韓國釜山海鮮鍋

疫後成為韓迷嘅會計小姐牛一，慶生要食韓國菜，上星期就由佢揀咗去試「韓國釜山海鮮鍋」。樓上餐廳佔用面積全層，睇落個門口好似好細咁。真係估唔到個單位入面都幾大，光亮嘅用餐大堂分開咗兩個區域，散座與散座間有充足嘅活動空間。白色牆上貼滿韓國地圖、韓劇海報、韓星廣告等，睇到壽星女不知幾開心。嘻嘻，童心未泯嘅XO仔反而覺得扒緊牆牆嘅蟹仔得意啲！二人被安排入座最中間嘅四人枱。餐桌上擺有齊備嘅自用餐具、乾濕紙巾、廚具等，另外每二人都有個爐頭，衛生企理。電子落單流程方便快捷。底面兩頁餐牌中韓對照，並附有彩圖參考，簡單易明。點好菜，姐姐仔迅即呈上無限添加嘅三款韓式前菜，當中個人最愛清新爽脆嘅蘿蔔片。同事口味不同，較為欣賞厚潤嘅海帶同酸辣嘅泡菜。韓國紫菜燒魚皮（$68）：新鮮燒製嘅魚皮熱辣辣，咬落脆卜卜，好似薯片咁巧薄，香口惹味，送酒一流，必吃推介也！韓國釜山海鮮鍋（$398/二人份）：姐姐仔放低個鍋時講明要煲多一陣，等湯滾先可以開始食。一滾起先飲咗碗湯，湯底鮮濃少辣，飲完仲有得添，冇錯，係加湯而唔係加水，所以絕對要加分！除咗舖面橙亮鮮艷嘅蟹蟹同韓國虎蝦之外，鍋中仲有多款海材，包括原隻爽脆彈牙嘅釜山魷魚，大隻到要剪開先食得架！其餘成雙成對嘅有Q彈嘅釜山鮑魚。外型脹卜卜，食落肥潤鮮甜嘅釜山元貝。鮮嫩飽滿嘅釜山青口。甜美多汁嘅釜山白蜆。銅鑼灣樓上餐廳「韓國釜山海鮮鍋」開揚闊落，服務生友善且效率高，現以優惠價推廣嘅招牌「韓國釜山海鮮鍋」足料抵食，有心食肆值得一試。…查看更多

環境5分：樓上餐廳成層咁大，有房有獨立空間，四周圍都有好多懷舊韓星poster，D枱隔得好開，一Ｄ都唔迫，飲品自己有兩個雪櫃，環境可以畀五分。衛生5分：枱面有煮食餐具，紙巾盒，濕紙巾，牙籤，乾淨企理畀五分。服務5分：電子落單簡單快捷，侍應生加湯快手，主動調整火速，爽手唔囉唆，老闆好客到請我地食小食，態度熱誠，滿硬分。味道5分：1)  埋位即有三款任添嘅前菜，海帶，泡菜同蘿蔔，本人最愛就係海帶，又好味又健康。2)  大大枝Hoegaarden$45銅鑼灣區算抵飲。3)  老闆好傾到送左碟熱辣辣，脆卜卜嘅燒魚皮比我地送酒，就咁食或者點湯都咁好食。4)  韓國釜山海鮮鍋入面有超級多海鮮好多料，絕對有資格叫做海鮮鍋，因為實在太多，包括成隻又嫩又鮮甜嘅大蟹，兩隻爽彈嘅韓國虎蝦，好鮮嘅韓國元貝，成半打冇沙又好鮮甜嘅釜山白蜆，有咬口又煙韌嘅釜山鮑魚，連吸咀嘅釜山魷魚，好新鮮嘅釜山青口，細粒但爽脆嘅韓國小墨魚，好彈嘅蝦丸同魚丸，蔬菜類仲有爽甜嘅粟米，娃娃菜同金菇。5)    飲多兩杯再送埋國民拉麵，好客到呢，臨走再飲多枝。抵食5分：埋單每人竟然三百蚊有找，大大煲海鮮鍋，又有啤酒，非常滿足嘅晚上，抵食畀硬滿分。…查看更多

