101手工涮涮鍋 (金朝陽中心二期 - Midtown)

营业中

休息中

呢間lunch時間真係勁多人等位！咁佢又真係好抵食，$58就可以嘆三餸火鍋同飲品。而且飲品可以揀砂冰、冰茶或者盆栽奶茶，誠意滿分🙌🏻⭕️ 湯底我推介三杯雞，濃郁香甜，仲可以加辣，根本係為火鍋而設！ 都有試過蕃茄湯底，好好飲，同渝川拉麵特別夾。⭕️ 餸既話佢有好多選擇。我揀左秘製雞件+ 滑牛+生菜。真心推介雞件，又大件又鮮嫩，同幾常會俾雞脾肉添！⭕️ 每次都會叫盆栽珍珠奶茶，大大杯勁邪惡😈 雖然用餐時間得一個鐘但其實都好夠 而四個人黎仲可以坐卡位欣賞高層景觀添

香港地食飯真係好貴 🥲 近排食得太多 有點窮發現銅鑼灣竟然有六十幾蚊就埋到單嘅lunch set 就去咗試 ‼️ 重點係星期一至日都有lunch set 💓要知道weekend 好多餐廳都唔會提供套餐 ☹️上到餐廳 超多人等位 當中都有無少學生哥.🔸自選台灣涮涮麵 $58 (+10%) | ⭐️: 3.8/5 套餐可以揀 湯底+麵底+3個餸+飲品我就揀咗…湯底 - 田園新鮮番茄湯 🍅麵底 - 台灣渝川拉麵 🍜餸 - 秘製台灣雞件 + 甜不辣 + 韭菜豬肉餃飲品 - 盆栽特濃朱古力珍珠 🍫.🍅 番茄湯底味道濃 但唔似新鮮番茄熬製 比較似茄膏味道 🧐 但我覺得可以接受 😌 一分錢一分貨嘛~🍜 拉麵就中中庭庭 無咩特別 不過我覺得面質唔係好吸湯... 下次可能會揀米線…🐔 雞件卑超大件 🤣 推薦嗌 👍🏻其他餸就無咩特別 鍾意食咩就嗌咩啦 🧋盆栽飲品有少少失望… 佢個朱古力好明顯用水溝粉開… 麻麻地好飲 👎🏻 … 比較推薦汽水沙冰系列 🍹.整體黎講, 我覺得呢間好抵食💰糧尾首選火鍋 飲品 都無客氣 真係卑大大份你 🍲味道唔會話無敵好食 但性價比好高 😇部分座位仲有靚景睇 🏙唯一缺點係要等位 + 限時

＜101手工涮涮鍋＞餐廳Lunch11：30開始，每人限食1個鐘（落單起計）。一早聽聞呢度難約，所以一早10點幾就叫同事車我地過黎，11：20上到去已經有幾個人等緊，門口仲有菜單可以揀好想食既野先，一坐底就可以落單。Lunch食法係一鍋可以揀湯底、3款配料（另加配料每款$8）、一款主食再加一杯特色飲品，另外再加一服務費。今次我揀左台灣麻辣湯大辣，味道都幾香濃，有少少甜味，除左唔夠辣，個人覺得都幾滿意。配料：因為好肚餓😂所以有d貪心咁揀左秘製台灣雞件、台灣沙茶滑牛片、蜂巢豆腐同埋米血糕4款配料。台灣雞件好大件，入口都幾嫩滑。沙茶牛肉有幾片大大片，但有少少韌。米血糕非常煙韌但冇乜味，純粹食個口感。主食：台灣渝川拉麵：未食過所以傾得意試下，其實係同上海粗麵差唔多，都幾煙韌，撚埋麻辣湯食一流👍飲品:飲品款式非常多，我今次叫左台灣烏梅沙冰，黎到個樣有d似凍倉清完雪櫃果d冰咁😂😂，另外會跟一罐雪碧俾你自己加。沙冰似落酸酸甜甜，幾開胃，味度同念慈庵果隻烏梅喉糖有9成似😂。另外同事叫左盆栽特濃朱古力，佢話味道非常濃郁。Lunch跟餐飲品做到咁有心思真係值得一讚。最後，因為要等個鍋熱，我地2個男人起勢係

