黃珍珍泰國菜館

营业中

休息中

好耐無食泰菜了！去開九龍城就想食泰菜，老公話要食黃珍珍，話佢以前同屋企人食開！平時多人食去食一定嗌蝦刺身，咖喱蟹，菠蘿炒飯等等。今晚嗌左個不一樣嘅炒飯，咖喱羊，串燒。是日晚餐推介：𝟙. 青芒腰果炒飯 $𝟡𝟠出面泰國舖多數都係得原個菠蘿炒飯，見有芒果炒飯，不如試下新野，食D出面食唔到的。第一個餸上菜就係炒飯，上菜時見個飯平平無奇，個賣相真心係唔算吸引，但幾香芒果味的，所以忍唔住唔等其他餸，先試兩啖飯。估唔到有驚喜喎！個飯入口好香芒果味，係清甜嘅芒果味，唔會好濃，無影響到個飯香。個飯睇落濕濕地，但入口一粒粒，口感好味好煙韌，連埋腰果一硬一軟，好有咬口！我食到有啲停唔口，好彩其他菜好快到啫！𝟚. 椰汁青咖喱羊腩$𝟙𝟙𝟠配法式麵包$𝟜𝟝（自己加配）青咖喱味真係好香，熱辣辣即刻想點法包試下味。個法包外脆內軟，點咖喱味吸晒味，好正！我食個包真係點到啖啖咖喱汁！個羊肉主要以肉為主，唔肥，無筋，一啲騷味都冇仲好淋添！𝟛. 半打什錦串燒沙嗲（牛，豬，雞）$𝟙𝟙𝟠3款黎講，牛算唔錯。其他都好食幾淋，只係因為頭兩個菜好出色，個串燒比下好。沙嗲味如果辣多少少，應該會野味啲不過因為串燒關係，唔算juicy，但有

最近想食泰國嘢😋就去咗位於九龍城嘅👉🏻 黃珍珍泰國菜館👈🏻 食正宗又夠地道嘅泰國菜➰.點咗個”珍珍推介2人餐”(HK$533) 都有8道菜㗎，一定夠2個人食🙈 .首先，”冬蔭功湯” 見到入面幾足料，大大隻蝦口感彈牙，仲好多蝦膏，正㗎👅..“大蝦金柚沙律”份量都算大，味道清新，清甜嘅柚子加上鮮蝦，再配酸甜醬汁，夠晒開胃‼️.“炸蝦餅”熱辣辣上台，外脆內嫩，蝦肉好緊實，食落啖啖蝦肉，唔錯✔️..“什錦串燒沙嗲”係有雞肉串同豬肉串🍢 個人比較鍾意雞肉串，肉質嫩滑又juicy，配上泰式沙嗲醬汁，好好味呢🥰..“椰汁青咖喱雞”椰香味濃，入面竟然有泰國特有既茄子，一般香港既餐廳好少會見到㗎👀配上新鮮出爐嘅”法國麵包”點咖喱汁食，真係無得輸💯..“馬拉盞炒通菜”係每次去泰國必點嘅菜，味道同係泰國食一樣，通菜吸晒馬拉盞嘅味道，好惹味💕..“泰式椰汁西米糕”上面係滑嘟嘟嘅椰汁糕，下面係粟米夾係通透嘅西米糕之中，又鹹又甜的味覺，令椰汁香味更突出😆

畢業之後都好少去九龍城食嘢，因為有啲遠🤣以前住呵嗰排都成日去九龍城食泰國嘢，不過都冇食過黃珍珍🤭黃珍珍嘅格局裝修就靚啲，坐得舒服啲。.紅咖哩牛腩入面有牛腩同牛筋，兩樣都整得好腍👍🏻呢到嘅紅咖喱唔係紅色嘅，係啡黃色，食落去係完全冇辣味嗰種👀其實咖喱送飯食係最正，不過今次冇叫飯，叫咗個pad thai🤣個pad thai份量足，炒得唔油膩，酸酸甜甜食落幾開胃。仲有叫個冬蔭公整體質素同平時食嘅泰國菜都差唔多😎.最後仲食到跟餐送嘅泰式甜品，甜品有驚喜！椰青糕係用椰青水整，味道好清新，我好鐘意😍芒果糯米糍入面係原塊芒果，芒果肉夠香甜。呢碟免費送嘅甜品估唔到又幾高質，我覺得係呢餐入面最有驚喜嘅嘢食🤣仲有like埋佢哋fb拎免費蝦片🤣