# 【食評】銅鑼灣樓上韓式火鍋懷舊小店 —— 釜山海鮮鍋大滿足 銅鑼灣成日都有好多樓上餐廳，今次就專登上謝斐道二樓，搵到呢間新開嘅 **韓式釜山火鍋小店**。地方唔算大，但一入去就覺得有種懷舊溫馨嘅氛圍，真係好似返到韓國街頭小店咁。閑日去冇乜人，環境夠靜，坐得舒服，店員仲好親切咁介紹餐牌，感覺就好似係去朋友屋企食飯咁。 ---## 🦀 釜山海鮮鍋（二人份 $398） 全晚嘅亮點，一鍋上枱真係好豐盛： - **海鮮用料**：鮑魚、花蟹、海蝦、魷魚、八爪魚、青口、蜆，全部新鮮足料； - **花蟹**：特別大隻，蟹膏飽滿，味道鮮甜； - **湯底**：韓式清甜帶微辣，愈滾愈清香，吸收晒海鮮精華，好好飲； - **蔬菜底料**：入面有粟米、白菜等等，煮耐咗吸晒湯，食落特別入味； - **韓式拉麵最後收尾**：勁正！拉麵掛滿海鮮湯底，加埋粟米同蔬菜，簡直完美。 以$398計，二人份量又咁多海鮮，CP值極高。 ---## 🍗 韓國蜂蜜炸雞（半隻） - **即叫即炸**：外皮香脆，內裏肉質嫩滑； - **醬汁**：用咗柚子蜂蜜調味，甜中帶果香，幾清新； - 半隻分量唔少，兩個人share啱啱好，配埋火鍋湯底一齊落樓下食，完全唔覺膩。 ---## 🥤 飲品 & 甜品 - 飲品價錢親民，店員推介咗啲特飲，幾抵飲。 - 最後仲送咗一客 **椰汁雪燕糖水**：冰涼解渴，入口即時清爽，椰汁香味濃郁。小小心意但好加分。 ---## 🎤 小店特色 - 餐廳雖然係樓上鋪，但感覺家庭式經營，親切有人情味； - 店員仲透露有**小包房＋卡拉OK設備**，好啱一班朋友邊打邊唱，氣氛即刻升級； - 空間雖細，但更容易突顯服務同用料嘅心思。 ---## 💰 總結 **呢間銅鑼灣樓上韓式火鍋小店** 真係一個驚喜： - 海鮮新鮮夠份量，$398二人鍋物超所值； - 雞翼、炸雞小食同火鍋一齊食，真係韓味滿滿； - 免費糖水、親切服務，細節做到足。 👉 **推介指數：★★★★☆（4.5/5）** 📌 必試：**釜山海鮮鍋＋蜂蜜炸雞** 希望小店可以繼續保持食材新鮮同良好服務，唔會因為係樓上舖而被忽視，長長久久留住熟客。 ---…查看更多

喺銅鑼灣搵到間上樓韓國家庭式餐廳一開𨋢門見到完全係好似韓劇嘅場景😂除咗天花板有好多韓式旗幟😆😆😆牆身仲有好多韓劇海報😂😂😂踏入餐廳隨即迎來超強烈嘅海鮮味😌食慾即刻被呼喚😂今晚兩個人嗌咗個二人份極品海蟹海鮮鍋（小）$398 一打開發現都幾足料你諗得出嘅海鮮都有蝦蟹八爪魚魷魚鮑魚扇貝青口蜆⋯下面仲有好多蔬菜架～娃娃菜金菇粟米⋯仲有幾粒廢丸（可以拿走😂）老實講，一開始覺得個湯底有啲淡呢件事真係越食越有味 最後個湯底真係鮮甜到不得了所以忍唔住都要落個麵🤭簡直係人間極品😌我見Menu仲有其他韓國食品例如係炸雞、煎餅、炒年糕等等不過因為太飽了唯有下次叫多啲人先再嚟試啦😆值得一提係～佢有免費嘅紙巾提供🥲呢樣嘢真係超級細心🥹（而家好多餐廳紙巾都要收錢🥲特別係知你一定會用紙巾嘅餐廳🥲）你一定會用到的😆😆😆😆 #japjapjaptheworld…查看更多

