麵心國もと

营业中

休息中

之前見拉麵關注組有推介，所以特登慕名而來。為咗避免排隊，所以特登早少少嚟到😽😽，好彩早咗到我入咗去冇耐之後已經開始要等位。🥳🥳因為平時都食開重口味，所以就揀咗慢煮雞肉同豬肉沾麵。 🟠食物方面🟠平時食開嘅沾麵個湯通常都會比較油膩而且杰身，但麵心國個湯唔會上面浮起一層油，先試咗一啖湯，湯非常有層次首先感受到濃濃嘅醬油味🤤，之後有淡淡的魚香味，尾隨就係蒜香味， 味道剛剛好而且個配搭好夾。麵條方面，麵嘅粗幼適中，將麵放入湯，麵非常掛汁，麵嘅口感非常好，煙煙韌韌非常啱我嘅口味。慢煮肉方面，豬肉帶有淺淺嘅粉紅色，豬肉片肉質嫩滑，唔會煮過火喉🔥🟡服務方面🟡侍應服務友善親切💗🟢環境方面🟢座位唔會太迫，另外唔會太大油煙味💨💨

今日day off 同朋友去港島銅鑼灣、灣仔果邊行街，行到攰攰地，見到附近有間食拉麵既餐廳，餐廳佈置以日式風格為主。我地當然要試下呢度既招牌喇！《香港限定，每日25份====濃厚拉麵》With 雞，醬油叉燒)喜歡濃鬱口味的話，不得不試這款濃厚拉麵。濃厚湯底製作過程極為複雜，先以雞腳、豬手、豬骨煮至材料完全融和，再加入魚乾煲煮，非常濃鬱的肉味，而且面底都非常講究，口感軟硬適中。《鹽拉麵》with慢煮豬，慢煮雞)呢個既製作都非常複雜，雞湯底加入自家製鹽醬、雞油和貝柱油，選用較粗身的麵條，配上鮮嫩粉紅的慢煮脢頭叉燒和慢煮雞胸叉燒，真心正！環境：☀☀☀☀☀食物：☀☀☀☀☀店員：☀☀☀☀☀推介：☀☀☀☀☀

作為一個拉面迷，點會未嚟過呢間日本過江龍嘅人氣拉麵小店嚟食呀！知道呢間過江龍日式拉麵店喺灣仔開咗香港分店，見今日得閒，就立即嚟試吓啦！✅醬油拉麵(慢煮雞,醬油叉燒) 4.5/5♨️醬油湯底加入咗雞湯同魚湯，雞湯係用咗六個鐘慢煮而成，而魚介湯就加入左鰹魚粉。麵身掛湯力強，彈牙有水準👍。糖心蛋亦都製作得非常出色，流心效果一流。😎慢煮雞胸同慢煮叉燒，肉質鮮嫩，鹿肉。✅沾麵(碎肉 ，叉燒) 4.9/5♨️發現都幾多人食沾麵，附近幾枱都有人叫呢個沾麵嚟食 hehe 🤭啲面嘅汁就係一個超級濃縮嘅魚湯湯底, 唔似第二d舖頭嘅沾麵湯底咁稠，呢個沾麵嘅湯底係比較簿身混合左魚湯同蒜油,令湯底層次更加豐厚。而呢個麵身係比拉麵嘅較為幼身，掛汁能力極強，一啖面沾滿住濃郁嘅沾麵汁，味蕾大爆發🥳🥳🥳🥳 ✅ 唐揚炸雞(小) 4/5♨️炸雞三大件，肉質厚實，唔會偏鹹。總結：非常推介，係一間食完充滿幸福感嘅拉麵🥰💕

