101手工涮涮鍋 (金朝陽中心二期 - Midtown)

营业中

休息中

以前成日有幫襯尖沙咀果間，一星期可以食幾次，自從離開左果頭，就無食過101，今日離難得有long lunch就來回味下價錢仲係咁親民，眼見佢好多學生食就知佢幾貼地。$58 包野飲仲想點叫左蕃茄湯，公仔麵，粟米，芝士竹輪同必叫既雞肉！個蕃茄湯仲係非常濃郁，佢係愈煲愈濃愈好味，當日個粟米仲要超級甜！成個湯都好好味，唔小心飲左好多個人推薦一定要叫雞件，d雞係件件都肉，仲有4大件，佢本身己經有調味，好味。蕃茄湯配公仔麵都一流，為免太淋，我會先拎起個麵，但煲野熱左再掉入去野飲就中左伏，成支吱吱冰味咁。不過overall, 都好味既

🥚🥚🐷學生最愛 銅鑼灣平價自選涮涮鍋✨性價比：9/10🍳食物：7/10 🌏環境：7/10🕺🏻服務：7/10💰是次消費：人均$57+ 10% (午市套餐)#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃台灣菜————————銅鑼灣金朝陽中心2期高層，有一間午市排滿門外的台式火鍋店，大部分還是學生。能夠深受眾多學生喜愛，一定是價廉物美的好店，沒有預約的我們都一併排隊輪候。午市套餐包一湯底，三餸一麵，還有飲品。選擇很多，自由度高。說穿了其實是一碗麵，不過特色是底下有個氣爐一直燒著，有一人火鍋的感覺。我的選擇： 日式壽喜燒sukiyaki湯＋台灣沙茶滑牛片＋黑椒台灣腸＋蟹粉丸＋台灣渝川拉麵＋盆栽香芋珍珠-壽喜燒湯唔馬虎，與日式火鍋湯底接近-滑牛片只有3小塊，而且不滑，有些還咬不開-台灣腸被切成一塊塊，其實份量很少-蟹粉丸3粒，與外邊的無異-渝川拉麵口感像扁身鳥冬，麵底很大，是整餐吃得飽的原因-最值得讚賞是飲品，超大杯，而且味道正常，面頭還撒了不少oero碎媽媽選擇：香辣三杯雞湯＋秘製台灣雞件＋花枝丸＋白蘿蔔＋台灣渝川拉麵＋盆栽炭燒咖啡珍珠-忘了選擇湯底辣度，結果出來都幾辣-雞件

係銅鑼灣黃金地段，要有性價比CP值高的火鍋午餐，真係唔多地方有。而哩間做左多年，都維持哩個價錢，絕對冇得輸。所以永遠都好多人排隊等位，而且午餐食飯時間只有一小時，所以一係一早入座，一係兩點後食。環境絕對唔錯，如果有機會坐窗邊更可以望到銅鑼灣景色，環境完全chill，當然衛生方面都還可以接受，地板唔會有黐立立嘅感覺。食物方面我點左台灣沙茶湯底，沙茶味濃，唔食辣之選。每一個套餐可以點選三個餸+一個麵底，每一款餸都有兩三件左右，而麵底當中台灣渝川拉麵，份量多而最有飽肚感。我已經食過幾次，都覺得CP值仍然高的銅鑼灣區午餐。

