麵心國もと

营业中

休息中

今日經過灣仔，好想食拉麵。見到麵心國唔駛排隊，馬上入去。我叫咗個特製Tsukemen. 睇住師傅由收單到上麵，全程大約十分鐘。個麵係用粗麵，食落有口感。慢煮雞肉和五花腩嫩口，蛋入味，最重要係沾麵汁有好多料，連麵一齊食，味道適中，不會過鹹，帶點醬油香味。我個人喜歡夏天食沾麵，因為麵和汁不會太熱。所以我很快就食完。店員見我食完，主動地問我需要加湯入沾麵汁。師傅把清湯加入沾麵汁，然後多放京葱，味道十分鮮味，醬油味十分之出，一定要試😋下次再去，我想試撈麵。😉

朋友未食完就收人啲野。第一次問完，隔唔夠5分鐘又問。本身想品嚐下個湯嘅，但見佢趕到咁朋友都放棄了。另一個仲慘，因為我地一行四人入面有三個已經俾人收咗碗，店員就催我哋埋單，可鄰第四位朋友未食完都急住走。返工咁辛苦都只係想係lunch time好好食一餐，點知仲大壓力過deadline趕project。奉勸一句，想好好食個麵就唔好lunch time去。附上簡單食評：普通拉麵，醬油拉麵偏咸，正常發揮，未有驚喜。

📍 麵心國もと 𝑴𝒆𝒏𝒈𝒐𝒌𝒐𝒓𝒐 𝑲𝒖𝒏𝒊𝒎𝒐𝒕𝒐🧭灣仔春園街12號永興樓地下2A號舖人均消費: HKD88春園街開咗間拉麵店 #麵心國もと ，又去試下有拉麵，沾麵，撈麵揀，就揀第一個醬油拉麵🆗醬油拉麵 𝑺𝒉𝒐𝒚𝒖 𝑹𝒂𝒎𝒆𝒏 $88湯底睇落幾清，味道還可以，不過愈食愈咸拉麵質感唔錯，但好似油麵個叉燒細得可憐，大過舊筍少少🤏🤦🏻‍♀️ 仲有舊雞叉燒，鞋到飛起😅 筍都麻麻哋$88食完好似無食咁！一路食個員工就係Bar頭係你面前㩒電話，成餐俾人望住有啲唔舒服😅😅#MFJ灣仔 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #wanchaifood #ramen #noodle #相機食先 #灣仔美食 #日本菜 #拉麵

真心發表以下感想。小弟好少寫食評，覺得好食既會分享比朋友，但遇到中伏至比人呃既感覺，我就會寫出來讓各位美食家注意注意。拉麵既麵同肉，葱同筍，都無咩問題，雞肉嫩，豬肉香。 但無論沾麵還是湯拉麵，都咸到超乎食物既程度。茶記例湯小弟覺得已經好咸，尼度個醬油湯係例湯咸度既三倍。 食完我覺得飲左啖海水咁。醬油拉麵係濃味，講求咸香，日本既拉麵亦偏重口味小弟絕對明白，亦於日本食過味道好既醬油拉麵。但此地的湯底絕對是嚴重有問題。醬油湯底，想味道好，點都會落雞骨去淆個清湯，再配上出色既秘制醬油令湯底香濃可口。 此地的湯絕無加仼何動物的骨頭去煮。只是簡單的鏗魚湯加一個好咸又無乜味道的豉油。絕對令小弟非常失望。一碗醬油拉麵，一碗醬油沾麵。兩款都咸到不要不要。吃得好辛苦… 叫了一隻溏心蛋，都係咸得過份，係溏心咸蛋。湯底低成本，店舖地段亦不屬大街大巷，收食客大概一百幾十元。 實屬灣仔區性價比最低之拉麵。因稱自己是過江龍，店舖每天都會排隊。此情景應該好快不會出現。最後簡單一句，一碗好的拉麵係會令食客不停飲個湯，食完碗麵既湯就算不喝清，也至少會無左大半碗，而此地的湯係飲唔到，講完。

早幾日去完動漫節再光臨呢間試吓有冇改善，今次就點了招牌醬油拉麵。今次叉燒有改善，肉質幾林不太油膩，蛋和筍有改善，好食。但個湯底繼續都係好油和一味得個咸字，有膽固醇高血壓人士就真係可免則免😫麵底繼續係敗筆之作，一定係出邊啲麵廠交來，啲面繼續係膠的🤡樓面員工算友善，但啲師傅我見佢都幾港式運作咁，即係衛生方面有啲污糟🥲整體而言，如果你對拉麵沒有什麼要求的話，這碗麵是合格的。但收人$128一碗麵嘅話，如果唔係趕時間或者唔需要等位嘅話，會有好多選擇俾你揀☺️

