101手工涮涮鍋 (金朝陽中心二期 - Midtown)

营业中

休息中

湯底+3款餸+1款麵，再加飲品淨係$58，簡單係抵到爛。是日嗌左台灣麻辣湯，中辣配渝川拉麵。麻辣湯中辣大約係譚仔5小辣既辣度左右，渝川拉麵即使煮左成粒鐘，都唔會太淋爛曬，麵勁岩岩好。朋友嗌左豬骨清湯，我試左幾啖湯底，好淡無咩味，而且佢嗌公仔麵底，煮左幾分鐘就需要全部撈起，無撈起果d，最後淋到一pat 野咁。配料方面，嗌左5款，有雞件，滑牛片，芝士竹輪卷，鮮蝦雲吞and萵荀，每款大約有2-3件，不過不失。

適逢一個月一次嘅飯聚 男朋友話想打邊爐 之後喺開飯啦搵下啦 點知見到間正評超多的邊爐放題 咁就去訂啦我哋6點準時到 之後就叫嘢飲同湯底 第一轉就係套餐嚟 之後可以無限添加 不過牛肉個啲要加錢的 我哋叫咗一陣 啲嘢食勁快到 服務態度非常好👍🏻 但美中不足就係冇人收碟同埋太窄 但我都會再嚟

好耐無見好兄弟啦 應該一年有多 今晚同兩位型男食得盡興 傾得開心😃-今次係我哋三個第一次食呢間任食既台式邊爐🫕 不過所謂「任食」其實係有d tricky既 因為頭輪除左有1個湯底 我哋想食個清d 所以要左個冬瓜卜卜蜆海鮮湯底 賣相幾正 湯底幾清甜 蜆都算鮮 只係肉就細d 唔夠肥美 另外 仲有一次性以人頭計既1. 安格斯牛頸脊 2. 手工丸類拼盤 3. 響鈴炸魚皮 以上全部都好食高質 特別個響鈴好有驚喜 第一次見咁長既🤣🤣 當我哋諗緊點樣放入鍋時 店員好好咁自動幫我哋cut開一半 聽到非常清脆既聲音就知係正嘢啦 果然放入湯中約3秒即食好好味啊 😍😍 -另一個驚喜位係「任飲」 種類都唔少 有啤酒 紅白餐酒 汽水沙冰 cocktail mocktail 水果茶 等等 種類繁多 味道都唔錯 好適合成班frd 吹水飲酒🍻 盡慶一下啦-甜品都係任食 有珍珠盆栽 同埋每人一碗既台灣芋圓仙草凍糖水 d芋圓煙煙韌韌 口感甚佳 仙草就QQ 不錯食 -服務都不錯 會主動幫我哋cut 響鈴同埋冬瓜 又主動幫我哋影合照同加湯👍🏻👍🏻-可以慢慢食 因為限聚令關係好多餐廳萬市都有限時做兩輪生意 都明白既 依家生意難

🥘🍗🥩🥟🍜台灣涮涮鍋 ($57/Lunch set)•香辣三杯雞湯底•秘製台灣雞件•台灣沙茶滑牛片•韭菜豬肉餃•台灣渝川拉麵-依個Lunch set真係好低食🤪三杯雞湯底我嗌左小辣，個辣度岩岩好，唔好太辣又過到辣癮，下次應該會試下麻辣湯底🌶配料同麵份量都好夠，俾左勁多件雞我🤪多到食唔曬😂依個lunch set重包埋杯嘢飲，係韓國餐廳五十幾蚊個啲特飲，所以成個餐先$57真係好抵👍🏻不過真係好多人食，所以要預多啲時間去排隊😂