📍 【午市超抵食涮涮鍋】- 101手工涮涮鍋如果喺銅鑼灣附近返工，呢一間涮涮鍋一定係必食之選。 抵食得黎又有靚景，而且啲料都唔錯，自己都同friend嚟過幾次😳😳Lunch Set涮涮鍋 💰$58加一 限時一個鐘呢個價錢係包三款餸同一杯嘢飲🧋自己覺得餸就一定要嗌秘製台灣雞件，啲雞係勁嫩滑又大嚿😂 其他餸就悉隨尊便啦，質素都唔差㗎👀 湯底自己覺得偏淡，但係同價錢成正比🥸而嘢飲方便，佢包既嘢飲都唔係求其㗎！唔係送嗰啲咖啡，奶茶比你😹 佢係包勁大杯珍珠奶茶，沙冰特飲或者係水果茶 (個人覺得特濃朱古力珍珠好飲xd)當然啦唔可以同出邊嗰啲珍珠奶茶比但呢個價錢黎講都幾夠誠意㗎！撞正好天嘅話仲可以欣賞埋一個藍天海景，真。抵食又有景睇，所以佢lunch時間都好full🤪最好就12:00前入座比較好😉

上年曾經來食過午餐，記憶中食物質素不過不失，但勝在平，而且有大大杯台式飲品，餐廳寬躺開揚，坐得又舒服，所以決定再encore午餐多次。今次都好開揚，外面的景色都唔錯。價錢依然好抵食，一人火鍋可揀3餸，包一杯飲品，$58加一👍🏻銅鑼灣真係好難搵到。壽喜燒湯底：偏了一點點🤏台灣沙茶滑牛片：份量都不少，牛肉都充滿沙茶味。秘製台灣雞件：唔係好新鮮😵‍💫我咬咗一啖就食唔去。唔係雪藏味，係有種快要變壞的感覺。台灣渝川拉麵：麵質幾好，掛湯而且有咬口，值得推介。珍珠奶茶：好淡，好似溝咗好多水，無奶味又無茶味。食到中段，冰又溶左d，完全飲唔落去。記憶中上一次都係飲呢個，上次係覺得ok。朋友叫左香辣三杯雞湯底，揀左小辣，但小辣變咗大辣。想食小辣的話，可能要揀番沙茶湯，或者同店員溝通下～總括而言，雖然價錢依然咁抵，但感覺食物的質素下降了不少，可能沒有下次了。

老公今日帶我去面聖 食銅鑼灣最扺食既午餐第一位 我同老公 竟然點左同樣既三個餸 唔同既只一個走蔥 一個無蔥😂😂😂湯底 選一個 我地選左沙茶 好香 唔辣 👍面就選左米線 面質好滑 我地同樣點左 台灣沙茶湯牛片 鮮蝦雲吞 同 墨魚春卷 最出色是個牛肉 好滑 又香沙茶味 但唔知點解好有沙爹牛既味道😬 正👍粒雲吞一般 都幾細粒 個皮 不是平時既雲吞皮墨魚春卷都唔錯 有三條 雖然唔大條 但都幾飽肚 第二正是個杯餐飲 是平時賣開$30 起既飲品 有沙冰 有珍珠奶茶 🧋 我就選左杯特濃朱古力珍珠餐廳環境好舒服😌 觀景好開揚 最扺是個價錢 銅鑼灣食 竟然$58 加一就可以走人 真係無得輸 難怪可以做銅鑼灣第一位👍

-呢間我係食午市嘅，開頭望個價錢都嚇親，咁平仲要包咁大杯野飲，店員有keep住睇知爐會唔會痴底，幾時要熄火，見到有啲食評過有海景，係就係有，不過得一兩個位望到海Lunch揀一個湯底、三款餸、一款麵同埋冷熱飲品，留意返有加一，一嚟到已經扔哂料落一鍋入面🥘香辣三杯雞湯 小辣 $58三杯雞湯當然要揀返啲雞做配料，餸揀左秘製台灣雞件、台灣沙茶滑牛片、米血糕，麵揀左渝川拉麵，個湯我完全唔覺得辣，雞大約有4件左右、都叫做大大件，牛肉似沙爹牛肉、比得都多嘅、我鍾意牛肉多過雞，米血糕大小不一、同出面食嘅一樣，拉麵似淋版嘅烏冬冇公仔麵咁易淋，好咬，湯底唔濃，整體嚟講成個鍋好多料好飽🥘台灣麻辣湯 中辣 $58餸揀左脘魚片、鮮蝦雲吞、日式芝士竹輪卷，麵揀左公仔麵，我自己鍾意呢個湯底多啲，偏四川口味嘅辣，魚片咬落爽口但有骨，雲吞好食☺️、竹輪爆汁🧋盆栽珍珠奶茶佢係Oreo珍珠奶茶，水準當然同出面奶茶鋪冇得比，珍珠係ok、奶茶嚟講都唔差，呢個價錢仲要咁大杯已經合格 🍹柑桔檸檬沙冰 ＋ 可樂呢杯我真心唔明佢點樣會要人揀汽水，本身已經夠味，加完係檸樂咁#sorriso_港島 #sorriso_銅鑼灣-📍101手工涮涮

