龍亭

鐵板燒嘅精髓係可以睇住佢燒😂今晚吃個早飯，叫了一個五道菜的廚師發辦（$588）。🌟招牌沙律菜新鮮爽脆，加埋醬汁酸酸甜甜，非常開胃😎🌟鐵板海鮮兩品叫了鮑魚和鱔，鮑魚淋亦入味，甜甜地，好吃😋！鱔也非常爽口好味～👍🏻🌟澳洲牛柳粒肉類可以三選一，我選了澳洲牛柳粒，份量不算多，但五成牛柳粒好淋好香🥰配菜有蒜片和蘿蔔，蘿蔔好甜🌟海鮮炒飯炒飯用的蛋非常金黃，成個炒飯乾身香口😊🌟是日甜品：柚子雪葩柚子雪葩酸酸甜甜，可以解膩。完美作結😍另外叫了🫔燒白飯魚干：香脆🍶sake: 就是sake 😂每次廚師都會講解每道菜的特色👍🏻我們早到坐到鐵板燒枱，可以看廚師煮食，走的時候都已經滿座了。

上星期去左佐敦嘅龍亭食鐵板燒，我地點左有7道菜嘅 Seasonal Omakase （$788／1人）。廚師都好仔細烹調， 會解釋每一度菜嘅食材及配搭。黑魚籽煙三文魚沙律, 配上甜黑醋，味道清新又開胃前菜係魚籽醬蘭王溫泉蛋, 蛋不覺得腥，撈勻後仿似豆腐花咁鮮滑鐵板海鮮有口感彈牙嘅北海道帶子伴格陵蘭魚子醬; 味道鮮甜嘅松露扇貝; 金黃香脆嘅東星班配黑醋醬汁, 肉質都鮮嫩, 兩旁調味的蝶豆花海鹽泡泡，令味道更清香澳洲鐵板牛柳粒, Request了5成熟，配上炸蒜片， 鹽及櫻桃蘿蔔，肉味更加香夠晒Juicy!鐵板宮城雞扒, 雞皮脆肉嫩，好入味菊花豆腐白麵豉湯：切了一絲絲嘅豆腐麵豉湯， 簡單美味黑松露海鮮炒飯：粒粒分明， 好惹味紅豆爆珠柚子雪葩,  紅豆軟糯微甜，柚子味道好清新飲埋杯啤酒簡直係perfect

同朋友好耐冇食過好野喇之前bookmark左一直想食既鐵板燒今日一於出佐敦食龍亭個門口好隱蔽, 差少少睇唔到好彩有個大霓虹燈招牌掛起左我同朋友就揀左季節廚師發板$788果個套餐入面包括左七道菜, 開始前, 廚師都有問我地有咩係食,有咩要求等等, 好細心沙律煙三文魚沙律用上煙三文魚包住新鮮沙律菜,個意大利黑醋汁非常香,酸甜度剛剛好伴碟方面有帶酸甜既龍珠果同蕃茄仔煙三文魚上面仲有魚子醬點綴,口感豐富前菜蘭王蛋伴松露魚子醬攬拌當豆腐花食用, 好香濃香滑海鮮方面當晚有5款選擇分別有帶子, 扇貝,東星班,白鱔,鮑魚咁每個套餐可挑選2款扇貝廚師用上左黑松露加牛油去煎香而且冇overcook, 生熟度岩岩好帶子煎到外脆內嫩,鮮甜多汁搭配埋魚子作調味,墊底個意大利黃瓜吸引哂精華,好鮮甜鮑魚煎得剛剛好,鮑魚新鮮,食落口感爽彈配埋炒香左既蒜蓉響面白鱔呢個廚師話係屬於佢地既招牌菜果然！白鱔煎到外脆,魚肉好彈牙, 魚皮脆卜卜完全唔腥同埋冇泥味, 必食而最特別係個蝶豆花海鹽泡泡點落去真係咸咸地, 能夠再帶出海鮮既鮮味,好睇又好食澳洲牛柳粒我同朋友一樣都揀左牛,分別係3成同5成熟而廚師都做到我地既要求每粒牛柳都帶

