Lobster Une

营业中

休息中

呢排心情麻麻地 襯放假去西貢行下食下野 順便散下心同支持下本土消費本身揀個間cafe 因太多人等緊 所以決定再睇下食咩…結果… 揀左間食完令我心情更差既餐廳…😔睇落去環境正正常常 室內坐滿晒 室外有一兩枱客咁 應該唔會伏掛？我地揀左lunch set 西班牙辣肉腸長通粉 另一個係美式豬仔骨（要等20分鐘 話即叫即焗 都無所謂 咁好食既野咁要等下都好正常）野食黎啦～ 沙律同湯無太大特別 個湯係罐頭粟米湯 但個長通粉同豬仔骨真心出晒事～ 說好既辣肉腸？結果變左salami 🙃 已經知中緊伏 同時安慰緊自己 「可能個豬仔骨會好好食呢」 點知…連個豬仔骨無乜味 薯角唔脆 仲要比幾舊罐頭桃做裝飾？越食越嬲 仲要邊坐邊有客入黎 仲同朋友係度諗「究竟係咪我地要求高？」真心 呃遊客都比啲誠意呀～連杯餐飲 飲杯凍啡似飲緊杯奶水咁 真係好打有限… 食完啲野一啲都唔飽 質同量都搞唔掂～ 可一不可再～ 最後去另一間再填飽個肚 平衡返個心理算～

一心想嚟食龍蝦叫多咗個西班牙炒飯等咗足足45分鐘期間追單佢話個飯好複雜，要整耐啲咁出面都食過係正嘅 就等啦點知一嚟到仲衰過碟楊州炒飯 冇誇張。小朋友呆坐等咗足足45分鐘先有飯食唔緊要 點知佢嘅質素係咁碟嘢仲要$288（再加10%）真心嬲真係好差嘅體驗成餐飯食咗1小時等個湯等咗20分鐘等個龍蝦等咗30分鐘等個飯等咗45分鐘自問真係冇試過未離開間餐廳就要打post成餐飯食咗$939一肚氣！！一心留港支持番本土食肆香港好需要有心嘅食肆去做番起一啲咁嘅做生意態度 點幫到手

被他們的名字吸引了「Lobster」🦞😍，所以進去了。有室外座位，裝修非常歐式貴族風格，仿如去了歐洲一般！一開始叫了一杯Prosecco，很有心思地加了甜甜的士多啤梨！頭盤很不錯，沙律很fresh很開胃，蒜蓉蝦超香，軟殼蟹很脆，廚師還特別加了兩粒黑芝麻當它的眼睛！當然試了一下他們signature的龍蝦包，還有咖喱蟹肉包，包的芝麻味很香，料都超豐富，有滿滿的龍蝦肉和蟹肉！甜品也很特別，小小一個，不會過甜，還有水果醬解膩！咖啡也很特別，給了一顆朱古力放下去，很香！老闆娘看我喜歡拍照，讓我上去他們的上層歐式風格拍照，超好打卡！

Lobster Une🦞去西貢當然要食海鮮🦐 成條海鮮街十幾間海鮮酒家都係食中式，食客會係外面嘅魚缸自行挑選心水海產，但有時都怕會海鮮價俾人劏🦯 早排臨近聖誕節，就試下明碼實價嘅西式龍蝦餐廳🧮灰藏金土質牆，高樓底而中間掛咗盞巨型吊燈，每張檯都擺放白色燭台蠟燭🕯️ 歐式古典風格中帶種奢華感📯 沿住店內樓梯會去到更靜更有私隱度嘅空間🤫聽老闆娘介紹先知餐廳係西貢開業2年幾，係今年8月先搬過嚟新地址🚛 新店新開張期間會贈送welcome drink🗓 menu上搵唔到嘅有酒精或者無酒精飲品，充滿神秘感🧙🏻‍♂️Welcome Drink🍹玖瑰蝶豆花梳打，係漸變嘅視覺效果📷 之後記得拌勻飲用，甜中帶有清新感覺🌹 薑餅味嘅Wine Soda帶點肉桂香，非常應節🎄Buffalo Wings🐃老闆娘特別推介呢款雞翼，話係經過改良📊 食落又真係冇平時嘅咁酸咁辣，香料味重，而玫瑰花瓣同黃色花碎亦讓橙紅色嘅雞翼賣相生色唔少💐Lobster W/ Bomba Rice🦞上菜嘅時候已經聞到好強嘅鹹香味，係海洋氣息🌊 開邊半隻嘅龍蝦仲大過隻碟，肉質彈牙又鮮甜🤤 面頭嘅芝士仲好拉絲，係寒冬中嘅溫暖🫕

