香馥樓

营业中

休息中

今日同朋友去咗銅鑼灣廣場二期搵嘢食 呢間酒樓唔係主打平 但係絕對係精緻同高質 食物質素對得住佢嘅價錢上湯阿拉斯加長腳蟹伊麵一份 呢個係咁啱喺枱面見到有特價而店員推介嘅 味道亦非常驚喜 首先上湯伊麵個味做得好好 伊麵亦保持到有咬口唔會淋啤啤 而最重要主角阿拉斯加長腳蟹係好新鮮鮮甜 而且蟹腳係粗壯結實有肉另外我哋仲喺主菜單揀咗佢哋推介嘅一啲小菜欖仁鮮蟹肉粉絲煲 上菜嘅時候會單獨配埋椒麻油 如果食得麻同辣嘅人可以落少少 食落會更加香 粉絲炒得非常乾身 亦有一梳梳啖啖肉嘅蟹肉 裏面再有少少欖仁同肉碎 加埋係好香口嘅一個粉絲煲 價錢雖然要$288真係唔算平 但係價錢對得住去嘅味道馳名欖角骨 呢個上枱嘅時候配上乾冰已經非常有睇頭 食落更加有驚喜 因為欖角骨個粉漿薄得嚟夠香脆 欖角骨肉質非常爽彈 而且黏住骨嘅位帶有少量油脂 食落更加香口 而且麥芽糖調成嘅汁甜甜地 好下飯整體嚟講我哋都一致推介呢間酒樓價錢唔平唔緊要 但係出品夠好 而且質素好平均 幾道菜都係同樣係好食

最近成日都好想食叉燒，經朋友介紹銅鑼灣呢間酒樓嘅叉燒好出名。今晚嚟開呢頭就過嚟試吓。入到嚟環境闊落，今晚全場爆滿。店舖裝修以白色紫色為主。 感覺高貴又優雅。食物擺盤更是精緻。一口蝦多士炸香咗嘅多士配埋蝦呢個搭配好新穎。用貝殼型嘅碟上菜感覺更加精緻。蝦多士咬落香脆，完全冇油膩感。紫砂功燉湯 用紫砂功夫茶壺裝住湯，如果唔想食嘅話直接將湯倒落功夫茶杯。打開茶壺見到入邊嘅料好足有豬展、海底椰、仲有雞塊。湯好清甜。 蜜汁厚切黑毛豬黑毛豬雖然係厚切，但係完全唔老，肉質好鬆軟。肥瘦適中，中間仲擺甜味蠔油豆。用咗一個鐵板上。將醬汁淋落豬肉度，蒸氣瞬間籠罩住成疊餸。香味撲鼻而上。魚湯竹笙魚腐浸勝瓜用史雲蔘湯打底，魚湯清甜。竹笙軟中帶爽，完全吸收咗湯嘅精華。味道青而不寡。魚腐軟腍，勝瓜清甜。

各位食神們！又有口福啦🦀🦀🦀🦀前嗰排我地四條女約咗去食大閘蟹🤣揾左間位於銅鑼灣嘅粵式酒樓小備注：嗰度嘅員工固執得來熱情可愛🤣🩷🤣我當時估係處女或者金牛座～點知係巨蟹座講返重點先：佢地推出左個 【兩小時任食大閘蟹套餐】個套餐可以自己揀小菜～兩個鐘頭無限大閘蟹、仲有湯，小菜，片皮鴨，鮑魚，糯米飯～🤣你都咪話唔爽！我講吓我哋女仔食咗啲咩先！主角😎• 【無限添加大閘蟹】🦀🦀🦀作為放題大閘蟹嘅質料一啲都唔遜色～啲蟹殼色澤鮮艷，蟹肉鮮嫩多汁，蟹膏金黃飽滿，一啖咬落去，蟹肉同蟹膏都黐住晒響嘴🤣 不過老實地講放題嘅蟹，你都唔好諗住太大隻，大約三両左右，記得食快啲食多幾隻🤩👍🏻👍🏻• 【紫砂功夫燉湯】首先介紹下呢個好講究嘅湯😎👍🏻湯料包括螺肉、海底椰、菇類同瘦肉，啲湯仲用茶壺裝住，下面有個燭台保溫。飲一啖，啲湯頭真係清甜到爆，感覺就好似喺皇宮中享用咁優雅！🤣🫶🏻• 【 桂花養淮山】淮山煮得啱啱好，甜甜地～配上桂花香氣，口感清新甜而不膩，養身又好味。• 【上湯蒜子浸時蔬】食嘢之前食啲菜～健康啲呀嘛😎大大粒蒜頭～清甜一流！• 【片皮鴨一食】皮脆肉嫩，薄皮包住睇鴨肉同配料～啲鴨味香到冇朋友！！• 【鵝掌扣鮑魚