今次同朋友殺上銅鑼灣呢間韓式海鮮鍋專門店，一入門已經聞到超香嘅辣湯味，即刻口水流！主角極品海蟹海鮮鍋真係無得頂！原隻大海蟹霸氣登場，仲跟足一大堆海鮮——大蝦、青口、蜆、魷魚、扇貝，鋪到成個鍋滿瀉！個湯底係正宗釜山風味，辣得嚟好順喉，仲有陣陣蒜香同泡菜發酵嘅酸香，越滾越濃郁。隻海蟹真係不得了，蟹蓋裡面爆膏爆到癲！蟹肉吸收晒辣湯精華，啖啖肉又鮮甜，食到lam lam脷～其他海鮮一樣高質，大蝦爽彈、蜆肉飽滿冇沙，最正係個湯底煮到最後，精華全部鎖喺海鮮裡面，每啖都係大海嘅味道！食到差唔多，店員會用個湯底幫你炒飯，加入紫菜、泡菜同芝士，撈勻之後變成邪惡到爆嘅拉絲炒飯，香辣惹味，飽到捧住個肚都忍唔住清晒！…查看更多

位於銅鑼灣鬧市的海鮮專門店，是一家隱藏於繁華中的美食寶藏。這次專程到訪，不僅被其豐富的海鮮種類與高性價比所吸引，更因細緻的服務和招牌菜「炸魚皮」而留下深刻印象。一踏入餐廳，撲面而來的海洋氣息與明亮整潔的環境瞬間讓人放鬆。店內水缸中養殖著多款生猛海鮮，從龍蝦、螃蟹到貝類應有盡有，選擇多元且價格透明，對比銅鑼灣地段來說十分合理。服務員態度親切，主動介紹時令食材和烹調方式，讓人倍感貼心。首推必點招牌「炸魚皮」，這道看似簡單的小食卻展現出師傅的功力。魚皮炸得金黃酥脆，厚度適中，入口時「咔嚓」聲不絕於耳，卻毫不油膩。輕蘸附上的特製醬料，鹹香中帶微辣，更突顯魚皮的鮮味，讓人一口接一口停不下來。這道菜不僅是佐酒良伴，更成為整餐的亮點，絕對值得專程為它而來。海鮮部分，蟹料理尤其出色。這次選擇了避風塘炒蟹，蟹肉飽滿鮮甜，外層裹上蒜酥與辣椒，香氣四溢且鑊氣十足。醬汁濃淡得宜，沒有掩蓋蟹的原味，反而提升層次感。除了蟹，其他海鮮如清蒸海斑、椒鹽瀨尿蝦也表現不俗，食材新鮮度無可挑剔，烹調手法保留原汁原味，價格卻比預期中親民。整體而言，這家餐廳在味道、價錢與服務之間取得完美平衡能享受高品質海鮮盛宴，在銅鑼灣實屬難得。無論是朋友聚餐或家庭聚會，這裡都是值得一再回訪的選擇。若你熱愛海鮮，又追求性價比，不妨來此一試，相信炸魚皮與蟹料理會讓你驚喜連連！…查看更多

約咗朋友去銅鑼灣搵食，行過謝斐道見到「韓國釜山海鮮鍋」，一於入去試下！雖然門面唔算好華麗，但坐低之後覺得幾有韓式小店嘅感覺，仲有得不停refill嘅小菜。今次試咗幾樣嘢，個海蟹海鮮鍋（細鍋）真心唔錯，湯底係甜辣風味，飲落好暖胃，而且海蟹份量比我想像中多，肉質鮮甜。我八卦到原來佢哋母公司係專做海鮮生意，難怪啲海鮮落鍋煮完都仲keep到鮮味。另外一定要讚個蠔餅！煎得金黃色，食落外皮脆脆哋，裡面嘅蠔份量十足，點埋佢哋特製醬汁，真係忍唔住一口接一口。最驚喜係店家免費送咗個韓國拉麵同炸魚皮，雖然係贈品但一啲都唔馬虎，煮得剛剛好，索晒啲海鮮湯精華。服務方面都幾好，店員好有笑容，會主動同你溝通，令人食得幾舒服。今次兩個人食咗六百幾，以咁多海鮮同埋銅鑼灣地段來講，算係合理價錢。如果想同朋友食個舒服嘅韓國海鮮餐，我會推薦呢度！…查看更多