周末相約朋友去西貢行山後，就找餐廳一起晚飯，看見餐廳佈置頗有情調，就去試試！美國慢煮牛柳牛柳煎至5成熟，表面煎至金黃色，內裡還是粉嫩的顏色，肉質鮮嫩多汁，牛柳經慢煮後，入口十分軟腍，肉味香濃，配上意大利芥辣、岩鹽和醬汁，令味道更豐富，伴菜有香脆的薯角和沙律菜。炸魚薯條炸魚和薯條是完美的配搭，炸魚外層酥脆金黃，魚肉香口酥脆，仍保留魚肉鮮味及肉汁。薯條炸得非常脆口，蘸上茄醬，食到停不了口。Tiramisu甜品的Tiramisu就食得多，飲的Tiramisu都是第一次，這特調飲品帶些酒香和咖啡的香氣，味道很不錯。

呢間野令我大開眼界，本身見佢幾有特色，好似唔錯，所以諗住試吓。情人節黎一個set 288，加下湯同甜品或者嘢飲，基本上預係36x 大左右。問題黎啦，第一道前菜-龍蝦湯，係等咗足足一個鐘都未出，可能因為當日節日氣氛，大家都冇催。大約一個鐘零15分鐘，龍蝦湯終於出現，味道 ok laa…. 但湯入邊一隻龍蝦都冇，可能係我以為食龍蝦嘅專門店會足料，但其實係冇嘅；下一度已經係主菜，歷時再多一個鐘，途中老闆娘不斷反反覆覆咁問我哋有冇點呢樣點嗰樣，每一枱都係咁，落單非常混亂，樓面同廚房人手嚴重短缺，而且欠缺管理。我哋叫咗兩個主菜，一個係牛，一個係牛加龍蝦，但臨上菜嗰時老闆娘再補多句話龍蝦而家賣晒，一隻都冇。咁都冇計唯有轉做雞肉…. 係，全餐飯係冇龍蝦食嘅。最誇張係雞肉果碟，有個薯蓉但可能叮唔夠時間，中間仲係冰冷嘅；叫佢換都廢事，因為可能會等到食宵夜。最後係甜品，一個心太軟，一個士多啤梨味dounut ，同樣係巨伏。本身以為呢個檔次餐廳心太軟至少會係熱，但唔係，都係凍嘅，個味道大約係落樓下麵包舖嗰隻味；個冬甩本身個味係ok，但個士多啤梨醬就係落樓下睇西醫抗生素嗰隻味。總結，成餐飯食咗差唔多三個鐘….

個別店員的服務態度差劣，我們進入餐廳後只叫我們上閣樓等等，但一直沒有為我們安排座位，最後我們只好隨便坐下來。食物選項少得可憐。情人節套餐本來有4個主食可供選擇，但落單時很多食物已經停止供應，例如餐廳主打的龍蝦已經售罄，根本上沒有任何選擇可言，惟店員拿餐牌給我們時並沒有提及上述情況，白白浪費我們閱讀餐牌的時間。食物質素同樣令人失望。蘑菇湯是凍的，芝士牛柳卷被換成了普通牛柳粒，而且丁點兒芝士粉或芝士粒也沒有。更令人無奈的是，上餐時間甚長，旁邊的顧客等候超過1小時，仍等不到他們的食物，最後與店員理論一番後，便氣著離開了。總括而言，只能說我被這間餐廳不知從何而來的正面評價欺騙了，這次用餐體驗一個「差」也不足以形容。

Ordered a set for two, inclusive of two appetizers, two main courses, desserts and coffee/tea, priced at $468 plus service charge.Service: The waiter/owner was cheerful, but despite an occupancy of no more than 1/3, service was slow and uncoordinated.  The waiter, forgetting to put in our order the first time, had to come around taking our orders a second time 5 minutes later.  Both main courses, “lobster bread” and “curry crab bread” came before the two appetizers.  It took the waitstaff over 1

悠閑既weekday同男朋友去西貢拍下拖🥰平時黎西貢都係飲茶食海鮮今次沿住海鮮街行入少少發現內街有好多特色餐廳呢🫶🏻今次我地揀佐呢間裝修幾別緻既lobster une🫶🏻—————————————-Pork Ribs —————————————-擺盤好靚 肉質好軟腍啖啖肉 唔會好多脂肪同好肥膩😆薯角炸得好酥脆🥰食到停唔到口—————————————-西班牙蒜片蝦配面包—————————————-蝦肉好爽彈👍🏻好香蒜片味🥰最驚喜係個麵包 外面焗到好脆但入面就好鬆軟🫶🏻—————————————-Mocktail - Florida—————————————-呢度嘅Cocktail款式好多如果唔係揸車過嚟西貢都想試吓佢嘅Cocktail🥹🥹Mocktail有幾款試咗老闆介紹嘅Florida甜甜地有啲水果味幾好飲🥰

Food:個炭燒牛和大蝦係非常推介嘅👍🏻， 好有層次感， 有鹽有芥末醬點。薯格都好crunchy。本身望落啲牛肉好似好乾，但係一食落去 好多汁 中間大概五成熟， 炭燒嘅味道好strong 唔錯唔錯相中嘅龍蝦燴飯 雖然好味，但係性價比唔太高，238$。 啲肉偏小，但係個汁非常好味！Staff altitude:嗰度嘅職員好friendly 亦都好熱情, 基本上同所有客人都會傾偈， 態度好好 😀Environment:The overall environment is chill and cosy. It’s a nice place to enjoy chitchatting with friends.

