韓國釜山海鮮鍋

疫后成为韩迷嘅会计小姐牛一，庆生要食韩国菜，上星期就由佢拣咗去试「韩国釜山海鲜锅」。楼上餐厅占用面积全层，睇落个门口好似好细咁。真系估唔到个单位入面都几大，光亮嘅用餐大堂分开咗两个区域，散座与散座间有充足嘅活动空间。白色墙上贴满韩国地图、韩剧海报、韩星广告等，睇到寿星女不知几开心。嘻嘻，童心未泯嘅XO仔反而觉得扒紧墙墙嘅蟹仔得意啲！二人被安排入座最中间嘅四人枱。餐桌上摆有齐备嘅自用餐具、干湿纸巾、厨具等，另外每二人都有个炉头，卫生企理。电子落单流程方便快捷。底面两页餐牌中韩对照，并附有彩图参考，简单易明。点好菜，姐姐仔迅即呈上无限添加嘅三款韩式前菜，当中个人最爱清新爽脆嘅萝卜片。同事口味不同，较为欣赏厚润嘅海带同酸辣嘅泡菜。韩国紫菜烧鱼皮（$68）：新鲜烧制嘅鱼皮热辣辣，咬落脆卜卜，好似薯片咁巧薄，香口惹味，送酒一流，必吃推介也！韩国釜山海鲜锅（$398/二人份）：姐姐仔放低个锅时讲明要煲多一阵，等汤滚先可以开始食。一滚起先饮咗碗汤，汤底鲜浓少辣，饮完仲有得添，冇错，系加汤而唔系加水，所以绝对要加分！除咗舖面橙亮鲜艳嘅蟹蟹同韩国虎虾之外，锅中仲有多款海材，包括原只爽脆弹牙嘅釜山鱿鱼，大只到要剪开先食得架！其余成双成对嘅有Q弹嘅釜山鲍鱼。外型胀卜卜，食落肥润鲜甜嘅釜山元贝。鲜嫩饱满嘅釜山青口。甜美多汁嘅釜山白蚬。铜锣湾楼上餐厅「韩国釜山海鲜锅」开扬阔落，服务生友善且效率高，现以优惠价推广嘅招牌「韩国釜山海鲜锅」足料抵食，有心食肆值得一试。…查看更多

环境5分：楼上餐厅成层咁大，有房有独立空间，四周围都有好多怀旧韩星poster，D枱隔得好开，一Ｄ都唔迫，饮品自己有两个雪柜，环境可以畀五分。卫生5分：枱面有煮食餐具，纸巾盒，湿纸巾，牙签，干净企理畀五分。服务5分：电子落单简单快捷，侍应生加汤快手，主动调整火速，爽手唔啰唆，老板好客到请我地食小食，态度热诚，满硬分。味道5分：1)  埋位即有三款任添嘅前菜，海带，泡菜同萝卜，本人最爱就系海带，又好味又健康。2)  大大枝Hoegaarden$45铜锣湾区算抵饮。3)  老板好倾到送左碟热辣辣，脆卜卜嘅烧鱼皮比我地送酒，就咁食或者点汤都咁好食。4)  韩国釜山海鲜锅入面有超级多海鲜好多料，绝对有资格叫做海鲜锅，因为实在太多，包括成只又嫩又鲜甜嘅大蟹，两只爽弹嘅韩国虎虾，好鲜嘅韩国元贝，成半打冇沙又好鲜甜嘅釜山白蚬，有咬口又烟韧嘅釜山鲍鱼，连吸咀嘅釜山鱿鱼，好新鲜嘅釜山青口，细粒但爽脆嘅韩国小墨鱼，好弹嘅虾丸同鱼丸，蔬菜类仲有爽甜嘅粟米，娃娃菜同金菇。5)    饮多两杯再送埋国民拉面，好客到呢，临走再饮多枝。抵食5分：埋单每人竟然三百蚊有找，大大煲海鲜锅，又有啤酒，非常满足嘅晚上，抵食畀硬满分。…查看更多