💥性價比超高嘅午間海景火鍋📍101手工唰唰鍋｜銅鑼灣📍埋單 $ 6 X#CL銅鑼灣 #CL四圍食 #CL台灣野⚪️⚪️⚪️⚪️⚪️⚪️⚪️⚪️⚪️⚪️101嘅午間定食火鍋係區內係數一數二嘅😍 12點開始就有勁多人排隊，因為咁佢嘅入座限時係只有60分鐘🥲叫得嘢食黎等埋個鍋其實都已經冇咗三個字🤣次次嚟食親都好似要同自己鬥快咁🥸💟自選三餸配台灣拉麵揀咗唔鞋口嘅雞肉、脆肉鯇、豆卜💫湯底叫咗三杯雞非常推薦🤤除咗本身叫咗嘅餸之外呢入邊仲有粟米呀蕃茄啊少量嘅菜🙉所以其實係絕對係會食得飽嘅💛今次亦都因為我哋人多啦所以可以入咗去唯一嘅包廂入邊係望到出邊嘅海景㗎😍不過真係睇得來都唔夠時間食啊🥲另外不得不提嘅係佢跟餐係有嘢飲嘅❗️普通只係凍檸水凍檸茶就梗係唔推薦比大家啦🤣佢係有跟一啲台式飲品譬如水果茶、珍珠奶茶咁樣嘅🤤最近仲發現佢嘅Menu upgrade咗啊連酒精類飲品都有得揀添😉🤟🏻不負責任點評✌🏻好味道🌕🌕🌕🌕🌗性價比🌕🌕🌕🌕🌕回頭率🌕🌕🌕🌖🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

原來銅鑼灣食平野都有好多嘢揀，今日就去左101手工涮涮鍋試下，一直都聽朋友講佢哋嘅下午茶火鍋好抵食。今次終於試到，＄58/1個set連埋加一都係$128仲要包埋飲品添，佢哋啲飲品一啲都唔馬虎連特飲都有得揀，個火鍋有三款餸同一款麵揀，夠晒一個人食，不過食物質素就一般般啦，都算對得住$58嘅價錢，推介台灣沙茶滑牛片同台灣渝川拉麵。飲品我地就叫咗愛文芒果砂冰同柑橘檸檬水果冰茶。餐廳環境唔錯如果好彩可以對住海景食飯添，同埋員工服務態度都唔錯☺️☺️

辛苦左一個星期又到Happy Friday啦趁老闆放假我地食個team lunch先同事介紹呢間位於登龍街既101手工涮涮鍋Set lunch都係$58包括一款湯底+三款餸+一款麵+冷熱飲品銅鑼灣鬧市能夠做到咁平又有靚景睇唔易湯底方面有辣有唔辣唔食得辣既我就揀左番茄湯底食得辣既朋友可以揀台灣麻辣湯底或者香辣三杯雞湯底麵底我就揀左米線仲有白飯 / 公仔麵 / 台灣渝川拉麵 / 出前一丁 / 日本讚岐烏冬比你揀配料可以揀三款其後每多一款餸都係加$8今日我就叫左四個餸日式芝士竹輪卷、金妹芝士腸、冬菇雞肉餃同墨魚春卷飲品方面都有好多選擇包括: 汽水沙冰系列、水果冰茶系列、盆栽奶茶系列、熱飲及汽水我就揀左盆栽珍珠奶茶甜度建議大家揀返少甜因為盆栽飲品本身用既oreo碎同cream都幾甜飲品都幾大杯Lunch Menu性價比超高

一直都想試佢個lunch，放假的起心肝專登出銅鑼灣食好野，果然無失望，問咗侍應1人ok，等咗幾分鐘大約下午3點入到去，嘩!大部分都係啲學生哥放咗學一人一鍋一早已想好叫個沙茶湯底加拉麵，雞件(4-5件)、貢丸(3粒)同雲吞(2粒)，由於一早知道個份量好大，所以無叫啲盆栽朱古力個啲，飲埋真係會飽死，叫咗杯冰茶最後都飲唔晒沙茶湯底好濃，拉麵其實似扁烏冬，啲麵掛晒啲汁好入味，雞件嫩滑，貢丸彈牙，個雲吞就失色，下次唔會叫雲吞，水果茶好飲，總括而言，份量同味道好過去茶記

同男朋友慶祝生日突登揀咗一間有靚景，食物選擇又多嘅餐廳，果然冇令我失望😋平日晚市嘅手工涮涮鍋套餐$398/位，雖然價錢偏貴，但包左個海鮮拼盤🦞，特選手工拼盤，手切安格斯牛勁脊🥩，仲有無限追加火鍋配料，食物意外地高質！要特別讚下佢哋嘅飲品選擇，種類非常之多，非酒精飲品推薦盆栽珍珠奶茶，酒精飲品包括唔同種類嘅Cocktails，啤酒，House Red / White，重點都係無限追加！鍾意飲酒嘅朋友order幾杯酒精飲品已經值回票價哦🍾