今日覓食嚟到佐敦，📣發現 「龍亭」鐵板燒，餐廳門面比較低調，但入到去內有乾坤，好有私房的感覺，幾款唔同套餐可以選擇，擺盤精緻，啱晒我呢啲鍾意打卡嘅人，約埋三五知己嚟呢度聚會，太正了。前菜：煙三文魚沙律菜配黑醋！鐵板海：鮑魚/北海道元貝/東星班/白鱔！澳洲牛柳粒/厚切黑豚！牛柳粒，肉味很濃配上蒜片一流！菊花豆腐白麵豉湯！黑松露海鮮炒飯，惹味必試！紫薯雪糕！📍 餐廳 : 龍亭 地址 :佐敦寧波街27-31號地下A-D號舖

第一次黎到佐敦呢間餐廳，朋友已經第二次黎都覺得好難搵，差d又行過左，因為個門口完全都唔似門口，唔知邊到入好😂入到店晚上坐滿人，見到廚師密密咁煮緊野食，但由佢人太多無辦安排到坐Bar枱，下次再黎一定要早d預約，咁就可以坐係廚師面前睇住佢煮野食，好治癒，我同朋友都點左入門廚師發辦套餐，五道菜，但其實我地覺得五道菜都好夠飽。招牌沙律用煙三文魚包住，食落口感層次好豐富，配搭醬汁酸酸甜甜好開胃。海鮮當日可以揀鮑魚，凡立貝，東星斑，扇貝，我同朋友各揀兩樣 share食可以試哂4種海鮮，擺盤好靚，海鮮新鮮。澳洲牛柳粒有肉汁，好有肉味，口感軟淋，五成熟剛剛好，好惹味。海鮮炒飯炒到粒粒分明，仲配埋三文魚子，口感豐富，真係好好味。仲有甜品紫薯雪糕，不過掛住傾計唔記得影相😂下次再黎食。

第一次嚟 等我少少地試試過五道菜啦～⚠️ 餐廳個門口好神秘㗎～去到就知喇！✔️招牌沙律🥗 當日係煙三文魚沙律 用煙三文魚捲住啲菜 沙律菜嚟咗少少黑醋 唔夠的話碟邊可以點 三文魚煙燻味重 上面仲配有魚子醬 好細心仲有粒龍珠果清新味蕾✔️鐵板海鮮兩品 有四款選擇 帶子、扇貝、鮑魚、東星班 我同朋友去啱啱好可以食到四款🤭 每款都有小驚喜位 鮑魚燒到好香口 切開果陣亳不費力 果然好嫩口 配埋啲蒜蓉食更加帶出個鮮味 帶子燒到恰到好處 僅僅熟拿捏得好好 咬落一啲都唔韌 底下來自法國嘅黃翠玉瓜吸收晒帶子嘅精華 仲有頂部嘅魚子醬帶出咸鮮味 扇貝原本我冇咩期待 點知食完真係覺得好感動 個蒜蓉牛油汁勁香口 仲有黑松露點綴 個汁香到我要飲埋 最後東星班魚肉結實 雖然店家有配黑醋 但其實就咁食已經好好味 海鮮類都配有蝶豆花foam可以清新口腔✔️澳洲牛柳粒/宮崎縣厚切黑豚扒 澳洲牛柳粒點了7成熟 大廚真係拿捏到個熟到 食落夠熟得嚟又唔會韌 牛柳粒牛味夠重 想美口啲 仲可以配埋炸蒜片食 黑豚扒豬味唔會好重 啱晒我呢啲唔太鍾意食豬嘅人 旁邊有個菠蘿柚子汁同蒜蓉牛油汁 想清新感又得 邪惡感又得