呢間餐廳位於九龍城亦都已經係好多年嘅歷史食開泰國菜都知道呢一間非常出名環境10分好價錢適中份量比較大適合一家人食首先嗌咗一個菠蘿炒飯 非常之大份亦都非常之入味全部都係即叫即整熱辣辣好好味的仲有佢哋嘅咖喱飯其實真係經典泰國菜式仲要配上佢哋嘅串燒好入味，同埋佢哋嘅特地醬汁佢哋做得好唔錯值得一讚同埋佢哋嘅服務非常好亦都好有善我幾鍾意呢一間嘅泰國菜平時我都得閒去開九龍城都會親自去食飯誠意推薦你哋去食㗎因為真係好唔錯

20/2/24店舖: 黃珍珍泰國菜館香港老牌泰國餐廳，主打傳統泰菜，為本人最愛的餐廳之一。唯佐敦店關門後，就很少再食。今日行經九龍城，就坐低叫三個餸過吓口癮。菜名: 冬陰功湯（細）評語: 有多隻大頭蝦，沒有辣度選擇，嗜辣者難免失望。不過辣味很自然，不似有人工添加。就個人口味而言，略嫌不夠鹹。雖配合港人口味，卻有違泰菜偏鹹特色。價錢: $166菜名: 醃生蝦刺身（細）評語：賣相十分吸引，擺碟用心。生蝦亦感新鮮，配以惹味泰式生蝦刺身汁，滋味難以抗拒，必食之選。價錢: $148菜名: 金柚大蝦沙律評語：柚子果肉配多隻大蝦，加入泰式蝦乾、花生等多種材料混製，用料十足。價錢: $138

半飽嘅狀態下兩個人食三道菜(一湯一沙律一小食），零碳水化合物都飽到抱住個肚！-冬蔭公 $88 一客酸辣味道恰到好處，好大隻蝦～～仲好彈牙無過老。蝦🦐本身已經開左邊，唔洗用手都好易剝到殻👍🏻。金柚大蝦沙律🥗 $138就咁睇相都見到有五大隻蝦，仲未計埋係下面嘅～不論係蝦定柚子都係好足料，食極都仲有！大蝦爽口，柚子唔會澀，醬汁酸甜清新好開胃👍🏻，但份量真係好多，有多幾個人一齊食好d。泰式燒鱔串 $168 一客四串一上菜個侍應就已經讚話燒得好好，的而且確係燒得唔錯，魚肉仲係好juicy好油潤~~唯一係皮層較厚，只可以燒到表面脆而內層滿滿膠質，食多兩件會滯，較適合多人開心share。

終於到星期五梗係要食返個靚lunch 獎勵自己🥳 好耐冇食過黃珍珍，原來lunch menu 都轉埋 午餐跟是日餐湯，今日係紫菜湯，清清地唔錯，雖然都係冬陰功好味啲😝朋友嗌海南雞飯($68)，嘩好精緻！雞望落幾滑，仲有雞翼，正😋 我就嗌咗泰式豬手飯($65)。今日前菜係椰菜沙律啱晒我，豬手恰到好處唔會太咸太肥膩🥰 由於午餐唔包餐飲嘅，所以加錢叫咗iced coffee (+$8)，少甜甜度啱啱好，超級滿足差足電👍

