Lobster Une

营业中

休息中

上次夜晚過嚟試咗晚餐，今日晏晝約埋貓友過嚟食tea。我哋兩個人都唔係話好肚餓，同埋要留肚食晚飯。所以淨係嗌咗一個set share。今日好熱，再嗌咗兩杯沙冰。叫咗個香煎鱈魚配薯菜set,一杯芒果沙冰，一杯熱情果沙冰。老闆娘認得我，仲話請我飲啤酒。不過今日揸咗車只可以飲沙冰。個set有沙律，餐湯，main，甜品同餐飲。完全夠我哋兩個人食下午茶。個鱈魚煎得好香，外皮好脆，內裏鱈魚肉好嫩滑多汁，唔會話太油。薯菜伴碟都份量好夠。食咗幾啖先醒起要影相留念😂本身想影埋兩杯沙冰有幾澎湃，幾大杯，但因為要快快脆飲，驚佢溶，所以冇影到一開頭。總括而言，環境好，又係寵物友善，毛孩主人必選餐廳。

今日媽咪生日，決定出街食，帶佢食西餐。朋友介紹西貢有間專食龍蝦西餐廳，就試試佢。撞啱五一黃金周，成個西貢都好熱鬧，好在預早打去book咗位，如果唔係就要等。我哋四個人，決定唔嗌佢個晚餐，散叫嘢食。（如果平時，嗌晚餐好抵）我哋叫咗個龍蝦pizza，原隻龍蝦意粉，半隻燒雞。我本身鍾意食薄批pizza ，佢呢個龍蝦Pizza正正就係我鍾意嘅批底，唔會太滯。每塊pizza啖啖龍蝦肉。個龍蝦意粉好抵食，佢跟埋個沙律同龍蝦春卷。老闆娘介紹，呢個係原隻澳洲龍蝦，龍蝦好大隻，好多肉，個龍蝦春卷入邊啲餡係真龍蝦，唔係話出邊嗌貨嗰種。個燒雞都好Juicy ，唔會話入邊好乾身，同埋雞肉好嫩，火候啱啱好。臨尾仲送咗個生日甜品，好有心寫埋Happy birthday。成個用餐過程都好好，會定時問你有冇需要，唔會覺得被人遺忘，好少餐廳做到爆場都會顧及每一台顧客嘅需要。要俾10個like。

好耐冇入西貢，今日同老公得閒入嚟拍吓拖。行咗好耐，揀咗好多間餐廳，最終決定食呢間。舖頭裝修好靚，好適合今日同老公拍拖主題。我哋散叫左個 香煎帶子意粉，炸薯條，同埋冧酒煮蟶子。個意粉好有味得來唔會太油，帶子大大粒。有啖啖白酒同牛油香。個冧酒煮蟶子，值得一讚，個汁點麵包點薯條一流，老闆見我食得好滋味，私人請我食多幾嚿蒜蓉包。個薯條外觀睇落普通，但佢炸得好香，唔會話有陣油膱味，食得出佢唔係用萬年油炸。兩公婆，再嗌支白酒，撐吓枱腳，咁又一晚。

今日特登入西貢Lobster Une試佢個德國豬手，果然冇失望！豬手焗得啱啱好，皮脆到似薯片咁"索索"聲，切開仲見到啲肉汁流出來，點佢哋自家調嘅醬，酸香得嚟又解膩。另外再加多咗個松露pizza。雖然間舖頭細細但裝修優美，佢個豬手份量十足，兩個人食到捧住個肚走。老闆仲好好人，送多杯生啤叫我哋慢慢嘆。呢個價錢，喺西貢海鮮街算係良心價啦，下次帶班friend再戰過！老闆娘好好人，一直介紹我哋食咩好，又驚我哋唔夠飽，請我哋食是日甜品。（蛋糕太好食，唔記得影相）

今日特登入西貢Lobster Une試佢個德國豬手，果然冇失望！豬手焗得啱啱好，皮脆到似薯片咁"索索"聲，切開仲見到啲肉汁流出來，點佢哋自家調嘅醬，酸香得嚟又解膩。雖然間舖頭細細但裝修優美，佢個豬手份量十足，兩個人食到捧住個肚走。老闆仲好好人，送多杯生啤叫我哋慢慢嘆。呢個價錢，喺西貢海鮮街算係良心價啦，下次帶班friend再戰過！老闆娘好好人，一直介紹我地食咩好，又驚我地會唔夠飽。仲請我地試是日甜品。（蛋糕太好食唔記得影）

