通常食九龙城泰菜咁多年都系食啲小店，一来系够镬气，够地道～同贪平～唔使加一🤣🤣。今次想座得舒服啲，同睇吓系咪好味啲～拣咗佢～黄珍珍～选择困难症下～拣咗～珍珍推介二人餐～$588.0冬荫功汤 什锦串烧沙爹法式面包金柚大虾沙律 泰式炸虾饼 马拉盏炒通菜椰汁青咖咖喱羊腩甜品拼盘芒果沙冰特饮鲜椰汁绿豆冰冬阴功汤正正常常，咁细碗嘢入面有二只大头虾，收货青咖哩羊腩，羊腩炆得好腍，冇羊膻味，亦没有咖哩味，反而个法包不俗。串烧二鸡二猪，猪肉都爽口，鸡肉肉质都可以，唯独个酱汁，明明似一般沙爹酱，但好鬼「酸」。虾饼～正正常常，弹牙，面头干身，但一反转件虾饼～好油。金柚大虾沙律～卖相随咗大虾，碟嘢真系唔吸引，味道就系柚子肉加大虾。最顶瘾系呢碟～马拉盏通菜，成碟都系菜框，得右手边几条叶，我哋要求伙记更换，个侍应话泰国通菜系咁～真系当我未食过泰菜，最后换咗椰菜苗～真系成件事唔同晒，佢哋嘅椰菜苗炒得出色多，但既然系马拉盏应该有少少辣会野味啲，但呢碟唔辣。椰汁西米糕，大大件，不太甜，作为饭后甜品～可以。套餐加二杯饮品，埋单～$756.价钱算可以，不算太贵。回头度～3/10作为区内最大间～历史悠久而又扮到高级嘅店，服务水平可否做好一点？个男侍应放底碟菜，佢唔系放枱中间，系放我左手边枱角，我手踭位，真系大排档都唔会咁，第二，送甜品阿姐，一碟甜品，一只碟，二支叉，只碟点样二份用？真系懒成咁定悭成咁？第三，碟通菜无叶，阿姐就话「泰国通菜」系咁，无乜叶嘅。坦白讲味道真系一般般，真系周边小店嘅味道正宗同地道好多，比如咁讲～港式西餐，呢度可能系港式泰菜，真系无乜泰菜嘅神绪。…查看更多
店被香港人视为最悠久嘅泰国菜食肆，历史悠久，店内环境干净整洁，装潢典雅，灯光柔和，座位间隔宽敞，予人舒适感觉，服务员态度亲切，餐具摆设精致，空气中飘散淡淡香料味，吸引不少本地食客光顾。然而，价格偏高，相比其他泰国餐厅贵一截，性价比成疑，味道表现平平，未能突出地道泰国风味，与街头平价泰国店相比，缺乏惊喜，令人失望。香叶芒果炒虾（$138）：此菜上桌时色泽鲜艳，六只中型虾仁饱满弹牙，表面裹上薄薄酱汁，伴以青红椒丝、洋葱块及少量芒果粒，视觉吸引。虾肉新鲜，咬落爽脆，保留海鲜甜味，烹调火候适中，未过老。惜香叶味过浓，霸道掩盖其他食材，芒果仅得咸味，欠缺应有酸甜清新，未能平衡香料辛辣，整体口感单调，酱汁黏稠，油腻感重，食后回味平淡，与预期泰式鲜果海鲜融合大相径庭，价格与份量不符，六只虾难以满足，令人觉得贵价却无惊喜，远逊地道泰国街头炒菜嘅层次。
青咖喱鸡肉（自配法国包）：咖喱绿色，稠度中等，鸡肉块切得均匀，约八块，肉质不太嫩滑，但未柴，吸收少量酱汁。配面包实为小份法国包，仅一小个，直径不足五厘米，外脆内软，烘得金黄。遗憾咖喱味淡如水，欠缺椰奶浓郁、香茅辛香、辣椒刺激，仅微辣，无层次，鸡肉虽嫩但无咖喱渗入，食落寡味。法国包份量寒酸，难以蘸酱，整体如家常菜，缺乏泰式咖喱灵魂，与平价泰国店相比，风味逊色，贵价却无深度，令人食后空虚。
