佢哋有啲咩套餐有啲咩飲品 聽落唔錯一啲試下我哋首先嚟咗個happy hour 佢哋大部份都係58 元一杯酒送一個小食我哋揀左lobster spring roll , shrimp toast , nachos試下 lobster spring roll一點lobster也沒有，prawn toast 很油，nachos的醬也沒什味道，不過送既就不能要求太高到朋友肚餓就開始join$168 既lobster set 有小食，沙律同龍蝦意粉炸蝦的炸皮較厚沙律是無dressing的那種 個lobster 意粉入口較乾身同硬，諗住撈啲汁食埋佢但只有上面白色部分，而且也吃不到有龍蝦肉，吃到似蟹柳的口感，而且成個pasta有腥味另外我哋都點咗一個set ，揀兩個main course就送埋三個appetisers呢款係芒果莎莎配日本帶子刺身個汁入口略帶酸澀味，令到成件事味道較怪Main course 澳洲龍蝦蝦肉燴飯呢碟燴飯同頭先嘅龍蝦意粉同一問題入口有腥味較乾 ，吃不到龍蝦肉法國

我第一次寫食評，希望打算去食嘅人小心。呢間餐廳服務差，重點係亂收錢！我同屋企人放狗行過，佢哋以買一送一晚餐做招徠，又話狗仔可到店內嘆冷氣，於是我哋就光顧了第一次。牛柳正常但細份，至於豬仔骨就劣食😣😣 非常乾而且有怪味。由於餐廳環境可以帶狗仔，於是我同屋企人隔兩日光顧第二次。然而，呢次經驗非常失望，直程憤怒！！服務方面：門口拉客嘅女士好nice, 點知入到去落單嗰位呀叔態度非常惡劣，又黑面又唔耐煩咁。餐牌模糊，問佢餐包咩，一時又話有餐湯，一時又話要加$50先有。我哋想叫返買一送一晚餐佢又話今日冇（明明門口呀姐話有我哋先入去），叫我哋嗌Dinner set/ 單點龍蝦餐。食物方面：龍蝦蝦肉繪西班牙飯（$238）非常之難食！我知繪飯會比較飯硬身，但佢係生飯嗰種硬！得啲汁加面頭小小芝士，完全冇龍蝦蝦肉。慢煮美國牛柳配大蝦只能夠話正常，$298細細份，加隻蝦仔。收費方面：餐廳表示第二次光顧可享九折，點知埋單時又話我哋叫嘅餐要收正價。問題係餐牌/店員完全冇提及。睇單發現佢哋餐茶又收我正價，又話呢個餐冇餐茶！！咁想問咩係餐？！總結，係唔愉快經歷，非常之唔推介。

真心唔明點解會有人好評我懷疑餐廳近期轉左手 啲野食真心難食 我地5個人食 食唔飽走1.lobster set 完全貨不對辦 我唔知佢個龍蝦麵是真係有龍蝦肉定蟹柳2. 龍蝦西班牙飯 完全無肉 完全唔係西班牙飯 仲超細份 同好難食 似爛飯 3. 最大問題係個牛柳 $388我地要5成熟 第一次 全熟 超乾 仲要勁細份要求整過 第二次 好生 肉心是凍的 好咸 仲有肉有陣味 擺明唔新鮮 最後全碟直接放棄個女老闆全程鬧個男waitress 好破壞氣氛 要求換牛柳 佢問我地覺得太生定太熟？ 真心你唔識睇？貴唔緊要 細份都算 碟碟都好難食 第一次openrice 寫食評 真心唔想有人再被害

