黃珍珍泰國菜館

营业中

休息中

黃珍珍因為裝修停了堂食一個多月，終於再開返，暫時只是開二樓，地下仍未完工，而且晚市又可以重開，所以今晚去食。裝修完二樓比以前光猛，座位也開揚。講返食物，咸魚椰菜苗、泰式豬手，份量好似比以前細，尤其椰菜苗，夾兩下已經無咗一半啦。串燒叫左1打（豬、雞、牛）好香炭燒味，燒豬頸肉燒得啱啱好，仍然保持到肉汁，泰國式凍奶茶（茶冰粒）冰冰凍凍，茶味濃又香滑，一定要試。甜品拼盤有三樣嘢，芒果糯米糍、椰青水大菜糕和椰漿西米糕，也是不可錯過的。

又係食甜品嘅時間啦，今次我就去咗呢一間好有特色嘅泰國餐廳到試吓呢一度嘅芒果糯米飯叫返屋企食！呢一度嘅芒果糯米飯真係非常之吸引，絕對係真材實料，大大粒嘅芒果，而且呢一度嘅芒果肉非常之厚身，而且好香滑清甜！至於呢度嘅糯米飯亦都好好食，本身已經有好香甜嘅椰漿味道！而且呢一度嘅糯米飯口感好好，軟硬適中！

黃珍珍- 老牌泰國菜館🇹🇭說到九龍城的老牌泰國菜館，相信大家對黃珍珍不會感到陌生。餐廳80年代初已紮根於九龍城，是該區的老牌泰國菜館，多款地道的泰國菜如咖哩蟹、冬蔭功湯、芒果椰汁糯米飯等都是鎮店之寶。🥭 芒果糯米飯 $55這次外賣了一盒芒果糯米飯回家作甜品。雖然是外賣，仍貨真價實，有原隻連核的芒果，雙色糯米飯和一盒淋醬-鋪面椰漿。先由最吸引的開始說，芒果肉厚，香滑清甜沒有渣。由於糯米已放涼，所以撒了一點水放在微波爐加熱30秒。糯米本身已帶一點甜椰漿的味道，吃前只需要把咸椰漿淋在芒果糯米飯上同吃。感覺白糯米有少許硬，黑糯米則軟硬適中，香糯得宜。淋在糯米上的咸椰漿味道不錯，有點像芝士奶蓋的感覺。整體來說，味道不復當年勇，或許是轉了老闆和師傅的關係，但在亂世下偶爾品嚐，就當去了泰國渡假吧！🔸小總結： 餐廳正值進行外牆翻新工程，外牆都搭起圍棚，是否正常提供堂食筆者沒有考究。只看到餐廳貼出的午市套餐的餐牌，店員在門口販賣食品。午市套餐款式頗多，而且價格吸引，包小食及泰式飲品，或許下次試試。👅 味道：4/5💰CP值：4/5🕴🏻服務：4.5/5👀回頭率：4/5🍽 餐廳：黃珍珍泰國菜館🌐地址：九龍城打

🇹🇭黃珍珍泰國菜館🇹🇭.趁婚假帶媽媽到九龍城吃正宗的泰國菜😎🐷燒濟州島黑毛豬豬頸肉配白飯$72選用黑毛豬豬頸肉，肉質比一般豬頸肉嫩身😛 切得相當厚身，咬落啖啖肉😋而且燒得十分香口，不沾醬汁也很夠味，送飯一流🍚.🦐冬蔭湯金邊粉配中蝦球$68吃泰國菜絕不能錯過冬蔭功湯😍不算很辣，是平易近人的辣度🌶酸味和鹹味比較突出，平衡得很好，超級好喝🤤而且蝦球很大一隻👍.跟餐的紫菜湯也很好喝，味道清甜☺️.🥥椰汁冰+$8清甜解渴的天然椰汁，喝著幻想自己在海島度假🏖😆.🧋泰式奶茶冰+$12茶澀味輕，奶味香濃，偏甜😋

我哋一行2人去九龍城行街食嘢，位於宋王臺站出口，行3分鐘就到，我哋去咗「黃珍珍泰國菜館」食泰國菜午餐，平日午餐不用等位，我哋叫咗兩份午餐。午餐加飲品$8 杯，我哋加左熱龍眼茶、青檸沙冰，午餐巳包餐湯。香葉辣豬肉碎飯配脆邊荷包蛋$68煎荷包蛋勁正，流心加脆邊，香葉辣豬肉碎夠野味，辣辣地配白飯一流。燒濟州島黑毛豬豬頸肉配白飯$72燒豬頸肉熟度啱啱好非常淋和滑、好味。店員服務態度友善，可以值得再去的餐廳！