喺銅鑼灣朝陽中心，有台式火鍋一人一鍋可以揀食物一個湯底一個麵底三種食物，同埋一杯台式飲品都係$58！真係講你都唔信喺銅鑼灣嘅地方，仲要坐得好舒服、有海景！咁樣嘅價錢真係超值！可惜呢……就係因為限時係60分鐘就真係有啲趕！食物嘅質素係好好嘅！而且仲好多份量！我揀咗鯇魚片同牛肉。鯇魚係脆肉鯇魚！非常之好食，牛肉都係新鮮嘅牛肉！麵底係超多食唔晒壽喜鍋底都係推介之一！加牛肉雞肉白蘿蔔，好有日式風味！台式飲品就正常一般！炭燒咖啡珍珠都好味！

💜香辣三杯雞湯 (中辣) + 白飯 + 脘魚片 + 韮菜豬肉餃 + 墨魚春卷個湯辣度不足, 如果再辣 D 會好好多, 配料只有芽菜, 粟米, 蔥, 略嫌孤寒, 建議可以加 D 雞, 蘿蔔之類感覺會好好多, 鯇魚片方面, 佢用左脆鯇關係, 好脆口, D 骨都唔算多, 值得一讚, 而韮菜豬肉餃方面, 唔知佢落得少定其他原因, 覺得佢韮菜味不足, 好似食緊白菜餃的感覺, 皮有點厚, 如果薄 D 更佳, 最後墨魚春卷方面, 我期待佢似南記的咁好味, 但一上菜就有點失望, 首先, 佢太短, 如果佢長 D 會好好多, 而味道方面, 冇南記的咁濃, 好似食緊一條彈牙的物體咁, 唔講唔知佢係春卷💙巨峰提子水果砂冰 + 雪碧我睇其他人食係將支雪碧倒插係杯冰上面, 點知黎到係分開上, 但好似因為而家暫停製造玻璃樽, 希望將來會變返倒插, 可以比我呃下 LIKE都好 XD, 但其實係因為自己手殘, 我想飲芒果, 但剔錯左提子, 算！！！飲落就知係糖漿, 有點過甜, 係等佢 D 冰融左 D, 變左水, 至飲到雪碧陣味, 我覺得糖漿可以不用落咁多平衡返 D 好

一直聽講呢間Lunch好抵食, 卒之今日同朋友黎霸頭位試下, 注意入座起60分鐘用餐時間, 所以我地一早睇定食咩, 叫左一個香辣三杯雞湯, 一個沙茶湯, 三杯雞湯辣辣地加埋台灣渝川拉麵真係絕配, 另外最後湯底用左黎煮飯, 亦相當唔錯, 飲品一定要試盆栽炭燒咖啡珍珠, 好香好滑!

慶祝港隊奧運拎左咁多獎牌😁即刻借d易食餐勁嘅呢間係台式嘅任食火鍋，$438一位某d較特別嘅食物係淨係比一round，其餘普通火鍋配料同飲品都係任飲任食😌湯底方便我地諗住清清地揀左冬瓜卜卜蜆海鮮湯🍲湯底幾清甜，d蜆都幾多食極都有，如果大隻d會好d🙊食物方面頭一round d特別嘅手打丸同牛頸脊都好高質👍🏼響鈴又炸得好鬆好脆，最正係炸魚皮，脆之餘仲要係邪惡咸蛋黃😈😈😈之後2nd round叫嘅野食就比較普通，係平時打邊爐食開嘅一般食物之於野飲，佢係任飲連酒都包我見有d汽水沙冰特飲就叫左杯巨峰提子沙冰味道係唔錯架，但比較失望嘅係佢竟然係黎一罐汽水，而唔係好似menu d相咁用玻璃樽裝倒插😥 打卡就差好多啦另一杯野飲再叫左盆栽珍珠奶茶，不過都係好普通，打完卡之後都飲唔哂😛Overall黎講都係好高質嘅邊爐餐廳我地6點入座仲要無限時可以食到10點d位都坐得舒服，同班朋友邊食邊傾計好唔錯架🥰