之前去101都有食過佢地既小火鍋，對佢念念不忘，一於今日再去食翻餐。原來尼見一直做緊$58 一人小火鍋包 一杯野飲！甘姐系平過101 肉躁飯專門店！一個餐可以選擇一款湯底+三款配料+一款麵底🍲台灣麻辣鍋：有少少似譚仔既辣味，有少少失望，但羊咩叫左小辣已經好辣，唔食得辣既朋友千期要小心，不太濃郁🍲香辣三杯雞鍋：同之前系101肉躁飯專門店食既湯底一樣都系紅啊濃郁，甜甜辣辣，好爽🍜米線：好易碎曬，太唸身🍜渝川拉麵：好彈牙，有少少似烏冬🍗雞腿件：大件夾抵食，索曬d味好正🥯小湯包：好食，好juciy，滿滿既肉汁🍸🍧兩杯盆栽珍珠都系十分推介！大大杯，朱古力味超級濃郁，上面滿滿既oreo碎，香芋味唔會話好死甜！讚讚！尼杯原價都要$2x，抵到爛！不過食既時間就得一個鐘，食得比較趕，等佢上湯底同野飲都等左15分鐘，雖然材料就擺曬落個邊爐度，但45分鐘就食得比較趕時間，同埋趕住汁野甘，有少少似趕客。🌟整體CP值：8.5/10 超級抵食！一人分量都幾多，但食得就有d趕。記住佢lunch時段先有尼個menu!

真係估唔到假日都有呢個set lunch，同平日一樣$58加一包飲品，一人鍋包一湯底+一麵+三餸，飲品仲可以配特飲，埋單每人$64，有窗口卡位，服務又唔錯，唯一美中不足係限時60分鐘，所以大家千祈千祈千祈要揀好食乜先入座，lunch 由11:30開始架！我哋三個人各叫唔同餸，然後大家share，脘魚片/秘製台灣雞件/台灣沙茶滑牛片/日式芝士竹輪卷/日式章魚餅/台中福茂貢丸/冬菇雞肉餃/墨汁香腸/韭菜豬肉餃，首先每碗已經有大約4件粟米、兩片蕃茄、兩條菜、少許芽葉，所以可以唔使額外叫呢幾樣，而綜合以上9款餸，推介有雞件、牛片、芝士竹輪、貢丸同香腸。湯底就試咗沙茶同蕃茄呢兩款，兩款都唔錯幾香濃，辣果啲湯底我哋就唔知味道如何喇。另外麵我哋全部都揀台灣拉麵，特別啲嘛，口感有啲似日本烏冬，煙煙韌韌幾好味仲好掛湯。至於飲品，我哋叫咗巨峰提子砂冰、盆栽珍珠奶茶、熱柑桔柚子蜜，砂冰已經無倒插支裝汽水，但齋巨峰砂冰已經好好味，所以我無另溝汽水，至於盆栽珍珠奶茶，家姐話少冰之後仍然淡，同埋珍珠好硬，我見佢只飲咗兩啖，放棄了。三人共消費：$192

一直都很想來試，據說這裡坐得舒適，而且有酒類任飲，非常適合和朋友慢慢用餐和談心。今次是星期六來，11點可坐到4點，你說誇不誇張，如果不追加付費食物，也只是$398加一一位，算很便宜當中只包一盤肉，友人不吃牛，所以點了豬，但我覺得肥了點，所以無吃，而當天很可惜蜆未到貨，要3點才有，所以無緣⋯套餐包的手工丸子全部都令人喜出望外，全部都好彈牙，好濃味，尤其那個烏黑的墨汁鳥結糖，好新鮮，墨魚味濃郁，好爽口，不過不是任食的響鈴是即炸的，大家都應該想像到有幾好食，浸幾秒在湯中吸收了湯汁再吃，微脆再加上油脂香，好邪惡，不過好好味鹹蛋魚皮都係無得彈，這對真是極邪惡組口魚可以任叫的，幾新鮮飲品雖然是任叫，但絕不馬虎，造型有心思，味道又不錯下次會再來的