同朋友都好鍾意食中菜今日特登黎到呢間餐廳體驗佢地的幾款招牌菜感受那份精緻同純正的粵味9點後仲有宵夜時段🤩🤩.💎$98 紫砂功夫燉湯 湯色清透，湯料也頗為講究慢火燉煮的技法保留了食材的鮮香清潤的口感讓人心安😆真是不可多得的暖心之選.💎$118 一口蝦多士外焦里嫩的多士上鋪滿了新鮮的蝦仁色澤金黃誘人咬下去，蝦仁的鮮甜與吐司的酥脆完美結合🫶🏻瞬間帶來味蕾的驚喜令人一口接一口，難以自拔.💎$128 杞子花雕醉雞這道經典的醉雞色澤鮮艷、香氣四溢食材選擇上也很考究雞肉入味，肉質滑嫩杞子的甘甜更為整體增色不少😆每一口都彷彿能品味到醉人芳香.💎$208 脆皮燒鵝皇 (例)不可錯過的還有“脆皮燒鵝皇”鵝皮焦脆、油脂香濃口感層次分明入口肥而不膩🔥搭配嚼勁十足的鵝肉每一口都是幸福的滋味.💎$288 欖仁鮮蟹肉粉絲煲煲內的粉絲吸滿了蟹肉的鮮美彈牙入味，與欖仁的香脆相得益彰蟹肉的份量也相當實在肉質鮮甜，回味悠長😎值得一試.💎$168 魚湯竹笙魚腐浸勝瓜.入口清淡怡人😎竹笙與魚腐的搭配讓湯底更具層次勝瓜的清脆口感與湯的鮮甜完美融合絕對係健康選擇🥳

又到左食大閘蟹的最佳時節！銅鑼灣香馥樓有個**大閘蟹任食套餐，週一至週四，只需$538一位，即可無限暢享肥碩飽滿的大閘蟹！ 除了大閘蟹！還有多款精緻菜餚，讓您的味蕾在層層遞進的美味中翩翩起舞！大閘蟹肉質鮮美，膏肥黃滿，可以盡情享用！ 保證讓您吃到過癮！紫砂功夫燉湯: 慢火細燉，湯汁濃郁，滋潤養顏，為您的盛宴開啟一個溫暖的序幕。桂花准山: 清甜爽口，桂花香氣撲鼻，在蟹宴的鮮美之間，帶來一絲清新的口感。片皮鴨: 香脆的鴨皮，鮮嫩的鴨肉，配上特製的醬料，經典美味，令人回味無窮。鵝掌扣鮑魚: 軟糯的鵝掌，鮮美的鮑魚，精湛的烹飪技藝，展現出香馥樓的廚藝精髓。濃湯浸菜苗: 清淡爽口，解膩爽胃，在享用豐富菜餚後，為您帶來一份清爽的感受。臘味糯米飯: 香糯可口，臘味濃郁，是中式宴席的經典之作，為您的盛宴畫上一個完美的句點。薑茶: 暖胃驅寒，在品嚐大閘蟹後，一杯暖暖的薑茶，更顯貼心。黑金流沙包: 外皮鬆軟，內餡流沙，鹹甜交織，口感豐富，是飯後不可錯過的甜品。