今日與友人前往享用午市套餐，入門前職員提醒一小時用餐時間。本以為時間綽綽有餘，誰知花費數分鐘落單後，需要等待接近20分鐘先能夠獲得鍋底，再加上食材係生嘅，等待鍋底沸騰又需時不少，留待我地用餐嘅時間其實只有不足半小時，想完整享用一鍋熱辣辣嘅肉加主食，仲有一大杯野飲，可想而知咁少嘅時間係完全唔足夠嘅。 距離用餐時間尚有5分鐘時，職員前來提醒，我地即刻加快速度進食，但可惜我地把口唔係鐵做嘅，無法吞食熾熱嘅食物，不過我帶有歉意，盡量食得快啲，唔想阻住人地。 呢個時候又有另一個職員以一種態度極差嘅語氣叫我地交檯，我知道佢都係跟規矩做野，但用粗魯且不厭煩嘅語氣，並不會令客人有好嘅體驗，我相信如果俾多幾分鐘客人，或者提升自己上菜速度，客人喺呢餐嘅體驗會好好多。 我亦建議想前往用餐嘅客人，去之前喺屋企用熱水進行訓練，令自己抵抗高溫度野食嘅能力得以提升，免得遭受職員嘅驅趕。

自從尖沙咀嗰間冇咗之後，都係要難得放假過海先會食呢間101手工涮涮鍋🍲星期日lunch過嚟食，都有呢個好抵食嘅一人火鍋set😆呢度嘅環境好闊落，坐得都好舒服，不過就有一個鐘限時，都食得切嘅😌我叫咗台灣麻辣中辣嘅湯底🔥叫咗鯇魚片、日式芝士竹輪卷、台中福茂貢丸同埋萵筍，配公仔麵🤤男朋友就叫咗田園新鮮蕃茄湯底🍅配料係鯇魚片、日式芝士竹輪卷、秘製台灣雞件同埋韮菜豬肉餃，都係配公仔麵🤣我嗰個湯底好濃味，食食吓有啲鹹。鯇魚片其實係脆鯇腩嚟，要比啲牙力去食🤣我覺得最好食係貢丸，冬菇味好香，係我鍾意食嗰種貢丸嚟😍男朋友嗰個湯底好甜，加埋公仔麵索啲湯好好味☺️呢個lunch set亦會包咗一杯大大杯嘅嘢飲，我哋分別揀咗盆栽珍珠奶茶同盆栽特濃朱古力珍珠🥤真係好大杯😂但飲到底其實啲冰融到七七八八都好淡，建議叫少冰或者早啲飲多啲😂雖然呢個邊爐味道唔算好驚艷，但銅鑼灣呢個價錢嘅lunch，我覺得可以過吓口癮，性價比算好高👍🏻

銅鑼灣優質火鍋之選，101手工涮涮鍋，同另一半都好喜愛打邊爐，經常試不同本地火鍋，見到金朝陽中心環境舒適，價錢優惠，一於來試試😊😋😋手工拆刷鍋套餐(星期日至四) $398一位(星期五、六)加$40套餐最吸引之處係無限時，任飲任食，火鍋配料和飲品種類多，好適合一家大細或朋友聚餐☺️☺️⭐️前菜有蒜泥口水手撕雞及麻辣木耳(可無限追加)😋酸酸辣辣好過癮主菜選擇台灣麻辣牛肉涮涮鍋小辣，湯底味道足夠，又麻又辣，醬料都可以不需要田都好入味👍🏻🤣⭐️肉類追加安格斯牛頸脊肥牛，台式麻辣湯底配搭安格斯牛肉😋好出色⭐️101特選手工火鍋拼盤，拼盤可以嘗試到店舖主打特色丸，粒粒手工製造，好彈牙👍🏻👍🏻⭐️手工即炸響鈴卷及海苔鹹蛋魚皮，都係必試項目，香脆可口👍🏻正⭐️⭐️最驚喜係任飲飲品，種類有好多，有不同自家制飲料，也有有紅酒白酒，好多選擇，呢個價錢，整體食物質素及環境都算高質，無限時任食，配上美麗夜景☺️☺️下次會再來