Lobster Une

营业中

休息中

每次入西貢之前都會好興奮，因為又有機會食呢間西餐廳，佢係一間細細地嘅餐廳，但係超有人情味，呢度裝修俾人一種好cozy嘅感覺，而且食物全部都真係堅好食！三文魚taco係我今次第一次食嘅，覺得不論擺盤定味道都好好食好好睇！三文魚加咗少少paprika，加埋超甜嘅cherry tomatoes，相當開胃！日本馬糞海膽豆腐凍本店必點之一，豆腐滑口，加埋creamy嘅日本馬糞海膽，完全係入口即溶！而且日本馬糞海膽夠鮮甜，完全冇苦味！呢度嘅手工意粉都好正，今日就叫咗手工麵團龍蝦意粉，gnocci 嘅口感好好，十分煙靭，龍蝦汁亦都夠濃郁，但係又唔會太heavy，食完到第二朝都好懷念！

今日心血來潮，走去西貢行下，順便搵間好野食晏。就行到灣景街16號地舖呢間Lobster Une，見門口個餐牌就已經忍唔住流曬口水🤤，即刻入去試試！一入到去，環境好唔錯，裝修有種簡約又有格調嘅感覺，舒舒服服，坐得好自在😌。先叫咗個牛肝菌牛仔柳長通粉🥘。哇，個碟一上檯，已經香到我頭暈。牛肝菌炒得香噴噴，同嫩滑嘅牛仔柳簡直係天作之合。牛仔柳煎得啱啱好，中間粉紅色，咬落去肉汁爆晒出嚟，嫩到好似會融係口入面咁😍。長通粉嘅口感好有彈性，每條都掛滿咗牛肝菌同牛仔柳嘅精華，每啖都超級飽滿，我食到根本停唔到口🤣。跟住試嘅炸魚薯條🍟，真係有畀到我驚喜！炸魚嘅外皮炸到金黃酥脆，一咬落去「卡滋」一聲，好過癮。入面嘅魚肉好新鮮，又厚又嫩，完全冇腥味。薯條粗粗條，外脆內軟，鹹淡又調得好啱，唔使點茄汁都已經好好味。我同朋友一邊食一邊讚，呢個炸魚薯條真係有返咁上下水準👏！最後重點出場，就係新鮮法國生蠔🦪！個個都大過我隻手掌，生蠔肉肥嘟嘟，好似在向我招手。我一啖咬落去，海水嘅鹹鮮同生蠔本身嘅清甜一齊湧出嚟，口感爽滑到難以形容，新鮮到冇朋友！再擠上少少檸檬汁🍋，簡直鮮上加鮮，正到痹！

呢幾年食過最差既一餐！見到佢地拉客介紹幾有心就諗住幫襯下，真係好後悔冇睇review就入左黎。野食難食都算 - 第一次見係餐廳食既牛柳大蝦係咁。擺明係急凍劣質牛，表面既肉煎到起柴，入邊既肉質係淋到好奇怪。所謂既大蝦係兩隻食指size既蝦。然後個龍蝦燴飯又係味道好奇怪....收錢個陣仲過份一入黎就promote $39蠔買4送2，個侍應仲同我地計，圍返廿幾蚊隻好抵架。到買單，佢話自己誤會左，係買4送2之後圍返$39隻，所以要收返$59一隻。我地呆左，然後佢話個廣告牌連佢都呃埋。我話你自己get錯關我地咩事，你真係同我地講圍返廿幾蚊隻，佢再繼續講返一樣既野，我地都唔接受，佢offer話扣返一隻既錢，但我地都係唔接受，最後佢改返$39隻俾我地。另外..入黎個陣個女老闆話free餐飲俾我地，於是我地嗌左2杯凍檸茶。然後收張單個陣見到佢地收左$4蚊ice fee...我地勁無奈..... 然後個女老闆見到我地勁無奈，就offer free返俾我地...真係好後悔入左黎食，特登入西貢食到成肚氣。最奇怪係，個女老闆真係好似好有passion...唔知佢真係唔知啲野食好難食但扮出黎...