兩個人即興入西貢諗住舒舒服服食個晚餐，見到主打龍蝦主題餐廳所以就試試佢。👨🏻門口一位男士好nice咁介紹門口啲餐牌有$168龍蝦三道菜、有主菜買二送一前菜、有好靚嘅新鮮生蠔買四送一等等啦⋯⋯入到去坐低飲杯水，👩🏼‍🦳有位女士就俾餐牌我哋睇，但係就冇頭先門口介紹嘅餐，所以要問先會再俾你睇，同埋不斷強調食材新鮮好好味。👩🏼‍🦳俾嘅餐牌都係啲冇標明價錢嘅菜式，又或者係二人晚餐$688、$788等。咁由於唔係咩特別日子就唔需要食咁貴嘅套餐啦，何況第一次食，要試過先。👦🏻我👩🏻朋友👦🏻：揀住先，我洗手間。（一起身，望到枱面已經有隻小昆蟲，西貢有昆蟲仔唔出奇，潑走佢囉。行多幾步，去廁所嘅走廊上有隻活生生大🪳，冇錯係活生生有翼嘅大曱甴係地典下典下。我就嚇一跳啦，Bar枱男士👴🏽見況好快就清走咗🙂）👦🏻：頭先有好大隻曱甴🪳啊，嚇死我。你揀好嘢食未？👩🏻：我地試吓頭先門口介紹嘅$168龍蝦三道菜啦，啲食物相都幾吸引，意粉有龍蝦頭係到好似幾好。👦🏻：好呀，落嗌住先。於是向👩🏼‍🦳落單👩🏼‍🦳：好，龍蝦三道菜，跟住呢？👦🏻：我哋落住先，其他仲揀緊唔該👩🏼‍🦳：$168餐兩個人只可嗌一份，通知聲你👦🏻👩🏻：。

門外客務介紹主菜買一送一 入到去只俾一般餐牌 要問先俾一送一menu 抱住試嘅心態 嗌1杯Leffe送1小食粟米片 標單價$68up 再加個1kg蟶子送1/4杯白酒粟米片少得可憐 蟶子應該得一市斤 仲要好多碎殼上碟(唔小心插中一下)味道: 粟米片 就係粟米片 ; 蟶子 唔爽 冇味總結: 唔知點解咁多好評 好大可能係我唔識食

諗住見到間鋪靚靚地入去食，態度還OK , 點知等左半個鐘咖嘛都未黎， 聽到對面枱人都話d野上得咁慢～～～ 再等左幾個字先話班尼迪蛋賣哂～ 賣哂又吾一早講， 曬左成9個字先得杯用機禁出黎既咖啡 。激鬼氣買單走， 落到下層係冇乜人，聽到個個都吹d野食未到 ， 呢間真哂中伏

服務態度非常之親切未入餐廳之前解釋我哋嘅餐廳用嘅龍蝦唔係冰鮮，會選用新鮮龍蝦製造的，點知入到去嗌個龍蝦飯完全感覺唔到有龍蝦肉嘅感覺,真係感覺令人很失望好耐未試過一餐食完要寫感想

今日去咗西貢食個Early Dinner~ 環境都幾舒服，有室內同室外位置 五點前仲有午市套餐我哋叫咗一個lobster set $168 有一個蟹柳絲蘋果沙律 加咗少少Caesar dressing 同芝士碎食落都幾fresh！龍蝦意粉 係龍蝦拆肉加芝士一齊煮 意粉都唔錯又掛汁 配龍蝦汁都唔錯小食方面可以揀天婦羅炸蝦或者龍蝦春卷 天婦羅炸蝦都係即炸熱辣辣嘅另外叫咗一個lunch set 特色豬手$148 豬手脆卜卜 但唔會太硬同乾 好好味 好入味 份量都幾多 配咗一個微辣嘅汁 或者可以點Tabasco都唔錯 另外伴碟方面有蘋果沙律可以中和豬手嘅油膩 薯角都係即炸嘅午市套餐有跟飲品 如果想upgrade其他飲品就要另外加$25 有rose tea, lemon soda等等嘅選擇本身跟餐冇寫有甜品 不過老闆都送咗兩份甜品俾我哋 雖然咖啡味瑞士卷唔係太特別 不過夾埋蘋果片一齊食 做飯後甜品都唔錯

因為慶祝生日想食西餐，所以去左呢間餐廳，佢嘅老闆同老闆娘好Nice，一見到我有小朋友已經幫我安排好座位☺️而且入到去見到裝修好靚，坐得好舒適👍🏻叫咗兩個set lunch，包沙律菜同埋湯，仲有甜品加嘢飲，$128/set好抵！最緊要係好足料同好好食！沙律有蟹肉，又有車厘茄👍🏻叫左carbonara同焗芝士煙肉長通粉，carbonara好creamy同埋有黑松露，提升咗成個麵嘅味道😋芝士煙肉長通粉賣相已經好吸引！面頭有啲乾花，芝士味都好濃郁!甜品都好好食，一定會再去呢間試吓佢嘅招牌龍蝦