呢日去咗銅鑼灣廣場食中菜，「香馥樓」裝修有氣派，坐得非常舒適，而且店員服務態度亦好好，會主動加水加茶，好有效率👍🏻此外，夜晚九點後更加有宵夜時段👍🏻杞子花雕醉雞，雞肉鮮嫩多汁，入口即化，而且融合左花雕酒嘅香濃滋味，杞子嘅味甜同醉雞嘅鹹香味融合，口感豐富🥰香芒脆蝦球，蝦球大大塊，表面嘅香芒醬味道濃郁，一咬落口就感受到芒果甜味，入邊嘅蝦球熱辣辣😝杏汁菜膽燉白肺湯，杏汁味道突出，飲落每一啖都有杏汁香味，而且燉湯有微火保持住溫暖，非常細心😍香馥小炒皇，小炒王勁足料，份量好多，有齊蝦乾、魷魚、腰果、炸魚仔，勁香口惹味，令人食到停唔到😋

約咗家人去銅鑼灣晚飯，揀咗呢間比較新式嘅中菜酒樓試吓。酒樓裝修光猛，設計時尚，服務周到，仲有專人幫手餐前用滾水洗餐具，最重要係食物質素好好。原來佢九點之後仲有宵夜時段添，下次可以約埋朋友試吓。咕嚕鳳梨黑毛豬肉 $198擺盤精美，咕嚕肉酸甜適中，有山楂嘅果香，肉質鬆軟，又唔會肥膩，配上燒菠蘿香甜多汁，味道一流。蝦子京蔥明蝦球 $198蝦子嘅甘香加上京蔥嘅惹味，配上爽口彈牙嘅嫩滑大蝦球，食到舔舔脷。椒麻安格斯牛柳粒 $198呢個用砂鍋上，香氣四溢，椒麻嘅香氣恰到好處，鬆軟嘅安格斯牛柳粒香得來唔會辣。另外配有椒麻辣椒油，嗜辣嘅朋友都可以沾上食。配料嘅蕎頭同埋京蔥都唔可以放過，好香口爽口。香蔥鮑魚雞粒燴飯 $198呢個飯又係勁香，用砂鍋上嘅原因，勁有鑊氣，飯粒乾爽得來每粒飯都吸收晒鮑汁，配上嫩滑嘅雞粒同埋一啲爽脆蔬菜粒，口感好好。食到底仲有少少鍋巴嘅感覺，脆脆地，有另外一種口感。我原本封面頭嗰四隻鮑魚冇咩期望，點知好有驚喜，size唔細，軟滑一啲都唔韌，而且非常入味，仲有鮑魚鮮味添。

已經好一段時間無來銅鑼灣，難得今日朋友約食飯，還要在銅鑼灣一間今年才開業的菜館， 順道行街購物之餘又可以試新菜館，當然立刻舉手和應。菜館位處銅鑼灣廣場二期六樓全層，空間寬敞，選用淺紫色配搭藍色色調，營造出優雅高貴 氛圍； 餐具印上清明上河圖圖案配以金箔紫，整體感覺細緻和諧。用餐前職員還會用鉗夾住茶杯餐具在客人面前用熱水清洗一番，餐具旁還有一個精緻玻璃杯，盛載著濕紙巾 ，方便客人清潔雙手，服務的確貼心。脆皮紅燒乳鴿 ( 推廣價 $68 )乳鴿是我的最愛，這裏還有特價，當然要試一試。有麻辣和鹽焗兩款口味，我們揀了鹽焗做法。菜館用上馳名石岐乳鴿，那燒至金黃香脆的外皮，已深得我心，內裏肉嫩多汁，亦滷得非常入味，點小許准鹽更添風味。拔絲咕嚕鳳梨黑毛豬肉 ($198)招牌菜之一 造型充滿仙氣，咕嚕肉和菠蘿左右排開。厚切菠蘿咬起來特別有口感，清甜多汁，稍稍輕烤令甜味更濃郁👍。咕嚕肉粒粒分明，大小適中 沒有因為醬汁而糾結在一起，皮薄， 用上出名肉嫩的黑毛豬肉製作，配自家調製，甜酸濃稠的醬汁，醒胃味道與口感叫人難忘芝麻鹽焗雞 ( $198 半隻 )皮薄，皮下脂肪少，外皮烤得份外酥脆；灑上原粒白芝麻，吃起