呢間閒日lunch set一人一鍋抵到爛只係$57起有3個餸揀仲會包一款麵本身煲入面配料都有少量生菜、芽菜、粟米同番茄🥴再整番杯大大杯特飲真係飽到上心口🤪而且坐到窗邊仲有靚景睇～——————————————-—————————🦦湯底：分別揀左壽喜燒湯同沙茶湯兩個煲都係越煲越濃但壽喜燒湯就會偏甜個人較鐘意沙茶湯🤪好濃郁入味🦥麵底：麵黎講我會推薦揀台灣渝川拉麵好煙韌好咬 而且都好索湯🥴就黎擺係煲滾得耐都唔會淋到一patpat🐖餸：👍🏻沙茶牛肉好正～份量好多又幾軟淋👍🏻芝士竹輪都係必叫～煮耐啲入晒味更正🥴👎🏻小湯包呢個就麻麻地😂類似小籠包但係好厚皮同唔多湯👉🏻鮮蝦雲吞好似即食果啲咁冇咩特別👍🏻雞件以前食過 都好多舊又滑 唔錯🥤飲品（跟餐）盆栽珍珠奶茶：茶味都香～有啲似伯爵茶茶底咁 份量好多不過珍珠唔太夠 比多啲就好了☺️盆栽特濃朱古力珍珠：朱古力味好濃！撈埋啲cream同oreo碎就更正 又成杯都creamy左～都係珍珠唔夠既問題🥺❣️我既推薦組合係沙茶牛、芝士竹輪同雞件配拉麵，沙茶湯底同飲特濃朱古力珍珠🥰——————————————-—————————🎀btw唔記得影menu所以用左openr

呢排節省mode 開啟但咁啱身處銅記覓食原本以為要控制budget喺80蚊以內有啲難 估唔到其實好多選擇呢間絕對值得一試我哋兩個人每人一個湯底 各自加自己喜歡的三款餸（大胃王如我可選擇叫匀魚牛雞）再加無敵大杯水果茶埋單連加一都只係130蚊度如果你好彩 仲可以獲「分」豪華靚景位添（但我哋幫襯嗰刻係獲發冇景位嘅！）我叫麻辣湯底 我朋友嗰個係豬骨湯我朋友猛讚好味 但我就麻麻我嗰個第一唔夠香 第二甜得滯 第三唔夠鹹講番啲料牛同魚都冇乜特別反而雞肉就無敵大塊 但又偏偏好滑芽菜夠肥美 但因為湯底不對味 加上白飯煮得好稀爛吓😿所以有點失落不過咁 咁嘅價錢有咁好嘅環境小妹還是覺得可以再嚟只係會向麻辣湯底說不順帶一提別對服務有太大期望😬

難得同朋友想食火鍋今次就嚟咗呢度食間好啲嘅呢度都出名㗎之前好受歡迎雖然價錢有啲貴 不過都值得嘅首先佢哋嘅放題係無限時任食即係坐幾耐都得完全食飽先走湯底係真正嘅湯而唔係味精佢哋仲有極優質嘅牛肉同丸雖然唔係無限任加不過都絕對滿足到其他火鍋配料有得任添都算唔錯啦有鴨血嗰啲㗎另外飲品都好特別除咗又唔同酒精飲仲有無酒精雞尾酒同埋其他特飲顏色同味道都相當唔錯最後不得不提佢哋嘅無敵大海景咁靚嘅地方食嘢人都會開心啲㗎

今日放學同同學諗唔到食咩想過咗銅鑼灣搵野食佢地話之前食過好飽好抵食所以我地就去咗食呢間野我都bookmark咗好奈如果好彩仲可以坐窗口位睇海景今日2:40左右去到等咗十分鐘左右就入得$58 包湯底 三個餸 飯/粉麵同一杯無酒精飲品我就揀咗麻辣湯 叫咗中辣 但如果你同我一樣去譚仔都食到大辣既佢呢個中辣就好似譚仔10少咁完全唔辣😂😂😂下次會叫大辣😆野飲有好多款普通既汽水、水果茶、沙冰仲有珍珠奶茶 都有分幾款佢上面會加Oreo同cream 真係超級大杯 同埋都好好飲下次想試飲水果茶🤣🤣🤣總括黎講咁多野加埋一都係$64 呢個地段黎講真係算平想打邊爐既可以一試

