黃珍珍泰國菜館

通常食九龍城泰菜咁多年都係食啲小店，一來係夠鑊氣，夠地道～同貪平～唔使加一🤣🤣。今次想座得舒服啲，同睇吓係咪好味啲～揀咗佢～黄珍珍～選擇困難症下～揀咗～珍珍推介二人餐～$588.0冬蔭功湯 什錦串燒沙爹法式麵包金柚大蝦沙律 泰式炸蝦餅 馬拉盞炒通菜椰汁青咖咖喱羊腩甜品拼盤芒果沙冰特飲鮮椰汁綠豆冰冬陰功湯正正常常，咁細碗嘢入面有二隻大頭蝦，收貨青咖哩羊腩，羊腩炆得好腍，冇羊羶味，亦沒有咖哩味，反而個法包不俗。串燒二雞二豬，豬肉都爽口，雞肉肉質都可以，唯獨個醬汁，明明似一般沙爹醬，但好鬼「酸」。蝦餅～正正常常，彈牙，面頭乾身，但一反轉件蝦餅～好油。金柚大蝦沙律～賣相隨咗大蝦，碟嘢真係唔吸引，味道就係柚子肉加大蝦。最頂癮係呢碟～馬拉盞通菜，成碟都係菜框，得右手邊幾條葉，我哋要求伙記更換，個侍應話泰國通菜係咁～真係當我未食過泰菜，最後換咗椰菜苗～真係成件事唔同晒，佢哋嘅椰菜苗炒得出色多，但既然係馬拉盞應該有少少辣會野味啲，但呢碟唔辣。椰汁西米糕，大大件，不太甜，作為飯後甜品～可以。套餐加二杯飲品，埋單～$756.價錢算可以，不算太貴。回頭度～3/10作為區內最大間～歷史悠久而又扮到高級嘅店，服務水平可否做好一點？個男侍應放底碟菜，佢唔係放枱中間，係放我左手邊枱角，我手踭位，真係大排檔都唔會咁，第二，送甜品阿姐，一碟甜品，一隻碟，二支叉，隻碟點樣二份用？真係懶成咁定慳成咁？第三，碟通菜無葉，阿姐就話「泰國通菜」係咁，無乜葉嘅。坦白講味道真係一般般，真係周邊小店嘅味道正宗同地道好多，比如咁講～港式西餐，呢度可能係港式泰菜，真係無乜泰菜嘅神緒。…查看更多

黃珍珍店被香港人視為最悠久嘅泰國菜食肆，歷史悠久，店內環境乾淨整潔，裝潢典雅，燈光柔和，座位間隔寬敞，予人舒適感覺，服務員態度親切，餐具擺設精緻，空氣中飄散淡淡香料味，吸引不少本地食客光顧。然而，價格偏高，相比其他泰國餐廳貴一截，性價比成疑，味道表現平平，未能突出地道泰國風味，與街頭平價泰國店相比，缺乏驚喜，令人失望。香葉芒果炒蝦（$138）：此菜上桌時色澤鮮艷，六隻中型蝦仁飽滿彈牙，表面裹上薄薄醬汁，伴以青紅椒絲、洋蔥塊及少量芒果粒，視覺吸引。蝦肉新鮮，咬落爽脆，保留海鮮甜味，烹調火候適中，未過老。惜香葉味過濃，霸道掩蓋其他食材，芒果僅得鹹味，欠缺應有酸甜清新，未能平衡香料辛辣，整体口感單調，醬汁黏稠，油膩感重，食後回味平淡，與預期泰式鮮果海鮮融合大相徑庭，價格與份量不符，六隻蝦難以滿足，令人覺得貴價卻無驚喜，遠遜地道泰國街頭炒菜嘅層次。青咖喱雞肉（自配法國包）：咖喱綠色，稠度中等，雞肉塊切得均勻，約八塊，肉質不太嫩滑，但未柴，吸收少量醬汁。配麵包實為小份法國包，僅一小個，直徑不足五厘米，外脆內軟，烘得金黃。遺憾咖喱味淡如水，欠缺椰奶濃郁、香茅辛香、辣椒刺激，僅微辣，無層次，雞肉雖嫩但無咖喱滲入，食落寡味。法國包份量寒酸，難以蘸醬，整体如家常菜，缺乏泰式咖喱靈魂，與平價泰國店相比，風味遜色，貴價卻無深度，令人食後空虛。…查看更多