# 【食评】铜锣湾楼上韩式火锅怀旧小店 —— 釜山海鲜锅大满足 铜锣湾成日都有好多楼上餐厅，今次就专登上谢斐道二楼，揾到呢间新开嘅 **韩式釜山火锅小店**。地方唔算大，但一入去就觉得有种怀旧温馨嘅氛围，真系好似返到韩国街头小店咁。闲日去冇乜人，环境够静，坐得舒服，店员仲好亲切咁介绍餐牌，感觉就好似系去朋友屋企食饭咁。 ---## 🦀 釜山海鲜锅（二人份 $398） 全晚嘅亮点，一锅上枱真系好丰盛： - **海鲜用料**：鲍鱼、花蟹、海虾、鱿鱼、八爪鱼、青口、蚬，全部新鲜足料； - **花蟹**：特别大只，蟹膏饱满，味道鲜甜； - **汤底**：韩式清甜带微辣，愈滚愈清香，吸收晒海鲜精华，好好饮； - **蔬菜底料**：入面有粟米、白菜等等，煮耐咗吸晒汤，食落特别入味； - **韩式拉面最后收尾**：劲正！拉面挂满海鲜汤底，加埋粟米同蔬菜，简直完美。 以$398计，二人份量又咁多海鲜，CP值极高。 ---## 🍗 韩国蜂蜜炸鸡（半只） - **即叫即炸**：外皮香脆，内里肉质嫩滑； - **酱汁**：用咗柚子蜂蜜调味，甜中带果香，几清新； - 半只分量唔少，两个人share啱啱好，配埋火锅汤底一齐落楼下食，完全唔觉腻。 ---## 🥤 饮品 & 甜品 - 饮品价钱亲民，店员推介咗啲特饮，几抵饮。 - 最后仲送咗一客 **椰汁雪燕糖水**：冰凉解渴，入口即时清爽，椰汁香味浓郁。小小心意但好加分。 ---## 🎤 小店特色 - 餐厅虽然系楼上铺，但感觉家庭式经营，亲切有人情味； - 店员仲透露有**小包房＋卡拉OK设备**，好啱一班朋友边打边唱，气氛即刻升级； - 空间虽细，但更容易突显服务同用料嘅心思。 ---## 💰 总结 **呢间铜锣湾楼上韩式火锅小店** 真系一个惊喜： - 海鲜新鲜够份量，$398二人锅物超所值； - 鸡翼、炸鸡小食同火锅一齐食，真系韩味满满； - 免费糖水、亲切服务，细节做到足。 👉 **推介指数：★★★★☆（4.5/5）** 📌 必试：**釜山海鲜锅＋蜂蜜炸鸡** 希望小店可以继续保持食材新鲜同良好服务，唔会因为系楼上舖而被忽视，长长久久留住熟客。 ---…查看更多

喺铜锣湾揾到间上楼韩国家庭式餐厅一开䢂门见到完全系好似韩剧嘅场景😂除咗天花板有好多韩式旗帜😆😆😆墙身仲有好多韩剧海报😂😂😂踏入餐厅随即迎来超强烈嘅海鲜味😌食欲即刻被呼唤😂今晚两个人嗌咗个二人份极品海蟹海鲜锅（小）$398 一打开发现都几足料你谂得出嘅海鲜都有虾蟹八爪鱼鱿鱼鲍鱼扇贝青口蚬⋯下面仲有好多蔬菜架～娃娃菜金菇粟米⋯仲有几粒废丸（可以拿走😂）老实讲，一开始觉得个汤底有啲淡呢件事真系越食越有味 最后个汤底真系鲜甜到不得了所以忍唔住都要落个面🤭简直系人间极品😌我见Menu仲有其他韩国食品例如系炸鸡、煎饼、炒年糕等等不过因为太饱了唯有下次叫多啲人先再嚟试啦😆值得一提系～佢有免费嘅纸巾提供🥲呢样嘢真系超级细心🥹（而家好多餐厅纸巾都要收钱🥲特别系知你一定会用纸巾嘅餐厅🥲）你一定会用到的😆😆😆😆 #japjapjaptheworld…查看更多

今次同朋友杀上铜锣湾呢间韩式海鲜锅专门店，一入门已经闻到超香嘅辣汤味，即刻口水流！主角极品海蟹海鲜锅真系无得顶！原只大海蟹霸气登场，仲跟足一大堆海鲜——大虾、青口、蚬、鱿鱼、扇贝，铺到成个锅满泻！个汤底系正宗釜山风味，辣得嚟好顺喉，仲有阵阵蒜香同泡菜发酵嘅酸香，越滚越浓郁。只海蟹真系不得了，蟹盖里面爆膏爆到癫！蟹肉吸收晒辣汤精华，啖啖肉又鲜甜，食到lam lam脷～其他海鲜一样高质，大虾爽弹、蚬肉饱满冇沙，最正系个汤底煮到最后，精华全部锁喺海鲜里面，每啖都系大海嘅味道！食到差唔多，店员会用个汤底帮你炒饭，加入紫菜、泡菜同芝士，捞匀之后变成邪恶到爆嘅拉丝炒饭，香辣惹味，饱到捧住个肚都忍唔住清晒！…查看更多