黃珍珍泰國菜館

营业中

休息中

Now that Kowloon city is made more accessible with Song Wong Toi station, it’s definitely worth visiting this “Little Thailand” in HK. As the first Thai eatery opened in Kowloon City, Wong Chun Chun is a historic restaurant that serves good quality authentic Thai cuisine. Their environment is quite cosy and spacious too! During lunch hour, there’s a 20% off the A la Carte menu, definitely excellent value 🥳.屯馬開通咁興奮，緊係要入小泰國食下嘢啦！今日去咗老字號黃珍珍，坐得舒服又抵食，食物質素都唔錯🥰 烤豬頸肉係今日MVP🤙🏻🤙🏻🤙🏻 小食拼盤都好啱一家大細/朋友一齊分享。泰式炒粉味道

昨晚同女朋友到九龍城行吓，女朋友突然間話想試吓黃珍珍，我哋傍晚六點到達，攞籌其實只係等一張枱，結果都要罰企十五分鐘！到叫我的籌號時，滿心歡喜地進入店內，同職員沒有眼神接觸，我哋就跟著店員遊走店內五分鐘，直到職員問我兩位做甚麼，她才發覺原來未有安排座位給我們！最後真係嚇一跳，我哋兩個人，竟然安排門口的一張十二人大枱，仲講到好似對我好好咁話放心，唔會安排別人搭枱的，我一觀察，根本就係放外賣的枱，求其擺兩個位俾我哋，我心諗，雖然冇人搭枱，但會有好多人來取外賣，包括速遞員同外賣客人，根本完全沒有私隱，而且疫情之下風險十分高！我決定即時離開，我到黃珍珍係慕名而來，我真期望食服務，食食物水準，不是求其為了充飢的，我冇訂枱所以我唔介意在門口等多一陣間，但你可唔可以待我們是一個正常的客人呢？你當我們是來食「碟頭飯」嗎？

講起九龍城泰國菜，黃珍珍一定係無人不識，屹立九龍城已經有48年，時至今日，黃珍珍依然好多人去朝聖，除咗食物高質同大碟之外，最重要係環境舒適闊落，樓高兩層，座位舒服，適合一家大細丶親戚朋友去聚會嘅好地方。生蝦刺身生蝦刺身一上到枱，感覺超夢幻，好有仙氣，用嚟打卡一流。生蝦夠哂新鮮爽口彈牙，配埋泰式酸辣醬汁，酸酸辣辣，惹味醒胃，加埋泰國傳統食法，生蝦丶辣椒丶蒜頭同埋涼瓜，加埋秘製醬汁，一淡擺入口，味道層次豐富。泰式炒金邊粉金邊粉味道酸甜開胃，份量好多好大碟，鮮蝦味道鮮甜彈牙，好惹味。泰式燒豬頸肉燒豬頸肉外皮脆脆地，有焦香味，肉質軟淋有肉汁，加上有油脂香，配上秘製醬汁，酸酸辣辣，食落好惹味，伴碟嘅炸蝦餅，即叫即炸，脆口大件。馬拉盞通菜泰式口味通菜，配上秘製馬拉盞去炒，勁惹味，顏色翠綠，口感爽脆可口。最後食埋泰式甜品，為今餐泰國菜之旅更加滿足。

好耐冇去九龍城，咁啱中午見客喺附近，梗係要順便食個快閃lunch ! 講到九龍城最想食第一時間就係諗起黃珍珍泰國餐廳，原來平日仲有set lunch好抵食！價錢大約 55至72蚊勁多選擇，加 $20仲可以轉冬蔭公湯添！跟餐轉特式飲品都係8至12蚊！正呀喂！ 🍢🍚串燒配糯米飯拼青木瓜沙律🥗 $68夏天炎炎食個青木瓜沙律＋糯米飯🍚 同串燒簡直絕配！清新嘅青木瓜絲沙律，清涼口感，食落清爽香甜！串燒有雞同豬各兩串，有焦香味又唔乾身！保留肉汁果然好味！仲有最吸引我嘅糯米飯！唔好以為細細個飯會唔夠飽！食落都好滿足架！🍍菠蘿炒飯🍚 $58午餐當然唔會用原個菠蘿上碟，不過一上枱已經聞倒極香菠蘿味！原來用左新鮮菠蘿！炒飯夠乾身唔油膩，飯粉分明，啖啖菠蘿肉同大蝦口感豐富又清新！飯量好足！🥣跟餐轉左我最愛嘅冬蔭公湯，湯頭香濃美味，仲有大蝦草菇同香茅等香料！滿分💯🥤飲品：🍋檸檬茶梳打同泰式凍檸檬茶☕，兩樣都好味，甜度啱啱好！