《鹽拉麵》鹽味湯底就好似係雞湯底，再睇返蘭介原來真係用雞整成的:-D湯底唔咸係岩岩好，我都默默地飲到半碗。配料的肉都是慢煮的，就係慢煮豬肉與慢煮雞肉，同平時嘅慢煮肉都係嫩嫩的( ̀⌄ ́)拉麵配湯底再加蔥花食，係我最喜歡的更加香！《醬油拉麵》醬油湯底固明思易就係用醬油整成啦，但其實有混合了雞湯與平時較想在日本料理遇到的魚介湯。湯底都濃郁但唔會覺得係鹹，與拉麵也是十分夾的(｡ì _ í｡) 醬油叉燒是較肥的豬肉但唔會覺得肥膩，慢煮雞肉同樣是好食的(｡･ω･｡)ﾉ《唐揚炸雞》選擇了小份的炸雞，炸粉不厚，雞肉冇雪味(^-^)

東京開業人氣拉麵店「麵心國」原來喺香港都有分店，之前喺日本旅行嘅時候試過一次，當發現灣仔原來有呢間店嘅時候已經決定要試吓香港嘅質素如何🥰❤️醬油拉麵呢碗醬油拉麵嘅湯底會比較濃郁，佢係由雞湯與魚介湯混合，仲加咗啲自製嘅醬料同蔥油，所以飲落去整體味道好有層次！配料方面會有厚切醬油浸五花腩叉燒同慢煮雞胸叉燒！五花腩超入味，慢煮雞胸叉燒都唔會鞋，兩款都好鍾意食！❤️鹽拉麵餐廳仲有得揀正常份量或者加料份量，男朋友呢碗就揀咗加料份量大碗好多，鹽拉麵湯底就比較清澈香甜，飲到食材嘅精華，但又唔會太鹹太過。配料有慢煮脢頭叉燒同慢煮雞胸叉燒 ，脢頭叉燒好鮮嫩又有粉嫩顏色，簡單得嚟又好味！整體嚟講，我覺得香港分店嘅質素都好似日本，連廚師都係日籍店主負責烹調好每一份拉麵🍜，難怪味道質素都同日本一樣優質❤️

今次嚟咗灣仔春園街幫襯麵心國もと，門口已經好日式拉麵風格。店員安排坐bar枱，可以睇到廚師煮麵、執配料，好似入咗日本拉麵店咁。先講一講個醬油撈麵 ，份撈麵份量唔好睇少，望埋去以為份量不大，都食到頂肚!肥瘦分明而且好厚身既炙燒叉燒入口滑嫩，味道一流。碎肉十分新鮮沾麵份量都唔少喎，碎肉同叉燒都好足!炙燒叉燒咬落好腍身，仲有啲油脂香味同炙燒完既焦香添，食完仲唔會口渴添! 湯底嘅水準都保持到，沾麵亦都做到掛湯嘅效果，最後叫店員加埋啲熱雞湯就可以飲埋個湯店舖提供綠茶，走健康路線既人唔可以錯過呀，飲返啖降下溫就啱哂。整體黎講都係一間幾高質嘅拉麵店！

係灣仔發現咗有間新拉麵店，聽說呢間係傳統東京醬油拉麵。遠望已經有人排隊，排緊個陣店員已經比咗menu 我睇住先，好快到我啦~我揀咗醬油拉麵😺拉麵份量適中同彈牙，湯底濃厚😽厚切五花腩叉燒充滿醬油香味，慢煮雞胸叉燒好嫩😽竹筍有滿滿嘅叉燒汁，有驚喜😻我追加咗細份唐揚炸雞，即叫即炸，卜卜脆嘅外皮，熱辣辣嘅雞肉朋友就揀咗醬油撈麵🍜 湯同麵係分開裝，好似沾麵咁，撈麵係用粗身拉麵，煙韌彈口，拉麵嘅配料有炸蒜、葱、洋葱、竹筍、慢煮叉燒等等，夾住魚湯一齊食，味道清甜，配料可以提升魚湯嘅鮮味，十分好食😽環境衛生乾淨，上菜速度快，仲有翻到公司唔口渴，應該無咩味精💯

