餃掂手工餃子雲吞專門店

营业中

休息中

經過灣仔電車路，見到門口放咗好多明星名人嘅相，又標榜手工餃子，一查之下發現呢間餐廳原來都幾出名，餐廳牆壁上亦掛上天下第一餃的牌匾，便試吓。龍鳳松茸餃跟狀元九鼎湯係呢度出名嘅特色餃子之一，狀元九鼎湯似係老火湯，味道濃郁，唔會太鹹應該冇落味精。咬開餃子感覺震震松茸香氣湧上嚟，呢個配搭做餃子都幾特別。元貝豬肉煎餃，外皮煎得脆及保持到餃子內的湯汁，食落有少少蝦乾味，零舍香口。壽喜燒牛肉餃標榜鮮牛肉，食落去牛肉嫩滑，有少少似山竹牛肉的口感及味道。韭菜豬肉餃係最傳統餃子之一，水準合格。雲吞湯麵，雲吞比餃子細隻一半size，但咬落肉質結實，一口一隻豪爽地食。龍鳳蛋配黑白松露醬，似日式半熟溜心蛋，黑松露醬比較香濃及夾。

最近疫情反覆嚴峻，好遺憾，第二波搶蛋搶米潮又再出現，超級市場的白米雞蛋又再被極速掃清。一來香港食米雞蛋供應充足，希望大家不要自亂陣腳。二來香港飲食百花齊放，除了米食主糧，還有很多既飽肚又美味的副食可供選擇。餃子就是其中一款廣受香港人歡迎的美食。今日正當人人撲米撲蛋時，我就安坐灣仔莊士敦道餃掂手工餃子雲吞專門店，享用特色餃子，懶加入搶米行列，不為社會在疫境中添煩添亂，順便支持香港經濟。餃掂手工餃子雲吞專門店位於灣仔莊士敦道44號地下，交通方便，佈置簡單整潔，環境舒適。餃掂有多款特色手工餃子、雲吞、面食、小食如皮蛋、雞翼、酸辣雲耳和手拍青瓜等供應。鎮店極品、山珍之皇的松茸餃當然是首選。叫了灼野生松茸素餃，餃子飽滿，餡料十足，絕不欺場。餃子入面包住唔少菜蔬同野生雲南松茸，口味新鮮，食得健康。淡香松茸，再蘸上自家製的菜甫豆豉醬和四川辣椒醬，更加惹味。吃完灼餃，再試煎餃。叫了推介的和風壽喜燒牛肉餃，煎餃同樣做得出色。外皮煎到金黃色，又脆又香。食落帶壽喜燒的甜味，搭配上新鮮嫩滑的牛肉，既有和風味道，又有中國煎餃特色，值得一試。再來全蛋宴，龍鳳蛋和黃金原味皮蛋。所謂龍鳳蛋其實係日式半熟蛋，龍鳳蛋上碟

見呢間餃掂有好幾間分店，今次過開海就試下，下午茶時間比較少人，唔洗等位啦😄店員好有禮貌，同其他熟客都有傾有講咁，幾舒服！一打開menu真係好多款餃，好難揀，見佢主打松茸餃，我地叫左松茸素餃，元貝豬肉餃，同一個煎既壽喜燒牛肉餃😂😂😂松茸餃係全素，不過口感都好好，香味都好突出，配埋辣菜蒲，我更加喜歡！而且餃子皮煙韌帶點厚度，剛好又唔會太粉！元貝豬肉餃有陣瑤柱味，甜甜地！另外都想推介山楂雪梨水，酸酸甜甜好開胃！

最近真係好小出街食飯，但作為餃子控的我，今日經過餃掂，真係忍唔住入去食，因為見到openrice的評價好，同埋開左甘耐都未食過。餐廳裝修簡潔，坐位闊落，所以除低口罩落食都算安心。餃子種類好多，除了一般的韭菜水餃，白菜餃等等，還有很多自創新式水餃，見到網上好多人推薦，至尊松茸豬肉餃 $79，點了一客煎的。一上台，已經聞到香味，是松茸菇，加埋松茸醬，還跟一碗製作湯，煎餃咬開，好多汁，放上松茸醬非常香口，完全唔覺得食緊餃子，因為是全新的口味，非常值得一試。元貝豬肉餃 $49 湯上元貝餃好大隻飽滿，元貝是貴價食材，咬開餃子見到一絲絲的元貝，足材雲耳椰菜豬肉餃$43 湯上第一感覺就是好清甜，椰菜本身甜味加埋雲耳得爽脆，呢個經典組合是我的最愛四川涼麵$30估唔到呢度有四川涼麵食，辣度適中，另配麻醬，可以俾你跟據自己口味調教上湯松茸時菜$32菜心略嫌價格偏貴整體食完都好滿足，還會繼續光顧，松茸餃很正，值得一試。