今日同家人去左九龍城食泰國嘢，九龍城嘅泰國餐廳好多，今次就想去間坐得舒服啲嘅餐廳，所以就揀左黃珍珍。餐廳坐位闊落，冷氣充足，檯與檯之前距離唔會太近。飲品嗌左青檸梳打同珍多冰。珍多冰唔太甜，啱哂怕甜嘅朋友。泰國生蝦好土豪🤣有專人倒水入乾冰營造煙霧效果。沙爹有豬、牛、雞各兩串，香口軟熟。夏日限定燒牛肉，唔太生唔太熟，加菠蘿食有種甜味中和牛嘅味道，十分好食。泰國炒粉同小食拼盆就不過不失，勝在擺盆十分靚，打卡一流。馬拉盞炒通菜，冇葉嘅🤣但都香口好食。

夜晚係附近睇劇拿拿臨係九龍城食個快飯揀左呢間餐廳聽聞d野食幾正宗之前係南丫島食左個幾印象深刻嘅香葉辣肉碎炒飯念念不忘想係市區搵相似嘅味道所以就叫左個香葉辣椒肉碎炒飯食泰國嘢好似例牌要泰式奶茶同雞🤣🤣🤣所以都好順勢叫埋 仲叫多個綠豆沙珍多冰個奶茶意外地好飲因為佢係連d冰都係奶茶黎咁飲落去就唔會因為d冰融化變水而溝稀左d奶茶佢仲分開冰同奶茶比你自己倒落去🤣綠豆沙珍多冰就正正常常d冰係碎冰溶嘅時候唔覺得佢令杯嘢稀左好多個雞都好正常 滑身嘅d皮係有脂肪個種 好香！重點係個炒飯認真講都幾失望🥲佢似個普通豉油炒飯多d佢的確係有香葉 係有辣椒 不過d肉碎（少？）到唔多覺佢雖然望落都有d香葉呀辣椒呀 但係香葉味認真得dddd咁多 辣味就有dd辣咁 對於唔食得辣嘅人黎講都勉強可以接受到不過我食辣ok 所以都冇咩問題呢個炒飯嘅調味真係有d單調🥲🥲🥲佢單調得黎仲要好重手地單調 成碟都勁鹹好彩有叫嘢飲 同埋佢一入座已經會擺底人頭水係檯面 都叫有得解渴睇隻色都見到佢勁深色 其實唔代表濃味只係佢落左好多豉油咋🥲🥲🥲我仲幻想緊可以食到泰國d香料濃厚嘅炒飯 係我錯🥲🥲🥲🥲

今晚又到這裡食晚飯，6點半左右到，客人也不少，可能因為通了地鐵的關係。柚子沙律，好醒胃但略為吾約凍。咖喱蟹加豬仔包，隻蟹好新鮮，個汁有大量洋蔥、蔥及蛋花，用豬仔包配食，絕配。蒜子胡椒鮮魷，炸得過火所以比較乾，失色。燒豬頸肉，鹹魚椰菜苗，串燒半打（豬雞牛各二），泰式沙河，明爐烏魚，都能保持一貫水準。泰式凍奶茶，茶味濃甜度適中，連粒冰都系奶茶，有誠意。青檸梳打，吾夠青檸味又吾夠甜。埋單$1349，可以啦！