琴晚同個friend去咗銅鑼灣謝斐道嘅「韓國釜山海鮮鍋」試吓，雖然間舖頭唔算好豪華，裝修簡單樸實，但一入去就覺得好有韓國feel，坐得都幾舒服。我哋兩個人叫咗個極品海蟹海鮮鍋（細），個湯底係甜辣海鮮湯，一上枱已經聞到好香。聽店員講，餐廳嘅母公司仲係專門做蒸海鮮嘅，所以啲海鮮來源好可靠， 食落口果然係新鮮，海蟹肉質結實，個湯底濃郁得嚟唔會太鹹，辣辣哋幾開胃。鮑魚同蝦都好新鮮！另外仲叫咗個蠔仔蔥煎餅，煎得啱啱好，外脆內軟，蔥同蠔肉嘅份量都足，食落好香口。值得一讚係店員嘅服務態度真係幾好， 好細心又成日幫手加茶，完全冇hea做。埋單$657，以海鮮鍋嚟講算合理，尤其是喺銅鑼灣呢個地段。整體嚟講，呢間係一間唔錯嘅韓國小店，如果想食吓海鮮鍋同煎餅，我會再嚟幫襯！…查看更多

有一段時間沒有吃韓國菜，剛好這幾天天氣轉涼，就約了朋友去吃韓國海鮮鍋。這次選擇了位於銅鑼灣的韓國釜山海鮮鍋，地址方便，容易搵。我們預約了7:00pm，到達後職員直接帶我們入座，環境乾淨舒適，職員也非常友善，坐低之後，職員隨即送上3款韓式前菜，味道都不錯。我和朋友都想吃海鮮，所以點了淺海大章魚海鮮鍋（小）。雖然係小鍋，但非常足夠兩個人吃。鍋裡有各式各樣的海鮮：八爪魚、海虎蝦、鮑魚、青口、白蜆等等。八爪魚非常鮮脆，而且係一整條，煮熟後職員會幫忙剪開。海虎蝦新鮮，肉質爽口。雖然是海鮮鍋，但湯底一點也不腥，非常清甜。建議在吃海鮮前，先試一下湯，湯底沒有加味精，只用少量鹽調味。除了海鮮鍋，我們還點了韓國柚子蜜炸雞，每塊炸雞都沾滿柚子蜜，吃起來一點也不膩。如果喜歡吃炸雞，可以試試他們的柚子蜜炸雞。最後餐廳還送上椰汁燕窩甜品，非常滿足。整體食物質素好，環境企理，建議大家可以黎試試他們的海鮮鍋。…查看更多

香港人近年都好中意去韓國，吾系單單首爾，都多女仔中意去釜山同埋濟州，銅鑼灣原來有一間餐廳就系海鮮鍋專門店，吾洗飛去韓國都食到韓國風味🇰🇷🍲 極品海蟹海鮮鍋（小） $398韓國人十分中意食海鮮鍋，一於試吓佢地嘅海蟹海鮮鍋，裡面海鮮種類十分多，有帶子，蜆肉，青口，大蝦，鮑魚，魷魚，香箱蟹。帶子，蜆肉，青口，鮑魚均屬貝殼類食品，做到冇沙，同時亦好新鮮👍🏼魷魚爽口彈牙🦑香箱蟹蟹肉清甜🦀老闆介紹唔係每一季都有，顯得更加珍貴。…查看更多

我自己一向中意食韓國菜，但香港黎講韓國菜性價比通常比較低，今次呢間係冇令人失望。店舖貼滿唔同懷舊主題嘅海報同旗子，令人真係置身於韓國一樣。我地2人叫左細嘅八爪魚海鮮鍋同半份柚子炸雞。八爪魚鍋一上枱份量多到嚇親我地。除咗有一大隻八爪魚外，原來仲有其他海鮮，例如大蝦、青口、鮑魚、扇貝同硯等。所以等滾左之後，海鮮嘅鮮味出曬黎，令鍋入面嘅蔬菜類索曬湯嘅精華，更加好味眾多海鮮之中，最好味的是大蝦同八爪魚，好鮮同彈牙；而且湯底飲得出冇咩味精，因為飲完唔頸渴至於柚子炸雞原本我地都抱不大嘅期望去試，但非常有驚喜！炸雞因為真係即叫即炸，外皮好香脆，而且係採用左韓國柚子醬，解去炸雞嘅油膩感，所以我地清曬成碟另一樣值得一提嘅係，店員服務態度也很好。除咗會問客人需唔需要影相、為你剪海鮮等你方便食，甚至會問你夠唔夠飽最後仲會提供埋甜品添！…查看更多