九龍城有好多泰國菜就大家都知㗎啦，又平又貴，而黃珍珍應該選區內嚟講算係貴價嘅一間。講到食泰國菜又點少得濕炒河呢，比起其他餐廳，呢度個炒河就足料好多，有蝦有魷魚，有青口等等，好有鑊氣，果然名不虛傳！反而炒金邊粉就冇乜驚喜啦，甚至乎有啲小店做得更加出色炒得更加有鑊氣！豬頸肉份量好多，兩個女仔真係食唔晒，燒得好香口，再配埋辣椒醬食一流！值得一提，佢哋仲送咗幾塊蝦片，我就最鍾意食蝦片㗎啦哈哈佢哋嘅沙嗲醬好好食，偏向花生味重，而且都食到花生粒，串燒嚟講除咗雞燒汁比較好食，又keep到肉汁之外，牛同豬就麻麻哋啦咁啱嗰日嚟食lunch係冇lunch set ，所以全部都係計正價，嗌咗四樣嘢食total要六百零蚊，我就覺得有少少貴啦！…查看更多

其實味道一般，味道偏淡，雖然份量大，但是沒很驚喜的感覺，最搞笑係，呢個等級嘅泰國餐廳，炒金邊粉竟然有雞蛋殼呢啲低級錯誤都真係不能原諒酸辣明爐烏頭魚，唔夠入味，麻麻地～點菜之後唔夠10分鐘已經上齊晒菜燒豬頸肉燒得焦焦地，都算可以接受！豬肉生菜包味道偏酸，唔夠辣唔夠惹味，唔夠乾身，一般般～總括而言，所有嘅菜式都未能令人留下深刻嘅記憶，如果以呢個價錢嚟講，唔值得幫襯第二次，4個人食咗差唔多hkd1400，其實泰國餐廳嚟講，可以有更好嘅選擇～…查看更多

服務好好 坐上二樓好舒服一行16人一張大枱食物正常 烤牛七成 強推介一定要食！冬陰功湯都可以試吓嗰個鮮蝦呢就略為貴咗少少，不過都新鮮嘅坐上2樓就會舒服啲囉空間感又多同埋啲冷氣好舊好舒服不過人手服務就少咗啲得兩個人招待…查看更多

海南雞飯藏著溫柔功夫，雞皮冰滑如凝脂，雞肉嫩得能掐出汁，雞油飯粒顆顆分明，拌著姜蓉與特調辣椒醬，每口都是肉香與米香的熨帖相擁。蒜蓉炒通菜是煙火氣的點睛，通菜梗脆葉軟，吸足了蒜蓉與魚露的咸鮮，鍋氣催出微微焦邊，辣度藏在尾調里，清爽解膩得恰到好處。青咖喱羊腩是濃墨重彩的主章，椰漿湯底裹挾著香茅與青檸葉的芬芳，羊腩燉得酥爛脫骨，連筋帶肉吸飽咖喱的辛辣，配一塊熱脆的法式麵包，掰開來蘸湯汁，脆韌與濃醇碰撞出絕妙火花。泰式海鮮炒金邊粉裹著焦糖色的甜辣醬，大蝦彈牙、魷魚鮮嫩，米粉爽滑帶嚼勁，撒上花生碎與香菜，酸甜鮮辣在舌尖層層炸開。收尾的芒果糯米飯是甜蜜終章，芒果肉飽滿流汁，甜得像熱帶陽光，糯米裹著椰漿香，淋一勺濃稠椰汁，果香與米香纏綿成溫柔的余韻。…查看更多

先生知我中意食泰國菜話呢間九龍城黃真真係好出名的泰國菜，今日帶我一試，呢間係我咁多年求其食過的一間餐廳都好食過呢間，吾知點解仲咁多人好評仲要排隊！真係吾明！我哋一齊5人個個都話難食！大家千萬吾要踩坑，！！！！！！…查看更多

好耐冇食泰國菜,九龍城係有最多唔同格調嘅泰國餐廳. 呢間係算最老字好,環境最好,有三層,座位set得比較寬敞,侍應啲人數都比較多！星期六都唔使等位, 坐低叫杯啤酒飲吓先. 好想食串燒, 點咗半打豬肉,再點燒就魚. 配啤酒💞之後點一客咖哩大頭蝦配法式硬未包. 汁調味👍再點一客菜同泰式炒粉絲. 幾味菜式都好食👍之後叫多個芒果糯米飯,芒果唔太甜,都算好食嘅🥰…查看更多