麵心國もと (灣仔)灣仔春園街12號永興樓地下2A號舖係灣仔新開嘅拉麵店❤️❤️❤️❤️ 地點好易搵，集中幾條街都係覓食好地方😃因為新店牌照關係，暫時未有小食可供應，下次幫襯個陣除左order 拉麵🍜外都有炸雞等選擇，過下口癮😂😹🙌🏻1. 鹽🧂味湯底拉麵， 餸菜有原隻溏心蛋、京蔥、雞胸、荀、紫菜； 湯底好清甜， 食到有雞湯味； 係想食拉麵但無咁重口味之選！🥰2. 醬油拉麵：湯底非常濃！餸菜有原隻溏心蛋、京蔥、半肥瘦叉燒、荀、紫菜，好鍾意食佢嘅叉燒，味道好濃，少少脂肪好有口感，咸咸香香， 令我想加底添食🤣人均約HKD 126 左右每次入拉麵店都會怕無位放低袋，今次店員安排左我地坐係四人枱，有足夠空間擺行李🤣🤣不過如果其他小座位 凳下增設籃比客人擺私人物品都會更加方便呀😙😚#香港拉麵#香港拉麵關注組#香港拉麵店#香港打卡#灣仔好去處#灣仔好西#灣仔拉麵#hkig#hkfoodie#hkfoodblogger#hkfoodblog#hkfoodstagram#hkfoodlover#hkramenlover#ramennoodles

真心推介呢間拉麵，真係原汁原味還原日本點特色！平時一般我都唔鍾意食拉麵，尤其是每間喺香港大部份都係做偏濃口多油拉麵，但係麵心國本的確超過咗我預期。我平時鍾意食得清淡啲，所以樓面妹妹建議我食鹽味同埋沾麵｡ 鹽味真係好好食，食到清雞湯味同埋慢煮叉燒（好少見拉麵店喺香港油雞叉燒，好嫩同埋爽口）都非常之出色。沾麵都好特別，食完啲面可以加湯飲埋佢。唔同一般啲沾麵湯，次次食完都會好跩。樓面妹妹都建議我好似日本咁食，麵食完可以加蒸魚湯。

最近好多拉麵開張，又有一間來自東京葛飾區的人氣拉麵小店「麺心國もと」係灣仔開業，經過見無人排隊，入去試試先店內裝修簡約，座位主要都係圍住拉麵bar枱坐，就係平時拉麵店既格局醬油拉麵醬油湯底混合左雞湯 & 魚介湯 ，再加入自家調製醬油及葱油而成，湯底咸味較重，配料有一片雞肉同叉燒，雞肉都幾嫩，叉燒望落以為好老，但食落又幾腍幾入味喎整體味道我覺得正常，但湯底未去到好驚喜或一試難忘既級數，唔洗排隊都可以不妨一試🙂

近期唔少飲食平台都見倒意間東京過江龍嘅蹤影今日lunch終於一試 麵心國もと從來抗拒唔倒💗限定💗兩個字嘅我就叫左香港限定嘅濃厚拉麵濃厚程度係我暫時食過拉麵最濃稠嘅一碗湯底（更似汁）比沾麵嘅湯更濃稠 魚介香味較重 醬油旨味突出 但唔會過咸都係suggest愛重口味嘅 先好試🌸另外值得一提係配料嘅叉燒有一件厚豚肉同一件白雞肉 比較少見 亦有適量筍洋蔥 同一片紫菜🥚如果喜愛溏心蛋就要加錢增量 就會有一隻蛋增量叉燒同紫菜😇即使午飯時間 店員態度亦十分好 好有禮貌 小店除左將其自家拉麵口味帶到香港 仲傳承埋文化黎

之前喺日本有食過，跟住見到喺香港開咗分店就好想去試。啱啱開張的時候，次次行過都有長隊，但係有一次早度樓面又認得我就好快讓個位俾我坐。試咗佢哋日本最受歡迎的醬油拉麵，真係同日本做到一模一樣！香港師傅聽講係有去過日本學，做嘅方式同日本一模一樣，叫啲貨都係日本嚟嘅。見到樓面啱啱開張未好熟手，但係招呼都算好貼心。來過一次之後都會記住我之前叫過乜嘢，會問我想唔想試其他嘢。非常之推薦大家去試吓，感受日本最正宗過江龍的分店！