今晚帶住隻貓，一定要搵有戶外座位嘅餐廳。見到呢間餐廳，職員好友善，好熱情咁招待我同貓貓，幫我哋搵個舒服得嚟又唔會被風扇吹到正嘅位。（呢度值得加分👍🏼）職員會好細心介紹Menu，我order咗一份法式香煎鱈魚扒配菠菜批set diner。成個set5個course，個鱈魚扒煎得好香唔會油，菠菜批唔會係嗰啲粉勁多餡勁少嗰種。老闆娘仲請咗自家製嘢食俾貓咪。真正寵物友善餐廳。西餐晚餐嚟講，價錢算中等。服務態度好好，值得再去幫襯。

出色的餐廳，特別推介龍蝦意粉，龍蝦新鮮好味，配上帶有濃郁龍蝦湯味的汁，有驚喜👍。生蠔亦值得推介，鮮甜爽脆，蠔味濃郁，微微帶點海水味，不會偏咸，令人回味。另外，炸魚薯條的薯條，真心👍，趁熱食最好，外脆內軟。餐酒方面，買一送一，為起$98兩杯，唔會細細杯，大大方方，抵讚。此外餐廳亦有提供一種Zero啤酒，不含酒精，但有啤酒的麥味，唔算甜，幾好飲。環境方面，都好舒適，幾好坐。價錢方面，唔算貴，抵食。總括而言，食物質素好，服務亦好，物超所值。

完全失望的晚餐，餐湯是紙包裝地捫粟米溝大量水，真係無添加，冇調味。龍蝦餐包括的龍蝦春卷，只係有輕微少許蝦味餡料， 除咗係熱嘅都唔知仲可以點形容佢嘅味道。主菜原隻油炸龍蝦+意粉，超迷你龍蝦拆肉後，大約有一條打邊爐蟹柳份量的龍蝦肉，煮成無味龍蝦意粉，估計應該係用一湯匙份量龍蝦湯溝水扮龍蝦汁，意粉仲要係腍嘅，質感好差，完全無味。甜品係同菲律賓或印尼士多買嘅人造香精朱古力味蛋糕相似。十級中伏，未食過咁差既西餐。

晚上7:25坐低，我order咗六隻生蠔$58x4(4送2，同一個 5 course set dinner($238白鱈魚配菠菜批)，7:40一齊上沙律同埋餐湯，8:05 鱈魚同菠菜批到咗，我問佢係唔係應該上咗生蠔先，侍應話師傅開緊好快到，5分鐘之後生蠔上枱，食咗一隻，裏面係仲有蠔殼未沖乾淨，蠔殼唔係細細粒，食到喉嚨都損埋，之後我即刻叫埋單。上菜太慢，次序混亂，呢一餐點計都要四百幾，係唔係應該做返好少少呢。

呢間餐廳真係令人失望。原本冇打算食咁貴，但店員一路推介牛扒大蝦餐（$298），話性價比高，味道好，結果完全中伏。牛扒唔單止唔夠熱，仲韌到咬唔開，筋多得誇張，差唔多三份一都係肥膏。加$50升級嘅大蝦，竟然細過我隻手指尾，完全唔係想像中嘅「大蝦」。餐湯係罐頭粟米湯開水，冇湯底味，入口淡而無味。甜品更加差，只係街坊餅店啲cheap蛋糕，無香味、質感差，好似放咗幾日咁。成餐飯冇一道嘢覺得值得稱讚。最離譜係兩個人食完要成$600，真係肉痛又唔開心。感覺被誤導、被呃錢，唔會再幫襯，亦唔會介紹畀朋友，呢餐廳根本唔值呢個價錢。

週末最鍾意入西貢行山，之後梗係要搵間好嘢食！今次試到呢間「大大件」海鮮西餐，真係驚喜連連！ 原隻澳洲龍蝦意粉🦞 一上枱就霸氣十足！原隻龍蝦鋪滿成碟，蝦肉新鮮彈牙，鮮甜嘅汁液滲透晒落意粉度，連啲意粉都索滿龍蝦精華，一啖肉一啖粉，滿足到震！ 原隻德國香辣豬手配薯角 🐖🌶️ 即叫即製，熱辣辣上枱！豬手外皮炸到鬆脆，咬落「咔嚓」聲，入面肉質卻keep住juicy，香辣調味勁開胃。薯角外脆內軟，蘸埋辣醬食，邪惡但停唔到口！ 薰衣草焗法國黃油春雞🍗💜 全晚最驚喜！原隻春雞用薰衣草同香草焗到金黃，外皮酥脆到不得了，一切開肉汁多到滴出嚟！雞肉嫩滑到呢，仲帶淡淡花香。我地四個人share食到舔舔脷！ 食完呢餐已經心思思想encore，下次一定要約多班friend再戰其他招牌菜！