首先，搵嘢讚咗先，服務態度係幾好，狗狗亦有免費餐食，環境係幾舒服，然後就沒有然後了。因為基本上全部嘢食都唔合格，食得出好多都係雪藏嘢，所以一張相都冇影。成餐飯足足等咗40分鐘先開始食到第一道菜，連湯都冇。埋單成千幾蚊，唔夠飽唔緊要，係已經無意欲再加單，同樣價錢，其他地方已經可以食到好飽，兼品質超好。我哋四個人食，都叫咗幾多嘢。1. Pizza味道還可以，餅底雖然薄身，但硬到好似曲奇餅底咁👍🏻2. 粟米湯應該係人生入邊飲過最差嘅湯，飲落係開一罐粟米湯加多咗水，仲要唔係熱嘅湯👍🏻3. 前菜：帶子刺身、炸龍蝦卷沙律味道還好，冇咩特別。👍🏻4. 慢煮牛柳圖片與實物不相符，牛柳上到枱得三嚿仔，口感好差，碟上好多伴碟物，一大片蕃茄完全冇煎香過就咁擺上碟，加啲焗過嘅芝士係面。南瓜係硬嘅，西蘭花菜苗好似就咁用鹽水烚熟咗 ，薯角極淺色，似是啱啱解凍完，係咁以炸左一陣。 👍🏻5. 豬仔骨極度乾身，肉上一啲醬汁都冇，仲差過喺冰室食。👍🏻6. 龍蝦肉燴飯本身係燴飯，去到最尾話冇晒飯，轉意粉。成個意粉只係輕輕炒過，中間加少少蟹肉醬。👍🏻7. 香煎魚扒菠菜批菠菜批好明顯係冷藏品，魚扒煎到皮肉都分開晒，睇得出好唔新

平價蟹柳沙律，好似罐頭粟米湯茶餐廳質素細個手板的pizza，冇什麼餡料得芝士雪魚唔得份量超少豬腓乾柴無肉0.5 勁薄蛋糕甜品加一片橙仲要每個餐加額外$20永遠唔會再幫襯。第一次幫襯這間餐廳，一心想試吓，一見過頭盤已經知道唔掂，跟住來埋主餐更加唔掂，甜品仲搞笑，薄到睇唔見咁嘅蛋糕加一片薄半圓形嘅橙，好似比乞兒食咁。

因為肚餓又見呢間餐廳比較少客，出面d牌又寫到好多套餐優惠，下午三點幾諗住入去食個tea食少少嘢⋯一入去個男老闆即刻叫待應俾晚市餐牌，原來果d優惠係厄人入去由於只能叫晚餐set or 散叫，於是叫咗幾樣嘢男老闆見我哋叫嘅食物都比較平，面色有d黑黑地我哋點咗幾樣嘢：1.fish & chips 衰過茶餐廳快餐店嘅fish & chips 盛惠$158（未加一）真係未見過咁乾 咁細 咁硬 嘅fish & chips條魚炸到肌肉萎縮 薯條用現成嘅最穩陣低成本冇heart 制作2. 牛柳長通粉一放底勁大陣美極味，吃落又咸又辣 重味精牛肉得幾粒，呢個真心差，地獄級盛惠$148未加一3.啤酒送個所謂signature 龍蝦卷 （$78未加一）啤酒唔會輸因為個品牌問題嘩個signature龍蝦卷裡面果d冇龍蝦味，似蝦滑之類得個咸另外坐室內都勁大陣煙味，如果唔食煙嘅客人其實勁辛苦後來睇返OpenRice 近期真係好多劣評俾呢間餐廳餐廳生意唔好 真係唔好怪人唔嚟你收得我貴食物又唔好食 我都只係俾一次錢 只係真心唔希望其他食客都仲伏

我們一行7人12.24,去食Xmas dinner, 成間餐廳得幾枱客，坐唔滿，D服務都甩漏，漏單，摧N多次，等左15分鐘有多，先出份Wellington Salmon, 点知酥皮又唔crispy, 又唔熱，油林林，差!牛扒上枱係凍嘅，唔知仲以為係冷盤，服務員話廚房做到黑面，叫左个意粉，到埋單都未嚟，總知服務又差食物又差，一坐底，类似老闆娘嘅女人吹間餐廳D乜D乜精心製作，点知係black店一間，差差差!真心唔好去!