唔知大家對於啲越洋而來嘅名店有咩睇法呢？小編自己本身最鐘意踩場😈專去啲標榜住過江龍嘅排隊名店試下係咪真係名不虛傳而今次黎到灣仔試下呢間啱啱6月由東京開到黎香港嘅拉麵店「麵心國もと」，店家主打招牌醬油拉麵，一於試下有幾堅！ 《 醬油拉麵 》 $88  3.5 / 5好𝘚𝘵𝘢𝘯𝘥𝘢𝘳𝘥嘅一碗醬油拉麵，麵質爽口份量適中，叉燒七分肥三分瘦，入口略厭肥膩左啲，溏心蛋算好入味但湯底太咸而且唔算好熱就成為扣分位🥲令到成碗拉麵都略略失色，整體只算合格～《 沾麵 》  $98  4 / 5沾麵用嘅係太麵，麵條比較粗身食落較有嚼勁同彈性😋 亮點在於沾汁味道香濃，入面有滿滿嘅豚肉粒同笋片，肉質較腍而且更入味，笋片爽脆增強口感，但沾汁似乎調味比較重手，食到後段已經覺得好口乾😖而且通病都係肉身肥膏多😮‍💨試完店家嘅拿手拉麵，感覺佢地嘅調味都係偏咸，餐牌選擇唔算多，雖然有香港限定嘅「濃厚拉麵」，但當日寫住售罄所以無緣一試😌 用餐體驗普通因為店舖比較窄，而且未設有俾客人掛袋嘅枱底鈎或者竹籃，一袋二袋嘅朋友用餐時難免有啲論盡😣 整體黎講中規中矩，但如果要以日本過江龍嘅標準去評分嘅話就爭啲啦🤥

叫左香港限定既濃厚拉麵。個湯親係好濃好重味，重鹹同重稠過佢個沾麵（朋友order 左）。但呢個亦係佢賣點之一。濃厚拉麵，麵質煙韌同個湯夾，但好似食緊沾麵咁lol。慢煮雞肉出色，肉質嫩，味道唔會好濃，清淡但夾返濃湯。相對豬肉有少少乾，但都唔錯。配料唔算多，要加$38 果個先夠。如果唔加$係冇蛋，蛋可算係食拉麵靈魂之一。Overall 價錢算偏貴，但好在冇加一，再要加一的話就真係差d。地邊唔算大，但空間都ok，唔會好逼。落雨地少少濕，聽到有客人想問有冇椅子/籠可以放放袋，但未能提供。坐吧台亦唔似好多拉麵店底下有掛鈎鈎袋。可能寫纸亦可手機落單。同區有好多同類型店鋪。希望菜單同食物有所調整，增加競爭力。

最近留意到灣仔開咗新拉麵店 被網上譽為「葛飾區人氣拉麵店」第一位 放工特登一試究竟！😎沾麵 ($98)麵條掛湯彈牙 醬汁比一般沾麵汁較稀 但味道濃郁帶甜 幾啱我口味！湯汁亦有少許叉燒肉粒 但因為冇追加配料嘅關係 本身只包咗一片紫菜 所以叫沾麵建議一定要加$38特色配料組合 如果唔係真係無咩嘢食👉🏻👈🏻🙈醬油拉麵 ($88)湯底係混合雞湯和魚介湯 再加入自家製醬油和蔥油調配而成味道不過不失 湯底面有層香油 飲落魚介味濃郁 好似滿口木魚🤣配料方面包咗醬油叉燒同慢煮雞叉燒各一片豚肉叉燒唔入味而且偏鞋 雞叉燒食落只係普通嘅黑椒調味雞胸 質感有啲黏牙一放低筷子職員已經立即過嚟收野 有少少趕客嘅感覺🫣👉🏻👈🏻 整體來講各方面都有進步空間 個人覺得價錢定位亦有啲偏貴🙈唔加配基本上無咩嘢食 灣仔有咁多拉麵店以呢個價錢或者會有其他更好嘅選擇

近日灣仔新開咗間人氣拉麵！👨🏻‍🍳地道主廚，讓你享受地道日式風味。更有每日限定數目濃厚拉麵，遲一步都會沽清😉🍜濃厚拉麵 湯底濃稠度好似沾麵汁，適合中意濃郁口味的朋友仔，湯底製作過程非常複雜，🐤先用雞腳、豬手和豬骨煮成湯底，再加入魚乾煲煮。湯的質地濃稠，幼身拉麵都幾掛汁，🥢不過鹹度會較重，Nat下次會想試下清少少嘅湯底~配上厚切醬油浸五花腩叉燒、竹筍同京蔥。🥬超愛驚喜京蔥，口感爽脆清甜。此外，記得追加配菜，雞叉燒，😙醬油叉燒，慢煮叉燒。雞胸夠嫩滑🤩最最推薦醬油叉燒！香濃入味，唔會過肥比例啱啱好。慢煮叉燒薄切，瘦之餘肉香出。

今日第二次嚟，上次食點鹽味拉麵，覺得鹹咗少少，反映咗俾大廚聽，今次試吓撈面，覺得總體來講鹹味比上次改善咗好多，撈面味道夠層次，有葱花，义燒，火腿等，湯也很好味，所以飲晒。