適逢聖誕假期，就想到西貢感受一下氣氛，所以就來到西貢吃了一個西式午餐。這間店舖的聖誕氣氛很濃厚，有着滿滿的聖誕裝飾。而這間店舖的特色是以龍蝦為主題，所以我們就試了一個套餐。🚩一人餐 (炸軟殼蟹、龍蝦pizza) $248軟殼蟹炸得很鬆脆，中間切開有看得見的蟹膏。而龍蝦pizza也看得見有不少龍蝦肉舖了在Pizza上面。這個份量如果一個人吃，是剛剛好的，不會浪費食物。🚩辣肉腸意大利麵 $108意大利麵的口感彈牙，不會軟淋淋的，配搭着辣肉腸是經典的味道。整體用餐感覺良好，非常適合輕輕鬆鬆地渡過假日。

講起西貢一定會諗起海鮮😗唔止中式海鮮菜館，知道有間專門食龍蝦既西餐廳好有特色🦞今日假期入西貢玩就去試試招牌龍蝦包😆龍蝦包 龍蝦包用料十足，主角澳洲龍蝦肉味道鮮甜，啖啖肉口感實淨又彈牙，穀物麵包亦都烘得香口，麵包鬆軟配合包面滿滿芝麻同果仁，外脆內軟，中間夾左生菜🥬，令入口非常fresh👍🏻伴碟配菜有炸薯格，熱辣辣香脆可口，唔油膩🥔日本和牛肉醬螺絲粉 以蕃茄調味作主調，餐廳既日本和牛肉醬跟一般唔同，肉醬仲見到粒粒牛肉粒，有口感，醬汁集咸、甜、酸味於一身，螺絲粉既扭紋更加索盡醬汁，食起黎更加滿足🍅

♨️Lobster UNE 西貢灣景街16號地舖♥️放假閒遊西貢，見到呢間餐廳幾靚就入咗去試吓，裝修典雅員工有禮，食物高質絕對可以好好享受一餐🔷西班牙辣肉腸長通粉辣肉腸好食，個汁夠Juicy夠掛麵🔷煙三文魚薄餅好香三文魚pizza餅底夠薄夠脆口🔷Latte🔷Iced tea🔷芒果荔枝沙冰杯果汁係老闆娘送嘅好好飲食物：8/10抵食：7.5/10環境：8/10

好多時黎西貢都只係去揾海鮮食, 但有次我行入的內街原來有好多西餐廳小店, 而我今次黎係將近聖誕節🎄好多燈飾更多份節日氣氛!🤩好浪漫!今次我地就黎其中一間西餐食個輕食晚餐喇, 店內好多佈置, 西式味道更濃厚! 我地就坐係佢地outdoor位置, 慢慢享受西貢人既慢活感覺😊1/ 特式德國豬手🐗 $268餐廳用左48小時去醃製, 所以香料味道好出眾, 而用低温慢烤既方法時間岩岩好, 豬手肉質紮實但食落軟糯, 皮脆多汁, 非常飽滿😋2/ 雙重法國芝士薄餅🍕 $128其實佢地唔只雙重芝士, 係三重先岩! 因為佢地用左三種唔同既芝士而成, 味道相當濃郁😋 最正係佢既餅底, 好明顯食得出係Home made既Pizza, 厚身得黎但好脆口, 烤爐得恰到好處👍🏾我地食完老闆有走黎傾下計好chill, 得知原來佢地以前做私房菜, 唔怪得的裝修咁精緻, 食物咁令人與眾不同啦👍🏾

每次入新西貢諗住求其食啲嘢，但都會忍唔住入啲靚餐廳chill下行開灣景街，見到一間龍蝦招牌嘅西餐廳就入去試入到店內店員姐姐非常友善介紹今日菜單但今日得我一個人，所以我叫咗一個一人餐一人餐裏面前菜三選一主菜亦都係三選一前菜黃金炸蝦（蝦炸得啱啱好一啲油都冇好乾身掛滿黃金粒粒少少鹹香其實都幾惹味一個前菜👍🏻👍🏻）主菜當然食佢嘅🐽招牌龍蝦包（麵包外脆內軟，餡料飽滿淡淡嘅龍蝦肉，一啲都唔吝嗇👍🏻👍🏻）🐽煙燻煙肉芝士通粉（通粉有淡淡的煙熏味，但唔會太濃烈非常之香仲有每粒通粉都掛滿芝士醬汁👍🏻鍾意食芝士嘅朋友）每個套餐都會跟有甜品飲品今日嘅甜品係冬甩圈配焦糖醬👍🏻仲要整到好有聖誕氣氛😍