間野完全唔知做緊咩無論食物同staff都一樣食物奇怪好難想像西貢會有野可以難食到咁野食好似用氣炸鍋整出黎咁睇下d相就會明如果大家唔想係西貢有個咁差既回憶就真係勸大家唔好去事後係明點解佢地要係門口拉客最後補充：冇影到個餐湯，個湯係似足地捫粟米蓉開水既中式粟米羹咁款

試咗個lunch set $168 - 埋單185- 我覺得185已經唔係平，仲要出啲咁嘅貨比客食，其實過唔到自己個關？ - 佢嘅Tempura蝦，嗰啲粉漿厚度，我好難先搵到啲蝦肉- 嗰啲沙律菜濕立立，完全冇做過fing 乾處理- 嗰啲意粉勁黐牙- 佢話澳洲龍蝦，嗰啲龍蝦碎，完全冇口感- 嗰啲意粉啲汁完全冇鮮味- 我係味精敏感，食完唔夠5分鐘，口渴到七彩- 估唔到西貢會有呢啲咁難食嘅西餐- 3.5/10 分 - - 以後唔會同朋友屋企人入去呢間

上個禮拜趁得閒就去咗西貢 好耐冇去過了所以就入去行吓食吓嘢😄😄今次食嘅呢一間餐廳係之前冇食過嘅🤣感覺都唔錯喎😍.🐷香煎日本刺身帶子配意大利蒜意粉帶子口感好好 都幾彈牙 同埋味道鮮甜 😋經過香煎之後味道更加香濃😍 而且香蒜嘅味道亦都幾突出🧄.🐷24個月西班牙黑毛豬再配以哈密瓜果然經過24個月嘅黑毛豬係更加正味道非常之濃郁 而且唔會太鹹🤣 真心OK 㗎😆😆仲可以包住啲清甜嘅哈密瓜一齊食😍😗😗 .🐷三重酥皮朱古力布朗尼睇落去簡簡單單 但係其實味道真係唔錯 外層夠酥脆 層次都幾豐富 朱古力嘅香氣十足🍫
.🐷德國香辣豬手德國豬手 真係一個無法抗拒嘅菜式🤣成個份量非常之大 豬皮真係脆卜卜 係成道菜嘅靈魂🐷但係除咗個豬手本身好正之外 其實佢個醬汁都非常之正個醬汁係佢哋 自家研製麻辣醬🌶️呢個配搭都幾特別 
再配以爽口嘅日本蘋果沙律🍎🥗整體口感層次豐富.Lobster Une (西貢)
📍西貢灣景街16號地舖.

今日同朋友去西貢chill一chill, 見到呢間靚靚餐廳😁就坐低一邊食一邊傾下傾，等我同大家介紹下先紐西蘭青口⭐⭐⭐⭐青口經過精心處理，入口滑嫩，完全沒有一絲渣滓。特別是用新鮮雞湯、白酒、牛油和香草烹調的做法，讓青口的鮮甜味道得以充分釋放，醬汁更是令人垂涎，讓人不禁想要再多來一碗麵包來沾著吃。薰衣草蘋果木煙燻乳鴿⭐⭐⭐⭐⭐乳鴿的肉質鮮嫩，經過煙燻後帶有淡淡的薰衣草香氣，令人感到驚艷。煙燻的過程讓肉質更加多汁，搭配上特製的醬汁，口感層次分明，讓人一口接一口，根本停不下來。這道菜無疑是整個晚餐的亮點，我會極力推薦給每一位來到這裡的食客。11吋的三文魚Pizza⭐⭐⭐⭐Pizza的餅底是現做現烤，外脆內軟，三文魚的新鮮與雙層芝士的濃郁完美結合，讓每一口都充滿了滿足感。水波蛋卡邦尼意粉⭐⭐⭐⭐這道意粉的醬汁濃郁，搭配著水波蛋的滑嫩，每一口都讓人陶醉。水波蛋的蛋黃輕輕一碰，流出的黃金色醬汁與意粉相融合，讓整道菜變得更加豐富，口感更加滑順。