尖沙咀店執左笠之後我都好掛住101有機會黎CWB一定要再試lunch set套餐包一款湯底加三個餸再加野飲都只係64蚊(已包加一)如果咁岩安排到好位置的話仲有海景睇tim強力推介 但係如果去食有心理準備要排隊同埋用餐時間只有一小時 不過對小編黎講已經夠哂數。香辣三杯雞湯非常惹味濃郁有少少辛辣又帶甜既口感但係個辣度係大多數港人可接受本身已經有配左芽菜 蔥同粟米件台灣黑椒腸令我回憶起台灣既味道台式沙茶滑牛片都係份量十足食肉獸一定必叫 個牛勁滑又新鮮台灣渝洲拉麵🍜份量好多而且面既質地扁粗身渝川拉麵係個邊爐入面吸湯之後既風味一流煮耐左都唔會因為軟左以無左彈力。總結101係CP值超高既選擇呢個價錢 佢既火鍋料環境服務質素都高汁員工有禮貌 無咩可以挑剔位嚟開銅鑼灣想打邊爐必然會諗起佢由TST到CWB都保持到水準咁多間一人一鍋既台式火鍋店中101暫時都係小編既Top One 百吃不厭。食物：8.5/10價錢：9/10環境：8/10。101手工涮涮鍋 (金朝陽中心)銅鑼灣登龍街1-29號金朝陽中心2期29樓。 

小編今次轉移陣地 黎到銅鑼灣尋覓港島至抵食火鍋😚去開銅鑼灣嘅朋友 相信對登龍街都唔會陌生😉而位於金朝陽中心29樓嘅101手工涮涮鍋就係今次嘅主角啦～平日午市set包一款湯底、一款麵、三款配料同一款無酒精飲品，額外配料再加$8。座位闊落企理 而且可以望到少少海景🌊🤩雖然價錢平 但係食物質素同用餐體驗都唔馬虎👍🏻唔怪得知成日大排長龍，小編都等咗1個鐘🤧湯底有麻辣湯、三杯雞湯、沙茶湯等特色湯底🥰配料除左平時見到嘅丸類 都有唔少台灣配料例如米血糕、甜不辣🤤雞件大大舊 目測係雞脾位🍗食落帶啲酒味 有少少醉雞feel~芝士竹輪卷一咬落去就有芝士汁爆出黎 值得試下🧀 甜不辣似係好大塊嘅魚糕，鍾意魚板嘅可以嗌😗如果麵係另上會更理想。嘢飲種類多 而且大大杯 🍹賣相仲用心過出面幾百蚊嘅放題！不過味道就有啲人工，兩杯飲落幾似能量飲品，個人就比較推薦芒果沙冰🥭整體質素正常 驚艷就未至於，但係呢個價錢呢個環境呢個view😳係銅鑼灣真係唔知邊到搵，完全打破咗「平嘢無好嘢」嘅定律~ (不過下下等1個鐘都唔係辦法🤣)🌟 自選台灣涮涮鍋 - 日式壽喜燒湯 ($58)🌟 秘製台灣雞件🌟 日式芝士竹輪卷🌟 甜不辣🌟 愛文芒

