講到食泰國菜又點少得濕炒河呢，比起其他餐廳，呢度個炒河就足料好多，有蝦有魷魚，有青口等等，好有鑊氣，果然名不虛傳！
反而炒金邊粉就冇乜驚喜啦，甚至乎有啲小店做得更加出色炒得更加有鑊氣！
豬頸肉份量好多，兩個女仔真係食唔晒，燒得好香口，再配埋辣椒醬食一流！值得一提，佢哋仲送咗幾塊蝦片，我就最鍾意食蝦片㗎啦哈哈
佢哋嘅沙嗲醬好好食，偏向花生味重，而且都食到花生粒，串燒嚟講除咗雞燒汁比較好食，又keep到肉汁之外，牛同豬就麻麻哋啦
咁啱嗰日嚟食lunch係冇lunch set ，所以全部都係計正價，嗌咗四樣嘢食total要六百零蚊，我就覺得有少少貴啦！
