影片
开饭介绍
装潢融入金属元素，设计神秘的日式铁板烧餐厅，由日本来港的日籍厨师主理，主打高质omakase，价钱丰俭由人，适合情侣、闺密前往。
继续阅读
营业时间
今日营业
12:30 - 02:00
星期一至日
12:30 - 02:00
以上资料只供参考，请与餐厅确认详情
有关餐厅
有关奖赏计划
相关文章
日式铁板烧，厨师发办，kkday仲做紧买一送一，劲抵，今次主题系海胆。餐厅气氛轻松。厨师现场烹调，视觉享受加上美味。时令有机杂菜沙律🥗 呢个沙律新鲜，配料好丰富，特别系有三文鱼同鱼子，口感清脆，酱汁唔会过重，开胃又健康，食落令人感觉清新。墨西哥海胆玉子豆腐🍮 海胆味道浓郁，搭配滑嫩的豆腐，令整体味道更加层次分明。豆腐的细腻口感配上海胆，真系一个好搭配，食落去有一种满足感。塔斯曼尼亚海胆配法国生蚝🦪 依道菜好梦幻，海胆同生蚝再配上蝶豆花泡泡，将啲柠檬汁加上去蝶豆花泡泡𠮶度佢就会变成梦幻嘅紫粉红色😍生蚝保持原汁原味，海胆的鲜味提升了整道菜。白松露海胆兰王温泉蛋🍳 松露香味浓，温泉蛋滑得嚟又香，配上海胆真系好正，口感滑顺。海胆带子+鲍鱼+龙虾🦞 海鲜新鲜，带子弹牙，鲍鱼滑，龙虾肉质鲜甜，三种海鲜一齐食，口感层次分明，好过瘾。澳洲海胆炒极品松本 A5和牛🍖 和牛整到岩岩好，油脂分布平均，海胆味浓，两者搭配得好好， 加上配菜酸酸甜甜可以平衡返和牛嘅油腻感。菊花豆腐白面豉汤🍲 汤底清淡，豆腐滑，搭配菊花，味道清新。加拿大海胆和牛脂炒饭🍚 炒饭香口，加上海胆，虾，鱼子同和牛，饭粒分明，味道层次多，食落去非常满足。柚子海胆雪葩🍧 清爽的雪葩，柚子味淡淡，夏天食刚好，帮助消暑，完美结尾。📍龙亭 宁波街27-31号地下A-D号舖 ______________________________ 唔好走住，记得follow同like依个post ______________________________ #eilidh #foodie #龙亭 #尖沙咀 #日式铁板烧 #海胆 #美食 #食评 #香港美食 #晚餐 #海鲜 #和牛 #豆腐 #沙律 #雪葩
继续阅读
网上睇到介绍，见到佢都几抵，所以决定一试。喺佐敦旧街嘅入边隐藏住呢一间铁板烧店，门口比较隐蔽，入到入面，座位比较少，不过充斥住一阵好香嘅铁板烧味。吧枱已经full晒，所以我哋坐咗喺附近嘅二人枱。首先叫咗一支梅酒饮。因为我同朋友今日都唔算肚饿，所以就冇叫set散叫咗半打烧蚝，烧牛肉，同埋一个海胆炒饭。全部菜式嘅卖相都好精致，同埋超级好味。只系上菜时间比较耐，可能师傅比较少，同埋佢哋认真烹调料理，但系呢个等待值得嘅。我大推嘅系海胆炒饭♥️系我人生食过最好食嘅海胆炒饭，估唔到佢会加咗满满嘅鱼子，海胆嘅份量都好多，炒饭入面都好有味，唔好睇佢细细碗，食物嘅份量其实都足够，食到好饱。下次一定会再带朋友嚟食呢间，试埋佢哋其他嘢食。
继续阅读