味道幾正宗，晏晝有lunch set $100內有找🐣但員工手腳有啲慢🙈我叫左個菠蘿🍍炒飯，好味夠鑊氣！份量多到嚇死人，最後打包夜晚再食🤣一餐當兩餐，相當足料啊

是晚按摩完同honey find Thai restaurants and I suggested to dine at 黃珍珍，首先嘟左安心出行再探熱後進店。全場坐滿8成，門口寫住晚市8折，不過好似得呢幾晚。男友好胃口乜7 都想食我發板先：豬肉碎生菜包少辣，男友叫海膽蝦肉炒飯，半打燒烤mixed,蒜蓉炒菜苗，沙律併盤but not available 🥲, 先來生菜包肉碎有檸檬皮碎、同我係曼谷食一樣，好正。蒜蓉炒菜苗就咸左少少，海膽蝦炒飯好食好大份，半打沙爹燒烤好質素唔窿有厚肉，甜品叫芒果糯米飯大愛，黑白糯米飯軟綿綿大份芒果靚又甜無渣。下次再同Dady mommy 食🥰

情人節又是初三, 更加是我們的結婚周年, 囝囡有補習課, 便留他們在家。我們便想平淡過, 卻想吃一間我們未吃過的餐廳,  沒有刻意安排, 只見家樓下有車直達九龍城, 便上車, 下車見多數餐廳都未開市, 見黃珍珍泰國菜館很熱鬧, 此刻才知老公都未光顧過, 見有位, 所以進了去試下, 可惜人手不足, 都要等了五分鐘才安排到入坐, 我們吃了芋頭焗飯及海鮮濕炒河, 都很美味,  芋頭是炒過的, 很香口, 份量都好足, 海鮮濕炒河中有青口, 但有一片青口外殼碎片, 一不小心, 都易咬崩牙 !  anyway,  希望沒人出事啦。 我們喜歡少食多餐的, 感覺已經容不下再多一碟了。

黃珍珍泰國菜真係好好食，自從尖沙咀嗰間執咗笠之後，都無去過九龍城老店，今日就來試吓佢個lunch,lunch set都好多選擇，我地二人叫左一個海南雞餐和一個豬手餐，lunch set都有配餐湯，一個蝦餅和加錢配一杯特飲，清一式78蚊，連嘢飲都係加多十蚊到，一包講晒抵食，海南雞去左骨，配海南雞飯，好香，豬手好入味，配多半雞鹵水蛋，我地仲叫多一個蒜子胡椒炒鮮油，以前有配菜菠蘿，現在無。食完之後，餐廳仲送多兩份椰汁糕比我地，再打個八折，真係唔話得，一定會再返嚟食

去完九龍城揼骨，點都要食埋泰國菜走先夠滿足！疫情期間難得黃珍珍唔使排隊都有得食！同朋友三個人就點左個套餐再加啲嘢食，包括泰式生蝦，沙嗲串燒，小食拼盤，青咖喱，冬陰功，馬拉盞通菜，泰式金邊粉，蒜蓉包，柚子沙律，椰汁糕。泰式生蝦上菜嘅時候，會淋吓乾冰富有特色。柚子沙律出奇地新穎得來又又好食。其他各樣嘢食都係幾平均正常，味道唔錯。唯一一個我覺得真係接受唔到嘅係個青咖喱，佢真係普通得來又麻麻地好食。為返個價位呢就真係九龍城區來講偏貴。雖然我會鍾意小店多啲，不過我又覺得點都要試吓黃珍珍呢啲具代表性嘅餐廳。而且佢比起九龍城嘅舖頭來講，佢真係坐得舒服好多！

為左做冬有最好嘅火鍋配料，今日黎到暫時未有地鐵覆蓋嘅九龍城，買齊料難得一場黎到就不如係九龍城食埋野先走。一路聽朋友講九龍城梗係食泰國野啦，「黃珍珍」啦！我同女朋友就本住朝聖嘅心態黎朝拜下！ 由於買火鍋料買晏左，黎到黃珍珍已經差唔多下午三點。如果冇做茶市，通常呢啲時間都係餐廳嘅「落場」時間，估唔到黃珍珍呢個時間都仲有兩、三枱客。例牌量完體溫店員就帶我地入座，「仲有午餐呀慢慢揀」，慳家嘅我就往午餐進發！而家疫情關係午餐堂食都有8折優惠！ 午餐有以下選擇A. 泰式海南雞飯（去骨）B. 泰式炒粉C. 菠蘿炒飯D. 青咖哩雞飯E. 香葉辣肉碎炒飯 拼 脆邊荷包蛋F. 泰式豬手飯 食得泰國野就梗係試我最愛嘅菠蘿炒飯啦！ =======================菠蘿炒飯 $78 由於餐湯轉冬陰功湯要加$20有啲貴，我就揀例湯冬瓜湯。冬瓜雞湯配雞腳，由於我唔食雞腳加上比較咸同油膩，味道一般。 黎到主食，除左炒飯外午餐包埋雜菜同小食。雜菜唔係整定，冇浸到淋，小食炸蝦餅係我至愛，蝦餅夠彈牙，不錯不錯！菠蘿炒飯配料有蝦、臘腸、肉鬆、腰果，青豆等，蝦夠彈牙嘅，炒飯食落比較淡口，咖哩味唔夠，比起坊間其他泰