週末中午來到西貢逛一逛，見到這間龍蝦西餐廳進去一試。環境10分乾淨企理，更設有戶外位置，有養寵物的人非常適合。餐廳行英美風格，完全非常適合打卡。澳洲原隻龍蝦意粉龍蝦非常大隻，很吸睛。蝦頭有非常多蝦膏，非常肥美。龍蝦肉也處理得非常剛好，一點也不柴，啖啖肉。意粉也給滿了龍蝦汁，非常濃郁。意粉的硬度也煮得剛好，分量十足。德國香辣豬手豬手已經切好，可以一啖吃，非常方便。豬手炸得非常香脆，豬皮鹹香得來之餘，帶有一點香辣味，非常特別。豬肉也沒有很柴或者過鹹，每一啖都吃得很過癮。另外還配有兩款醬汁可以沾着吃，供客人有多層口感。

周末約埋閨密去西貢 hea，見到個環境即刻覺得「呢度打卡一流啊！」🤩 ，對食物亦充滿期待！🐷 德國香辣豬手上枱已經聞到陣陣香料味，豬手外皮烤到金啡色，一刀切落去「喀擦」一聲超級療癒！咬落去外皮脆，裡面肉質軟嫩多汁，帶少少辣椒香同蒜香，完全打破傳統德國豬手嘅油膩感～呢度嘅豬手仲要大大舊，兩個人分夠晒喉💥🦞 原隻新鮮澳洲龍蝦意粉成隻手掌咁長嘅龍蝦擺喺意粉上面，蝦殼已經剪開咗好方便食，龍蝦肉超級爽脆彈牙呀！意粉醬汁調配得剛剛好， 記得一定要撈埋龍蝦頭嘅膏，香到爆啊！😍🐔 薰衣草焗法國黃油春雞未開蓋已經聞到陣陣薰衣草香，揭蓋見到雞皮金黃油潤，薰衣草味隱隱約約帶出一陣高雅嘅香氣，完全唔會覺得兀突，反而襯托出雞肉嘅鮮甜～成個組合好有春日氣息！🌿呢餐咁正，同朋友食吓傾下計，真係成個週末都治癒曬～ #西貢美食 #龍蝦控必食

話哂都係西貢西餐廳，我吾期望食到fine dining咁，至少基本野都做足啊！平日諗住同小朋友入黎食個dinner見到menu好似ok就入左黎首先講講份量叫左3個set dinner 你以為百幾蚊好抵 哂氣一個set係fish n chips 正正常常啦算2件魚柳，一堆薯條第二個 松露pizza 個pizza根本係兒童餐sizePizza勁細第三個3個course龍蝦set原來係包 個個set都有既前菜沙律 ，2隻好細既炸蝦 同龍蝦意粉Ok fine 其實意粉份量都ok,係個pizza係癡線d再講講服務我帶住2個小朋友黎，本來想坐出面，但佢話有人食煙，所以比左入面我地，我無問題既，但結果坐入面都係d煙吹哂入黎，見到同時另一枱客都話鎳勁煙，佢話關左對玻璃門佢，但其實所有窗都開哂 吾知有咩分別，最好笑係 因為店員自己撞左2次對玻璃門，結果十分鐘都無又開返有安排baby chair bb餐具，老闆娘都有請我小朋友食糖但都係吾得。。。。。。。最嬲係 個set每一樣野都要催先黎，除左第一樣到既沙律，餐湯都係食到一半問先有，餐茶都係要問先會order,連加左$60既原隻龍蝦 都係無黎 要問佢 到底

昨晚一行3人，阿媽話要食西餐，於是行去果條「西餐街」，我地行來行去，諗緊邊間會好啲。呢間門口有位幾nice嘅姐姐拉客話主菜買一送一，我地細看應該係「買」$388嘅主菜，然後送下列一款二百幾蚊嘅主菜，我地都ok嘅，唔再行黎行去了。但入去坐低，個疑似老闆娘無俾到「買一送一」個餐牌我哋，佢一直介紹其他菜式，要我哋提及返門外拉客果位姐姐話有「買一送一」嘅主菜，先搵返第二個waiter攞到張餐牌。我地叫左1. 慢煮美國牛柳份量估唔到咁少，得果5小舊，張單落咗要5成熟，點知嚟到好硬，又唔夠熱，我話不如換左佢，但阿媽話算。2. 豬仔骨份量又好少，味道普通，唔夠肉汁，如果唔係買一送一，呢個豬仔骨要$268，配菜得幾舊薯角，少少菜，連茄汁都俾好少，就當麥記一包茄汁咁多，實在太唔抵了。3. 「星期一至日晚市套餐」揀左半邊龍蝦意粉，包粟米湯，蟹肉凱撒沙律，飲品。先講個湯，完全係罐頭湯加水直出，飲第一啖心諗：有冇搞錯啊，個疑似事頭婆幫我哋落單嗰陣時話係「粟米濃湯」，真係離晒譜了！然後個蟹肉凱撒沙律，啲蟹肉原來係一支支嗰啲假蟹柳，然後切幾粒出嚟，真係好嘢，咁都攞得出嚟俾客食，話係蟹肉。收緊啲高中價餐廳嘅價錢，但