好耐冇食鐵板燒，之前已經訂咗位今日去食lunch，呢間餐廳喺佐敦，地鐵站行幾分鐘已經到，喺門口好大個招牌寫住龍亭！Menu有set,有單點，我哋叫咗入門廚師發辦五道菜頭盤：煙三文魚沙律🥗，上面有啲魚子醬鋪面，煙三文魚包住沙律菜，沙律菜好新鮮，配上黑醋汁，酸酸甜甜好開胃，另外仲有時令龍珠果和蕃茄仔北海道帶子伴格陵蘭魚子醬和黃瓜，食材好新鮮，同埋魚子醬食味道好夾，有啲咸香味扇貝：牛油味好香，有少少黑松露味蝶豆花海鹽泡泡：顏色好靚，又可以打卡，用嚟點海鮮更加帶出鮮味東星班：個皮好脆，肉質都好彈牙，可以點黑醋汁食宮城縣厚切黑豚扒：好厚塊扒，肉味比較濃，食落去又唔會韌，另外有特製菠蘿汁可以點（少少辣幾特別）澳洲牛柳粒：我哋叫咗七八成熟，肉質好juicy,另外有啲黑鹽或者可以點Wasabi嚟食，更加突出味蕾，又或者可以蒜片加埋牛柳一齊食，有幾種食法！仲有櫻桃蘿蔔，都係比較少見嘅食材海鮮炒飯：炒得好乾身，粒粒分明，非常好食，上面仲有蝦同三文魚籽甜品：紫薯雪糕：香濃的紫薯味柚子sorbet：飽飽地食呢個酸酸甜甜消化吓兩者同樣加左特別的爆珠紅豆，真係有成粒紅豆喺裏面，就係其中出面比較少見鐵板燒枱前面大概

今日同朋友一齊探訪了一間位於佐敦的隱世日本餐廳，這裡的隱藏設計令人驚喜，讓人有一種走進秘密花園既感覺。餐廳氛圍靜謐而優雅，非常適合與朋友聚餐或慶祝特別的日子。。我們選擇了最平既入門OMAKASE套餐，只需$588，包五道精緻既菜品，性價比相當高。餐廳既招牌沙律首先登場，色彩繽紛，搭配了新鮮的三文魚、西式沙律，淋上混合柚子醋和黑醋，最後還加入龍珠果，酸甜既口感讓人耳目一新，為整個用餐體驗打下很好既基礎。。接下來有海鮮兩品，更是讓我們大開眼界。香煎龍琍柳既外皮金黃酥脆，肉質鮮嫩，搭配黑松露牛油煮北海道元貝，讓人陶醉於濃郁風味中。再來是北海道帶子，它配上魚子醬，而鮑魚既鮮美更是讓人垂涎欲滴，旁邊既碟豆花泡沫則為這道菜增添了一絲清新感，這絕對是一道包含視覺和味覺雙重享受的菜餚。。主菜方面，我們分別選擇了日本秋田雞扒和澳洲牛柳粒。秋田雞扒肉質鮮嫩多汁，搭配特製的醬汁，讓人一口接一口，而澳洲牛柳粒則是嫩滑至極，肉香四溢，令人回味無窮。這兩道主菜的搭配，讓我們的味蕾得到了充分的滿足。。隨後上場的是海鮮炒飯，裡面特別加佐黑松露和三文魚子，炒飯的香氣撲鼻而來，每一口都充滿了海鮮的鮮味，黑松露的獨特香氣更

✨朋友生日特登帶佢去食鐵板燒慶生,餐廳喺佐敦,交通方便,裝修簡單型格,主要都係吧台位,可以好好欣賞師傅嘅手藝,不過今次比較多客人,就安排坐座位～入門廚師鐵板燒5道菜✨沙律前菜沙律有魚子醬,煙三文魚,點埋黑醋,非常胃！✨頭盤海鮮揀咗南非鮑魚同黑松露帶子,鮑魚夠晒厚肉大隻,黑松露帶子好鮮甜,配埋秘製蒜蓉醬更加惹味😋✨帆立貝&東星斑帆立貝,大粒厚肉又鮮甜,師傅用牛油將兩面煎得金黃,但入面依然保持鮮嫩！東星班魚皮煎得甘香,魚肉細嫩,啖啖肉,滿滿魚油香,碟旁加入分子料理：蝶豆花海鹽泡泡,點配一齊食,即時提升鮮味,好特別！✨澳洲牛柳牛柳肉質軟嫩,叫咗5成熟,完全冇根,伴碟有櫻桃蘿蔔,師傅自己手磨嘅wasabi,好香脆嘅蒜片同竹炭鹽,點埋味道又再提升！🥄海鮮炒飯大蝦黃金粒炒飯,加埋黑松露炒至金黃色,再鋪上大大嘅粒蟹子,入口味道鮮甜有咬口,口感層次好豐富！🍨時日甜品紫薯雪糕,入口好香,有好濃郁嘅紫薯味！