《黃珍珍泰國菜館》九龍城一向出名食泰國嘢，而呢一間屹立咗喺九龍城好多年，係該區既老牌泰國餐廳！我嗰日去都座無虛席！佢地有2層，而坐位好似酒樓咁，適合一家大細朋友聚會！🍭海鮮濕炒($118)如果俾我揀金邊粉同濕炒我通常會揀後者(多人先可以why not both🥺)呢個濕炒唔錯，海鮮份量正常，蝦同魷魚都好大隻，河粉超多2個人share 岩晒！🍭蒜蓉炒椰菜苗($86)佢啲菜類都幾百搭，可以選擇通菜/芥蘭/椰菜苗～ 因為椰菜苗比較少食所以就揀左佢！但原來都幾硬下要出力啲去咬，想食嫩身既就揀其他啦！🍭蒜子胡椒鮮魷($108)真係好難戒熱氣嘢😂 呢個一嚟到已經香氣撲鼻，熱辣辣惹味到爆！魷魚炸得好香脆，上面有好多炸蒜，一齊食好滋味！

“泰式炒粉”($108)“椰汁青咖喱雞”($108)“什錦串燒(半打)”($118)“芒果沙冰特飲”($48)“泰式特濃奶茶冰”($36)想食泰國菜第一時間都會諗起九龍城當中最出名嘅一定係老字號黃珍珍😍開咗屯馬線之後超方便,出站行多2步就到去老店最驚就係遇到態度唔好嘅伙記但黃珍珍嘅店員全部都超親切,加哂印象分😆打開menu發現價錢冇想像中貴😚首先叫咗份Pad Thai😋酸味同辣味都岩岩好,超惹味🤤蝦肉都夠爽口彈牙🦐而且仲大大碟,2個人share都夠食😝另外叫咗個椰汁青咖喱雞🐔💚雞肉嫩滑,入哂味🥰青咖喱以椰汁味為主,唔會太辣用嚟送飯超正😍小食方面要咗半打什錦串燒即係豬🐷/牛🐮/雞🐔各2串串燒燒到好夠香,而且啲肉仲一啲都唔韌🤤好食過好多地方😍飲品方面要咗芒果沙冰🥭同泰式奶茶冰芒果沙冰嘅芒果味超香甜😍飲得出落咗好多果肉,好足料大大杯都幾抵飲😍泰式奶茶冰打卡就岩哂😆用牛奶盒型嘅樽裝住泰奶再倒落啲奶茶冰味道唔會愈飲愈淡好正😚

今次要介紹嘅餐廳係位於九龍城嘅黃珍珍泰國菜館，主打泰國菜。環境寬敞，氣氛舒適，上菜速度快。整體而言，於泰國菜林立嘅九龍城區，黃珍珍依然係一個唔錯嘅選擇。Wong Chun Chun Thai Restaurant is located in Kowloon City, specializes in Thai cuisine. You can enjoy a spacious and comfortable environment here with a fast serving speed. Wong Chun Chun is a good choice in Kowloon City despite numerous competitors are locating in the same area.◾泰式燒豬頸肉 (Grilled Pork Neck) $118豬頸肉肥瘦適中，一旁伴以蝦片，鬆脆嘅質感與豬頸肉嘅軟熟頗為搭配。醬汁酸酸辣辣嘅味道正好減去豬頸肉嘅油膩感。The grilled pork neck has the right level of fat, and the t

天氣寒冷最好吃點辣的食物暖胃，今晚揀選了好耐冇食過的泰國嘢、自然想起九龍城區內林林種種泰國餐廳，九龍城區有「小曼谷」之名，因為此區較多泰國人聚居，滿街大大小小的泰式商店、食肆。由過去昔日飛機在頭頂熙來攘往的震撼經歷隨着機場搬遷，繁華的社區面貌已今歸於平靜。但隨著屯馬綫的通車，人們再次重臨此地熱鬧起來了……。言歸正傳我哋去了屹立於九龍城超過30年，赫赫有名嘅老字號「黃珍珍泰國菜館」。 我哋點了：馬拉盞抄椰菜苗 - 椰菜苗配備不同用料形成馬拉盞炒得唔錯，火喉啱啱好野味得來甜甜辣辣、仲有唔少蝦米仔份量十足食到舔舔脷。 另點了平時少吃到的羊肉除咗串燒外，配上咖喱而咖喱有黃、紅、青三種選擇，羊腩三款咖哩都唔係太辣，只係青咖喱配泰國茄子，黃咖喱配薯仔，紅咖喱冇配菜所以我哋揀咗青咖哩。椰汁青咖喱羊腩整得好淋，羊腩的肉和骨入口即分離(贊)咖喱略帶微甜微辣香氣撲鼻，加埋外脆內軟的法式麵包索埋啲咖喱汁食簡直吃到不能停(再贊) 主食叫了個香草粉絲大蝦煲，上枱時已經熱辣辣香氣撩人，之後發覺由餐牌話原先5隻大蝦出現6隻大頭蝦真係嘩一聲叫出來，誰一奇怪是找不到香葉的踪影和味道，但食到底嘅時候驚喜又來了竟然發現有幾