一去到九龍城，就諗起食泰國菜。食泰國菜，一於去坐落九龍城好耐嘅「黃珍珍泰國菜館」。兩點鬆啲嚟到，估唔到下午茶時間都有兩、三枱客。疫情關係，午餐時段更加有八折優惠㖭～ 午餐餐牌有6款，包括：海南雞飯、炒粉炒飯、咖喱飯等等，價錢都係$78，仲會送餐湯、炒雜菜同小食。下午茶時間唔係好餓，一於叫個前菜、一個 lunch set 同男朋友 share。=========================青木瓜沙律 $98每次食泰國菜都會點，除咗青木瓜，仲有車厘茄、花生碎、豆角；醬汁加咗青檸汁，酸酸辣辣好醒胃 😮 餐廳提供生菜，可以將沙律放喺生菜中，多重爽脆口感，亦中和一下酸辣，十分 fresh！菠蘿炒飯 $78除咗有主角菠蘿之外，配料有蝦、提子乾、肉鬆、腰果、蛋、青豆，口感豐富爽口可惜味道較淡，咖喱味濃郁啲會更惹味 🤔呢個老字號相信好多人都聽過食過，所以價錢方面唔比同區餐廳便宜，不過個人覺得泰國菜嚟講味道中規中矩。=========================黃珍珍泰國菜館 📍 九龍城打鼓嶺道23號百營中心地庫至1樓

成個疫情都好少朋友出街食飯，難得今次大家夾到時間，拋夫棄女，當然要食餐好㗎啦！ 今次同幾位靚女一齊去左黃珍珍食泰國菜但今次嚟到黃珍珍，覺得同以前好唔同，餸菜味道好似冇乜點變，但味道冇咁咸，食完唔會口渴。細問之下，原來因為疫情嘅關係，老闆同廚師多左時間鑽研改良，決定唔落味精，用新鮮食物配搭正宗泰國香料去煮。真係食得出來嘅誠意👍🏻今次樣樣都好好食，必點推介有： 前菜必食 柚子沙律同泰式生蝦！ 🥗柚子沙律清新開胃。🦐生蝦刺身🍸如仙境一樣嘅擺盤，呃like度滿分！📸👍🏻🦐生蝦食得出非常新鮮，爽口！ 老闆話佢地堅持用爭爭跳嘅新鮮蝦，唔怪得隻隻咁彈牙啦！ 食左咁多年先知，原來正宗嘅生蝦刺身係要夾埋蒜片、辣椒🌶️，仲有估佢唔到嘅苦瓜！ 聽完抱住充滿懷疑嘅心態擺落口... 😲哦！唔錯woo,好特別嘅配搭，絕對要試！頭盤選擇多到暈，樣樣都想食，唔小心點多左。🐂燒澳洲和牛舌，皮脆肉嫩，一向唔食牛舌鴨舌嘅我，都俾佢嘅香氣吸引。忍唔住食左幾件。🍢必食推介 #串燒鮮白鱔 ， 白鱔皮厚肉香，未上枱已經聞到香味，外皮夠厚夠煙韌。肉嫩鮮甜。超正！ 仲有大大隻夠鮮味 #燒日本魷魚🦑同脆卜卜嘅 #炸單骨雞翼 同樣好味😋🥣泰