今日慶祝朋友生日，去左食佐敦一間幾神秘嘅日式鐵板燒，門口都幾隱敝，要拉開道閘門先入到。揀左$588套餐，包沙律、海鮮、一款肉、炒飯同甜品。沙律用煙三文魚包住沙律菜，加埋底層黑醋同埋龍珠果，相當開胃。海鮮有四款揀，每人都可以任揀兩款，咁緊係試晒佢啦！最出色係鮑魚，用左佢地秘製蒜蓉醬，非常惹味；帶子加入魚子醬同埋黃瓜，非常有鮮味；而扇貝加入牛油好香；比較少見嘅東星斑加入黑醋汁都唔錯。主菜就係蒜片牛柳粒，叫左五成熟，肉質好軟腍，加埋蒜片好香。海鮮炒飯粒粒分明，唔算好大碗，但係都已經好夠飽！是日甜品就有紫薯雪糕，帶有好香紫薯味，仲有紅豆爆珠，層次感十足。酒水都好多選擇，有好多比較少見嘅日本汽水可以揀，叫左蘋果味，幾好飲。另外仲可以叫一大杯Kirin生啤，因為想送酒，另外小食鱈魚乾，焗得好脆口，加埋沙律醬真係好邪惡。呢間餐廳服務都好好，廚師都好有心做，值得大時大節過嚟食！

聽人講佐敦有間隱世鐵板燒，立即睇睇有幾隱世先✨ 真係行過幾次都冇見到，仲以為Google Maps呃人添🤣 原來個門口收埋咗喺牆度，真係要慢慢搵先搵到🕵️‍♂️入門套餐$588包括：🍣煙三文魚沙律：煙韌嫩滑，配埋意大利黑醋就啱啱好👌🦞海鮮二重奏：我揀扇貝+鮑魚， 朋友揀帆立貝+東星斑，樣樣都勁正🤤🥩澳洲牛柳粒：香濃軟腍，配竹炭鹽更提鮮😋🍚海鮮炒飯：粒粒分明，軟熟濕潤就係佢👍🍨紫薯雪糕：配爆珠紅豆，口感特別到癲😍🥂飲品推介：梅酒同埋濁り酒，都係300ml裝，夠晒enjoy😎

同朋友想食返餐好既，就搵到呢間廚師發板，最搞笑係去到門面都唔知點入，打開左大門，入面裝修好華麗，結果食物都冇令人失望，仲覺得好好味😋入門廚師發板套餐$588 一人一set前菜：係一個沙律，三文魚包住沙律菜，入面有羽衣甘藍。呢個沙律好高級，上面有格蘭魚子醬，用左柚子黑醋醬，隔離仲有粒哥倫比亞龍吐珠。柚子黑醋醬唔會好酸，加上好鮮味既魚子醬，就提高左沙律的層次感。主食：宮城縣厚切黑豚扒豚肉扒唔乾，有梨汁同蒜汁點埋一齊食，好襯。果d好似磨果既裝飾係紅蘿蔔，解油膩用。澳洲鐵板牛柳粒叫左7成熟既牛，牛肉好好食，加埋炸蒜片再點埋竹炭鹽,Wasabi好好味呀帶子帶子上面有魚子醬，下面有意大利黃瓜，帶子煎得剛剛好，有脆邊，非常之香口東升斑蝶豆花泡泡係用海鹽，同海鮮食可以提升鮮味。鮑魚呢個size好有誠意啦，由於新鮮，簡簡單單咁煎，加上蒜粒，已經好鮮味扇貝用左黑松露牛油用料理，超好味，連d汁都飲埋飯：鐵板黑松露醬鮮蝦炒飯呢個飯真係超級超級鍾意，首先有隻蝦啦，新鮮彈牙，上面仲有超多三文魚子，個飯底仲要用埋黑松露醬去炒，簡直係炒飯天花板。甜品：自家製紫薯雪糕上面有紫薯爆珠好有口感，雪糕好似食緊啖啖紫薯，非常之