銅鑼灣樓上韓國餐廳專食釜山海鮮鍋餐廳裝潢簡約舒服牆上貼滿海報有種置身於釜山既感覺！釜山海鮮鍋 $398 （二人份量）湯底以海鮮、鯷魚、海帶熬煮而成，特別清甜！鍋滾後，先飲碗熱湯，成個人即刻暖笠笠🤤！海鮮鍋放滿唔同既海鮮，有香箱蟹、虎蝦、元貝、白蜆、鮑魚、魷魚、青口、小墨魚、魚丸、蝦丸、蔬菜等，非常澎湃。依加正值香箱蟹季節，肉質清甜，蟹膏味道濃郁！魷魚、鮑魚爽口彈牙。蜆清甜冇沙！食到最尾，我地加左公仔麵落鍋煮，吸收湯底所有精華，味道非常濃郁！…查看更多

今日同friend去咗呢間「韓國釜山海鮮鍋」食海鮮，間舖頭唔算好大，但裝修幾有韓國feel，牆身貼滿韓國海報，坐低都幾舒服。啲伙記幾好笑容，一坐低就送上幾碟前菜！我哋2個人，叫咗個細嘅釜山海鮮鍋，再加個韓國柚子蜂蜜炸雞（半隻）同埋白飯。個海鮮鍋一上枱，成個小山峰咁，鋪滿晒唔同嘅海鮮：有大大隻嘅鮑魚、青口、大蜆、蝦！個湯底係用咗韓式辣醬做基底，但唔會死辣，反而飲到海鮮煲出嚟嘅鮮甜味。啲海鮮全部都好新鮮，大蝦肉質結實，鮑魚爽口，最正係啲大蜆，一啖食落去成口海水鮮味，正到震！個鍋底仲有啲索盡精華嘅韓式粉絲同蔬菜，撈埋啲辣湯同白飯一齊食，真係「冇得頂」！至於個柚子蜂蜜炸雞，絕對係驚喜之作！炸雞外皮脆，入面啲雞肉依然保持到肉汁，一啲都唔「鞋」口。個醬汁調得恰到好處，柚子嘅清香同蜂蜜嘅微甜完美平衡，食落好開胃，完全唔覺油膩，半隻好快就比我哋清晒！…查看更多

銅鑼灣食飯，不異之選，第三次嘗試，水準仍然一樣。今次只得2個人食飯，左諗右諗，都是叫百食不厭的海鮮鍋，同埋炸雞。老闆好好，見我們人少，容許我們叫2樣口味的炸雞，好友最喜歡是柚子味的，甜甜的，好香的柚子味；我就係愛芝味的炸雞🍗，濃而不膩。海鮮鍋🍵出場啦😋，先飲飲湯，無味精😋清甜，飲左唔口渴。鍋中的才料也少，足夠2人分量。有蝦🍤、蟹🦀蜆、鮑魚、帶子，蔬菜等。下次要再來，煎餅和魚皮都好好味，人少未能叫。…查看更多

慶祝生日不一定要食蛋糕，吃美味的海鮮鍋和炸雞🍗也是不錯的選擇。我喜歡他們的炸雞，有柚子和芝士味，正👍脆，唔油膩，少炸粉😋另一個欣賞是海鮮火鍋，蝦脆，蟹有膏，湯鮮甜，無味精。👍價錢在銅鑼灣地段，相當合宜，每都是$2xx好抵食。欣賞廚師是來自韓國，對食物有要求，一絲不苟。餐廳也適合包場，KTV都有，雖然歌曲舊少少，但對於我都足夠有如。小組聚餐，非常合適。銅鑼灣不異之選，近地鐵站，集合或分散都容易。…查看更多