Lobster Une

去西贡玩完一日揾间餐厅食，去到见到呢间门口写买一送一就入咗去。呀点知原来买一送一唔系门口个牌指住𠮶啲嘢食！系mark高咗个价之后再送啲门口餐牌无嘅普通菜式，不过唔紧要啦来都来了，就试试散叫。🍽️ 西班牙辣肉肠长通粉 set $128个汁系千岛酱沟水，配上超级市场长通粉，味精同死咸味非常突出。🍽️ 澳洲龙虾虾肉烩饭 set $238上菜嘅时候见到同门口个牌唔同样的，正名应该系「澳洲龙虾虾肉and烩饭」龙虾肉同烩饭分开煮，煮完个饭（无乜味）先喺饭面加啲龙虾肉同埋婶啲香草，但出奇地食得两啖都系成口咸味。🍽️ 跟餐甜品：雪冻咗嘅朱古力蛋糕加三嚿梨嚟嘅时候以为系brownie，但真系谂多咗，连嚿梨都系有啲怪味嘅。…Read More

西贡呢个正方形嘅西餐厅成日都做买一送一优惠，今日经过见到呢间写住main course买一送一职员出嚟介绍：主菜买一送一，叫牛柳送猪仔骨我哋就话：有猪手同ribs都几吸引，好就食呢间职员就带我哋上楼上坐上到去另一个职员攞餐牌俾我哋，但就偏偏冇攞到买一送一嘅两张Menu 问佢：头先楼下同事介绍主菜买一送一𠮶张Menu想睇一睇佢一脸愕然：今日有咩？之后佢拎到嚟直接就话，冇猪手同猪仔骨，因为琴日好多人，卖晒，要腌制48个钟（我当日只系见到大约三台客)我哋直接就话：但头先楼下职员冇同我哋讲有缺货，佢只系回答，可能佢唔清楚其实你主菜得五个选择，如果有两款都冇嘅话，点解唔喺门口我哋入去之前讲？另外一张买一送一Menu同样写住买一送一，并无其他字眼解释pizza有写价钱，而意粉冇写价钱正常人理解唔系pizza送意粉咩？当我哋谂住叫一款pizza加一款意粉嘅时候，职员话唔系咁嘅意思，系嗌主菜送Pizza或者意粉呢餐都食得几唔开心大家可以去试一试…Read More

上次夜晚过嚟试咗晚餐，今日晏昼约埋猫友过嚟食tea。我哋两个人都唔系话好肚饿，同埋要留肚食晚饭。所以净系嗌咗一个set share。今日好热，再嗌咗两杯沙冰。叫咗个香煎鳕鱼配薯菜set,一杯芒果沙冰，一杯热情果沙冰。老板娘认得我，仲话请我饮啤酒。不过今日揸咗车只可以饮沙冰。个set有沙律，餐汤，main，甜品同餐饮。完全够我哋两个人食下午茶。个鳕鱼煎得好香，外皮好脆，内里鳕鱼肉好嫩滑多汁，唔会话太油。薯菜伴碟都份量好够。食咗几啖先醒起要影相留念😂本身想影埋两杯沙冰有几澎湃，几大杯，但因为要快快脆饮，惊佢溶，所以冇影到一开头。总括而言，环境好，又系宠物友善，毛孩主人必选餐厅。…Read More

今日妈咪生日，决定出街食，带佢食西餐。朋友介绍西贡有间专食龙虾西餐厅，就试试佢。撞啱五一黄金周，成个西贡都好热闹，好在预早打去book咗位，如果唔系就要等。我哋四个人，决定唔嗌佢个晚餐，散叫嘢食。（如果平时，嗌晚餐好抵）我哋叫咗个龙虾pizza，原只龙虾意粉，半只烧鸡。我本身钟意食薄批pizza ，佢呢个龙虾Pizza正正就系我钟意嘅批底，唔会太滞。每块pizza啖啖龙虾肉。个龙虾意粉好抵食，佢跟埋个沙律同龙虾春卷。老板娘介绍，呢个系原只澳洲龙虾，龙虾好大只，好多肉，个龙虾春卷入边啲馅系真龙虾，唔系话出边嗌货𠮶种。个烧鸡都好Juicy ，唔会话入边好干身，同埋鸡肉好嫩，火候啱啱好。临尾仲送咗个生日甜品，好有心写埋Happy birthday。成个用餐过程都好好，会定时问你有冇需要，唔会觉得被人遗忘，好少餐厅做到爆场都会顾及每一台顾客嘅需要。要俾10个like。…Read More

好耐冇入西贡，今日同老公得闲入嚟拍吓拖。行咗好耐，拣咗好多间餐厅，最终决定食呢间。舖头装修好靓，好适合今日同老公拍拖主题。我哋散叫左个 香煎带子意粉，炸薯条，同埋冧酒煮蛏子。个意粉好有味得来唔会太油，带子大大粒。有啖啖白酒同牛油香。个冧酒煮蛏子，值得一赞，个汁点面包点薯条一流，老板见我食得好滋味，私人请我食多几嚿蒜蓉包。个薯条外观睇落普通，但佢炸得好香，唔会话有阵油膱味，食得出佢唔系用万年油炸。两公婆，再嗌支白酒，撑吓枱脚，咁又一晚。…Read More