我在鄰XX訂購龍亭午市8道菜套餐買一送一餐飲券。享用後，發現有以下問題 :1️⃣ 菜單內有生蠔及温泉蛋，侍應卻要求我們二選一， 變相少了一道菜2️⃣ 瀨尿蝦size與聲明不符，不足14吋3️⃣ 炒飯同樣與聲明不符，沒有海膽雖然食物質素和味道ok，但以上問題卻令我們大失所望😔😔

間唔中都會想食omakase，聽朋友講佐敦有間几受歡迎出名既omakase，就黎試下！個門口有d神秘，要㩒鐘等職員開門，一開門就見到廚師係鐵板度煮野食一邊食美食一邊望住廚師表演，好享受依種用餐style！叫左枝日本酒食下飲下，好chill！我地㨂左七道菜omakase😋第一道菜: 沙律係帶點黑松露係三文魚上面，配上清新沙律菜，仲有哥倫比亞龍珠果，廚師建議食左粒龍珠果先！第二道菜: 温泉蛋配松露醬要拌勻食，好香濃蛋味同松露味mix埋一齊，好正！第三道菜: 帶子+鮑魚/龍躉魚+白鱔我同朋友各揀左唔同既野試🥰帶子同鮑魚好鮮甜，魚肉好嫩滑呢！第四道菜: 鵝肝多士鵝肝好soft入口即溶，鵝肝油滲出好香！第五道菜: 澳洲牛柳配蘿蔔牛肉好靚好juicy！蘿蔔可以解膩，仲可配搭wasabi食😋第六道菜: 海膽魚籽海鮮炒飯好惹味鑊氣十足！粒粒飯滲左海膽海鮮等精華！仲有粒粒微咸香魚籽！第七道菜: 紅豆沙分子料理紫薯雪糕配比利時花瓣紫薯雪糕甜度啱啱好，上面仲有一粒粒用分子料理做出既紅豆沙，好match😍Food list🍽️季節廚師發板套餐(七道菜) $788/位日本酒180ml $84

一入到餐廳已經聞到好香嘅鐵板味道，因為近鐵板師傅嘅位置已經坐滿曬，所以最後就坐咗旁邊嘅位置，餐廳裝修佈置都幾高貴。鵝肝多士店員極力推介嘅鵝肝多士，外層煎得好香脆配埋佢個酸酸甜甜甜嘅醬，咬落去真係好滿足，真係冇介紹錯。廚師發板套餐（五道菜）頭盤有黑魚子煙三文魚沙律，沙律菜都好新鮮最後配埋個龍珠果係一個幾好嘅配搭，可以清洗嚇味蕾準備品嚐之後嘅食物。今次嘅廚師發辦係扇貝同埋鮑魚，扇貝煎得啱啱好咬落去好爽好鮮甜，鮑魚都處理得好嫩滑，我覺得好好味。食鐵板餐點少得配啤酒，飲埋麒麟即刻舒服曬。終於到我期待已久嘅牛柳粒，師傅手勢真係煎得好好，熟嘅程度我非常唔滿意，咬落去都有好濃嘅牛肉味，配埋個炸蒜真係一流，配埋粒蘿蔔可以清一清個口。黑松露海鮮炒飯超級正，個味道調得啱啱好，啖飯咬落去 仲食到鐵板嘅溫度，隻蝦都爽滑彈牙好重蝦味，食埋個炒飯真係超級飽。最後食埋個豆腐雪糕，真係超級滿足。