好多年冇去過，今年生日就去食返餐一早book位，環境都唔錯，食物質素都唔差，唯一令我唔滿意嘅，就係叫一個我最愛嘅咖喱蟹！個蟹感覺唔係原隻蟹以我食蟹咁多年嘅經驗，唔可能一隻蟹裏面嘅殼有硬有軟好似有啲唔老實，欺騙客人！🙄另外，蟹鉗實在太硬，應該一早要扑碎啲先至給客人食，就算舖頭給我們嘅蟹夾，都無法夾開，重要整到成手咖喱汁總括嚟講係情意結，未必返去再食喇！…查看更多

約左朋友黎九龍城食lunch，泰式奶茶好impress個冰係奶茶凍出黎嘅，海鮮濕炒河粉大份又好好味，最鍾意泰式串燒，個肉多汁沙爹醬都好香，豬頸肉pretty good少少乾但都好香，份量足個環境都算好坐，唯一美中不足係無左lunch 套餐兩個女仔專登走嚟九龍城食咩都想試吓，單點食左6舊水但食到咁多嘢都算係咁…查看更多

連續2年屋企人都係到食生日飯，整體黎講雖然貴少少但啲嘢食水平都幾好又坐得舒服！必食！🌟咖喱炒蟹$488呢個咖哩勁香仲要有啲蟹味！仲要無論單食咖哩定蟹都好好食🥲如果啲汁加埋法包仲正（飯都得！調味啱啱好咖哩唔出太特出搞到個汁無蟹味，但單食隻蟹又唔會無咖哩味。隻蟹又大隻又鮮味！必食呀！！！冬蔭功湯-中 $228主要既配料都有，蝦都幾大隻😋我地6個人飲中份都夠分。不過就覺得酸佐少少🥲什錦串燒-1打$276串燒原本啲肉都有醃製過，所以唔洗沙嗲汁都好好食！不過嗰沙嗲汁都好出色✌🏻唔會太濃搞到啲肉味無曬！酸辣脫骨鳳爪$86呢個就辣味太重，無乜酸既感覺🥲個人覺得一般般。辣椒羔炒蜆$148蜆勁大隻肥美又唔會炒到好老😋醬汁都好好食！海膽鮮蝦炒飯$138唔係太食到海膽味😂不過呢個價錢黎講當海鮮炒飯食會開心啲！飯粒都粒粒分明既，唔會炒到好濕！…查看更多

黃珍珍泰國菜館 ，其實呢間餐廳由細聽到大，都仲未食過。今日終於難得有朋友肯陪我食啦！ 今日我地兩個人食 ，就叫左一個例牌泰式海南雞 + 馬拉盞炒通菜 + 香葉肉碎炒飯泰式海南雞，去之前我地打定電話問仲有無海南雞。因為我朋友話超好食。佢的確好嫩滑，又冇骨，仲啖啖肉，仲要係唔肥。而個通菜真係好正，炒得唔多油。仲要係我最中意食空心菜，每一下咬洛都會脆卜卜，好清爽，炒到岩岩好唔會太老。而個香葉肉碎炒飯，都算好味，不過就辣左小小。總括黎講價錢合理 。…查看更多

閨蜜為契女慶生，安慰的卻是閨蜜渴望泰味的舌頭，因她備受呵護。不知餐廳是否曾經裝修？感覺泰式風格沒有以往的濃烈。生蝦為壽星而點，上枱時煙霧瀰漫，因健康理由，只嚐了一隻，生蝦爽彈但味道則倚賴泰式醬汁的加持。串燒有豬、牛及雞，各種肉類都醃得非常入味，表面還刷上了帶甜的醬汁，很適合喜愛偏甜口味的人士。燒魷魚的肉很厚，燒得火候剛好，軟硬適中，蘸泰式酸辣汁同食，十分醒胃。辣肉碎生菜包的辣度不容少覷，但味道確實刺激吸引，一面喊辣一面又繼續大口的吃。咖喱炒蟹帶少甜，咖喱椰香濃郁但辣味非常輕，肉蟹的鮮味不錯，蟹膏也軟滑富脂香，咖喱醬汁與蛋花混為一體，是法式麵包或白飯的良配。蒜蓉炒通菜竟然也帶甜味，大衆可能喜歡，卻不是我的一杯茶。青檸梳打是閨蜜專屬，不單清新解渴也可以清除泰菜濃烈的氣味。…查看更多