今日去咗灣仔做嘢經過呢間餃掂手工餃子專門店 見到好多人幫襯 於是就入去食下啦 入面裝修同普通茶餐廳 麵店都冇乜大分別 不過感覺比較衛生整潔至尊松茸豬肉餃配九鼎狀元湯 松茸嘅味道 非常香濃 而且配埋豬肉餡連食肉獸都唔抗拒 令到肉味更上一層樓 九鼎狀元湯 係用粉葛赤小豆鯪魚去煲成嘅湯 下火清甜 都市人啱曬香煎軟心芝士餃 餃子皮非常香口而且唔油膩芝士味香濃 仲有拉芝嘅效果蜜糖雞翼 甜甜蜜蜜嘅鹵水雞翼 炆度又淋又入味大滿貫素餃 素餃嘅材料有 菇菌 菜苗同瓜清清地又有咬口 想清清腸胃嘅朋友仔不妨一試

自從第一次朋友帶我來呢度食完餃子之後，我就開始期待第二次第三次來食啦，今次喺我自己來食餃子，點咗一個大白菜豬肉餃帶湯嘅仲有上次冇食到嘅韭菜豬肉煎餃。煎餃煎得好靚，整碟金燦燦咁，韭菜豬肉餡太好食，鹹度適中，加少少辣醬更加提味好正！白菜豬肉餡都喺好味，湯底好好飲，冇添加味精非常自然好味。

叫咗韭菜餃、粟米餃、重慶雲吞、龍鳳蛋、皮蛋⋯結論係⋯ 韭菜餃、粟米餃好好食⋯ 其餘果三樣😩重慶雲吞 - 個湯淡無可淡龍鳳蛋 - 熟咗九成一啲都唔溏心，而且個蛋味道好甜，怪怪地皮蛋 - 𠺪到不得了⋯ 唔可以叫難食，因為淨係切開佢加啲蔥花同豉油醋 🤣🤣🤣

今日上完堂，同D朋友仔話要食，有人話想食餃子，所以就嚟到呢一間餃子嘅專門店。唔知道原來呢一度都有開到新分店今日上完堂，同D朋友仔話要食，有人話想食餃子，所以就嚟到呢一間餃子嘅專門店。唔知道原來呢一度都有開到分店，我好耐之前食過第二間。呢度就主打松露餃子，我哋兩邊就叫咗炸餃子同埋元貝同埋韭菜嘅湯餃子，各有特色。不過我自己本身都鍾意食黑松露，所以我都係覺得黑松露好食啲, 不過有啲朋友就覺得韭菜餃好食啲另外我哋都叫咗一啲小食，包括菜同埋青瓜，仲有兩碗添，真係夠晒飽，仲有一個特別嘅飲品，雪梨茶，佢哋係自家製，所以感覺特別健康同埋足料見其他人都係要差唔多嘅餸菜，如果下次可以試吓其他

今日係灣仔尋覓義工當天送出的小禮品，另一義工走到攰，想食點東西，我們索性多逛一會，到六時便可當晚餐食。友人肚餓先叫了小吃，回味手拍青瓜，青爽，辣味，還有頗嗆的酸味，吃得滋味。再來唐芹豆荀，唐芹很香，豆荀豆味一般，有咬口，切再幼一點口感會更皆。再點了龍鳳松茸雙灼餃跟湯，因至尊松茸豬肉餃賣晒，下次要試試。湯沒味精，有鮮甜濃郁味，而且不鹹，有粉葛，鯪魚鰂魚，紅蘿蔔，陳皮 .... ；餃子分別係黑松露與白松露餃，我每款食了一件，肉包滿，皮薄松露香，黑白松露加在餃子中，確實是曾添不少香濃味，有水準！我點了韭菜煎餃，自我發現他的煎餃煎得不錯，這份就要煎餃子啦！韭菜香濃，肉質嫩，皮薄又脆口👍。再點埋重慶鮮肉雲吞，小粒的餃子，肉厚，一粒一口。最後才點自家製山渣雪梨水，吃完邊喝邊討論應選購哪些小禮物，原味的雪梨與山渣，微酸解膩，不錯喎！