趁中秋前夕，約左好友一齊去西貢見面食個飯。好友帶我去一間西餐廳，裝修有情調，餐款選擇都多就入座。我地嗌左龍蝦湯蝦配炭烤牛柳黃油雞扒配黃金西班牙飯Rainbow Chocolate冬甩聽服務員介紹，呢度嘅龍蝦湯係過濾左4次，加上拆新鮮龍蝦肉，所以有新鮮龍蝦肉味，口感較滑。大蝦配炭烤牛柳配上三色椒、薯條、蔬菜，烤牛柳份量適中，嗌五成熟剛剛好，炭烤味濃。黃油雞扒配黃金西班牙飯，黃油雞扒嫩滑，西班牙飯可以再濃味一些更好。最後嗌左個Rainbow Chocolate冬甩做甜品，香濃朱古力覆蓋住甜甜的冬甩，我們一同分享，雙重甜蜜。Lobster Une (西貢)西貢灣景街16號地舖

📍Lobster Une (西貢)西貢灣景街16號地舖營業時間： 星期一至日 10:00-22:00今日入西貢行吓Hea 下當然要搵間靚餐廳食嘢🥗新鮮水果雞肉沙律沙律菜配埋大量新鮮水果仲有杏仁片最愛無花果🍋‍🟩🥭🍓🍊🍎夠清新好fresh ~ 🍖德國香辣豬手自家研製麻辣醬小小辣非常之香🤩豬手味道濃郁脆口配以日本蘋果沙律🥗又香又脆又滋味皮脆肉嫩🐚紐西蘭青口入口冇渣滑嘟嘟啖啖肉用新鮮雞湯冧酒牛油香草烹調🥘仲有海水鮮味Yummy 😋🍕 11吋煙三文魚薄餅Pizza餅底即做即局熱辣辣又脆卜卜雙層芝士🧀口感一流食唔停口😍呢間餐廳環境優雅有一盞大大嘅吊燈氣派十足最啱同朋友或者伴侶嚟打卡👩‍❤️‍💋‍👩👬👫💏#西貢美食 #lobster #西餐 #pizza

今日放假同屋企人嚟西貢行下，揀左佢地鐘意食嘅西餐。呢間Lobster Une 以龍蝦做主題，裝修都幾有英美feel，樓上樓下唔同裝修風格，又有室外位置，都幾特別，打卡唔錯。點左以下幾款食物：炭燒美國牛柳Lunch 特價188， 比原價平$200，一定會要不試下。炭火燒烤，食起嚟外面微微焦香，內裡嫩滑多汁。牛柳的肉質好鮮嫩，配埋特製汁醬，味道更豐富，不過我覺得原味都已經好好食。再加埋種類唔少嘅配菜，薯角，烤蔬菜，份量十足好滋味。意大利煎蒜香新鮮大蝦大蝦食落真係鮮甜彈牙，蝦肉夠實唔會霉，配埋蒜去煎，香味十足，正。顏色鮮艷，加上少少香草點綴，未食都夠晒吸引。嚟到發現原來新鮮法國生蠔買四送一，每日都有呢個優惠。每日新鮮空運，保證鮮美和品質。食落生蠔肉質飽滿，入口即化，滑溜溜，成個口腔都帶有濃郁海水味，讓人回味無窮。食埋甜品，揀左個黑朱古力心太軟配雲呢拿雪糕。見佢係黑朱古力先揀，食起嚟心太軟外層少少脆身，入面濃郁嘅朱古力漿，又唔算太甜，食落唔覺得膩。配埋雲呢拿雪糕，凍熱交替，口感豐富又爽，好味。餐廳環境舒服，食物好食，讚！