-黃珍珍泰國菜館 又有一段時間冇食泰國野突然好想飲冬蔭功湯 暖下個胃所以有日放左工就去左九龍城搵食！黎到呢度 黃珍珍既招牌最為顯眼又成日聽人講話好食 所以就去試一下🥢泰式炒金邊粉（$108）份量都算多 有蝦 芽菜 櫻花蝦 辣椒 櫻花蝦 花生等等口感豐富 偏向較甜 落番少少青檸汁 可以中和番🥢泰式辣肉碎生菜包（$118）辣肉碎炒得好香辣惹味 仲有好多肉汁因為入面仲有乾蔥同大量蔥 食落都好香口配埋清爽可口既生菜 滋味無窮 最後都清晒✨🍢雜錦串燒（$118/半打）雜錦其實係有 雞 豬 牛 各兩串唔知食咩串燒既話可以嗌呢個試下先各款既串燒都好肉嫰多汁 其中個沙爹醬係幾出色甜得黎又好惹味✨🥣冬蔭功湯（$138/細）呢度既冬蔭功湯 無論係菇類定係海鮮都係大大粒個大頭蝦真係啖啖肉 飲落椰奶味道冇咁突出 酸辣為主

其實每次係九龍城食泰國菜都會有種香港味道係變化左既香港式泰菜但係我覺得黃珍珍係變得黎幾好味泰式炒椰菜苗MENU顯示泰國直送比平時既大椰菜嫩唔會有苦味配上蝦米仔更野味冬蔭公唔係傳統唔係最出色不過不失串燒-牛雞豬串燒最有保證都係雞豬同牛就好係原料質數依到勝在夠熱都幾好味沙嗲醬都好味總結老香港餐廳裝修，燈光比較暗野食都足料餐牌多選擇調味偏香港人口味好唔好視乎各人喜好晚餐都唔算多人排隊街前街後都仲有好多選擇真想一一試齊曬佢地XD

屯馬線開通左梗係要去下九龍城食下野，聽講泰國菜係最出名✨椰青焗飯（$118）好香椰青味既焗飯，on top仲有椰漿，正呀👍🏻✨椰子青咖喱羊腩（$118）羊腩整得好林呀，青咖喱唔算辣仲好香，係衰在冇包埋個飯，有啲美中不足

講到泰國菜，不得不提黃珍珍✨已經開咗差唔多50年，可以講係老字號😳媽咪話好耐冇食過啦，今日放假就同佢撐枱腳先！🥢食物🥢1️⃣原個菠蘿炒飯$118: 大大個菠蘿🍍已經好吸引，炒飯金黃色而且炒得粒粒分明，味道偏淡，不過材料好豐富大蝦，提子乾，肉鬆，腰果，主角菠蘿都好甜😋2️⃣泰式海南雞$88: 我哋叫咗個例牌，雞肉嫩滑，雞皮唔會太肥，我都忍唔住食埋😆3️⃣清邁豆醬炒椰菜苗$96: 泰國直送椰菜苗好爽脆，豆醬味道唔算好濃味，加埋少少蒜蓉幾好食。4️⃣椰汁香芒西米露$33: 芒果都幾甜，同埋份量都算多。💥環境💥地方好寬敞，媽咪都覺得坐得好舒服😌有好多泰國擺設嘅裝飾，加埋藤椅感覺好復古feel。💥服務💥店員都係姨姨多，笑容好親切同埋都好主動👍🏻

今日出咗九龍搵朋友朋友話九龍城好多美食於是我哋就去咗九龍城搵食離遠已經見到黃珍珍泰國菜館見到都覺得好吸引再上OpenRice睇到好多好評睇啲留言話原來係老字號咁應該好穩陣即刻有位唔使等好多特別裝飾睇餐牌樣樣都好吸引，揀咗好耐樣樣都想食添😮‍💨😮‍💨諗咗好耐之後我哋叫咗🌟椰青焗飯（$118）啲炒飯放喺個椰青入面應該係即炒因為都等待需時啲椰漿好香入面有啲蝦仁、肉粒炒得好惹味👍🏽😋🌟椰汁青咖喱羊腩（$118）好香椰汁味😋羊腩都唔少，煮得好好食好香呀•ᴥ•

今次又來到九龍城尋找美味的泰國菜，黃珍珍泰國菜館都算得上是這區的老字號，離遠已可見樓高兩層的餐廳在外牆上的招牌。餐廳內的空間感十足，枱與枱之間有一些距離，座位也夠寬敞且舒適，完全唔會有食完全身都係味的問題。 原個菠蘿炒飯 ( $118 )菠蘿炒飯的味道及口感都不錯，帶點黃薑味，米飯粒粒分明又帶點軟糯，而菠蘿亦夠清甜，如果再多少少菠蘿就好啦 泰式燒豬頸肉 ( $68 / 半份 )燒豬頸肉帶點蜜味且爽口，就咁食已經好好食，亦可沾上有西檸及香茅味的辣醬 香芒椰汁糯米飯 ( $68 )芒果夠甜，糯米飯軟糯偏甜，食完好滿足 椰汁冰 ( $32 )青檸蜜 ($31 )