踏入5月已經開始轉熱，但係有陣時會有一鋪打邊爐嘅癮，所以就約咗朋友係晏晝嘅時候打邊爐，本身想去食放題嘅邊爐，但係一諗到未必會食到咁多嘅時候，就決定食一啲一鍋熟嘅東西， 突然醒起呢間餐廳嘅午市十分之化算，而且又可以遠望維港景色所以就嚟咗呢度食啦，一去到已經見到所有人都係食同一個套餐，而且就算去到下晝兩點幾都仍然係不停有人入座。火鍋方面可以自己揀湯底我就揀咗壽喜燒湯底，選擇咗牛肉芝士丸等等，佢嘅台灣麵我覺得非常之好食，而且飲品亦都有大大杯嘢飲，真係拎嚟打卡都已經超值!為免朋友入鏡所以淨係剪輯咗自己嘅嘢食🙈

抵食台式火鍋🍲四個人去試四個湯底～ 大部分湯底都值得試!!! 三杯雞、蕃茄同壽喜燒湯底偏濃 而豬骨湯似清湯偏淡 咁啱我嗰日腸胃唔太舒服都幾啱🤣 但特別啲可能可以試吓三杯雞~ $58起3餸 算有幾多選擇 當中鮮蝦雲吞最推薦 好足料 再去都一定會叫多次!!! 另外，職員唔趕人走超加分😚同朋友食咗差唔多兩個鐘傾得好開心 最後要轉晚市先請我哋埋單~ 美中不足係啲玻璃有啲污糟😂 想影igable嘅foodie相未必有街景 T^T

因為之前喺灣仔返工嘅關係，同事介紹嚟呢度食午市套餐打邊爐， 50幾蚊一個餐，可以烚吓烚吓幾過癮今次專登帶埋個朋友過嚟食下，呢度嘅環境好唔錯，如果坐窗邊卡位就超正呢個午市套餐包一個湯底，三款配料再加一款粉面，然後再加嘢飲我哋一個叫咗蕃茄湯底加雞肉芝士竹輪卷同埋餃子，另一個叫麻辣湯底配芝士腸芝士竹輪卷同埋午餐肉食過好幾次，佢嘅蕃茄湯底同麻辣湯底都算出色，蕃茄湯底有鮮甜嘅蕃茄味，麻辣就辣得都幾過癮，芝士竹輪卷係獅子狗入面有流心芝士芝士腸都係正既嘢飲方面佢個朱古力珍珠超好味，入面有啲cream同Oreo 碎，同埋朱古力味都夠濃，珍珠夠煙韌我哋另外再叫咗一個手撕雞，食落就覺得差過之前，同埋每次食都一定要叫佢再加辣椒油要注意嘅係佢三點就會last order四點就會趕人走

已經係第三次嚟呢度打邊爐今次特登帶埋啲同事嚟試吓，食完大家都讚不絕口。多謝經理特登安排咗間房俾我哋坐，一路望住靚景打邊爐真係好正。嘢食方面其實全部都好高質，個蛋黃魚皮真係好好食。其他手打丸都好正。其他火鍋配料都好多種類任人揀😍嘢飲佢哋真係完全唔孤寒，紅酒白酒任飲，真係成支酒拎晒俾我地飲。同埋唔限時黎講$470連埋+1真係好抵!呢間真係好值得encore再encore!

之前經朋友介紹過食咗一次之後就成日食～基本上係嚟親銅鑼灣都會食呢間午市火鍋可以自己選擇湯底同埋面 或者飯$58已經包左三個餸，有好多唔同嘅配料可以選擇而且都好新鮮💓仲要包埋特色飲品🍹🍸 平時如果去Cafe嘅話一個咁樣嘅特色飲品其實已經五十幾60～之前食嘅時候係50幾蚊而家加咗幾蚊好明顯睇到份量比以前少，不過好彩依然咁好食又抵食，以前如果叫拉麵嘅話呢一定食唔食 但係依家份量少咗之後呢就會食得晒非常建議大家叫拉麵 如果叫出前一丁嘅話呢就會好快林佢哋而家做緊4:00要離場，落場，3:00 last order，最遲兩點幾就要到啦～ 仲有海景睇，佢有一個室外嘅位置可以企出去影吓相同埋食煙～ 之前黎嘅時候藍天白雲真係好靚㗎