|Bookmark推介👍🏻✨｜闊落海景位嘆自選邊爐🤤加台式特飲🧋$57 ONLY❗️😍小JunJun未去之前見咁抵就冇抱咁大期望，點知整體真係物超所值🤩，大大力推介👍🏻，未試真係要bookmark定去試吓！😆~🍽午市 $57 包一款湯底x 三款配料 x 一款麵底 x 一款無酒精飲品~👉🏼湯底: 田園新鮮蕃茄湯🍅 蕃茄味濃郁鮮甜惹味，成個湯都浸到茄紅色😍 友人叫咗嘅豬骨清湯就比較淡👉🏼配料: 1️⃣🍗秘製台灣雞件:最扺食配料！超大舊Size近乎手掌心，肉質嫩滑厚實唔肥2️⃣🥩台灣沙茶滑牛片: 牛肉片鮮嫩唔肥而且保留牛味，唔似落鬆肉粉嘅牛片3️⃣😋米血糕: 咸咸地幾飽肚，口感結實冧糯幾得意👉🏼麵底: 台灣渝川拉麵呢款麵底好夠份量！2個人份量咁淨，大食嘅朋友可以選擇😂 拉麵偏粗身，口感滑溜有嚼口，煮耐啲會增加湯汁稠度😋😋👉🏼飲品: 盆栽香芋珍珠/ 盆栽珍珠奶茶又係勁大杯🤣 味道合理芋香味好夠雖然唔算天然，另一款就係朱古力味，珍珠唔多，就咁睇係睇唔到佢嘅存在😂😂面層有忌廉同曲奇碎添口感不過午市不設訂位，要預啲時間排隊🥺另外有限時一個鐘，留意番啦😉📍101手工涮涮鍋銅鑼灣登龍街1-29號金朝陽中心2期29樓

呢間餐廳真係要大大力推介🤩我睇住呢間餐廳由兩年前繁忙時段冇乜人幫襯😵至到而家每日都超級多人😝中午12點開始就要排隊😱但係都冇乜點加過價🥳🥳佢仍然都係非常非常之抵食‼️佢唔使$60就包左一個火鍋、一杯幾靚嘅特色飲料‼️‼️仲有無敵大海景🤩 佢嘅火鍋湯底有唔同嘅選擇😚我哋叫咗嘅蕃茄湯底同埋麻辣湯底 都非常之濃郁同好味😋亦都可以自選唔同嘅火鍋配料同埋面底😗😗有多款選擇😝小編特別鍾意佢哋嘅芝士竹輪卷🤩一咬落去芝士就爆曬出嚟🤤🤤芝士控必食 🧀 仲有佢哋嘅鮮蝦雲吞同埋鴨胸🤩雖然鴨胸唔係厚切同埋鮮蝦唔係超大粒🧐🧐但呢個價錢黎講 味道已經算唔錯🤤 仲有小編係朱古力控 🍫 所以每次去到都會叫盆栽朱古力珍珠飲🥰朱古力味算幾濃郁😚😚不過如果珍珠再Q彈一啲就更好🤩唔鍾意朱古力嘅仲可以揀其他特色飲料🤗例如普通珍珠奶茶、水果茶、巨桻提子沙冰等等🍹總括嚟講 呢間餐廳嘅食物質素唔錯😝又有海景睇🤩真係超級超級抵食‼️非常之推介俾大家一試😋😋😋 好味：8.57/10🤑 價錢：9.46/10🤗 服務：7.99/10😝 環境：8.44/10😚 衞生：7.27/10🤩 整體：8.99/10