九龍城不嬲都係好多好嘢食㗎喇😁我記得九龍城仲好多泰國嘢食㖭😍有好多細細間既舖都係食泰國野㗎但係我今次選擇呢一間就係大店老字號👍黃珍珍泰國菜館，細細個都成日食㗎喇😁嘩！好正呀❤估唔到我今日同朋友一齊去食lunch佢有午市套餐喎👍套餐仲有好多選擇，都係六十幾蚊㗎咋，加十幾蚊一杯特色嘢飲呀，即係七十幾蚊咁就可以埋單啦😍😍我朋友叫咗個菠蘿炒飯，你知啦，泰國嘢就最正嘅就係菠蘿炒飯👍好新鮮嘅菠蘿啖啖肉雖然冇原個菠蘿上一碟已經足夠一個人份量yummy食曬啦😋🤣包埋日餐湯肉丸菜湯，好好味好清甜喎，加埋杯檸檬梳打清爽夏天最啱👍我就梗係叫咗串燒配糯米飯拼青木瓜沙律， 加廿蚊轉咗個餐湯做冬陰功湯woo仲有兩隻大蝦，個冬陰功湯真係比出面嗰啲好飲好多呀👍😋老字號即係老字號👍👍真係特別好味😂飲咗就當去咗旅行喇🤭🤭糯米飯青木瓜沙律配串燒。YEAH青木瓜絲沙律FRESH呀啦，仲有四串串燒添兩豬兩雞同樣好有BBQ味正呀！配埋個檸檬茶梳打，佢d檸檬茶呢係泰國嗰啲茶嚟㗎，所以特別濃又唔甜好啱我❤ 最正嘅就係串燒一邊咬住串燒一邊食住佢嘅糯米飯不同嘅享受呀！好好味😋我以為會唔飽🤭點不知係好飽㗎🤣埋單都係80幾蚊位咋抵到爛啦👍👍

我近來好鍾意去九龍城，最想食番當年嘅味道，泰國餐廳中，這間最有名，置身泰國的感覺。蝦片每次行九龍城，必定見到這個小食，蝦味濃，香脆帶微辣。原個菠蘿炒飯 炒飯粒粒分明，原隻蝦大隻爽口，腰果香脆鹹香，伴有香甜菠蘿粒，口感濕潤。清炒雜菜通菜、紹菜、芥蘭、粟米仔、紅蘿蔔花，夠鑊氣。鮮椰汁香芒西米露椰汁味濃郁，芒果肉香甜多汁，甜度高，作為飯後甜品都唔錯。龍眼冰非常清甜，伴有香甜龍眼肉，解渴解膩。環境乾淨企理，座位充足，下次再黎！

說起入九龍城的次數真的寥寥可數，若不是朋友新居入伙也不大會來。這邊舊區頗有老香港特色，就連地鐵宋皇臺站也放滿歷史文物。是晚選擇了這間經典老字號，樓高兩層已坐滿食客。椰汁青咖喱羊腩 - $118黃紅綠咖哩當中最愛便是青咖喱，香氣濃郁之餘，又會加入椰奶，讓口感更加溫順，同時降低青辣椒的刺激感。羊腩肉略帶骨，肉質稍韌，但口感肥厚而醇香。不少得傳統青咖喱必備材料的泰國茄子，外形圓身小巧，口感脆口。海鮮炒粉(濕) - $118泰式粗河粉充滿彈性，吸收濃稠的芡汁，份量非常之多。海鮮材料亦好豐富，有新鮮彈牙的去殼去腸海蝦、煙韌的八爪魚和青口。同樣有爽口的蔬果如芥蘭、粟米芯、草菇及紅蘿蔔等等。串燒沙嗲 - $118/6串可以任意混合牛雞豬三種肉類，而這裡則有牛雞各三。串燒略帶焦香，雞肉肉嫩多汁，牛肉濃郁有口感，配合著濃濃的沙嗲花生香甜。芒果沙冰 - $38幼滑細膩的沙冰冰爽透心，充滿香甜滋味的芒果味。泰式特濃奶茶冰 - $36泰式奶茶固然味道偏向甜，特別順滑和重奶味，但不失深度烘焙的泰國茶葉香味，就連冰塊也是奶茶雪成，味道完全不會因溶化而變淡。