喺一个平台见到有人介绍呢间，而且做紧优惠，好似几吸引，决定试吓～龙亭（佐敦店）净系揾个入口都用左我三十秒，喺条罅度捐入去！坐低环顾四周环境，有好亲切嘅感觉，儿时回忆返晒嚟，咩感觉？就系座喺街边大排档，仲要喺张木长凳上面再加张凳仔座嘅感觉，原来应该有嘅日系feel,或者中高档嘅feel~sorry欠奉, 庙街feel 有！食铁板烧，除咗食物质毒，师傅嘅厨艺，环境都一样重要。食材食物新鲜度同质素，中规中矩，过很去收货。摆碟都算有心思，「沿途都有讲解」系乜嘢嚟，点样食。整体二位～$1360.呢个价钱可以接受，但当埋单时竟然加一系按人头计：$272,真系第一次见，又学到野。唔系无钱食，你一系讲明加20%，真系无所谓，因为加拿大住过，贴士系15%起，习惯晒。但你咁做就太取巧！回头度：3/10第一系按人头计加一，太唔合理，第二，咁嘅收费，我接受唔到个环境。
继续阅读
黑心商家，为左做生意可以几咁不择手段，大佬，你铁板烧嚟㗎，坏咗部冷气仲接生意有冇搞错，收过千蚊人头一个，厕所都冇个，要人哋去对面公厕仲要行上楼梯三层，我生日饭俾你搅祸晒，永久blacklist，一路食一路泼扇，啲位又细，坐到条腰骨痛到阿妈都唔认得，个环境又暗，完全睇唔到啲嘢，食影相出嚟啲效果全部都唔好睇，夹硬影人样油头满面（因为出晒汗）食到中段已经要全部打包即刻走，条街都仲冻过你，冇冷气又冇窗系咩玩法？
继续阅读
❀ 龙亭 #佐敦 ❀❗$449食晒海鲜和牛鹅肝 蚀底价用心铁板烧❗——————————————————发掘到间超亲民日式铁板烧！而家做紧买一送一优惠14道菜低至$449⁉️非常疯狂🤯虽然价钱便宜，但系师傅用心制作及介绍，当中唔少菜式都花尽心思，例如有辨识泡沫生蚝真系充满惊喜😳套餐，亦包括即烧海鲜、和牛等高质美食。.沙律烟三文鱼沙律加上鱼子酱！另外仲有三碟小盘，三文鱼他他配牛油果、葫芦渍及三文鱼鼻软骨几特别。前菜居然系用兰王蛋制成温泉蛋，伴松露，松露味道突出好香👅.然后有视觉效果满分嘅法国生蚝🦪生蚝上加上蝶豆花泡泡，柠檬汁后会由紫蓝色转变为浅粉色，十分梦幻！另外仲有左口鱼及鲷鱼刺身。.嚟到铁板环节✨先有海鲜两品，我哋两人试晒四款海鲜！当日有南非鲍鱼、虎虾、白鳝及带子🦐听闻白鳝系餐厅招牌菜，的确系特别肥美香口。虎虾仲可以点虾膏酱~虽然坦白讲海鲜嘅质素未必系最高，始终价钱便宜，但系烹调手法的确唔错，四款海鲜都烧至香口惹味👍🏻.跟住有我最喜爱嘅薄烧和牛🐮入口即溶嘅和牛加上香葱真系冇得输！仲要有埋我最爱嘅厚切鹅肝，配上自家制酸酸甜甜嘅菠萝酱忌廉，好满足😌.炒饭都加入咗黑松露、三文鱼子与鲜虾，算系食过咁多间当中层次较为丰富嘅炒饭🍚另外汤品非常有惊喜，居然系花胶炖汤，满满嘅骨胶原！.甜品运用咗分子料理元素，用红豆制成爆珠，配上清爽嘅雪葩，作为完美的结尾🍨.今次去咗佐敦嘅分店，环境较细坐得有少少迫，而且空调唔系太大，较为「地道」，不过呢个价钱真系几抵食！如果想环境舒适啲可以拣佢哋中环嘅分店~.✷𝑀𝑒𝓃𝓊✷☞ 鹅肝龙虾1++韩牛（十四品） 买一送一优惠 人均$449♥ 酱油渍三文鱼头软骨海草昆布♥ 熟成挪威三文鱼牛油果他他♥ 葫芦渍♥ 烟燥挪威三文鱼有机沙律菜卷♥ 鲷鱼及左口鱼♥ 白松露鱼子酱兰王温泉蛋 ♥ 法国生蚝♥ 海鲜两款♥ 鹅肝多士♥ 花胶炖汤♥ 最高级韩国1++韩牛薄烧♥ 铁板黑松露海鲜炒饭♥ 甜品——————————————————✨整体味道: 4/5 ✨环境装修: 3.5/5✨服务态度: 4.1/5✨性价比: 4.2/5✨再访兴趣: 4/5 💞整体来讲喺佐敦卧虎藏龙嘅铁板烧餐厅！$449可以食晒咁多款高质食材真系好抵食
继续阅读