101手工涮涮鍋係lunch hour 出左個lunch set 超抵食😘價$57包任選一款 湯底🥘任選一款 麵底🍚🍜任選三款 配料🥟🍤🍥（第四款以上每樣另加$8）任選一款 飲品🧋🥤🍺🍹佢哋有6款湯底揀👉🏻台灣麻辣湯🌶、香辣三杯🌶🐓雞湯、🐖台灣豬骨清湯、台灣沙茶湯、田園新鮮番茄🍅湯、日式壽喜燒Sukiyaki湯🤭🤭麵底都有六款啊👉🏻白飯🍚，米線，公仔麵，台灣渝川緬，出前一丁(+$6)日本讚岐烏冬(+$12)配料有好多唔同台灣地道美食👉🏻小湯包🤤，台灣秘制配料🤤，🤤血米糕等等等等😋✅台灣沙爹湯-配日本讚岐烏冬，湯包，台灣沙茶滑牛片，鮮蝦雲吞✅日本壽喜燒sukiyaki湯-配讚岐烏冬，秘制台灣雞件，午餐肉，韭菜豬肉餃🤍沙爹湯意外地唔太濃味😭🤍壽喜燒湯意外地好鹹😅❤️d沙茶滑牛淹得好入味 烚完d味道仲好濃 😚❤️秘制雞件 烚完都唔會韌 肉質都唔會好乾😉❤️第一次食呢間餐廳 兩個人係有得坐大房 😚😘地址：銅鑼灣登龍街1-29號金朝陽中心2期29樓🚅：銅鑼灣地鐵站B出口，步行約三分鐘就到啦🏘營業時間：星期一至日11:30-15:30，18:00-21:00

101手工涮涮鍋大家應該唔陌生不過非常推薦大家去銅鑼灣分店✨金朝陽中心全棟食肆林立，個view好正🤭之前lunch hour 去食，$57就可以自選𝟯個餸+飯或麵+飲品😦勁抵食😌湯底有6個選擇👉🏻台灣麻辣湯、香辣三杯雞湯、台灣豬骨清湯、台灣沙茶湯、田園新鮮番茄湯、日式壽喜燒Sukiyaki湯🍲麵底可以揀米線、白飯、公仔麵、台灣渝川拉麵等等🍜配料更加係任選三款！有好多都係台式食材😝 好似甜不辣、米血糕、台中福茂貢丸、黑椒台灣腸、台灣沙茶滑牛片、重點係有我最鍾意嘅日式芝士竹輪卷😍 配菜有芽菜、大蔥、蕃茄、粟米等；就連飲品都唔會Hea你🙈 全部都係特色嘢飲勁吸引🥰 叫咗盆栽香芋珍珠同埋愛文芒果水果冰茶🍹呢個價錢，呢個海景，食物份量絕對夠飽💪🏻 絕對係要encore😝

銅鑼灣必食午餐🥘呢個午餐，小編已經食過無數次，因為真係超級抵食而且超高CP值。一個價錢包埋海景，包午餐，仲包嘢飲，真係超級正🤩一款湯底+3款餸+一款麵+一杯無酒精飲品 $64（連加一）1️⃣田園新鮮蕃茄湯🍅秘製台灣滑雞件🍖，台式沙茶滑牛片🥩，日式芝士竹輪卷🧀配米線🍲蕃茄湯底🍅中晒小編嘅口味，蕃茄味道非常濃郁，味道偏甜帶微酸。食落去好清新🤩配米線食一流👍🏻滑雞件有三大嚿🐓，分量十足。每舊都有半隻手掌咁大。味道方面，唔會太鹹亦冇雪味。食落好滑，做餸唔錯👍🏻牛肉片方面，大概有五至七片🐄份量適中，容易咬開，唔太重牛味。食落似譚X嘅牛肉😅日式芝士竹輪卷😙有兩舊。咬落去有做到流心芝士嘅效果🧀超級正😝平時買都要起碼$5 一舊，但呢度都有得嗌，真心CP值超高👍🏻米線方面🍜，分量唔算多，但女仔食就啱啱好😙。咬落去容易斷，算係比較淋果一種。但配蕃茄湯🍅都幾好食。2️⃣香辣三杯雞湯 🌶BB辣秘製台灣滑雞件🍖，台式沙茶滑牛片🥩，蟹粉丸🦀配台灣渝洲拉麵香辣三杯雞湯BB辣已經好辣🌶。佢嗰種麻辣偏咸，飲一啖個湯底會喺喉嚨辣返岀黎😂小編食開三小辣，但都覺得呢個BB辣好辣。所以食得辣嘅朋友都可以挑戰下。但呢一個湯底食到最後會越