估唔到銅鑼灣鬧市中心都有一間唔嘈吵又坐得舒服嘅酒樓~ 嚟到啲位唔會密質質，有返個適當嘅空間感，好適合聚會談心杞子花雕醉雞 - 雞夠滑，唔苦澀唔嚡口~花雕好香食落酒味唔涸杏汁菜膽燉白肺湯 - 呢排天氣係咁轉，飲個靚湯滋潤一下~佢哋個湯座有蠟燭 heat 住，就算傾住偈慢慢飲都唔怕變凍~加分位！聞落杏香撲鼻，飲啖暖入心扉，白肺軟滑唔腥，雞腳好腍，飲得好舒服~香芒脆蝦球 - 大大粒啖啖肉嘅蝦球，外皮炸衣唔厚，口感酥脆，個香芒汁略嫌太甜比較兒童口味少少香馥小炒皇 - 一上台烽煙四起好 IG-able~ 料足實在，銀魚同腰果夠脆，蝦乾香，最緊要係啲韮菜夠爽甜~ 仲有魷魚，蝦仁同埋帶子，唔錯！9 點鐘後嘅宵夜時段主菜餐牌 指定餐牌都有半價，好優惠嘅宵夜好去處~

銅鑼灣嘅中菜餐廳有唔少，呢晚就嚟咗喺銅鑼灣廣場嘅六樓，發現呢間酒樓嘅食物同服務都唔錯喎😎杏汁菜膽燉白肺湯冬天真係好想飲返盅燉湯，呢間餐廳嘅擺盤勁貼心，底下有個蠟燭熱住，完全唔驚擺一陣會攤凍咗🕯️呢張燉湯非常足料，每盅都有兩件豬肺，一隻雞腳同埋一棵白菜🥬 因為豬肺好難處理，係要好多功夫先可以整到完全冇內臟嘅味道，所以一見到酒樓有得嗌白肺湯，都會想嗌返一盅嚟暖胃。杏汁嘅味道都非常滋補，真係大推佢個湯。杞子花雕醉雞雖然呢份只係小食，但係份量都唔少㗎。花雕醉雞整得好入味，雞肉嫩滑，雞皮帶點爽彈，又唔會好肥膩🐥 連雞胸都係好軟身。香馥小炒皇呢個擺盤同樣有特色，餐廳用上乾冰令到呢碟菜式增加咗唔少生氣🤤 加上呢個小炒王嘅用料豐富，色彩鮮艷，材料包括蝦仁、帶子、魷魚鬚、韭菜、菜甫、蝦乾、腰果、脆魚仔同埋彩椒🥰 我特別喜歡蝦仁同埋脆魚仔，蝦肉彈牙，而面頭嘅脆魚仔就非常香脆，勁有口感。香芒脆蝦球呢個係餐廳嘅招牌菜之一，一份有六隻超大隻嘅蝦球🍤 而且炸粉唔算好厚，外脆內彈牙嘅口感好正。加上餐廳用上少少鹽同埋香芒汁調味，食落口唔會太肥膩👍🏻值得一讚呢間餐廳服務好唔錯，同埋環境都算寬敞，唔會坐到好逼，嚟緊啲團年同

前排太忙好多想分享既餐廳都放埋左一邊😕雖然過左大閘蟹季節，但既然一早都打好左，就都分享下啦🥹呢間主打新派中菜，開左都吾算太耐，所有既餐具碗碟都幾有特色幾美觀之外，野食都高質🙃星期日食飯時間好快就坐滿哂，吾少人仲預先訂哂位離食飯或者食大閘蟹餐😗.👁‍🗨咕嚕鳳梨黑毛豬肉(7.5/10）💲198.➰呢個係高級版既咕嚕肉🤪份量都比預期既多，賣相亦都夠哂有睇頭，會有啲乾冰營造仙氣😂咕嚕肉既外皮炸漿夠哂薄，入面啲黑毛豬肉彈牙香豬肉味，醬汁酸甜的岩岩好😎旁邊仲有新鮮菠蘿，份量都吾少.👁‍🗨麻辣爽脆魚皮(7/10）💲88.➰魚皮真係整到同個名一樣，非常爽脆😋初初食一兩條覺得吾係太麻，之後愈食愈勁😂果種麻辣係會慢慢發出離，但係麻得離又好惹味，令人想再食🥲.👁‍🗨脆皮紅燒乳鴿(7/10）💲98.➰乳鴿肉質算係幾嫩身，外皮燒得夠香，但調味可能重左少少，食落有點咸，不過整體吾錯，兩個人食岩岩好.🔛 整體評分（7.5/10）