同同事係春園街麵心國食拉麵🍜，我哋叫左1個醬油拉麵，1個鹽拉麵，拉麵材料足，份量夠大，好味又抵食！醬油拉麵🍜湯底夠靚，大廚好俾心機煮，用上雞湯和魚介湯，加入自家調製醬油和蔥油熬煮而成，味道濃郁好滋味，配料有慢煮雞肉和叉燒，食落去味道又香又豐富，一食就知係用心之作。鹽拉麵🍜係大廚嘅精心傑作，簡簡單單嘅鹽拉麵已經食得出廚師嘅功架，鹽湯底清澈又鮮味，更加突出食物嘅原味道。拉麵香味十足，爽口彈牙，但煮豬肉和雞肉入晒，再加上筍片，大䓤絲和紫菜，根本係拉麵嘅神作

在日本，最享受就係就算食完晚飯都可以食碗拉麵宵夜。呢碗拉麵唔需要好矜貴，只係需要一碗簡單嘅醬油拉麵。今晚揾咗麵心國嘅醬油拉麵，覺得味道令我想起東京的拉麵舖，湯底夠味，有層次，不是一般的湯底，應該係有用心機用足料去熬嘅。义燒有水準，夠腍身，肥瘦適中，還有雞义燒，煮得啱啱好, 特色版有6片肉，好多好抵食，重可以免費加麵一次，夠晒飽！比起其他麵店，如果係同樣高質素的話，麵心國都好抵食！要讚下佢哋服務態度，認真唔錯，雖然比較忙，但服務員都反應好快，態度親切，認真唔錯！

平時行過灣仔春園街見佢裝潢別具日本特色，都想試下，於是呢日趁搵朋友放工，拉佢一齊黎試下，估唔到啲拉麵都真係咁有水準😋😋排隊嗰陣已經揀好晒食咩品嚐這個拉麵時，首先聞到濃郁的醬油，而且沒有過度鹹味，每一口湯都能品嚐到花時間調配的精華，非常適合喜愛原汁原味的人。配料也很豐富，有慢煮雞同醬油叉燒，增添風味和口感。有慢煮雞食落有少少炭燒味， 肉質都算軟腍。朋友都係叫呢份醬油拉麵，佢大讚麵條的彈牙口感非常出色，能夠完美地吸收湯的味道，讓整個拉麵更美味。佢仲配埋溫泉蛋，溏心蛋蛋黃呈橙紅色，睇落吸引 食落仲好有蛋香味添令人回味無窮，融合非常令人滿足。餐廳嘅食物果然冇令人失望，小小嘅食店座位唔算多，亦冇花巧嘅噱頭吸引食客，憑嘅絕對係優質同令人難忘嘅美食，難怪連日本人都要嚟朝聖。

心血來潮想食拉麵，咁岩地係App都見到係灣仔既麵心國，呢度既環境都好闊落，叫餐後仲可以睇住師父整拉麵，公開晒成個拉麵既製作過程，製作速度都好快，等一陣就食得，全部都以拉麵為主，份量、款式都可自行調較，好細心地為每一位客人著想🥢「唐揚大炸雞」🍗因為入到黎睇到好多人都有食炸雞，所以點都要食返一次，呢個炸雞份量都好大，外面既一層都炸到金黃色，咬落去入面好有雞肉味同好多肉汁，每一啖都有滿足感，仲有埋自家醬，食得好滋味「鹽拉麵」🍜佢既拉麵好彈牙，份量十足，收埋好多拉麵，呢個湯底既味道好獨特，食到好多食材既味道，佢既湯仲加咗雞油同貝柱油，唔怪得咁好食，好想飲晒佢既湯添阿「醬油拉麵」🍜呢個湯又幾濃，睇上去又有好多料，剛剛睇住師父整好就拎上來，佢既慢煮雞肉做得好好食，肉質嫩滑概入味，加埋黑蔥一齊食，真係好好食，我特別鐘意食佢個醬油叉燒，下次都想試下先