小泰國九龍城泰菜雲集就人人皆知，但好多質素參差，價格亦都有好大差距。今次介紹呢間老字號對比同區其他泰國餐廳，算係相對貴價嘅，但喺環境同食物上我就覺得物有所值，最起碼呢度乾淨企理，地板同埋門面都唔會油淋淋，餐廳有兩層，上菜速度幾快，服務態度中上，用料均真啲🙌🏻🦐 生蝦刺身我朋友最鍾意食生蝦，幾乎食親泰國菜嘅佢都會嗌，即刻覺得有比較😆 雖然呢間比出邊坊間嘅貴少少，但真係食得出每隻鮮蝦都好fresh，爽口又大隻，中間有乾冰襯托，成個層次出晒嚟👍🏻 好值得試😋酸辣脫骨鳳爪呢碟無骨鳳爪相對地失色，酸辣味唔平均，辣味有啲太出，味道麻麻，雖然食得出去落足料，好多沙律菜，但鳳爪醃得唔夠，成碟色水一般。椰汁青咖喱羊腩 配法包🥖唔鍾意食咖喱嘅我，都會覺得呢碟嘢係全晚精髓，佢個青咖喱香香甜甜，椰香味十足，加上佢個羊腩炆得好適中，既有咬口又夠淋，咖喱同羊腩做到混和一體，簡直係一絕😋好彩我哋嗌咗個脆口乾身法包，沾少少青咖喱，味道一流。泰式炒粉呢間有好多唔同形式嘅炒粉麵飯，最特別嘅係大部分粉麵就可以俾我哋選擇以豬、牛或蝦作用料，餐廳非常細心，碟碟都係即炒出嚟，夠囇鑊氣，而我哋就嗌咗佢嘅招牌炒粉（只可配蝦），大大碟用料都好大方，其他餐廳通常都係芽菜比較多，但呢間嘅芽菜同蛋絲都比得好足，蝦又大又鮮甜，再配青檸汁、甜酸醬同花生碎，簡直係色香味俱全，最後炒粉多到我哋食唔晒😍…查看更多

位於九龍城的泰式餐廳。曾經提及過，小時候家住九龍城，搬走後甚少回到九龍城這區，主要是，沒有甚麼值得留戀的地方；然而最近因電影的熱潮，與朋友重遊此地，便順便在九龍城區覓食；而提起九龍城區的餐廳，無人不提的大概都是泰式餐廳吧。而其中「黃珍珍泰國菜館」也是另一間由細聽到大的老字號泰國餐廳，多年來仍然屹立於此，既然是重遊舊地之行，便選了這間作為當日晚餐了。⋆_____ᴛᴏᴛᴀʟ ᴏʀᴅᴇʀ______⋆ ❅ 泰式辣肉碎生菜包 $139❅ 鮮椰汁雜菌雞湯 (細)  $118❅ 泰式海南雞 (例牌)  $88❅ 海鮮濕炒河 $128 ___⋆ ⋆ ___  ✿ 泰式辣肉碎生菜包辣肉碎的份量超多，根本不用擔心肉碎不夠包。以翠綠的生菜包著香辣惹味的肉碎，入口爽脆又惹味，口感豐富。.✿ 鮮椰汁雜菌雞湯(細)  本來就很偏愛椰香的食物，雞湯呈奶白色，入口椰香味濃郁，鮮甜無比。加上大量的雞肉及雜菌，連雞肉也嫩滑不柴，瞬間便喝光一碗湯了。絕對是必點之選。.✿ 泰式海南雞餐廳招牌菜式之一。海南雞無骨嫩滑，即使連雞胸部位也不柴，雞皮部分也爽脆不油；惟略嫌雞油味不足，如雞油味更突出會更完美。.✿ 海鮮濕炒河澱粉控的我倆當然要點選炒粉麵飯，看到鄰桌的炒河賣相超誘人又大盤便果斷下單了。濕炒河粉相對沒有那麼油膩，河粉大條爽口，搭配大量海鮮，如大蝦、青口、魷魚等，豐富又飽足。 …查看更多