很久沒有來了，今天來到仍然保持水準，九龍城是黃珍珍總店，友人需要泊車，＄60 可以任泊，之後我們二人店了以下菜式，十分美味😋1. 原個菠蘿海鮮炒飯，原個菠蘿先有風味，炒飯夠獲氣，菠蘿甜味，和以往一樣保持水準，正2. 生菜包，因為點了鷄，因此好像有少少不夾，下次都係點豬好了3. 串燒，可以豬牛羊各2串，非常惹味4. 芒果糕米飯，正，黑紫米齊上，很好味尼5. 蝦餅拼魚拼，必叫，非常好味～整體來說是保持水準的，一定會再來！

一講到食泰國菜一定會諗起九龍城難得屯馬線開通 梗係要去食個飯打個卡今次同朋友去咗老字號 #黃珍珍唔講唔知原來佢哋都有素食選擇🍲冬蔭功雜菜湯 Tom Yum Mix Vegetables Soup $116口味非常正宗 酸酸辣辣好開胃😍🥗柚子沙律 Pomelo Salad $98次次食泰國菜都會嗌 清新之選 份量適中🌶蒜蓉辣椒炸豆腐 Deep Fried Beancurd with Garlic and Chili $88豆腐好脆 好鍾意上面啲炸蒜 夠哂香口🥭 香芒腰果炒飯 Fried Rice with Mangoes & Cashews $98菠蘿炒飯就食得多 芒果炒飯都係第一次試 味道都幾特別 鍾意試新野嘅朋友可以試吓整體來講都唔錯 難得餐廳樂意提供素食選擇 👍🏻 不過留意返平日晚市都幾多人下 最好訂咗位先

✨泰式炸蝦餅外層香脆 蝦餅有蝦鮮味 但略嫌口感唔夠彈牙 口感偏空氣感較鬆散✨泰式燒豬頸肉豬頸肉 肉質帶爽 有咬口帶少少油脂香 燒得幾香 ✨原個菠蘿炒飯菠蘿炒飯炒得尚算乾身 味道正正常常都幾足料 但菠蘿偏少只得三四粒 ✨榴槤椰汁糯米飯成個榴槤糯米飯份量偏少榴槤唔夠香濃 椰汁稠身味道香甜 糯米飯分黑白兩種 軟糯煙韌除左蝦餅麻麻以外 食物味道唔錯環境可以 餐廳幾大但擺枱都幾密服務好一般 店員個個都好似唔想做咁價錢尚算可以 以份量計有少少偏貴

天時暑熱想食開胃菜，於是又出城搵食，想食正宗地道嘅泰國菜 ，#黃珍珍泰國菜館，應是不二之選，貪佢老字號食物有保證。#金柚沙律初看以為是個炒飯，因佢粒粒分明，肥嘟嘟的😊。份量大且味道爽口清甜 ，柚子新鮮粒粒爆汁，再加上酸甜汁，開胃又夠晒fresh。#咖喱羊腩點餐時服務員很貼心的問要不要加法式麵包，但怕過飽而沒有叫。咖喱上枱時熱辣辣好香濃，羊腩皮帶點肥肉, 咬開夠淋且肉汁豐富, 帶了點點騷味啱晒我口味啊！ #泰式炒粉絲（配豬）炒得夠鑊氣份量足，豬肉片新鮮又有咬口，粉絲好乾爽唔覺得油膩，旁邊伴有花生同埋配菜，炒得不會過酸，味道調得剛剛好，每一口都好美味。食完差不多8點多，還有很人在等位中，所以真係要早食早享受☺️。

老字號黃珍珍，但一直創新改革，食材要求嚴格新鮮，如果已經一般時間沒來的，真心建議你再來一試分別啊👍特別推介 時間限定:榴槤鮮蝦炒飯💗💗💗💗💗真係好好味啊～原來鳳香園面包係咁高水準，無人造色素或防腐劑，仲要係採用靚麵粉，黃珍珍內有售👍👍👍仲有原來飲的水係果啲鑽石能量水之類的，飲落特別滑，真有心對待客人黃珍珍泰國菜館地址: 九龍城打鼓嶺道23號百營中心地庫至1樓#黃珍珍#live #host #kol #hkkol #fashion #beauty#hkgirl #pretty #model #主持 #旅遊 #網紅 #主播 #揸飛機 #極光女機師 #女機師 #人氣主播 #最悲女主角 #莫麗淇 #女食神