平日晚市來吃飯，客人不多，坐得舒適，店員還會幫忙洗碗，非常方便🤣🥒前菜：涼拌青瓜雲耳；茶位 $20/人先來一壺鐵觀音，底座有蠟燭坐熱保溫，十分貼心。再來的是前菜涼拌青瓜雲耳。青瓜新鮮爽口，雲耳滿載陳醋香👍🏻🍍拔絲咕嚕鳳梨黑毛豬肉 $198一碟菜式有兩個打卡位：1. 一上菜的時候乾冰噴煙；2.夾起咕嚕肉的時候有拉絲效果！雖然咕嚕肉外層被糖醋汁包裹著，但還是吃到內裏的香脆和軟嫩的肥肉位，配上新鮮香甜的菠蘿，難怪是為鎮店之寶🤤🦪椒鹽一口韓國蠔 $118想了很久到底選黑松露腐皮卷還是椒鹽一口蠔，最後還是選了這一碟有4隻肥美的韓國炸蠔，外層炸得香脆不油膩，配上椒鹽非常惹味😋🦀鮮蟹肉桂花瑤柱炒米粉 $198以為有蟹肉散落在整碟米粉中，原來是一大件充滿啖啖蟹肉的炸蟹餅放在面層，而整碟炒米粉就有雞蛋、甘筍、芽菜和瑤柱作伴。米粉炒得乾身不油膩，而且條條分明，沾上辣醬更為香口😊

✨朋友推介銅鑼灣廣場6樓「香馥樓 」，這酒樓樓底好高，座位闊落，高雅裝修設計，屬於高級中式酒樓。餐牌好多選擇，我們揀選了幾款最熱門菜式。***** ***** ***** ***** ***** 一口蝦多士🦐入口鬆化，多士部分外脆內軟，配合鮮蝦真係有齒頰留香的感覺。蜜汁厚切西班牙黑毛豬🐷以西班牙黑毛豬製作的蜜汁叉燒，口感非常軟腍，肥瘦適中，脂肪位咬落彈牙，味道甜甜蜜蜜的，一口接一口很好餸飯。魚湯竹笙魚腐浸勝瓜🐠🍲材料豐富，食材夠新鮮，整鍋都有鮮甜味道。紫砂功夫燉湯🫕功夫茶聽得多，第一次聽到功夫湯，二話不說點來試吓，有職員幫忙倒湯在一個杯子，啖湯甜甜的，好夠火候，打開鍋子看看，原來材料好足。

🍴石岐乳鴿 68 蚊🔥個皮有d香脆 食落口感juicy肉味濃 點d准鹽正🍴咕嚕鳳梨黑毛豬肉198 蚊🐖外表靚 有埋乾冰噴煙🤣 黑毛豬肉整得甜酸入味 豬肉入面好爽滑 菠蘿新鮮夠香甜 🍴准山雲耳炒百合138 蚊百合加埋三色椒好爽口 仲有彈牙雲耳🍴秘製汁乾炒牛肉炒河 148 蚊🐂河粉係比較牛肉好爽同牛味香濃 加埋爽口芽菜 點d辣椒醬就好味Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#香馥樓銅鑼灣駱克道463 至483 號銅鑼灣廣場2 期6 樓~~~~~~~~~#fafafoodblog #為食花太郎 #fafafoodblog銅鑼灣====================

約客人食晏絕不能求求其其，搵左間喺公司附近，高質素粵菜位於銅鑼灣香馥樓 價位適中，而且地方寬敞 吾會坐到枱貼枱大廳以白色配上淺紫色的色調，感覺柔和又高雅。我作主當然因應客人喜好為他點菜秋風起喉嚨也特別乾，所以點左紫砂功夫湯 $88養生之餘又潤喉。咕嚕鳳梨黑毛豬肉 $198是店方名物，以黑毛豬取代普通肉排，成件事變得更高級，黑毛豬索曬咕嚕汁，味道酸甜適中，肉質又夠稔，仲食到新鮮菠蘿，令成個菜level up。看看客人表情也知道他相當滿意。