聽聞太子一家餃子店提供松茸豬肉餃子，味道非常出色，店內有多款不同特色的餃子，全都是人手包製。原來灣仔也有一家分店，跟友人到灣仔辦年貨後經過，正好可吃一頓餃子了。當然要點松茸豬肉餃（12隻 $105)，又想試狀元九鼎湯，就點灼餃吧。那再點一味煎餃，就點另一特色，元貝豬肉煎餃 （10隻 $64）。店子也提供多款小食，黃金皮蛋 $28，早利亞只在私房菜吃過，這兒的蛋白比較有質感，配酸辣醬油也頗醒胃，惹味唐芹伴豆荀 $32 樣子不辣，但入口方知辣味多層次，味道香辣但口感清爽，不禁一口接一口。不久，店員送上至尊松茸豬肉餃，先來一口狀元九鼎湯，粉葛、鯪魚、鰂魚、扁豆、赤小豆、排骨等多種材料煲成，入口鮮甜，沒有味精感覺，像飲家常湯，少鹽少油，很舒服，店子指此湯溫腎益氣、養顏保健，那真的要飲多兩啖。而用上雲南野生松茸及新鮮豬肉的餃子，松茸獨特味道芳香濃郁，餃皮厚薄剛好，有咬口而不過厚，美味可口。煎餃賣相相當吸引，金黃脆身，充滿肉汁，很有水準。最後四川涼麵$30，先拌勻碟上的香麻醬，喜歡的可加芝麻醬，若果喜歡辣的朋友亦可加枱上提供的自家製四川辣椒醬，更加惹味。感覺味蕾刺激，不妨點一杯自家製山楂雪梨水 $

作為餃子控 今日嚟到灣仔覓食 見到新開嘅一間餃子店 仲有蔡瀾推薦添！ 應該唔會差得去邊吧！果然冇失望！坐低睇menu 有唔少特色餃子 新野當然試下我地就叫左碗至尊松茸豬肉餃(大) 有12隻松茸味非常濃郁 食落亦十分香口另外我地仲叫左元貝豬肉餃 (中) 有7隻元貝餡料十足 非常有口感 正！餃子之外 我地亦叫左蜜餞雞翼 酸酸甜甜 十分開胃呢到亦有得叫 山楂雪梨水飲落非常清甜 飲得出係自家制 好味！餃掂真係非常掂！總括而言 各款餃子 餡料十足 每隻都脹卜卜！ 最重要係冇味精！(非常重要) 下次一定會再幫襯！

今日放咗工之後屋企冇飯食，諗住求其喺條街度食啲嘢之後返屋企，咁岩就搵到呢間超抵食嘅餃子小店，啱晒隨便食完就走嘅我。睇完個目錄之後原來佢都有幾間分店，但係就唔算好多嘅。對於小店嘅環境來講，佢嘅位已經唔算好迫，都幾舒服嘅。第一道小食叫咗個黃金皮蛋，其實係有啲鹹蛋黃喺個皮蛋入面，幾夜魅。仲有啲麻辣云耳，用佢來開胃簡直係一流。呢啲係蜜餞雞翼，甜甜地嘅前菜。主角終於黎啦，呢個鴛鴦龍鳳餃，有黑松露亦都有白松露，呢個的好味程度係五個🔆另外再叫多個主食，雲吞麵，有成12粒咁多。飲埋杯雪梨水就非常之咁大滿足啦。

其實平時好鍾意食餃子，每個月都總係會想食下煎餃或者湯餃😍。因為真係好好味㗎。喺灣仔經過見到餃掂，因為見到佢個餃子款式好多所以就入咗嚟食啦😍🥺🥺😍😍😍當然一定會叫我最鍾意嘅韭菜餃啦，我哋叫咗雙拼雲耳椰菜餃。佢哋個煎出嚟嘅色水好靚，至於個餡料一啲都唔馬虎嫁。至於佢哋今日嘅湯都好好飲🤩另外叫咗湯餃，分別係元貝餃，同埋佢哋嘅龍鳳松茸餃。真係好出色喎🥰🥰， 咬落去你哋會見到黑色嘅黑松露。咩都唔會過龍搶晒肉既味道另外仲叫咗佢哋嘅涼麵同埋皮蛋都好好食

Went to this place for the first timeReally like the soup dumplings Soup is free and really rich in flavourGood for health if you don have the chance to have soup very often Love the green cucumber tooVery crunchy and rich in spiceDumplings are a bit oily if you pick the pan fried ones

餃子皮薄餡靚呢間鋪頭買嘅餃子雖然冇出面嘅款式咁多但係基本上佢每種餃子餡都好味好新鮮蔬菜款都好鮮甜感覺識落好健康值得一試特別係餃子愛好者唯一唔好就係一份餃子食唔飽加多一份又食唔晒所以最好就係兩個人食三份