之前聽朋友👯‍♀️講灣仔開咗間人氣日本拉麵店，因為仲未有機會日本旅行，唯有去間人氣日本拉麵店🏮止一止渴先。我同朋友都不約而同咗揀左鹽味拉麵，朋友係愛肉之人， 所以佢加錢加倍配料，我哋因為肚餓，叫多左個大嘅唐揚炸雞開心share。🙌🏼鹽味湯底最易睇得出拉麵店嘅功力🤔，我哋覺得麵心國嘅湯底真係一流，鹽味湯底唔止得鹽既咸味，仲有一種清甜嘅雞湯味，食完唔會覺得口渴。🙆‍♀️相對粗身嘅拉麵，爽口唔硬，煮嘅時間剛剛好，配埋湯一齊食更加顯出湯底嘅出色。鹽味湯底好夾個慢煮豬同慢煮雞肉片。😻唐揚炸雞熱辣辣上枱，炸雞好crispy , 雞肉有肉汁，肉質鮮嫩。讚讚讚 ！👍🏻👍🏻👍🏻

收工喺灣仔唔知食咩好上網搵到呢間拉麵過江龍決定嘅試，喺門口見到有學生七折真係好抵少有呢啲學生discount！叫咗碗沾麵🍜平時食開濃郁豬骨湯海老湯，呢間嘅湯會比較清淡不過湯入面啲叉燒都幾好食，拉麵煙韌好夠凍又可以加麵！加分！！

♨️食過麵心國，感覺好有質素好優質，所以小試牛刀試試寫評價‼️💯唐揚炸雞(小)呢款小食絕對係值得推薦，每一塊雞既外型都炸到好似雞球一樣，外層香脆，裡面多汁又嫩滑，呢個炸雞非常適合做前菜或者開胃菜，炸雞既調味剛剛好，再加沙拉醬，更提升層次風味‼️💯濃厚拉麵呢個拉麵係香港限定供應，仲要只係得25份，呢個拉麵湯底濃郁豐富，充滿醬油叉燒既香氣，拉麵既質感亦好彈牙，配合埋醬油叉燒，每啖都好美味，入面既材料好足，有油浸五花腩叉燒仲有竹筍，仲有洋蔥做調味，食完拉麵再飲埋湯，都唔錯 ‼️💯醬油拉麵呢款醬油拉麵係以慢煮雞同醬油叉燒做主要材料，拉麵既湯有醬油香，啖啖濃香不失風味，雞肉既質地柔軟，加上拉麵一齊食，好有層次，佢既竹筍係用叉燒醃汁燜煮出來的，令到本身既材料更入味 ‼️呢間餐廳既拉麵都好有水準，會多多支持！ 

平時鍾意同男朋友去唔同嘅日本拉麵店食，今次就搵到呢間叫做麵心國嘅日本拉麵店啦💟🍜 濃厚拉麵⭐️⭐️⭐️⭐️呢個濃厚拉麵係香港分店限定，每日只係買25分嘅咋！好好彩今次可以食到。呢個拉麵用咗🐖豬骨作為基底，慢煮而成，拉麵師傅用心製作🩷，充滿豬骨濃香，滴滴精華。拉麵用咗比較幼身嘅麵質，入口順滑😙。Mike嘅慢煮叉燒，令味道層次更為豐富。食晒成碗拉麵之後，連湯都飲埋，一滴都冇。飲晒哈哈哈哈哈😍😍😍🍜 鹽拉麵 ⭐️⭐️⭐️⭐️⭐️我平時唔係特別鍾意食鹽味嘅拉麵，但係我一飲完第一啖湯， OH MY God ❕❕oh my god ❕❕即刻令我對鹽味拉麵完全改觀！鹽味湯底清而不淡，清澈醇厚，慢煮雞胸同慢煮豚肉非常嫰滑，肉味濃郁。餐廳叫做麵心國，果然食得出拉麵師傅對每一碗拉麵製作嘅用心🩷，對拉麵嘅熱誠。全間餐廳只有5款面，貴精不貴多，絕對值得一試！🫶